«B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã, t'a gilgd ne-a wala boang sẽn gilgd neerã
Yii a Ʋsaama ɭbn Zayd nengẽ (Wẽnd yard be a yĩnga) a yeelame: b yeel-a lame: f ka na n kẽ a ʿƲsmɑɑn nengẽ n gom ne-a? T'a yeele: yãmb tagsdame tɩ mam ka gom ne-a rẽndame tɩ mam kɩt tɩ yãmb wʋm lɑɑ? M wẽen ne Wẽnd sɩd- la hakɩɩka, mam goma ne-a, maam ne yẽ sʋka, tɩ pɑ tũ ne mɑm pak yell ning mam sẽn pɑ rɑt n na n yɩ rẽenem ned sẽn pak-a ye, lɑ mam ka yet ned sẽn yɑɑ maam taoor soabɑ: Tɩ yẽ n yɩɩd nebã ne sõmblem ye, mam sẽn wʋm Wẽnd Tẽn-tʋʋmã poorẽ (Wẽnd pʋʋsg la A tɩlgr be a yĩnga) t'a yetẽ:
«B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã, t'a gilgd ne-a wala boang sẽn gilgd neerã, tɩ Bugum koambã tigim a nengẽ, n yetẽ: Zagla! Yaa bõe n tar-fo? Fo rag n ka yɩ n sɑgend ne mɑnegre, lɑ f gɩdgd sẽn kisã? T'a yeel: n-yee, sɩd la hakɩɩka m da yɩɩme n sɑgend ne mɑnegre la m ka maand-a ye, lɑ m gɩdgd sẽn kisã, la m maand-a»
«يُؤْتَى بِالرَّجُلِ يَوْمَ الْقِيَامَةِ، فَيُلْقَى فِي النَّارِ، فَتَنْدَلِقُ أَقْتَابُ بَطْنِهِ، فَيَدُورُ بِهَا كَمَا يَدُورُ الْحِمَارُ بِالرَّحَى، فَيَجْتَمِعُ إِلَيْهِ أَهْلُ النَّارِ، فَيَقُولُونَ: يَا فُلَانُ مَا لَكَ؟ أَلَمْ تَكُنْ تَأْمُرُ بِالْمَعْرُوفِ، وَتَنْهَى عَنِ الْمُنْكَرِ؟ فَيَقُولُ: بَلَى، قَدْ كُنْتُ آمُرُ بِالْمَعْرُوفِ وَلَا آتِيهِ، وَأَنْهَى عَنِ الْمُنْكَرِ وَآتِيهِ».
B yeela a Ʋsaama ɭbn Zayd (Wẽnd yard be b yiibã yĩnga): f ka na n kẽ a ʿƲsmaan ɭbn ʿAffaan nengẽ (Wẽnd yard be a yĩnga), n gom ne-a yell ning sẽn yɩ nebã sʋkã, sẽn yaa Fɩtnã wã, la f modg n kiis-a a gillã, t'a yeel-b tɩ yẽnda goma ne-a ne solgre, n baood mɑnegre pɑ Fɩtnã wã widgr ye, yẽ raabã yaa t'a ka rat n vẽneg taoor-rãmbã kɩɩsg zãmã wã sʋk ye, tɩ woto wa yɩ sabab tɩ nebã paoog Nɑɑbã (ẖalɩɩfã wã) ye, bala yẽnda na n yɩɩ Fitnã la sãang ragnoore, a ka rat n yɩ pipi n pak-a ye. Rẽ poorẽ t'a Ʋsaama ɭbn Zayd yeele (Wẽnd yard be b yiibã yĩnga) t'a sagenda taoor-rãmbã ne solgre, la a ka belgd neda baa t'a yaa taoor-soaba, la a ka pẽgd-b ne zĩri b nengẽ ye, la woto yaa a sẽn wʋm Nabiyaamã (Wẽnd pʋʋsg la A tɩlgr be a yĩnga): B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã tao-tao, tʋʋlgã la nangã keelem, t'a gilgd ne yãadã halhaal-kãngã pʋgẽ Bugmẽ wã, wala boang sẽn gilgd ne neerã b sẽn werd zomã, tɩ Bugum koambã tigim a nengẽ, n gũbg-a wala zĩ-gilg halhaale n sokd-a: Yaa foom a zagla! Fo rag n ka yɩ n sɑgend ne mɑnegre, lɑ f gɩdgd sẽn kisã?! T'a yeel: n-yee, ad m da yɩɩme n sɑgend ne mɑnegre la m ka maand-a ye, lɑ m gɩdgd sẽn kisi, la m maand-a.
فتندلق أقتاب بطنه: تخرج أمعاؤه.
الرحى: حجر الطاحون.
Yẽgrã ne taoor-rãmbã saglg pʋgẽ yaa a yɩ b sʋka la yẽ sʋka, la ninsaal ra yẽs rẽ nimbuiidã sʋk ye.
Pʋlen-wẽng be ne ned ning goam sẽn yõsgd a tʋʋmã.
Wilgdame tɩ b maan zʋgd la bʋg-bʋg ne taoor-rãmbã, la b sɑgl-b ne mɑnegr lɑ b gɩdg-b n yi wẽnga.
A sãbsdɑ sẽn belgd-b taoor-rãmbã sɩdã pʋgẽ wã, n vẽnegd sẽn yõsg b sẽn solgã, a yaa bũmb b sẽn sãbse, wala ned sẽn põnemd ne zĩri.
Ṣahɩɩh Al-Bʋẖaary (4/ 121) (3267).
Ṣahɩɩh Muslim (4/ 2290) (2989).
Pɑɑgã (8)
كنوز رياض الصالحين.
لمجموعة من الباحثين (4/ 143).
شرح رياض الصالحين.
لابن عثيمين (2/ 358).
تطريز رياض الصالحين.
لفيصل آل مبارك (ص156).
نزهة المتقين شرح رياض الصالحين.
لمجموعة من الباحثين (1/ 220).