«Nebã ka bakd n be sõma pʋgẽ, tɩ b sã n yãg ne no-kaoorã».
Yii a Sahl ɭbn Sa'ad nengẽ (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la a tɩlgr be a yĩnga) yeelame:
«Nebã ka bakd n be sõma pʋgẽ, tɩ b sã n yãg ne no-kaoorã».
«لَا يَزَالُ النَّاسُ بِخَيْرٍ مَا عَجَّلُوا الْفِطْرَ».
Nabiyaamã kõo kibare (Wẽnd pʋʋsg la A tɩlgr be a yĩnga) tɩ nebã ka bak n be sõma pʋgẽ, tɩ b sã n yãg ne noorã kaoobo, b sẽn paam hakɩɩk tɩ wĩndgã lʋɩɩme poorẽ, la rẽnda yaa Sũnnah gãdbo la a todsã zug yalsgo.
A An-nawawiy yeelame (Wẽnd na yols-a): be a pʋgẽ sẽn yaa pirsg tɩ b yãg ne no-kaoorã tɩ b sã n paam hakɩɩk tɩ wĩndgã lʋɩɩme, la a võorã rat n yeelame tɩ nebã yell ka bake n yaa sẽn tũnugd taaba b sã n ket n gũusd sũnn-kãngã, la b sã n wa yaoolge, yẽ me yaa tagmas n wilgd sãang bãmb sẽn lʋɩt a pʋgẽ.
Sõmã wã paad nebã pʋgẽ wã a tũudba ne sũnnah tũubu, la yεlã me sãangã yaa ne sũnnah toeengo.
Yõsg Gafã rãmbã la bidah wã rãmbã, bala bãmb yaoonda no-kaoorã.
A ɭbn Hagar yeelame (Wẽnd na yols-a): La be a pʋgẽ b sẽn vẽneg sababã, a Al-Muhallab yeelame: la sẽn yeel rẽ wã, sõmã ning sẽn be a pʋgẽ, yaa sẽn na yɩl tɩ wĩndgã ra wa paas n yɩɩg yʋngã, rẽ n yɩɩd bʋg-bʋg ne no-loεta n leb n kõt-a pãng ne tũudmã n yɩɩda, la bãngdbã zemsa taaba tɩ ad zĩ-kãngã wã yaa sẽn na n mik t'a tara bas-m-yam ne wĩndgã lʋɩɩse, n tũ ne gesgo maa tẽeg-tɩrg rãmb b yiib n togs tɩ wĩndgã lʋɩɩme, la woto bala, baa tɩ yaa nin-yεng sẽn yaa tẽeg-tɩrg soab n kõ kibarã tɩ wĩndgã lʋɩɩme, gomd sẽn tʋg n wil n yɩɩda.
A ɭbn Hagar yeelame (Wẽnd na yols-a): Nekre: sẽn be bidah-rãmb nins b sẽn kisgã pʋgẽ, yaa bũmb ning sẽn yẽbg tõnd zamaanã pʋgẽ ne b sẽn boond fagirã laandãan a yiib n soɑbã taoore tɩ fɑgirã nɑ n pɑ tɑ n zems wala minit pisi Ramadaanã pʋgẽ, la b sẽn kiisd lampɑ-rãmbã b sẽn mɑɑn tɩ yɑɑ tɑgmɑs n wilgd rɩɩbã la yũubã gɩdgre ne ned ning sẽn rata noorã loeese, tɩ neb nins sẽn maand-a wã yẽgemdẽ tɩ woto n yɩɩd ne a na gũbg tũudmã pʋgẽ, la ned ka mi rẽnda sã n ka neb bilfu, la yel-kãng tak-b lame tɩ b ka leb n boond laandãanã sã n ka wĩndgã lʋɩɩs poor bilfu, sẽn na yɩl tɩ wakatã paam n kẽ sõma, woto la b yẽgemda, tɩ yɩ sabab tɩ b yaoolg no-kaoorã la b yãg ne sugrã rɩɩbo, n yõsg Nabiyaamã sũnnah, rẽ n kɩt tɩ sõmã wã boog b nengẽ, tɩ b wẽngã wʋsge. La Wẽnd la d kot sõngre.
Ṣahɩɩh Al-Bʋẖaary (3/ 36) (1957).
Ṣahɩɩh Muslim (2/ 771) (1098).
Pɑɑgã (6)
تيسير العلام.
لعبد الله البسام (ص335).
تنبيه الأفهام شرح عمدة الإحكام.
لابن عثيمين (3/ 442).
خلاصة الكلام على عمدة الأحكام.
لفيصل آل مبارك (ص155).
Cited in books
9 BooksPɑɑgã (9)
- أسئلة وأجوبة عن شهر رمضان للصغار، ولا يستغني عنها الكبار«لَا يَزَالُ النَّاسُ بِخَيْرٍ مَا عَجَّلُوا الْفِطْرَ»
- الصيام ومجموعة أسئلة في أحكامه«لَا يَزَالُ النَّاسُ بِخَيْرٍ مَا عَجَّلُوا الفِطْرَ»[48].
- المنتقى من المتجر الرابح في ثواب العمل الصالح - المعتمدالمنتقى من المتجر الرابح في ثواب العمل الصالح“لا يزال الناس بخير ما عجلوا الفطر”.
- تطبيق القرآن والأذكارسنن الصيام (لا يزال الناس بخير ما عجَّلوا الفطر)[3].
- رياض الصالحينرياض الصالحين مع فوائد وهدايات - 6«لا يزالُ النَّاسُ بخيرٍ مَا عَجَّلُوا الفطرَ».
- سنن الصيام - من كتاب الفقه الميسرسنن الصيام(لا يزال الناس بخير ما عجَّلوا الفطر)[3].
- مجموعة زاد الفقه (3)الفقه 3«لا يزالُ الناسُ بخيرٍ ما عَجَّلوا الفِطْرَ».
- مشروع المنهج التعليميمادة الفقه مستوى 3«لاَ يَزَالُ النَّاسُ بِخَيْرٍ مَا عَجَّلُوا الفِطْرَ»
- نصوص مختارة للرمضانلا يزال الناس بخير ما عَجَّلُوا الفطر