एक व्यक्ति नबी (सल्लल्लाहु अलैहि वसल्लम) को सेवामा उपस्थित भए र सलाम अर्पण गर्दै भने: 'अस्सलामु अलैकुम।' नबी (सल्लल्लाहु अलैहि वसल्लम) ले उनको सलामको जवाफ दिनुभयो। त्यसपछि ती व्यक्ति त्यहीँ बसे। तब नबी (सल्लल्लाहु अलैहि वसल्लम) ले भन्नुभयो: 'दश'।

इमरान बिन हुसैन (रजियल्लाहु अन्हु) ले बयान गरेका छन्:

"एक व्यक्ति नबी (सल्लल्लाहु अलैहि वसल्लम) को सेवामा उपस्थित भए र सलाम अर्पण गर्दै भने: 'अस्सलामु अलैकुम।' नबी (सल्लल्लाहु अलैहि वसल्लम) ले उनको सलामको जवाफ दिनुभयो। त्यसपछि ती व्यक्ति त्यहीँ बसे। तब नबी (सल्लल्लाहु अलैहि वसल्लम) ले भन्नुभयो: 'दश (पुण्य)।' त्यसपछि अर्का व्यक्ति आए र उनले भने: 'अस्सलामु अलैकुम व रहमतुल्लाह।' नबी (सल्लल्लाहु अलैहि वसल्लम) ले उनको सलामको जवाफ दिनुभयो। तत्पश्चात् उनी बसे। तब उहाँले भन्नुभयो: 'बीस (पुण्य)।' त्यसपछि तेस्रो व्यक्ति आए र उनले भने: 'अस्सलामु अलैकुम व रहमतुल्लाहि व बरकातुह।' नबी (सल्लल्लाहु अलैहि वसल्लम) ले उनको सलामको जवाफ फर्काउनुभयो। त्यसपछि उनी पनि त्यहीँ बसे। नबी (सल्लल्लाहु अलैहि वसल्लम) ले भन्नुभयो: 'तीस (पुण्य)।'"

جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ فَقَالَ: السَّلَامُ عَلَيْكُمْ، فَرَدَّ عَلَيْهِ ثُمَّ جَلَسَ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «عَشْرٌ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ، فَرَدَّ عَلَيْهِ فَجَلَسَ، فَقَالَ: «عِشْرُونَ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ، فَرَدَّ عَلَيْهِ فَجَلَسَ، فَقَالَ: «ثَلَاثُونَ».

अबू दाऊद, तिर्मिजी, अहमद र दारमीले वर्णन गरेका छन्
हसन
व्याख्या

एकजना व्यक्ति नबी (सल्लल्लाहु अलैहि वसल्लम) कहाँ आए र भने: "अस्सलामु अलैकुम" । नबी (सल्लल्लाहु अलैहि वसल्लम) ले उनको सलामको जवाफ दिनुभयो। त्यसपछि उनी बसे। तब नबी (सल्लल्लाहु अलैहि वसल्लम) ले भन्नुभयो: यसका लागि दसवटा पुण्य लेखियो। त्यसपछि अर्का व्यक्ति आए र भने: "अस्सलामु अलैकुम व रहमतुल्लाह"। नबी (सल्लल्लाहु अलैहि वसल्लम) ले उनको सलामको पनि जवाफ दिनुभयो। त्यसपछि उनी बसे। तब नबी (सल्लल्लाहु अलैहि वसल्लम) ले भन्नुभयो: यसका लागि बीसवटा पुण्य लेखियो। त्यसपछि फेरि अर्का व्यक्ति आए र भने: "अस्सलामु अलैकुम व रहमतुल्लाहि व बरकातुहू" । नबी (सल्लल्लाहु अलैहि वसल्लम) ले उनको सलामको पनि जवाफ दिनुभयो। त्यसपछि उनी बसे। तब नबी (सल्लल्लाहु अलैहि वसल्लम) ले भन्नुभयो: यसका लागि तीसवटा पुण्य लेखियो। अर्थात्, सलाममा थपिने प्रत्येक शब्दका लागि थप दस-दसवटा पुण्य प्रदान गरिन्छ।

हदीसका केही फाइदाहरू

आउने व्यक्तिले बसिरहेकाहरूलाई पहिले सलाम गर्नुपर्छ।

सलामका शब्दहरूमा वृद्धि गर्नाले प्रतिफलमा वृद्धि हुन्छ।

सलाम गर्ने सबैभन्दा उत्तम तरिका: (अस्सलामु अलैकुम व रहमतुल्लाही व बरकातुहू) भन्नु हो, र त्यसको जवाफ फर्काउँदा सबैभन्दा उत्कृष्ट शैली: (व अलैकुमुस्सालामु व रहमतुल्लाही व बरकातुहू) भन्नु हो।

सलाम र त्यसको जवाफ दिने स्तरहरूमा भिन्नता हुन्छ, र यसको प्रतिफल पनि भिन्न-भिन्न हुन्छ ।

मानिसहरूलाई भलाइको शिक्षा दिनुपर्छ र उनीहरूलाई सर्वश्रेष्ठ कुरा प्राप्तिका लागि प्रेरित गर्नुपर्छ।

हाफिज इब्न हजरले भन्नुभएको छः "यदि सलामको प्रारम्भ गर्ने व्यक्तिले ‘वरहमतुल्लाह’ थप्यो भने, त्यसको प्रत्युत्तरमा ‘वबरकातुह’ थप्नु मुस्तहब हो। तर, यदि सलामको सुरुवात गर्ने व्यक्तिले नै ‘वबरकातुह’ सम्म पूरा गरेर सलाम गर्‍यो भने, के त्यसको जवाफ दिने व्यक्तिका लागि त्यसभन्दा पनि बढी शब्द थप्नु शरिअतअनुसार वैध छ? त्यसैगरी, के सलामको सुरुवात गर्ने व्यक्तिका लागि पनि ‘वबरकातुह’ भन्दा अगाडि बढेर थप शब्दहरू प्रयोग गर्नु शरिअतले मान्यता दिएको छ?” यस सन्दर्भमा इमाम मालिक (रहिमहुल्लाह) ले आफ्नो पुस्तक ‘मुवत्ता’ मा हजरत इब्न अब्बास (रदियल्लाहु अन्हुमा) बाट उल्लेख गर्नुभएको छ। उहाँले भन्नुभएको छः “सलामको शब्दहरूको अन्तिम सीमा ‘वबरकातुह’ सम्म हो।"

श्रोतहरू

सुनन अबी दाउद (7/ 491) (5195).

सुनन् तिर्मिजी (4/ 420) (2689).

मुस्नद अहमद (33/ 170) (19948).

थप (8)

كنوز رياض الصالحين.

لمجموعة من الباحثين (11/ 246).

بهجة الناظرين.

لسليم الهلالي (3/ 132).

نزهة المتقين.

لمجموعة من الباحثين (1/ 663).

شرح رياض الصالحين.

لابن عثيمين (4/ 399).

6 Books
थप (6)
All Cards