«M bugsda yãmb tɩ y bas zũnuub yaalsã
Yii a Sahl ɭbn Sa'ad nengẽ, (Wẽnd yard be a yĩnga) a yeelame: Wẽnd Tẽn-tʋʋmaã yeelame (Wẽnd pʋʋsg la A tɩlgr be a yĩnga):
«M bugsda yãmb tɩ y bas zũnuub yaalsã, tɩ ad zũnuub yaalsã bilgri, yaa wala neb sẽn na n sig ko-soogẽ, tɩ yãwã wa ne raoogo, tɩ yãwã wa ne raoogo, halɩ tɩ b bɩɩs b burã, la ad zũnuub yaalsã b sã n na n yõk a soabã rẽ sabab b halkdame».
«إِيَّاكُمْ وَمُحَقَّرَاتِ الذُّنُوبِ، فَإِنَّمَا مَثَلُ مُحَقَّرَاتِ الذُّنُوبِ كَقَوْمٍ نَزَلُوا فِي بَطْنِ وَادٍ، فَجَاءَ ذَا بِعُودٍ، وَجَاءَ ذَا بِعُودٍ، حَتَّى أَنْضَجُوا خُبْزَتَهُمْ، وَإِنَّ مُحَقَّرَاتِ الذُّنُوبِ مَتَى يُؤْخَذْ بِهَا صَاحِبُهَا تُهْلِكْهُ».
Nabiyaamã (Wẽnd pʋʋsg lɑ A tɩlgr be ɑ yĩngɑ) bugsame tɩ b ra wa tʋg n reem ne zũnuub bãanegã ye, n wʋsg-ba, tɩ bala b sã n lagem taaba, a halkdame, la a rɩk bilgr ne yel-kãngã neb sẽn sig ko-soogẽ, tɩ ned fãa wa ne raoogo, halɩ tɩ b wa tõog n bɩɩs b burã ne raad nins b sẽn tigmã, ad zũnuub baanegã, b sẽn wat n yõk a soabã b yĩnga t'a pa tuub n bas-ba, maa Wẽnd yaaf-a, b na n halk-a lame.
Wilgda Nabiyaamã (Wẽnd pʋʋsg lɑ A tɩlgr be ɑ yĩngɑ) na-kẽndrã bilg-n-taar rɩkre tɩ yaa sẽn na n pẽneg faseng la leb n paas vẽnegre.
A bugsdame tɩ b bas zũnuub bãaneg nins sẽn yaa yaalsa, la a pirsdẽ tɩ b yãg n kos yaafa n yi-ba.
Zũnuub bãanegã b maanã wã tõeeme n yɩ bʋgo: rẽenemã: yaa yamb sẽn tʋmd zũnuub-rãmba, n tẽed tɩ yaa zũnuub bãanego, t'a yaool n yaa zũnuub bεd Wẽnd nengẽ (A naam zẽk yã). Yiib soaba: yaa yamb sẽn tʋmde sẽn yaa zũnuub bãanegã, n pa ning a toog ne-b ye, la a pa tuubdi n bas-b ye, tɩ zũnuub bãaneg-kãensã wa tigim taab a zugu halɩ n halk-a. Tãab soaba: yaa yamb sẽn tʋmd zũnuub-rãmba sẽn yaa bãanegã, t'a toog ka be ne-b ye, tɩ b yɩ sabab t'a lʋɩ zũnuub bεdã pʋgẽ sẽn halkd a soabã.
Musnad Ahmad (37/ 466) (22808).
Pɑɑgã (2)
التيسير بشرح الجامع الصغير (1/ 405).
فيض القدير (3/ 127).