രണ്ട് നെരിയാണികൾക്ക് താഴെയുള്ള വസ്ത്രം നരകത്തിലാകുന്നു

നെരിയാണികൾക്ക് താഴേക്ക് വസ്ത്രം താഴ്ത്തിയുടുക്കുന്നത് പുരുഷന്മാരുടെ കാര്യത്തിൽ വിലക്കപ്പെട്ടിരിക്കുന്നു. വൻപാപങ്ങളിൽ പെട്ട തിന്മയാണത്.

ഇബ്നു ഹജർ (റഹി) പറയുന്നു: "ഒരാൾ അനിവാര്യമായ എന്തെങ്കിലും ആവശ്യത്തിന് വേണ്ടി വസ്ത്രം നെരിയാണിക്ക് താഴേക്ക് ഉടുക്കുന്നത് ഈ പറഞ്ഞതിൽ നിന്ന് ഒഴിവാണ്. ഉദാഹരണത്തിന്, നെരിയാണിക്ക് താഴെ മുറിവുണ്ടായിരിക്കുകയും വസ്ത്രം കൊണ്ടല്ലാതെ അത് മറച്ചു പിടിക്കാൻ സാധിക്കാതെ വരികയും അത് മറച്ചില്ലെങ്കിൽ ഈച്ചയും മറ്റും അയാളെ പ്രയാസപ്പെടുത്തുകയും ചെയ്യുമെങ്കിൽ അയാൾക്ക് തൻ്റെ വസ്ത്രം താഴ്ത്തിയുടുക്കാം."