النِّسَاء

ﮐ

النِّسَاء is chapter 4 of the Quran and has 176 verses. This page presents it in full in the Uthmani script, with a verse-by-verse translation of its meaning.

176 Ayahs Surah No. 4

بِسْمِ ٱللَّهِ ٱلرَّحْمَٰنِ ٱلرَّحِيمِ

4 : 1

يَٰٓأَيُّهَا ٱلنَّاسُ ٱتَّقُواْ رَبَّكُمُ ٱلَّذِي خَلَقَكُم مِّن نَّفۡسٖ وَٰحِدَةٖ وَخَلَقَ مِنۡهَا زَوۡجَهَا وَبَثَّ مِنۡهُمَا رِجَالٗا كَثِيرٗا وَنِسَآءٗۚ وَٱتَّقُواْ ٱللَّهَ ٱلَّذِي تَسَآءَلُونَ بِهِۦ وَٱلۡأَرۡحَامَۚ إِنَّ ٱللَّهَ كَانَ عَلَيۡكُمۡ رَقِيبٗا

Hay sekanu a manga taw! Ikagilek nu su pedtyakap sa lekanu (Allah) a nangaden sa lekanu a ebpun sa isa ka ginawa (Adam) endu inaden nin ebpun lun i kaluma nin (Hawwa) endu mimbwad ebpun sa kanilan i manga mama a madakel endu manga babay, endu ikagilek nu su Allah a sekanin i ipebpapangenya nu, endu su kadsusuled (sa matebped), saben-sabenal na su Allah na ya nin kaaden sa lekanu banuliman.

4 : 2

وَءَاتُواْ ٱلۡيَتَٰمَىٰٓ أَمۡوَٰلَهُمۡۖ وَلَا تَتَبَدَّلُواْ ٱلۡخَبِيثَ بِٱلطَّيِّبِۖ وَلَا تَأۡكُلُوٓاْ أَمۡوَٰلَهُمۡ إِلَىٰٓ أَمۡوَٰلِكُمۡۚ إِنَّهُۥ كَانَ حُوبٗا كَبِيرٗا

Endu inggay nu kanu manga ilu su manga tamuk nilan, endu di nu pedsambi sa mawag su mapya nin, endu di nu pegkan su manga tamuk nilan lu kanu manga tamuk nu, saben-sabenal na entuba na dusa a masla.

4 : 3

وَإِنۡ خِفۡتُمۡ أَلَّا تُقۡسِطُواْ فِي ٱلۡيَتَٰمَىٰ فَٱنكِحُواْ مَا طَابَ لَكُم مِّنَ ٱلنِّسَآءِ مَثۡنَىٰ وَثُلَٰثَ وَرُبَٰعَۖ فَإِنۡ خِفۡتُمۡ أَلَّا تَعۡدِلُواْ فَوَٰحِدَةً أَوۡ مَا مَلَكَتۡ أَيۡمَٰنُكُمۡۚ ذَٰلِكَ أَدۡنَىٰٓ أَلَّا تَعُولُواْ

Endu amayka egkagilekan kanu sa di kanu makambantangan kanu manga ilu na pangaluma nu su nganin a mapya sa lekanu ebpun kanu manga babay sa duwa, ataw ka telu ataw ka pat, amayka egkagilekan kanu sa di kanu makambantangan na isa bu ataw ka su gamilikan nu manga kawanan nu (manga ulipen), entuba i labi a masiken a di nu kadsulamig.

4 : 4

وَءَاتُواْ ٱلنِّسَآءَ صَدُقَٰتِهِنَّ نِحۡلَةٗۚ فَإِن طِبۡنَ لَكُمۡ عَن شَيۡءٖ مِّنۡهُ نَفۡسٗا فَكُلُوهُ هَنِيٓـٔٗا مَّرِيٓـٔٗا

Endu inggay nu kanu manga babay i sunggudan nilan sa palyugat, na amayka nangapyanan sa lekanu sa enggaga-isa ebpun lun su isa a ginawa na kan kanu lun sa belemeden a penggugunanamen.

4 : 5

وَلَا تُؤۡتُواْ ٱلسُّفَهَآءَ أَمۡوَٰلَكُمُ ٱلَّتِي جَعَلَ ٱللَّهُ لَكُمۡ قِيَٰمٗا وَٱرۡزُقُوهُمۡ فِيهَا وَٱكۡسُوهُمۡ وَقُولُواْ لَهُمۡ قَوۡلٗا مَّعۡرُوفٗا

Di nu ibagenggay sa kanu manga untengaw su manga tamuk nilan a binaluy nu Allah sa lekanu sa ipedtuganul, endu rizki nu silan lu ba endu pambalegkas nu silan, endu edtaluy nu silan sa kadtalu a mananaw.

4 : 6

وَٱبۡتَلُواْ ٱلۡيَتَٰمَىٰ حَتَّىٰٓ إِذَا بَلَغُواْ ٱلنِّكَاحَ فَإِنۡ ءَانَسۡتُم مِّنۡهُمۡ رُشۡدٗا فَٱدۡفَعُوٓاْ إِلَيۡهِمۡ أَمۡوَٰلَهُمۡۖ وَلَا تَأۡكُلُوهَآ إِسۡرَافٗا وَبِدَارًا أَن يَكۡبَرُواْۚ وَمَن كَانَ غَنِيّٗا فَلۡيَسۡتَعۡفِفۡۖ وَمَن كَانَ فَقِيرٗا فَلۡيَأۡكُلۡ بِٱلۡمَعۡرُوفِۚ فَإِذَا دَفَعۡتُمۡ إِلَيۡهِمۡ أَمۡوَٰلَهُمۡ فَأَشۡهِدُواْ عَلَيۡهِمۡۚ وَكَفَىٰ بِٱللَّهِ حَسِيبٗا

Endu batalu nu su manga ilu taman sa amayka masampay nilan i kapegkaluma (kabaligan silan), na amayka natusan nu sa kanilan i ungangen na inggay nu sa kanilan su manga tamuk nilan, endu di nu pegkan i tamuk nilan sa pendaletan ataw ka sambut sa kanu kagkasela nilan (kabalig nilan) endu entayn i ya nin kaaden i kawasa na tumigkel (di mapabayad sa kinatyakap nin sa manga ilu), endu entayn i ya nin kaaden i egkasimpitan na kuman sa nangasasangan, na amayka maka-enggay nu sa kanilan su manga tamuk nilan na padsaksi kanu sa kanilan, endu nasasangan den su Allah a saksi.

4 : 7

لِّلرِّجَالِ نَصِيبٞ مِّمَّا تَرَكَ ٱلۡوَٰلِدَانِ وَٱلۡأَقۡرَبُونَ وَلِلنِّسَآءِ نَصِيبٞ مِّمَّا تَرَكَ ٱلۡوَٰلِدَانِ وَٱلۡأَقۡرَبُونَ مِمَّا قَلَّ مِنۡهُ أَوۡ كَثُرَۚ نَصِيبٗا مَّفۡرُوضٗا

Kanu manga mama i umun lu kanu nganin a natagak nu duwa a mimbata endu su manga pagali (a masiken), endu kanu manga babay i umun lu kanu nganin a natagak nu duwa a mimbata endu su manga pagali (a masiken), ebpun kanu nganin a paydu lun ataw ka madakel, su umun a palyugat.

4 : 8

وَإِذَا حَضَرَ ٱلۡقِسۡمَةَ أُوْلُواْ ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينُ فَٱرۡزُقُوهُم مِّنۡهُ وَقُولُواْ لَهُمۡ قَوۡلٗا مَّعۡرُوفٗا

Endu amayka tinumalabuk kanu kapembad (sa tamuk) su manga pagali endu manga ilu endu pamakanasisita (a da kanilan a umun), na enggay nu silan ebpun lun, endu edtalu nu sa kanilan i kadtalu a mapya (mananaw).

4 : 9

وَلۡيَخۡشَ ٱلَّذِينَ لَوۡ تَرَكُواْ مِنۡ خَلۡفِهِمۡ ذُرِّيَّةٗ ضِعَٰفًا خَافُواْ عَلَيۡهِمۡ فَلۡيَتَّقُواْ ٱللَّهَ وَلۡيَقُولُواْ قَوۡلٗا سَدِيدًا

Endu enggilek su silan a umana bu ka katagak nilan kanu ulyan nilan i manga mawli a taw a manga lubay, na ipangandam nilan silan, na ikagilek nilan su Allah, endu edtalu silan sa kadtalu a matidtu.

4 : 10

إِنَّ ٱلَّذِينَ يَأۡكُلُونَ أَمۡوَٰلَ ٱلۡيَتَٰمَىٰ ظُلۡمًا إِنَّمَا يَأۡكُلُونَ فِي بُطُونِهِمۡ نَارٗاۖ وَسَيَصۡلَوۡنَ سَعِيرٗا

Saben-sabenal na su silan a pegkan sa tamuk nu manga ilu sa kapedsalimbut, na ya nilan bu pegkanen sya kanu manga tyan nilan na apuy, endu makaludep silan sa naraka.

4 : 11

يُوصِيكُمُ ٱللَّهُ فِيٓ أَوۡلَٰدِكُمۡۖ لِلذَّكَرِ مِثۡلُ حَظِّ ٱلۡأُنثَيَيۡنِۚ فَإِن كُنَّ نِسَآءٗ فَوۡقَ ٱثۡنَتَيۡنِ فَلَهُنَّ ثُلُثَا مَا تَرَكَۖ وَإِن كَانَتۡ وَٰحِدَةٗ فَلَهَا ٱلنِّصۡفُۚ وَلِأَبَوَيۡهِ لِكُلِّ وَٰحِدٖ مِّنۡهُمَا ٱلسُّدُسُ مِمَّا تَرَكَ إِن كَانَ لَهُۥ وَلَدٞۚ فَإِن لَّمۡ يَكُن لَّهُۥ وَلَدٞ وَوَرِثَهُۥٓ أَبَوَاهُ فَلِأُمِّهِ ٱلثُّلُثُۚ فَإِن كَانَ لَهُۥٓ إِخۡوَةٞ فَلِأُمِّهِ ٱلسُّدُسُۚ مِنۢ بَعۡدِ وَصِيَّةٖ يُوصِي بِهَآ أَوۡ دَيۡنٍۗ ءَابَآؤُكُمۡ وَأَبۡنَآؤُكُمۡ لَا تَدۡرُونَ أَيُّهُمۡ أَقۡرَبُ لَكُمۡ نَفۡعٗاۚ فَرِيضَةٗ مِّنَ ٱللَّهِۗ إِنَّ ٱللَّهَ كَانَ عَلِيمًا حَكِيمٗا

Inepangalintabun sa lekanu nu Allah sya kanu manga wata nu, kanu mama i upaman a umun nu duwa a babay, na amayka ya nilan kaaden i manga babay a labi a madakel kumin sa duwa na kanilan i duwa kanu telu (2/3) kanu nganin a natagak nin, endu amayka ya nin kaaden isa kataw a babay na lekanin i tenga, endu kanu duwa a lukes nin i uman isa na isa kanu nem (1/6) ebpun kanu nganin a natagak nin amayka aden sa lekanin i wata a mama, na amayka da maaden sa lekanin i wata endu ya pakapangiwalis na su duwa a lukes nin na kani ina nin i isa kanu telu (1/3), na amayka aden sa lekanin i manga suled na kani ina nin i isa kanu nem (1/6), ebpun kanu ulyan nu inepangalintabun sekanin ataw ka bayadan (utang), su manga lukes nu endu su manga wata nu na di nu katawan u entayn i masupeg sa lekanu a makangguna, palyugat a ebpun sa kanu Allah, saben-sabenal na su Allah na ya nin kaaden na labi a mataw a mawngangen.

4 : 12

۞ وَلَكُمۡ نِصۡفُ مَا تَرَكَ أَزۡوَٰجُكُمۡ إِن لَّمۡ يَكُن لَّهُنَّ وَلَدٞۚ فَإِن كَانَ لَهُنَّ وَلَدٞ فَلَكُمُ ٱلرُّبُعُ مِمَّا تَرَكۡنَۚ مِنۢ بَعۡدِ وَصِيَّةٖ يُوصِينَ بِهَآ أَوۡ دَيۡنٖۚ وَلَهُنَّ ٱلرُّبُعُ مِمَّا تَرَكۡتُمۡ إِن لَّمۡ يَكُن لَّكُمۡ وَلَدٞۚ فَإِن كَانَ لَكُمۡ وَلَدٞ فَلَهُنَّ ٱلثُّمُنُ مِمَّا تَرَكۡتُمۚ مِّنۢ بَعۡدِ وَصِيَّةٖ تُوصُونَ بِهَآ أَوۡ دَيۡنٖۗ وَإِن كَانَ رَجُلٞ يُورَثُ كَلَٰلَةً أَوِ ٱمۡرَأَةٞ وَلَهُۥٓ أَخٌ أَوۡ أُخۡتٞ فَلِكُلِّ وَٰحِدٖ مِّنۡهُمَا ٱلسُّدُسُۚ فَإِن كَانُوٓاْ أَكۡثَرَ مِن ذَٰلِكَ فَهُمۡ شُرَكَآءُ فِي ٱلثُّلُثِۚ مِنۢ بَعۡدِ وَصِيَّةٖ يُوصَىٰ بِهَآ أَوۡ دَيۡنٍ غَيۡرَ مُضَآرّٖۚ وَصِيَّةٗ مِّنَ ٱللَّهِۗ وَٱللَّهُ عَلِيمٌ حَلِيمٞ

Endu lekanu (manga kaluma a mama) su tenga (1/2) kanu nganin a natagak nu manga kaluma nu amayka da maaden sa kanilan i wata, na amayka aden sa kanilan i wata na lekanu i isa kanu pat (1/4) ebpun kanu nganin a natagak nilan, kanu ulyan nu tutuma a inepangalintabun nilan sekanin ataw ka bayadan (utang), endu kanilan (manga kaluma a babay) i isa kanu pat (1/4) ebpun sa kanu nganin a natagak nu amayka da maaden sa lekanu i wata, na amayka aden sa lekanu i wata na kanilan i isa kanu walu (1/8) ebpun kanu nganin a natagak nu, kanu ulyan nu tutuma a inepangalintabun nu sekanin ataw ka bayadan (utang), endu amayka ya nin kaaden i mama a bangiwalisan sa da wata nin da lukes nin, ataw ka babay a aden sa lekanin i suled (a mama ataw ka babay), na uman isa ebpun sa kanilan duwa na isa kanu nem (1/6), na amayka ya nilan kaaden i labi a madakel kumin kanu entuba na silan na mamakadtumpuk sya kanu isa kanu telu (1/3), kanu ulyan nu tutuma a inepangalintabun sekanin ataw ka bayadan (utang), sa di makagkayd, tutuma a ebpun sa Allah, endu su Allah na labi a mataw a matigkel.

4 : 13

تِلۡكَ حُدُودُ ٱللَّهِۚ وَمَن يُطِعِ ٱللَّهَ وَرَسُولَهُۥ يُدۡخِلۡهُ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَذَٰلِكَ ٱلۡفَوۡزُ ٱلۡعَظِيمُ

Entuba i manga dulunan nu Allah, endu entayn i malityala (mangimbenal) sa kanu Allah endu sa kanu sinugu nin na paludepen nin sekanin sa manga surga belagilay sa kababan nin i manga lawas na ig a tatap silan lu ba, endu entuba i taban a masla.

4 : 14

وَمَن يَعۡصِ ٱللَّهَ وَرَسُولَهُۥ وَيَتَعَدَّ حُدُودَهُۥ يُدۡخِلۡهُ نَارًا خَٰلِدٗا فِيهَا وَلَهُۥ عَذَابٞ مُّهِينٞ

Endu entayn i supaken nin su Allah endu su sinugu nin endu talapasen nin su manga dulunan nin, na iludep nin sekanin sa naraka sa tatap sekanin lu ba, endu aden sa lekanin i siksa a belusak.

4 : 15

وَٱلَّٰتِي يَأۡتِينَ ٱلۡفَٰحِشَةَ مِن نِّسَآئِكُمۡ فَٱسۡتَشۡهِدُواْ عَلَيۡهِنَّ أَرۡبَعَةٗ مِّنكُمۡۖ فَإِن شَهِدُواْ فَأَمۡسِكُوهُنَّ فِي ٱلۡبُيُوتِ حَتَّىٰ يَتَوَفَّىٰهُنَّ ٱلۡمَوۡتُ أَوۡ يَجۡعَلَ ٱللَّهُ لَهُنَّ سَبِيلٗا

Endu su silan a bamenggalebek sa maledsik ebpun kanu manga babay nu, na padsaksi kanu sa kanilan sa pat kataw ebpun lekanu (manga mama a Muslim a kasaligan), na amayka midsaksi silan na ligken nu silan sya kanu manga walay taman sa kapatay nilan, ataw ka mamaluy su Allah sa kanilan sa ukit (mansukh i nya ba a ayatan).

4 : 16

وَٱلَّذَانِ يَأۡتِيَٰنِهَا مِنكُمۡ فَـَٔاذُوهُمَاۖ فَإِن تَابَا وَأَصۡلَحَا فَأَعۡرِضُواْ عَنۡهُمَآۗ إِنَّ ٱللَّهَ كَانَ تَوَّابٗا رَّحِيمًا

Endu su duwa (a mama) a minggalebek sa maledsik ebpun sa lekanu na pakapasangi nu silan, na amayka midtawbat silan duwa endu nagumbaya silan duwa na pandaya nu silan duwa, saben-sabenal na su Allah na labi a banawbat a malimu.

4 : 17

إِنَّمَا ٱلتَّوۡبَةُ عَلَى ٱللَّهِ لِلَّذِينَ يَعۡمَلُونَ ٱلسُّوٓءَ بِجَهَٰلَةٖ ثُمَّ يَتُوبُونَ مِن قَرِيبٖ فَأُوْلَٰٓئِكَ يَتُوبُ ٱللَّهُ عَلَيۡهِمۡۗ وَكَانَ ٱللَّهُ عَلِيمًا حَكِيمٗا

Ya bu man kadtawbat sa Allah na kanu silan a penggalebek sa malat sa di nilan katawan, mawli na edtawbat silan sa masiken (mangagan), na entuba silan i tawbaten nu Allah, endu ya kaaden nu Allah na labi a mataw a mawngangen.

4 : 18

وَلَيۡسَتِ ٱلتَّوۡبَةُ لِلَّذِينَ يَعۡمَلُونَ ٱلسَّيِّـَٔاتِ حَتَّىٰٓ إِذَا حَضَرَ أَحَدَهُمُ ٱلۡمَوۡتُ قَالَ إِنِّي تُبۡتُ ٱلۡـَٰٔنَ وَلَا ٱلَّذِينَ يَمُوتُونَ وَهُمۡ كُفَّارٌۚ أُوْلَٰٓئِكَ أَعۡتَدۡنَا لَهُمۡ عَذَابًا أَلِيمٗا

Endu da tawbat nu silan a penggalebek sa manga malat taman sa nawma su isa sa kanilan nu kapatay na midtalu sa: saben-sabenal na saki na midtawbat aku saguna, endu da bun kanu silan a bamebpatay sa manga kafir, entuba na inipagadil nami sa kanilan i siksa a masakit.

4 : 19

يَٰٓأَيُّهَا ٱلَّذِينَ ءَامَنُواْ لَا يَحِلُّ لَكُمۡ أَن تَرِثُواْ ٱلنِّسَآءَ كَرۡهٗاۖ وَلَا تَعۡضُلُوهُنَّ لِتَذۡهَبُواْ بِبَعۡضِ مَآ ءَاتَيۡتُمُوهُنَّ إِلَّآ أَن يَأۡتِينَ بِفَٰحِشَةٖ مُّبَيِّنَةٖۚ وَعَاشِرُوهُنَّ بِٱلۡمَعۡرُوفِۚ فَإِن كَرِهۡتُمُوهُنَّ فَعَسَىٰٓ أَن تَكۡرَهُواْ شَيۡـٔٗا وَيَجۡعَلَ ٱللَّهُ فِيهِ خَيۡرٗا كَثِيرٗا

Hay sekanu a namalityala (namangimbenal)! Di kena halal sa lekanu i pangiwalisan nu su manga babay sa bensi, endu di nu lemigkena silan sa embaba silan kanu kaped kanu nganin a inenggay nu sa kanilan, ya tabya na makanggula silan sa maledsik a mapayag, endu ipagubida nu silan sa mapya, na amayka kabensyan nu silan na kalu-kalu su kapegkabensi nu kanu enggaga-isa na baluyn lu ba nu Allah i mapya a madakel.

4 : 20

وَإِنۡ أَرَدتُّمُ ٱسۡتِبۡدَالَ زَوۡجٖ مَّكَانَ زَوۡجٖ وَءَاتَيۡتُمۡ إِحۡدَىٰهُنَّ قِنطَارٗا فَلَا تَأۡخُذُواْ مِنۡهُ شَيۡـًٔاۚ أَتَأۡخُذُونَهُۥ بُهۡتَٰنٗا وَإِثۡمٗا مُّبِينٗا

Endu amayka egkalini kanu sa kadsambi sa kaluma kanu nambetadan nu kaluma endu nakanggay nu sa isa sa kanilan i masela a tamuk (su sunggudan nilan), na da kanu kemwa lun sa enggaga-isa, ngintu pegkwa kanu lun sa kataksilan endu kadusan a mapayag!?

4 : 21

وَكَيۡفَ تَأۡخُذُونَهُۥ وَقَدۡ أَفۡضَىٰ بَعۡضُكُمۡ إِلَىٰ بَعۡضٖ وَأَخَذۡنَ مِنكُم مِّيثَٰقًا غَلِيظٗا

Endu panun i kapegkwa nu lun sa ula-ula a saben-sabenal na nalayaman nu sabad sa lekanu su sabad, endu nakamalan nilan sa lekanu su pasad a mabagel.

4 : 22

وَلَا تَنكِحُواْ مَا نَكَحَ ءَابَآؤُكُم مِّنَ ٱلنِّسَآءِ إِلَّا مَا قَدۡ سَلَفَۚ إِنَّهُۥ كَانَ فَٰحِشَةٗ وَمَقۡتٗا وَسَآءَ سَبِيلًا

Endu di nu bangaluma su napangaluma nu manga ama nu ebpun kanu manga babay ya tabya na su nganin a nawna (da pan agama), saben-sabenal sa lekanin na ya nin kaaden na maledsik endu kalipu-lipunget endu mawag a ukit.

4 : 23

حُرِّمَتۡ عَلَيۡكُمۡ أُمَّهَٰتُكُمۡ وَبَنَاتُكُمۡ وَأَخَوَٰتُكُمۡ وَعَمَّٰتُكُمۡ وَخَٰلَٰتُكُمۡ وَبَنَاتُ ٱلۡأَخِ وَبَنَاتُ ٱلۡأُخۡتِ وَأُمَّهَٰتُكُمُ ٱلَّٰتِيٓ أَرۡضَعۡنَكُمۡ وَأَخَوَٰتُكُم مِّنَ ٱلرَّضَٰعَةِ وَأُمَّهَٰتُ نِسَآئِكُمۡ وَرَبَٰٓئِبُكُمُ ٱلَّٰتِي فِي حُجُورِكُم مِّن نِّسَآئِكُمُ ٱلَّٰتِي دَخَلۡتُم بِهِنَّ فَإِن لَّمۡ تَكُونُواْ دَخَلۡتُم بِهِنَّ فَلَا جُنَاحَ عَلَيۡكُمۡ وَحَلَٰٓئِلُ أَبۡنَآئِكُمُ ٱلَّذِينَ مِنۡ أَصۡلَٰبِكُمۡ وَأَن تَجۡمَعُواْ بَيۡنَ ٱلۡأُخۡتَيۡنِ إِلَّا مَا قَدۡ سَلَفَۗ إِنَّ ٱللَّهَ كَانَ غَفُورٗا رَّحِيمٗا

Iniharam sa lekanu (a manga mama) su manga ina nu endu su manga wata nu a manga babay endu su manga suled nu a manga babay endu su manga babu nu (suled na ama) endu su manga babu nu (suled na ina) endu su manga pakiwatan a babay (sa suled a mama) endu su manga pakiwatan a babay (sa suled a babay) endu su manga ina nu sa kinapasusu sa lekanu endu su manga suled nu sa kinasusu endu su manga panugangan nu (a manga babay) endu su manga patalidwan nu a sya kanu tyakap nu ebpun kanu manga kaluma nu a nakambalagyuma nu silan, na amayka da kanu maaden sa nakambalagyuma nu silan na kena mawag sa lekanu endu su manga kaluma nu manga wata nu a minukit sa manga taldas nu endu su kapanduwaya nu sa kanu pageletan nu duwa a edsuled, ya tabya na su nganin a saben-sabenal na nawna (timpu a dala pan su Islam), saben-sabenal na su Allah na ya nin kaaden na labi a bangampun a malimu.

4 : 24

۞ وَٱلۡمُحۡصَنَٰتُ مِنَ ٱلنِّسَآءِ إِلَّا مَا مَلَكَتۡ أَيۡمَٰنُكُمۡۖ كِتَٰبَ ٱللَّهِ عَلَيۡكُمۡۚ وَأُحِلَّ لَكُم مَّا وَرَآءَ ذَٰلِكُمۡ أَن تَبۡتَغُواْ بِأَمۡوَٰلِكُم مُّحۡصِنِينَ غَيۡرَ مُسَٰفِحِينَۚ فَمَا ٱسۡتَمۡتَعۡتُم بِهِۦ مِنۡهُنَّ فَـَٔاتُوهُنَّ أُجُورَهُنَّ فَرِيضَةٗۚ وَلَا جُنَاحَ عَلَيۡكُمۡ فِيمَا تَرَٰضَيۡتُم بِهِۦ مِنۢ بَعۡدِ ٱلۡفَرِيضَةِۚ إِنَّ ٱللَّهَ كَانَ عَلِيمًا حَكِيمٗا

Endu su manga kaluman a manga babay ebpun kanu manga babay, ya tabya na egkamilikan nu manga kawanan nu (ulipen), palyugat nu Allah sa lekanu, endu inihalal sa lekanu su nganin kanu bala nu entuba i kapangeni nu sabap kanu manga tamuk nu sa kalimpyu nu (kanu manga ginawa nu) sa kena ipedzina, na su nganin a nagkakalinyan nu su entuba sa ebpun sa kanilan na ienggay nu sa kanilan su manga sunggudan nilan sa palyugat, endu da dusa nu sya kanu nganin a pinagayunan nu sekanin ebpun kanu ulyan nu kinabpalyugat, saben-sabenal na su Allah na ya nin kaaden na labi a mataw a mawngangen.

4 : 25

وَمَن لَّمۡ يَسۡتَطِعۡ مِنكُمۡ طَوۡلًا أَن يَنكِحَ ٱلۡمُحۡصَنَٰتِ ٱلۡمُؤۡمِنَٰتِ فَمِن مَّا مَلَكَتۡ أَيۡمَٰنُكُم مِّن فَتَيَٰتِكُمُ ٱلۡمُؤۡمِنَٰتِۚ وَٱللَّهُ أَعۡلَمُ بِإِيمَٰنِكُمۚ بَعۡضُكُم مِّنۢ بَعۡضٖۚ فَٱنكِحُوهُنَّ بِإِذۡنِ أَهۡلِهِنَّ وَءَاتُوهُنَّ أُجُورَهُنَّ بِٱلۡمَعۡرُوفِ مُحۡصَنَٰتٍ غَيۡرَ مُسَٰفِحَٰتٖ وَلَا مُتَّخِذَٰتِ أَخۡدَانٖۚ فَإِذَآ أُحۡصِنَّ فَإِنۡ أَتَيۡنَ بِفَٰحِشَةٖ فَعَلَيۡهِنَّ نِصۡفُ مَا عَلَى ٱلۡمُحۡصَنَٰتِ مِنَ ٱلۡعَذَابِۚ ذَٰلِكَ لِمَنۡ خَشِيَ ٱلۡعَنَتَ مِنكُمۡۚ وَأَن تَصۡبِرُواْ خَيۡرٞ لَّكُمۡۗ وَٱللَّهُ غَفُورٞ رَّحِيمٞ

Endu entayn i di makagaga ebpun sa lekanu sa kapaydu nu tamuk sa kapangaluma nin sa manga kaluman a bamalityala (bamangimbenal), na ebpun kanu nganin a egkamilikan nu manga kawanan nu (manga ulipen nu) ebpun kanu manga laga nu a bamalityala (bamangimbenal), endu su Allah i mataw kanu palityala (kabangimbenal) nu, su sabad sa lekanu na ebpun sa kanu sabad, pangaluma nu silan sa sugut nu manga lukes nilan endu itunay nu sa kanilan su manga sunggudan nilan sa mapya, sa limpyu, di kena i pedzina endu di kena bangaden sa tagapeda sa kapedzina sa masulen, na amayka nagkaluma silan na amayka mingguledsik silan nan a masala silan sa sabad sa kanu nganin a kasalan nu manga daludaya sa kapapegkapasang, su entuba na kanu entayn nagilekan sa kapengguledsik ebpun sa lekanu, endu su kadsabar nu na labi a mapya sa lekanu, endu su Allah na labi a bangampun a malimu.

4 : 26

يُرِيدُ ٱللَّهُ لِيُبَيِّنَ لَكُمۡ وَيَهۡدِيَكُمۡ سُنَنَ ٱلَّذِينَ مِن قَبۡلِكُمۡ وَيَتُوبَ عَلَيۡكُمۡۗ وَٱللَّهُ عَلِيمٌ حَكِيمٞ

Ya kalinyan nu Allah na makapayag nin sa lekanu endu matutulu kanu nin sa kanu manga lalan nu silan a nangawna sa lekanu, endu matawbat kanu nin, endu su Allah na labi a mataw a mawngangen.

4 : 27

وَٱللَّهُ يُرِيدُ أَن يَتُوبَ عَلَيۡكُمۡ وَيُرِيدُ ٱلَّذِينَ يَتَّبِعُونَ ٱلشَّهَوَٰتِ أَن تَمِيلُواْ مَيۡلًا عَظِيمٗا

Endu su Allah na ya nin kalinyan na matawbat kanu nin, endu ya kalinyan nu silan a pebpatyunut sa kanu kyug na ginawa na makadsulamig kanu sa kadsulamig a masela.

4 : 28

يُرِيدُ ٱللَّهُ أَن يُخَفِّفَ عَنكُمۡۚ وَخُلِقَ ٱلۡإِنسَٰنُ ضَعِيفٗا

Ya kalinyan nu Allah na papegkapegkagan kanu nin, endu binaluy su manusya sa malubay.

4 : 29

يَٰٓأَيُّهَا ٱلَّذِينَ ءَامَنُواْ لَا تَأۡكُلُوٓاْ أَمۡوَٰلَكُم بَيۡنَكُم بِٱلۡبَٰطِلِ إِلَّآ أَن تَكُونَ تِجَٰرَةً عَن تَرَاضٖ مِّنكُمۡۚ وَلَا تَقۡتُلُوٓاْ أَنفُسَكُمۡۚ إِنَّ ٱللَّهَ كَانَ بِكُمۡ رَحِيمٗا

Hay sekanu a namalityala (namangimbenal)! Di nu pegkan su manga tamuk nu sa pageletan nu sa mawag, ya tabya na maaden sa kapendagang sa bagayunan nu, endu di nu pembunuwa su manga ginawa nu, saben-sabenal na su Allah na ya nin kaaden sa lekanu na labi a malimu.

4 : 30

وَمَن يَفۡعَلۡ ذَٰلِكَ عُدۡوَٰنٗا وَظُلۡمٗا فَسَوۡفَ نُصۡلِيهِ نَارٗاۚ وَكَانَ ذَٰلِكَ عَلَى ٱللَّهِ يَسِيرًا

Endu entayn i enggalebek sa entuba sa kabagukag endu kapedsalimbut na di ebplis na paludepen nami sekanin sa apuy, endu ya kaaden nu entuba sa kanu Allah na malemu.

4 : 31

إِن تَجۡتَنِبُواْ كَبَآئِرَ مَا تُنۡهَوۡنَ عَنۡهُ نُكَفِّرۡ عَنكُمۡ سَيِّـَٔاتِكُمۡ وَنُدۡخِلۡكُم مُّدۡخَلٗا كَرِيمٗا

Amayka edsanggilan nu i manga dusa a masela a ipedsapal sa lekanu na punasen nami sa lekanu su manga mawag nu endu paludepen nami sekanu sa kaludepan a mapulu (surga).

4 : 32

وَلَا تَتَمَنَّوۡاْ مَا فَضَّلَ ٱللَّهُ بِهِۦ بَعۡضَكُمۡ عَلَىٰ بَعۡضٖۚ لِّلرِّجَالِ نَصِيبٞ مِّمَّا ٱكۡتَسَبُواْۖ وَلِلنِّسَآءِ نَصِيبٞ مِّمَّا ٱكۡتَسَبۡنَۚ وَسۡـَٔلُواْ ٱللَّهَ مِن فَضۡلِهِۦٓۚ إِنَّ ٱللَّهَ كَانَ بِكُلِّ شَيۡءٍ عَلِيمٗا

Endu di nu manganganay su nganin a kinalabi nu Allah sabap sa lekanin su sabad sa lekanu kanu sabad, kanu manga mama i umun ebpun kanu nganin a pinggalebek nilan endu kanu manga babay i umun ebpun kanu nganin a pinggalebek nilan, endu pangeni kanu sa kanu Allah ebpun kanu kalbihan nin, saben-sabenal na su Allah na ya nin kaaden kanu langun nu enggaga-isa na labi a mataw.

4 : 33

وَلِكُلّٖ جَعَلۡنَا مَوَٰلِيَ مِمَّا تَرَكَ ٱلۡوَٰلِدَانِ وَٱلۡأَقۡرَبُونَۚ وَٱلَّذِينَ عَقَدَتۡ أَيۡمَٰنُكُمۡ فَـَٔاتُوهُمۡ نَصِيبَهُمۡۚ إِنَّ ٱللَّهَ كَانَ عَلَىٰ كُلِّ شَيۡءٖ شَهِيدًا

Endu kanu uman isa na binaluy nami i nangasama kanu nganin a natagak nu duwa a lukes endu su manga pagali endu su silan a napalutan nu manga kawanan nu (namakadtabanga), na inggay nu sa kanilan su umun nilan, saben-sabenal na su Allah na ya nin kaaden kanu langun nu enggaga-isa na saksi.

4 : 34

ٱلرِّجَالُ قَوَّٰمُونَ عَلَى ٱلنِّسَآءِ بِمَا فَضَّلَ ٱللَّهُ بَعۡضَهُمۡ عَلَىٰ بَعۡضٖ وَبِمَآ أَنفَقُواْ مِنۡ أَمۡوَٰلِهِمۡۚ فَٱلصَّٰلِحَٰتُ قَٰنِتَٰتٌ حَٰفِظَٰتٞ لِّلۡغَيۡبِ بِمَا حَفِظَ ٱللَّهُۚ وَٱلَّٰتِي تَخَافُونَ نُشُوزَهُنَّ فَعِظُوهُنَّ وَٱهۡجُرُوهُنَّ فِي ٱلۡمَضَاجِعِ وَٱضۡرِبُوهُنَّۖ فَإِنۡ أَطَعۡنَكُمۡ فَلَا تَبۡغُواْ عَلَيۡهِنَّ سَبِيلًاۗ إِنَّ ٱللَّهَ كَانَ عَلِيّٗا كَبِيرٗا

Su manga mama i pedtyakap kanu manga babay sabap kanu nganin a inilabi nu Allah su sabad sa kanilan kanu sabad, endu sabap kanu nganin a nambaranggya nilan kanu manga tamuk nilan, na su manga mapya a manga babay endu su bamaginugut endu su bamalihala (sa kanu manga ginawa nilan u da su manga kaluma nilan) sabap kanu nganin a tutulu nu Allah, endu su silan a manga babay a bangandamen nu i kasulang nilan (sa kanu manga kaluma nilan) na pangindaw nu silan, endu pitas nu silan sya sa kanu manga bagiganan endu betay nu silan (sa di pembaneg), na amayka pinaginugutan kanu nilan na da kanu den bangilay sa kanilan sa ukit, saben-sabenal na su Allah na ya nin kaaden na labi a mapulu a masla.

4 : 35

وَإِنۡ خِفۡتُمۡ شِقَاقَ بَيۡنِهِمَا فَٱبۡعَثُواْ حَكَمٗا مِّنۡ أَهۡلِهِۦ وَحَكَمٗا مِّنۡ أَهۡلِهَآ إِن يُرِيدَآ إِصۡلَٰحٗا يُوَفِّقِ ٱللَّهُ بَيۡنَهُمَآۗ إِنَّ ٱللَّهَ كَانَ عَلِيمًا خَبِيرٗا

Endu amayka inandam nu i kaumpalak sa pageletan nilan duwa na papeyt kanu sa bangangatulan ebpun sa pamilya nin (mama) endu bangangatulan ebpun sa pamilya nin (babay), amayka ya nilan egkalinyan duwa i kapagumbaya na tutulun nu Allah su pageltan nilan duwa, saben-sabenal na su Allah na ya nin kaaden na labi a mataw a sabut.

4 : 36

۞ وَٱعۡبُدُواْ ٱللَّهَ وَلَا تُشۡرِكُواْ بِهِۦ شَيۡـٔٗاۖ وَبِٱلۡوَٰلِدَيۡنِ إِحۡسَٰنٗا وَبِذِي ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينِ وَٱلۡجَارِ ذِي ٱلۡقُرۡبَىٰ وَٱلۡجَارِ ٱلۡجُنُبِ وَٱلصَّاحِبِ بِٱلۡجَنۢبِ وَٱبۡنِ ٱلسَّبِيلِ وَمَا مَلَكَتۡ أَيۡمَٰنُكُمۡۗ إِنَّ ٱللَّهَ لَا يُحِبُّ مَن كَانَ مُخۡتَالٗا فَخُورًا

Endu simba nu su Allah, endu di kanu semakutu sa lekanin sa enggaga-isa endu su duwa a lukes na pepyanan endu su manga pagali endu su manga ilu endu su manga miskinan endu su manga pagubay a pagali endu su pagubay a di kena pagali endu su manga tagapeda a pakandalayama endu su wata na lalan (natangen sa lalan sabap sa ka da na tamuk) endu su nganin a egkamilikan nu manga kawanan nu (manga ulipen nu), saben-sabenal na su Allah na di nin kalinyan su entayn a ya nin kaaden na masandag a bemamasla.

4 : 37

ٱلَّذِينَ يَبۡخَلُونَ وَيَأۡمُرُونَ ٱلنَّاسَ بِٱلۡبُخۡلِ وَيَكۡتُمُونَ مَآ ءَاتَىٰهُمُ ٱللَّهُ مِن فَضۡلِهِۦۗ وَأَعۡتَدۡنَا لِلۡكَٰفِرِينَ عَذَابٗا مُّهِينٗا

Su silan a bamedsingit endu ipedsugu nilan su kadsingit endu ibamagena nilan su nganin a inenggay sa kanilan nu Allah ebpun kanu kalbihan nin, endu inipagadil nami kanu manga kafir i siksa a bamelusak.

4 : 38

وَٱلَّذِينَ يُنفِقُونَ أَمۡوَٰلَهُمۡ رِئَآءَ ٱلنَّاسِ وَلَا يُؤۡمِنُونَ بِٱللَّهِ وَلَا بِٱلۡيَوۡمِ ٱلۡأٓخِرِۗ وَمَن يَكُنِ ٱلشَّيۡطَٰنُ لَهُۥ قَرِينٗا فَسَآءَ قَرِينٗا

Endu su silan a pembaranggyan nilan su manga tamuk nilan sa ibabamagilay-ilay sa kanu manga taw endu di silan bamalityala (bamangimbenal) sa Allah endu sa gay a mawli, endu entayn i maaden su shaytan sa lekanin a tagapeda, na mawag a benal a tagapeda.

4 : 39

وَمَاذَا عَلَيۡهِمۡ لَوۡ ءَامَنُواْ بِٱللَّهِ وَٱلۡيَوۡمِ ٱلۡأٓخِرِ وَأَنفَقُواْ مِمَّا رَزَقَهُمُ ٱللَّهُۚ وَكَانَ ٱللَّهُ بِهِمۡ عَلِيمًا

Endu ngin i makagkayd sa kanilan umana bu ka nalityala (nangimbenal) silan sa Allah endu sa gay a mawli endu sa kinambaranggya nilan ebpun kanu nganin a inirizki sa kanilan nu Allah, endu ya kaaden nu Allah sa kanilan na mataw.

4 : 40

إِنَّ ٱللَّهَ لَا يَظۡلِمُ مِثۡقَالَ ذَرَّةٖۖ وَإِن تَكُ حَسَنَةٗ يُضَٰعِفۡهَا وَيُؤۡتِ مِن لَّدُنۡهُ أَجۡرًا عَظِيمٗا

Saben-sabenal na su Allah na di edsalimbut sa (apya) mana tepung, endu su amayka maaden sekanin (a mana tepung) sa mapya na takepen nin sekanin endu inggay nin ebpun sa lekanin i balas a masla.

4 : 41

فَكَيۡفَ إِذَا جِئۡنَا مِن كُلِّ أُمَّةِۭ بِشَهِيدٖ وَجِئۡنَا بِكَ عَلَىٰ هَٰٓؤُلَآءِ شَهِيدٗا

Na panun u amayka itingguma nami (lu sa gay a mawli) ebpun kanu uman i lumpukan i saksi (su manga nabi nilan), endu itingguma nami seka (Muhammad) sa kanilan a saksi.

4 : 42

يَوۡمَئِذٖ يَوَدُّ ٱلَّذِينَ كَفَرُواْ وَعَصَوُاْ ٱلرَّسُولَ لَوۡ تُسَوَّىٰ بِهِمُ ٱلۡأَرۡضُ وَلَا يَكۡتُمُونَ ٱللَّهَ حَدِيثٗا

Kanu entuba a gay na kalinyan nu silan a namegkafir endu sinungkang nilan su sinugu, sa umana bu ka makapapagidsan silan kanu lupa, endu di nilan makapagena sa kanu Allah i bityala.

4 : 43

يَٰٓأَيُّهَا ٱلَّذِينَ ءَامَنُواْ لَا تَقۡرَبُواْ ٱلصَّلَوٰةَ وَأَنتُمۡ سُكَٰرَىٰ حَتَّىٰ تَعۡلَمُواْ مَا تَقُولُونَ وَلَا جُنُبًا إِلَّا عَابِرِي سَبِيلٍ حَتَّىٰ تَغۡتَسِلُواْۚ وَإِن كُنتُم مَّرۡضَىٰٓ أَوۡ عَلَىٰ سَفَرٍ أَوۡ جَآءَ أَحَدٞ مِّنكُم مِّنَ ٱلۡغَآئِطِ أَوۡ لَٰمَسۡتُمُ ٱلنِّسَآءَ فَلَمۡ تَجِدُواْ مَآءٗ فَتَيَمَّمُواْ صَعِيدٗا طَيِّبٗا فَٱمۡسَحُواْ بِوُجُوهِكُمۡ وَأَيۡدِيكُمۡۗ إِنَّ ٱللَّهَ كَانَ عَفُوًّا غَفُورًا

Hay sekanu a namalityala (namangimbenal)! Di nu pedsikeni su sambayang sa sekanu na egkangalangut taman sa katawan nu i pedtalun nu endu su Junub (linemyu su ig na lawas sa pedtibaban) ya tabya na pedtepas bu sa kanu lalan (masjid) taman sa makabpaygu kanu, endu amayka ya nu kaaden i pendalu ataw ka sa lakawan, ataw ka nakawma su isa ebpun sa lekanu sa kapegka-angay sa ig, ataw ka inimbalagyuma nu su manga kaluma nu, na da egkatun nu a ig, na usal kanu sa budta a suti (tayammum), na isapu nu sa kanu manga beneng nu endu sa kanu manga lima nu, saben-sabenal na su Allah na nya nin kaaden na labi a mamelasam a mangampun.

4 : 44

أَلَمۡ تَرَ إِلَى ٱلَّذِينَ أُوتُواْ نَصِيبٗا مِّنَ ٱلۡكِتَٰبِ يَشۡتَرُونَ ٱلضَّلَٰلَةَ وَيُرِيدُونَ أَن تَضِلُّواْ ٱلسَّبِيلَ

Ngintu da nengka mailay su silan a inenggan sa umun kanu kitab (Yahud)? Inisambi nilan i katadingan endu ya nilan egkalinyan na makasulak kanu sa lalan.

4 : 45

وَٱللَّهُ أَعۡلَمُ بِأَعۡدَآئِكُمۡۚ وَكَفَىٰ بِٱللَّهِ وَلِيّٗا وَكَفَىٰ بِٱللَّهِ نَصِيرٗا

Endu su Allah i labi a mataw kanu manga satru nu, endu nasasangan den su Allah tagampil endu nasasangan den su Allah a makadtabang.

4 : 46

مِّنَ ٱلَّذِينَ هَادُواْ يُحَرِّفُونَ ٱلۡكَلِمَ عَن مَّوَاضِعِهِۦ وَيَقُولُونَ سَمِعۡنَا وَعَصَيۡنَا وَٱسۡمَعۡ غَيۡرَ مُسۡمَعٖ وَرَٰعِنَا لَيَّۢا بِأَلۡسِنَتِهِمۡ وَطَعۡنٗا فِي ٱلدِّينِۚ وَلَوۡ أَنَّهُمۡ قَالُواْ سَمِعۡنَا وَأَطَعۡنَا وَٱسۡمَعۡ وَٱنظُرۡنَا لَكَانَ خَيۡرٗا لَّهُمۡ وَأَقۡوَمَ وَلَٰكِن لَّعَنَهُمُ ٱللَّهُ بِكُفۡرِهِمۡ فَلَا يُؤۡمِنُونَ إِلَّا قَلِيلٗا

Kaped kanu silan a mga Yahudi i banalinen nilan su kadtalu (sya sa Taurat) kanu manga nambetadan nin, endu ya nilan pedtalun: nakineg nami endu sinupak nami, endu pakikineg ka di kena nakineg nengka, endu sabuti kami sabap kanu kabigkug nu manga dila nilan endu kabanila-tila sa kanu agama, endu umana bu ka ya nilan nadtalu: nakineg nami endu pinaginugutan nami endu pakikineg ka endu ilay kami na di ebplis na ya nin kaaden na labi a mapya sa kanilan endu labi a matidtu, ugayd na namulkan silan nu Allah sabap sa kanu kinagkafir nilan, na di bamalityala (bamangimbenal) silan ya tabya na paydu.

4 : 47

يَٰٓأَيُّهَا ٱلَّذِينَ أُوتُواْ ٱلۡكِتَٰبَ ءَامِنُواْ بِمَا نَزَّلۡنَا مُصَدِّقٗا لِّمَا مَعَكُم مِّن قَبۡلِ أَن نَّطۡمِسَ وُجُوهٗا فَنَرُدَّهَا عَلَىٰٓ أَدۡبَارِهَآ أَوۡ نَلۡعَنَهُمۡ كَمَا لَعَنَّآ أَصۡحَٰبَ ٱلسَّبۡتِۚ وَكَانَ أَمۡرُ ٱللَّهِ مَفۡعُولًا

Hay sekanu a inenggan sa kitab (Yahudi endu Nasrani): palityala (pangimbenal) kanu sa kanu nganin a initulun nami (Qur’an) a paka-ayun kanu nganin a nan sa lekanu, sa kanu unan u kapunas nami kanu manga beneng (nu), na palengin nami sekanin sa kanu manga taligkudan nin, ataw ka kamulkan nami silan sa mana su kinamulka nami kanu kigkwan sa saptu, endu ya kaaden nu kasuguan nu Allah na manggula.

4 : 48

إِنَّ ٱللَّهَ لَا يَغۡفِرُ أَن يُشۡرَكَ بِهِۦ وَيَغۡفِرُ مَا دُونَ ذَٰلِكَ لِمَن يَشَآءُۚ وَمَن يُشۡرِكۡ بِٱللَّهِ فَقَدِ ٱفۡتَرَىٰٓ إِثۡمًا عَظِيمًا

Saben-sabenal na su Allah na di nin bagampunen su kasakutu sa lekanin, endu bagampunen nin su salakaw kanu entuba sa kanu entayn i magkahanda nin, endu entayn i semakutu sa kanu Allah na saben-sabenal na nakapangaden sa kadusan a masla.

4 : 49

أَلَمۡ تَرَ إِلَى ٱلَّذِينَ يُزَكُّونَ أَنفُسَهُمۚ بَلِ ٱللَّهُ يُزَكِّي مَن يَشَآءُ وَلَا يُظۡلَمُونَ فَتِيلًا

Ngintu da nengka katawi su silan a belimpyun nilan su manga ginawa nilan? Ugayd na su Allah na belimpyun nin su entayn i kagkahanda nin, endu di silan madsalimbut sa apya paydu.

4 : 50

ٱنظُرۡ كَيۡفَ يَفۡتَرُونَ عَلَى ٱللَّهِ ٱلۡكَذِبَۖ وَكَفَىٰ بِهِۦٓ إِثۡمٗا مُّبِينًا

Ilay ka (Muhammad) u panun i kabanatebu-tebu nilan sa Allah sa kalbutan, endu nasasangan den su entuba sa dusa a mapayag.

4 : 51

أَلَمۡ تَرَ إِلَى ٱلَّذِينَ أُوتُواْ نَصِيبٗا مِّنَ ٱلۡكِتَٰبِ يُؤۡمِنُونَ بِٱلۡجِبۡتِ وَٱلطَّٰغُوتِ وَيَقُولُونَ لِلَّذِينَ كَفَرُواْ هَٰٓؤُلَآءِ أَهۡدَىٰ مِنَ ٱلَّذِينَ ءَامَنُواْ سَبِيلًا

Ngintu da nengka mailay (Muhammad) su silan a inenggan sa umun ebpun kanu kitab, bamalityala (bamangimbenal) silan kanu manga balahala, endu ya nilan pedtalun sa kanu silan a namegkafir na silan i labi a nangatutulu kumin kanu silan a namalityala (namangimbenal) i lalan.

4 : 52

أُوْلَٰٓئِكَ ٱلَّذِينَ لَعَنَهُمُ ٱللَّهُۖ وَمَن يَلۡعَنِ ٱللَّهُ فَلَن تَجِدَ لَهُۥ نَصِيرًا

Entuba su silan (Yahudi) na namulkan nu Allah, endu entayn i namulkan nu Allah na di ka den a benal makatun sa lekanin sa makadtabang.

4 : 53

أَمۡ لَهُمۡ نَصِيبٞ مِّنَ ٱلۡمُلۡكِ فَإِذٗا لَّا يُؤۡتُونَ ٱلنَّاسَ نَقِيرًا

Da sa kanilan i umun ebpun kanu kadatu, na kagina ka maytu na di nilan enggan su manga taw sa apya mana tepung.

4 : 54

أَمۡ يَحۡسُدُونَ ٱلنَّاسَ عَلَىٰ مَآ ءَاتَىٰهُمُ ٱللَّهُ مِن فَضۡلِهِۦۖ فَقَدۡ ءَاتَيۡنَآ ءَالَ إِبۡرَٰهِيمَ ٱلۡكِتَٰبَ وَٱلۡحِكۡمَةَ وَءَاتَيۡنَٰهُم مُّلۡكًا عَظِيمٗا

Ataw ka pendengkin nilan su manga taw sa kanu nganin a inenggay sa kanilan nu Allah ebpun kanu kalbihan nin? na saben-sabenal na inenggay nami kanu pamilya ni Ibrahim su kitab endu su ungangen, endu inenggay nami sa kanilan i kadatu a masla.

4 : 55

فَمِنۡهُم مَّنۡ ءَامَنَ بِهِۦ وَمِنۡهُم مَّن صَدَّ عَنۡهُۚ وَكَفَىٰ بِجَهَنَّمَ سَعِيرًا

Na kaped sa kanilan i nalityala (nangimbenal) sa lekanin, endu kaped sa kanilan i tinemaligkud sa lekanin, endu nasasangan den su naraka a pegkalaw-kalaw (sa kanu namegkafir).

4 : 56

إِنَّ ٱلَّذِينَ كَفَرُواْ بِـَٔايَٰتِنَا سَوۡفَ نُصۡلِيهِمۡ نَارٗا كُلَّمَا نَضِجَتۡ جُلُودُهُم بَدَّلۡنَٰهُمۡ جُلُودًا غَيۡرَهَا لِيَذُوقُواْ ٱلۡعَذَابَۗ إِنَّ ٱللَّهَ كَانَ عَزِيزًا حَكِيمٗا

Saben-sabenal na su namegkafir kanu manga tanda nami, na di ebplis na iludep nami silan sa apuy, uman magepul su manga lanitan nilan na sambyan nami silan sa lanitan a salakaw lun ka endu nilan kananaman su siksa, saben-sabenal na su Allah na ya nin kaaden na labi a mapulu a mawngangen.

4 : 57

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَنُدۡخِلُهُمۡ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدٗاۖ لَّهُمۡ فِيهَآ أَزۡوَٰجٞ مُّطَهَّرَةٞۖ وَنُدۡخِلُهُمۡ ظِلّٗا ظَلِيلًا

Endu saben-sabenal na su silan a namalityala (namangimbenal) endu minggalebek sa manga mapya, na di ebplis na paludepen nami silan kanu manga surga a belagilay sa kababan nin i manga lawas na ig sa tatap silan lu ba, aden sa kanilan lu ba i manga kaluma a manga suti, endu paludepen nami silan kanu silung a malebung.

4 : 58

۞ إِنَّ ٱللَّهَ يَأۡمُرُكُمۡ أَن تُؤَدُّواْ ٱلۡأَمَٰنَٰتِ إِلَىٰٓ أَهۡلِهَا وَإِذَا حَكَمۡتُم بَيۡنَ ٱلنَّاسِ أَن تَحۡكُمُواْ بِٱلۡعَدۡلِۚ إِنَّ ٱللَّهَ نِعِمَّا يَعِظُكُم بِهِۦٓۗ إِنَّ ٱللَّهَ كَانَ سَمِيعَۢا بَصِيرٗا

Saben-sabenal na su Allah na ipedsugu nin sa lekanu i makatunay nu su manga salig sa kanu kigkwan lun, endu amayka atulen nu su pageletan nu manga taw na ya nu i-atul na su bantang, saben-sabenal na su Allah na mapya ged i ibangindaw nin ba entu sa lekanu, saben-sabenal na su Allah na ya nin kaaden na labi a pakakineg a pakilay.

4 : 59

يَٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَأَطِيعُواْ ٱلرَّسُولَ وَأُوْلِي ٱلۡأَمۡرِ مِنكُمۡۖ فَإِن تَنَٰزَعۡتُمۡ فِي شَيۡءٖ فَرُدُّوهُ إِلَى ٱللَّهِ وَٱلرَّسُولِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۚ ذَٰلِكَ خَيۡرٞ وَأَحۡسَنُ تَأۡوِيلًا

Hay sekanu a namalityala (namangimbenal)! Paginuguti nu su Allah endu paginuguti nu su sinugu endu su egkaunutan ebpun sa lekanu, na amayka namakambabangkyanga kanu sa enggaga-isa na imbalingan nu sekanin lu sa kanu Allah (Qur’an) endu kanu sinugu (Hadith), amayka ya nu kaaden i bamalityala (bamangimbenal) kanu sa Allah endu gay a mawli, entuba i mapya endu labi a mapya a egkambalinganan.

4 : 60

أَلَمۡ تَرَ إِلَى ٱلَّذِينَ يَزۡعُمُونَ أَنَّهُمۡ ءَامَنُواْ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَ يُرِيدُونَ أَن يَتَحَاكَمُوٓاْ إِلَى ٱلطَّٰغُوتِ وَقَدۡ أُمِرُوٓاْ أَن يَكۡفُرُواْ بِهِۦۖ وَيُرِيدُ ٱلشَّيۡطَٰنُ أَن يُضِلَّهُمۡ ضَلَٰلَۢا بَعِيدٗا

Ngintu da nengka mailay (Muhammad) su silan a bamagigiling sa saben-sabenal na namalityala (namangimbenal) silan kanu nganin a initulun sa leka endu kanu nganin a initulun kanu nawna sa leka, egkalini silan sa mamakapamagatula silan lu sa kanu salakaw sa atulan nu Allah, endu saben-sabenal na sinugu silan sa kagkafir nilan lu ba, endu ya kyug nu Shaytan na matading kanu nin sa katading a mawatan.

4 : 61

وَإِذَا قِيلَ لَهُمۡ تَعَالَوۡاْ إِلَىٰ مَآ أَنزَلَ ٱللَّهُ وَإِلَى ٱلرَّسُولِ رَأَيۡتَ ٱلۡمُنَٰفِقِينَ يَصُدُّونَ عَنكَ صُدُودٗا

Endu amayka edtalun sa kanilan: sya kanu sa kanu nganin a initulun nu Allah endu kanu sinugu, na mailay nengka su manga munafiq a elenen ka nilan sa kapebpelen.

4 : 62

فَكَيۡفَ إِذَآ أَصَٰبَتۡهُم مُّصِيبَةُۢ بِمَا قَدَّمَتۡ أَيۡدِيهِمۡ ثُمَّ جَآءُوكَ يَحۡلِفُونَ بِٱللَّهِ إِنۡ أَرَدۡنَآ إِلَّآ إِحۡسَٰنٗا وَتَوۡفِيقًا

Na panun u amayka masugat silan na tyuba sabap kanu nganin a pinggalebek nu manga lima nilan, mawli na nakawma silan sa leka (Muhammad) sa edsasapa silan sa Allah sa da nagkahanda nilan ya tabya na kapamyapya endu tutulu.

4 : 63

أُوْلَٰٓئِكَ ٱلَّذِينَ يَعۡلَمُ ٱللَّهُ مَا فِي قُلُوبِهِمۡ فَأَعۡرِضۡ عَنۡهُمۡ وَعِظۡهُمۡ وَقُل لَّهُمۡ فِيٓ أَنفُسِهِمۡ قَوۡلَۢا بَلِيغٗا

Entuba silan na katawan nu Allah su nganin a sya kanu manga pusung nilan, na pandaya ka silan endu indaw ka silan endu edtalu ka sa kanilan sya kanu manga ginawa nilan i kadtalu a mabagel.

4 : 64

وَمَآ أَرۡسَلۡنَا مِن رَّسُولٍ إِلَّا لِيُطَاعَ بِإِذۡنِ ٱللَّهِۚ وَلَوۡ أَنَّهُمۡ إِذ ظَّلَمُوٓاْ أَنفُسَهُمۡ جَآءُوكَ فَٱسۡتَغۡفَرُواْ ٱللَّهَ وَٱسۡتَغۡفَرَ لَهُمُ ٱلرَّسُولُ لَوَجَدُواْ ٱللَّهَ تَوَّابٗا رَّحِيمٗا

Endu da kinasugu nami sa sinugu ya tabya na endu kapaginugutan sa sugut nu Allah, umana bu ka saben-sabenal sa kanilan kanu kutika a kinadsalimbut nilan sa kanu manga ginawa nilan ka tiningguma ka (Muhammad) nilan, na nangeni silan sa ampun kanu Allah endu inipangeni silan sa ampun nu sinugu, na matun nilan su Allah a labi a banawbat a malimu.

4 : 65

فَلَا وَرَبِّكَ لَا يُؤۡمِنُونَ حَتَّىٰ يُحَكِّمُوكَ فِيمَا شَجَرَ بَيۡنَهُمۡ ثُمَّ لَا يَجِدُواْ فِيٓ أَنفُسِهِمۡ حَرَجٗا مِّمَّا قَضَيۡتَ وَيُسَلِّمُواْ تَسۡلِيمٗا

Na di kena, idsapa ku kanu pedtyakap sa leka (Allah) i di silan malityala (mangimbenal) taman sa di ka nilan makapangangatulan (Muhammad) sya kanu nganin a di nilan bamagayunan mawli na di nilan egkatun kanu manga ginawa nilan kambida ebpun kanu nganin a kinaatul nengka, endu semangkup silan sa kasangkup.

4 : 71

يَٰٓأَيُّهَا ٱلَّذِينَ ءَامَنُواْ خُذُواْ حِذۡرَكُمۡ فَٱنفِرُواْ ثُبَاتٍ أَوِ ٱنفِرُواْ جَمِيعٗا

Hay sekanu a bamalityala (bamangimbenal)! Kamali nu i kaabung nu (sya kanu kambunuwa) endu lyu kanu sa lumpuk-lumpuk ataw ka lyu kanu sa isa ka lumpukan.

4 : 72

وَإِنَّ مِنكُمۡ لَمَن لَّيُبَطِّئَنَّ فَإِنۡ أَصَٰبَتۡكُم مُّصِيبَةٞ قَالَ قَدۡ أَنۡعَمَ ٱللَّهُ عَلَيَّ إِذۡ لَمۡ أَكُن مَّعَهُمۡ شَهِيدٗا

Endu saben-sabenal na kaped sa lekanu na pendudulumbat (sa kapengganat) na amayka masugat kanu na bataluan na ya nin madtalu: saben-sabenal na inikalimu aku nu Allah kagina da aku maaden sa kaped sa kanilan a shahid.

4 : 73

وَلَئِنۡ أَصَٰبَكُمۡ فَضۡلٞ مِّنَ ٱللَّهِ لَيَقُولَنَّ كَأَن لَّمۡ تَكُنۢ بَيۡنَكُمۡ وَبَيۡنَهُۥ مَوَدَّةٞ يَٰلَيۡتَنِي كُنتُ مَعَهُمۡ فَأَفُوزَ فَوۡزًا عَظِيمٗا

Endu amayka masugat kanu na limu nu Allah na di ebplis na madtalu nin: mana da maaden sa pageletan nu endu sa lekanin i lilini, umana bu ka ya ku kaaden i kaped sa kanilan na makataban aku sa kataban.

4 : 74

۞ فَلۡيُقَٰتِلۡ فِي سَبِيلِ ٱللَّهِ ٱلَّذِينَ يَشۡرُونَ ٱلۡحَيَوٰةَ ٱلدُّنۡيَا بِٱلۡأٓخِرَةِۚ وَمَن يُقَٰتِلۡ فِي سَبِيلِ ٱللَّهِ فَيُقۡتَلۡ أَوۡ يَغۡلِبۡ فَسَوۡفَ نُؤۡتِيهِ أَجۡرًا عَظِيمٗا

Na embunuwa sa lalan sa Allah su silan a pebpasan nilan su uyag-uyag sa dunya sa gay a mawli endu su entayn i pembunuwa sa lalan sa Allah na mabunu (mashahid) ataw ka makataban na di ebplis na inggay nami sa lekanin su balas a masla.

4 : 75

وَمَا لَكُمۡ لَا تُقَٰتِلُونَ فِي سَبِيلِ ٱللَّهِ وَٱلۡمُسۡتَضۡعَفِينَ مِنَ ٱلرِّجَالِ وَٱلنِّسَآءِ وَٱلۡوِلۡدَٰنِ ٱلَّذِينَ يَقُولُونَ رَبَّنَآ أَخۡرِجۡنَا مِنۡ هَٰذِهِ ٱلۡقَرۡيَةِ ٱلظَّالِمِ أَهۡلُهَا وَٱجۡعَل لَّنَا مِن لَّدُنكَ وَلِيّٗا وَٱجۡعَل لَّنَا مِن لَّدُنكَ نَصِيرًا

Endu ngin i lekanu? Ka di kanu pembunuwa sa lalan sa Allah endu su bamangumisen a manga mama endu manga babay endu su manga wata a ya nilan pedtalun: pedtyakap sa lekami (Allah), palyu kami sa kanu nya a dalpa a salimbuten i manga taw nin, endu baluy ka sa lekami ebpun sa leka i kaunutan a makadtabang, endu baluy ka sa lekami ebpun sa leka i makadtabang.

4 : 76

ٱلَّذِينَ ءَامَنُواْ يُقَٰتِلُونَ فِي سَبِيلِ ٱللَّهِۖ وَٱلَّذِينَ كَفَرُواْ يُقَٰتِلُونَ فِي سَبِيلِ ٱلطَّٰغُوتِ فَقَٰتِلُوٓاْ أَوۡلِيَآءَ ٱلشَّيۡطَٰنِۖ إِنَّ كَيۡدَ ٱلشَّيۡطَٰنِ كَانَ ضَعِيفًا

Su silan a bamalityala (bamangimbenal), pembunuwa silan sa lalan sa Allah, endu su silan a namegkafir pembunuwa silan sa lalan sa kanu balahala, na imbunuwa nu su kangaunutan nu manga Shaytan, saben-sabenal na su antangan nu Shaytan na ya nin kaaden na malubay.

4 : 77

أَلَمۡ تَرَ إِلَى ٱلَّذِينَ قِيلَ لَهُمۡ كُفُّوٓاْ أَيۡدِيَكُمۡ وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ فَلَمَّا كُتِبَ عَلَيۡهِمُ ٱلۡقِتَالُ إِذَا فَرِيقٞ مِّنۡهُمۡ يَخۡشَوۡنَ ٱلنَّاسَ كَخَشۡيَةِ ٱللَّهِ أَوۡ أَشَدَّ خَشۡيَةٗۚ وَقَالُواْ رَبَّنَا لِمَ كَتَبۡتَ عَلَيۡنَا ٱلۡقِتَالَ لَوۡلَآ أَخَّرۡتَنَآ إِلَىٰٓ أَجَلٖ قَرِيبٖۗ قُلۡ مَتَٰعُ ٱلدُّنۡيَا قَلِيلٞ وَٱلۡأٓخِرَةُ خَيۡرٞ لِّمَنِ ٱتَّقَىٰ وَلَا تُظۡلَمُونَ فَتِيلًا

Ngintu da nengka katawi (Muhammad) su silan a pidtalu sa kanilan: ungen nu su manga lima nu, (da kanu pan pembunuwa), endu itindeg nu su sambayang endu itapenay nu su zakat, na engguna su inibpalyugat sa kanilan su kambunuwa na su lumpukan sa kanilan na ipegkagilek nilan su manga taw sa mana gilek nilan sa Allah ataw ka labi lun pan, endu pidtalu nilan: pedtyakap sa lekami (Allah) enduken ka inibpalyugat nengka sa lekami i kambunuwa, umana bu ka pinaiseg kami nengka sa timpu a masiken, edtalu ka (Muhammad): kapegkakalini sa dunya na paydu, endu su gay a mawli na labi a mapya kanu entayn i minggilek, endu di kanu madsalimbut sa apya paydu.

4 : 78

أَيۡنَمَا تَكُونُواْ يُدۡرِككُّمُ ٱلۡمَوۡتُ وَلَوۡ كُنتُمۡ فِي بُرُوجٖ مُّشَيَّدَةٖۗ وَإِن تُصِبۡهُمۡ حَسَنَةٞ يَقُولُواْ هَٰذِهِۦ مِنۡ عِندِ ٱللَّهِۖ وَإِن تُصِبۡهُمۡ سَيِّئَةٞ يَقُولُواْ هَٰذِهِۦ مِنۡ عِندِكَۚ قُلۡ كُلّٞ مِّنۡ عِندِ ٱللَّهِۖ فَمَالِ هَٰٓؤُلَآءِ ٱلۡقَوۡمِ لَا يَكَادُونَ يَفۡقَهُونَ حَدِيثٗا

Apya endaw kanu maaden na magos kanu nu kapatay, apya ya nu kaaden i sya kanu pan sa mansyun a midtawan-tawan, endu amayka masugat silan na mapya na madtalu nilan: nya na ebpun sa kanu Allah, endu amayka masugat silan na mawag na ya nilan madtalu: nya na ebpun sa leka (Muhammad), edtalu ka (Muhammad) i su langun na ebpun sa Allah, na ngin silan a lumpukan a mana su di silan makasabut sa kadtalu.

4 : 79

مَّآ أَصَابَكَ مِنۡ حَسَنَةٖ فَمِنَ ٱللَّهِۖ وَمَآ أَصَابَكَ مِن سَيِّئَةٖ فَمِن نَّفۡسِكَۚ وَأَرۡسَلۡنَٰكَ لِلنَّاسِ رَسُولٗاۚ وَكَفَىٰ بِٱللَّهِ شَهِيدٗا

Su nganin a nakasugat sa leka a mapya na ebpun sa kanu Allah, endu su nganin a nakasugat sa leka a malat na ebpun sa kanu ginawa nengka, endu inipapayt nami seka (Muhammad) kanu manga taw sa kapedsugu, endu nasasangan den su Allah a saksi.

4 : 80

مَّن يُطِعِ ٱلرَّسُولَ فَقَدۡ أَطَاعَ ٱللَّهَۖ وَمَن تَوَلَّىٰ فَمَآ أَرۡسَلۡنَٰكَ عَلَيۡهِمۡ حَفِيظٗا

Entayn i maginugut sa kanu sinugu (Muhammad) na saben-sabenal na pinaginugutan nin su Allah, endu entayn i temaligkud na da nami seka (Muhammad) ipapayt sa kanilan sa kapedtuganul (sa kanilan).

4 : 81

وَيَقُولُونَ طَاعَةٞ فَإِذَا بَرَزُواْ مِنۡ عِندِكَ بَيَّتَ طَآئِفَةٞ مِّنۡهُمۡ غَيۡرَ ٱلَّذِي تَقُولُۖ وَٱللَّهُ يَكۡتُبُ مَا يُبَيِّتُونَۖ فَأَعۡرِضۡ عَنۡهُمۡ وَتَوَكَّلۡ عَلَى ٱللَّهِۚ وَكَفَىٰ بِٱللَّهِ وَكِيلًا

Endu ya nilan kadtalu: kapaginugut, na amayka nakalyu silan sa leka, na sambyan nu lumpukan sa kanilan sa salakaw kanu pedtalun nengka (sambiyan nilan su kadtalu nu Rasulullah), endu su Allah na ipedsulat nin su nganin a pedsalinen nilan, na pandaya ka silan (Muhammad) endu salig ka sa Allah, endu nasasangan den su Allah a egkasaligan.

4 : 82

أَفَلَا يَتَدَبَّرُونَ ٱلۡقُرۡءَانَۚ وَلَوۡ كَانَ مِنۡ عِندِ غَيۡرِ ٱللَّهِ لَوَجَدُواْ فِيهِ ٱخۡتِلَٰفٗا كَثِيرٗا

Ngintu di nilan banulimanen su Qur’an? Umana bu ka ya nin kaaden i ganat sa salakaw sa kanu Allah na matun nilan lu ba i kambida-bida a madakel.

4 : 83

وَإِذَا جَآءَهُمۡ أَمۡرٞ مِّنَ ٱلۡأَمۡنِ أَوِ ٱلۡخَوۡفِ أَذَاعُواْ بِهِۦۖ وَلَوۡ رَدُّوهُ إِلَى ٱلرَّسُولِ وَإِلَىٰٓ أُوْلِي ٱلۡأَمۡرِ مِنۡهُمۡ لَعَلِمَهُ ٱلَّذِينَ يَسۡتَنۢبِطُونَهُۥ مِنۡهُمۡۗ وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ لَٱتَّبَعۡتُمُ ٱلشَّيۡطَٰنَ إِلَّا قَلِيلٗا

Endu amayka mawma silan na galebekan a kadtakena ataw ka makagilek, na ipayapat nilan i entuba, apya imbalingan nilan kanu sinugu endu kanu manga kigkwan kanu galebekan, na katawan i entuba nu silan a bamangandut lun ebpun sa kanilan, endu di kena su kalbihan nu Allah sa lekanu endu limu nin na di ebplis na ebpatyunutan nu su Shaytan, ya tabya na paydu.

4 : 84

فَقَٰتِلۡ فِي سَبِيلِ ٱللَّهِ لَا تُكَلَّفُ إِلَّا نَفۡسَكَۚ وَحَرِّضِ ٱلۡمُؤۡمِنِينَۖ عَسَى ٱللَّهُ أَن يَكُفَّ بَأۡسَ ٱلَّذِينَ كَفَرُواْۚ وَٱللَّهُ أَشَدُّ بَأۡسٗا وَأَشَدُّ تَنكِيلٗا

Na embunuwa ka (Muhammad) sa lalan sa Allah, da egkabpalyugatan ya tabya na ginawa nengka, endu ipakalilini nengka sa kanu bamalityala (bamangimbenal), kalu-kalu sa kanu Allah i ungangen nin su mawag nu silan a namegkafir, endu su Allah na labi a mabagel endu labi a mapedes i siksa.

4 : 85

مَّن يَشۡفَعۡ شَفَٰعَةً حَسَنَةٗ يَكُن لَّهُۥ نَصِيبٞ مِّنۡهَاۖ وَمَن يَشۡفَعۡ شَفَٰعَةٗ سَيِّئَةٗ يَكُن لَّهُۥ كِفۡلٞ مِّنۡهَاۗ وَكَانَ ٱللَّهُ عَلَىٰ كُلِّ شَيۡءٖ مُّقِيتٗا

Entayn i tumabang sa tabang a mapya na maaden sa lekanin i umun lun, endu entayn i tumabang sa tabang a malat na maaden sa lekanin i umun lun, endu ya kaaden nu Allahu kanu langun na enggaga-isa na bamarihala.

4 : 86

وَإِذَا حُيِّيتُم بِتَحِيَّةٖ فَحَيُّواْ بِأَحۡسَنَ مِنۡهَآ أَوۡ رُدُّوهَآۗ إِنَّ ٱللَّهَ كَانَ عَلَىٰ كُلِّ شَيۡءٍ حَسِيبًا

Endu amayka pidsela-sela kanu sa kadsela-sela, na edsela-sela kanu sa labi a mapya lun, ataw ka imbalingan nu i entuba, saben-sabenal na su Allah na ya nin kaaden kanu langun na enggaga-isa na makwinta.

4 : 87

ٱللَّهُ لَآ إِلَٰهَ إِلَّا هُوَۚ لَيَجۡمَعَنَّكُمۡ إِلَىٰ يَوۡمِ ٱلۡقِيَٰمَةِ لَا رَيۡبَ فِيهِۗ وَمَنۡ أَصۡدَقُ مِنَ ٱللَّهِ حَدِيثٗا

Su Allah, da kadenan ya tabya na sekanin, di ebplis na buligen kanu nin sa gay a mawli a dala kanduwa-duwa lun, endu entayn i labi a bantang kumin kanu Allah a bityala?

4 : 88

۞ فَمَا لَكُمۡ فِي ٱلۡمُنَٰفِقِينَ فِئَتَيۡنِ وَٱللَّهُ أَرۡكَسَهُم بِمَا كَسَبُوٓاْۚ أَتُرِيدُونَ أَن تَهۡدُواْ مَنۡ أَضَلَّ ٱللَّهُۖ وَمَن يُضۡلِلِ ٱللَّهُ فَلَن تَجِدَ لَهُۥ سَبِيلٗا

Na ngin sa lekanu sya kanu manga munafiq ka naduwa lumpuk kanu, endu su Allah i papembalingan sa kanilan (sa kakafiri) sabap kanu nganin a pinggalebek nilan, ngintu ya nu kyug na matutulu nu su entayn a tinadin nu Allah, na entayn i tadingen nu Allah na di den a benal makatun sa lekanin sa lalan.

4 : 89

وَدُّواْ لَوۡ تَكۡفُرُونَ كَمَا كَفَرُواْ فَتَكُونُونَ سَوَآءٗۖ فَلَا تَتَّخِذُواْ مِنۡهُمۡ أَوۡلِيَآءَ حَتَّىٰ يُهَاجِرُواْ فِي سَبِيلِ ٱللَّهِۚ فَإِن تَوَلَّوۡاْ فَخُذُوهُمۡ وَٱقۡتُلُوهُمۡ حَيۡثُ وَجَدتُّمُوهُمۡۖ وَلَا تَتَّخِذُواْ مِنۡهُمۡ وَلِيّٗا وَلَا نَصِيرًا

Ya nilan kyug na umana bu ka egkafir kanu sa mana kinagkafir nilan na maaden kanu sa pagidsan, na di kanu bamaluy ebpun sa kanilan sa madtanggapeda taman sa di silan embakwit sya sa lalan sa Allah, na amayka nanaligkud silan na kwa nu silan endu bunu nu silan sa kanu natunan nu sa kanilan, endu di kanu bamaluy ebpun sa kanilan sa makadtabanga.

4 : 90

إِلَّا ٱلَّذِينَ يَصِلُونَ إِلَىٰ قَوۡمِۭ بَيۡنَكُمۡ وَبَيۡنَهُم مِّيثَٰقٌ أَوۡ جَآءُوكُمۡ حَصِرَتۡ صُدُورُهُمۡ أَن يُقَٰتِلُوكُمۡ أَوۡ يُقَٰتِلُواْ قَوۡمَهُمۡۚ وَلَوۡ شَآءَ ٱللَّهُ لَسَلَّطَهُمۡ عَلَيۡكُمۡ فَلَقَٰتَلُوكُمۡۚ فَإِنِ ٱعۡتَزَلُوكُمۡ فَلَمۡ يُقَٰتِلُوكُمۡ وَأَلۡقَوۡاْ إِلَيۡكُمُ ٱلسَّلَمَ فَمَا جَعَلَ ٱللَّهُ لَكُمۡ عَلَيۡهِمۡ سَبِيلٗا

Ya tabya na su silan a pamakawma lu sa kanu lumpukan sa pageletan nu endu pageletan nilan i kapasadan ataw ka natingguma kanu nilan sa magaget kanu manga pamusungan nilan i kambunuwa nilan sa lekanu, ataw ka kambunuwa nilan kanu lumpukan nilan, umana bu ka migkahanda su Allah na di ebplis na patabanan kanu nin sa kanilan na makambunuwa kanu nilan, na amayka tagaken kanu nilan na di kanu nilan den makambunuwa endu ipayag nilan sa lekanu i sagyahatra, na da den baluya nu Allah sa lekanu kanilan i ukit.

4 : 91

سَتَجِدُونَ ءَاخَرِينَ يُرِيدُونَ أَن يَأۡمَنُوكُمۡ وَيَأۡمَنُواْ قَوۡمَهُمۡ كُلَّ مَا رُدُّوٓاْ إِلَى ٱلۡفِتۡنَةِ أُرۡكِسُواْ فِيهَاۚ فَإِن لَّمۡ يَعۡتَزِلُوكُمۡ وَيُلۡقُوٓاْ إِلَيۡكُمُ ٱلسَّلَمَ وَيَكُفُّوٓاْ أَيۡدِيَهُمۡ فَخُذُوهُمۡ وَٱقۡتُلُوهُمۡ حَيۡثُ ثَقِفۡتُمُوهُمۡۚ وَأُوْلَٰٓئِكُمۡ جَعَلۡنَا لَكُمۡ عَلَيۡهِمۡ سُلۡطَٰنٗا مُّبِينٗا

Di ebplis na matun nu su manga kaped sa ya nilan kyug na makapatana kanu nilan endu makapatana nilan su lumpukan nilan, uman nilan imbalingan sa bataluan (sa kakafir) na i imbalingan silan lu ba, na amayka di kanu nilan tantangan sa ipayag nilan sa lekanu i sagyahatra endu ungenen nilan su manga lima nilan, na kwa nu silan endu bunu nu silan sa endaw nu silan natun, endu entuba binaluy nami sa lekanu sa kanilan i tindeg a mapayag.

4 : 92

وَمَا كَانَ لِمُؤۡمِنٍ أَن يَقۡتُلَ مُؤۡمِنًا إِلَّا خَطَـٔٗاۚ وَمَن قَتَلَ مُؤۡمِنًا خَطَـٔٗا فَتَحۡرِيرُ رَقَبَةٖ مُّؤۡمِنَةٖ وَدِيَةٞ مُّسَلَّمَةٌ إِلَىٰٓ أَهۡلِهِۦٓ إِلَّآ أَن يَصَّدَّقُواْۚ فَإِن كَانَ مِن قَوۡمٍ عَدُوّٖ لَّكُمۡ وَهُوَ مُؤۡمِنٞ فَتَحۡرِيرُ رَقَبَةٖ مُّؤۡمِنَةٖۖ وَإِن كَانَ مِن قَوۡمِۭ بَيۡنَكُمۡ وَبَيۡنَهُم مِّيثَٰقٞ فَدِيَةٞ مُّسَلَّمَةٌ إِلَىٰٓ أَهۡلِهِۦ وَتَحۡرِيرُ رَقَبَةٖ مُّؤۡمِنَةٖۖ فَمَن لَّمۡ يَجِدۡ فَصِيَامُ شَهۡرَيۡنِ مُتَتَابِعَيۡنِ تَوۡبَةٗ مِّنَ ٱللَّهِۗ وَكَانَ ٱللَّهُ عَلِيمًا حَكِيمٗا

Endu da maaden kanu balityala (bangimbenal) i bunun nin su balityala (bangimbenal) ya tabya na limban, endu entayn i makapatay sa balityala (bangimbenal) sa limban na kabamangun sa ulipen a balityala (bangimbenal) endu kaenggay sa kasalan kanu bangiwaris lun, ya tabya na idsadaqah nilan, na amayka ya nin kaaden i ebpun kanu lumpukan a satru nu sa sekanin na balityala (bangimbenal) na kabamangun sa ulipen a balityaya (bangimbenal), endu amayka ya nin kaaden na ganat kanu lumpukan a pageletan nu endu pageletan nilan i kapasadan na kaenggay sa kasalan kanu bangiwaris lun endu kabamangun sa ulipen a balityala (bangimbenal), na entayn i di makatun na kabpwasa sa duwa ulan a pedtutundug sa tawbat a ebpun sa Allah, endu ya kaaden nu Allah na labi a mataw a mawngangen.

4 : 93

وَمَن يَقۡتُلۡ مُؤۡمِنٗا مُّتَعَمِّدٗا فَجَزَآؤُهُۥ جَهَنَّمُ خَٰلِدٗا فِيهَا وَغَضِبَ ٱللَّهُ عَلَيۡهِ وَلَعَنَهُۥ وَأَعَدَّ لَهُۥ عَذَابًا عَظِيمٗا

Endu entayn i makabunu sa balityala (bangimbenal) sa pidtibaba na ya nin balas na naraka sa tatap lu ba endu nalipungetan nu Allah sekanin endu namulkan nin sekanin endu pinagadilan nin sekanin sa siksa a masla.

4 : 94

يَٰٓأَيُّهَا ٱلَّذِينَ ءَامَنُوٓاْ إِذَا ضَرَبۡتُمۡ فِي سَبِيلِ ٱللَّهِ فَتَبَيَّنُواْ وَلَا تَقُولُواْ لِمَنۡ أَلۡقَىٰٓ إِلَيۡكُمُ ٱلسَّلَٰمَ لَسۡتَ مُؤۡمِنٗا تَبۡتَغُونَ عَرَضَ ٱلۡحَيَوٰةِ ٱلدُّنۡيَا فَعِندَ ٱللَّهِ مَغَانِمُ كَثِيرَةٞۚ كَذَٰلِكَ كُنتُم مِّن قَبۡلُ فَمَنَّ ٱللَّهُ عَلَيۡكُمۡ فَتَبَيَّنُوٓاْۚ إِنَّ ٱللَّهَ كَانَ بِمَا تَعۡمَلُونَ خَبِيرٗا

Hay sekanu a bamalityala (bamangimbenal)! Amayka belalakaw kanu sya sa lalan sa Allah na pangamad kanu, di nu pedtalu kanu entayn i minayag sa lekanu sa sela-sela i di kena ka balityala (bangimbenal) sa pagkyug kanu sa kapegkakalini sa uyag-uyag sa dunya, na kanu Allah i egkangakwa a madakel, na manan ba i kaaden nu paganay, na inikalimu kanu nu Allah na pangamad kanu, saben-sabenal na su Allah na ya nin kaaden kanu nganin a penggalebeken nu na sabut.

4 : 95

لَّا يَسۡتَوِي ٱلۡقَٰعِدُونَ مِنَ ٱلۡمُؤۡمِنِينَ غَيۡرُ أُوْلِي ٱلضَّرَرِ وَٱلۡمُجَٰهِدُونَ فِي سَبِيلِ ٱللَّهِ بِأَمۡوَٰلِهِمۡ وَأَنفُسِهِمۡۚ فَضَّلَ ٱللَّهُ ٱلۡمُجَٰهِدِينَ بِأَمۡوَٰلِهِمۡ وَأَنفُسِهِمۡ عَلَى ٱلۡقَٰعِدِينَ دَرَجَةٗۚ وَكُلّٗا وَعَدَ ٱللَّهُ ٱلۡحُسۡنَىٰۚ وَفَضَّلَ ٱللَّهُ ٱلۡمُجَٰهِدِينَ عَلَى ٱلۡقَٰعِدِينَ أَجۡرًا عَظِيمٗا

Di makapagidsan su namagagayan (namangintelen) ebpun kanu manga namalityala (namangimbenal) sa da sa kanilan pakagkayd, endu su namen-jihad sa lalan sa kanu Allah sa manga tamuk nilan endu manga ginawa nilan, inilabi nu Allah su namen-jihad sa manga tamuk nilan endu manga ginawa nilan kanu bamagagayan (namangintelen) sa pangkatan, endu su langun na pibpasadan nu Allah sa mapya endu inilabi nu Allah su namen-jihad sa kanu namagagayan (namangintelen) sa balas a masla.

4 : 96

دَرَجَٰتٖ مِّنۡهُ وَمَغۡفِرَةٗ وَرَحۡمَةٗۚ وَكَانَ ٱللَّهُ غَفُورٗا رَّحِيمًا

Sa manga pangkatan a ebpun sa lekanin endu ampun endu limu endu ya kaaden nu Allah na labi a bangampun a malimu.

4 : 97

إِنَّ ٱلَّذِينَ تَوَفَّىٰهُمُ ٱلۡمَلَٰٓئِكَةُ ظَالِمِيٓ أَنفُسِهِمۡ قَالُواْ فِيمَ كُنتُمۡۖ قَالُواْ كُنَّا مُسۡتَضۡعَفِينَ فِي ٱلۡأَرۡضِۚ قَالُوٓاْ أَلَمۡ تَكُنۡ أَرۡضُ ٱللَّهِ وَٰسِعَةٗ فَتُهَاجِرُواْ فِيهَاۚ فَأُوْلَٰٓئِكَ مَأۡوَىٰهُمۡ جَهَنَّمُۖ وَسَآءَتۡ مَصِيرًا

Saben-sabenal na su silan a pinangimatayan nu malaikat a sinalimbut nilan su manga ginawa nilan, ya nilan nadtalu (malaikat): ngin i kaaden nu? Madtalu nilan: ya nami kaaden na egkangaumis sya kanu kalupan, pidtalu nilan: ngintu da maaden su lupa nu Allah sa mawlad sa makambakwit kanu lun? Entuba su kadtakenan nilan na Naraka, na mawag den a kadtamanan.

4 : 98

إِلَّا ٱلۡمُسۡتَضۡعَفِينَ مِنَ ٱلرِّجَالِ وَٱلنِّسَآءِ وَٱلۡوِلۡدَٰنِ لَا يَسۡتَطِيعُونَ حِيلَةٗ وَلَا يَهۡتَدُونَ سَبِيلٗا

Ya tabya na su manga malubay a ebpun kanu manga mama endu manga babay endu manga wata a di pakagaga bagakal endu di egkatutulu silan sa lalan.

4 : 99

فَأُوْلَٰٓئِكَ عَسَى ٱللَّهُ أَن يَعۡفُوَ عَنۡهُمۡۚ وَكَانَ ٱللَّهُ عَفُوًّا غَفُورٗا

Na entuba basi lasamen nu Allah silan, endu ya kaaden nu Allah na labi a malasam a mangampun.

4 : 100

۞ وَمَن يُهَاجِرۡ فِي سَبِيلِ ٱللَّهِ يَجِدۡ فِي ٱلۡأَرۡضِ مُرَٰغَمٗا كَثِيرٗا وَسَعَةٗۚ وَمَن يَخۡرُجۡ مِنۢ بَيۡتِهِۦ مُهَاجِرًا إِلَى ٱللَّهِ وَرَسُولِهِۦ ثُمَّ يُدۡرِكۡهُ ٱلۡمَوۡتُ فَقَدۡ وَقَعَ أَجۡرُهُۥ عَلَى ٱللَّهِۗ وَكَانَ ٱللَّهُ غَفُورٗا رَّحِيمٗا

Endu entayn i embakwit sa lalan sa Allah na matun nin sya sa kanu kalupan i kagkapulu endu rizki (a madakel) endu kadaludaya, endu entayn i linemyu sa walay nin sa bakwit sa lalan sa Allah endu sinugu nin mawli na nasot sekanin nu kapatay, na saben-sabenal na nakambetad i balas nin kanu Allah, endu ya kaaden nu Allah na labi a bangampun a malimu.

4 : 101

وَإِذَا ضَرَبۡتُمۡ فِي ٱلۡأَرۡضِ فَلَيۡسَ عَلَيۡكُمۡ جُنَاحٌ أَن تَقۡصُرُواْ مِنَ ٱلصَّلَوٰةِ إِنۡ خِفۡتُمۡ أَن يَفۡتِنَكُمُ ٱلَّذِينَ كَفَرُوٓاْۚ إِنَّ ٱلۡكَٰفِرِينَ كَانُواْ لَكُمۡ عَدُوّٗا مُّبِينٗا

Endu amayka belalakaw kanu sya kanu kalupan na da sa lekanu i dusa sa kapakapaydu (kakasar) nu kanu sa sambayang amayka bangandam kanu sa mafitnah kanu nu silan a namegkafir, saben-sabenal na su manga kafir na nya nilan kaaden sa lekanu na satru a mapayag.

4 : 102

وَإِذَا كُنتَ فِيهِمۡ فَأَقَمۡتَ لَهُمُ ٱلصَّلَوٰةَ فَلۡتَقُمۡ طَآئِفَةٞ مِّنۡهُم مَّعَكَ وَلۡيَأۡخُذُوٓاْ أَسۡلِحَتَهُمۡۖ فَإِذَا سَجَدُواْ فَلۡيَكُونُواْ مِن وَرَآئِكُمۡ وَلۡتَأۡتِ طَآئِفَةٌ أُخۡرَىٰ لَمۡ يُصَلُّواْ فَلۡيُصَلُّواْ مَعَكَ وَلۡيَأۡخُذُواْ حِذۡرَهُمۡ وَأَسۡلِحَتَهُمۡۗ وَدَّ ٱلَّذِينَ كَفَرُواْ لَوۡ تَغۡفُلُونَ عَنۡ أَسۡلِحَتِكُمۡ وَأَمۡتِعَتِكُمۡ فَيَمِيلُونَ عَلَيۡكُم مَّيۡلَةٗ وَٰحِدَةٗۚ وَلَا جُنَاحَ عَلَيۡكُمۡ إِن كَانَ بِكُمۡ أَذٗى مِّن مَّطَرٍ أَوۡ كُنتُم مَّرۡضَىٰٓ أَن تَضَعُوٓاْ أَسۡلِحَتَكُمۡۖ وَخُذُواْ حِذۡرَكُمۡۗ إِنَّ ٱللَّهَ أَعَدَّ لِلۡكَٰفِرِينَ عَذَابٗا مُّهِينٗا

Endu amayka ya nengka kaaden i kaped sa kanilan (Muhammad) na initindeg nengka sa kanilan (pinagimaman nengka) na temindeg su lumpukan sa kanilan salta sa leka endu kwan nilan su manga matalam nilan, na amayka simugyud silan na maaden silan kanu taligkudan nu, endu temingguma su lumpukan a salakaw a da makadsambayang ka edsambayang silan salta sa leka, endu kwan nilan su abung nilan endu manga matalam nilan, ya kyug nu silan a namegkafir na umana bu ka makadtalipenda nu su manga matalam nu endu su manga kasangkapan nu, na pamungkaydanan kanu nilan sa kabamungkayd a makaisa, endu da sa lekanu i dusa amayka naaden sa lekanu i pakasikut a ulan, ataw ka naaden kanu sa bamendalu i makabetad nu i manga matalam nu, endu kamali nu su abung nu, saben-sabenal na su Allah na inipagadil nin sa kanu manga kafir i siksa a bamelusak.

4 : 103

فَإِذَا قَضَيۡتُمُ ٱلصَّلَوٰةَ فَٱذۡكُرُواْ ٱللَّهَ قِيَٰمٗا وَقُعُودٗا وَعَلَىٰ جُنُوبِكُمۡۚ فَإِذَا ٱطۡمَأۡنَنتُمۡ فَأَقِيمُواْ ٱلصَّلَوٰةَۚ إِنَّ ٱلصَّلَوٰةَ كَانَتۡ عَلَى ٱلۡمُؤۡمِنِينَ كِتَٰبٗا مَّوۡقُوتٗا

Na amayka nakatunay nu su sambayang na tademi nu su Allah sa kadtindeg endu kaayan endu kabagiga nu, na amayka nakatana kanu na itindeg nu su sambayang, saben-sabenal na su sambayang na ya nin kaaden kanu bamalityala (bamangimbenal) na talanged a kutika.

4 : 104

وَلَا تَهِنُواْ فِي ٱبۡتِغَآءِ ٱلۡقَوۡمِۖ إِن تَكُونُواْ تَأۡلَمُونَ فَإِنَّهُمۡ يَأۡلَمُونَ كَمَا تَأۡلَمُونَۖ وَتَرۡجُونَ مِنَ ٱللَّهِ مَا لَا يَرۡجُونَۗ وَكَانَ ٱللَّهُ عَلِيمًا حَكِيمًا

Da kanu mapakalubay sya kanu kabanganganay kanu lumpukan (satru), amayka egkaaden kanu sa egkasakitan kanu, na saben-sabenal na silan na egkasakitan silan sa mana kapegkasakit sa lekanu, endu pakapanganganay kanu sa Allah sa di nilan egkapanganganay, endu ya kaaden nu Allah na labi a mataw a mawngangen.

4 : 105

إِنَّآ أَنزَلۡنَآ إِلَيۡكَ ٱلۡكِتَٰبَ بِٱلۡحَقِّ لِتَحۡكُمَ بَيۡنَ ٱلنَّاسِ بِمَآ أَرَىٰكَ ٱللَّهُۚ وَلَا تَكُن لِّلۡخَآئِنِينَ خَصِيمٗا

Saben-sabenal na sekami na initulun nami sa leka (Muhammad) su kitab sa bantang ka endu nengka maatul su manga taw sa kanu nganin a pinakatawan nu Allah sa leka, endu di ka maaden sa kanu di egkangasaligan sa makadsabek.

4 : 106

وَٱسۡتَغۡفِرِ ٱللَّهَۖ إِنَّ ٱللَّهَ كَانَ غَفُورٗا رَّحِيمٗا

Endu pangeni ka sa ampun sa kanu Allah, saben-sabenal na su Allah na ya nin kaaden na labi a bangampun a malimu.

4 : 107

وَلَا تُجَٰدِلۡ عَنِ ٱلَّذِينَ يَخۡتَانُونَ أَنفُسَهُمۡۚ إِنَّ ٱللَّهَ لَا يُحِبُّ مَن كَانَ خَوَّانًا أَثِيمٗا

Endu di ka ipebpalawa su silan a pendulatan nilan i manga ginawa nilan, saben-sabenal na su Allah na di nin kalinyan su entayn i ya nin kaaden na labi a banulat a baladusa.

4 : 108

يَسۡتَخۡفُونَ مِنَ ٱلنَّاسِ وَلَا يَسۡتَخۡفُونَ مِنَ ٱللَّهِ وَهُوَ مَعَهُمۡ إِذۡ يُبَيِّتُونَ مَا لَا يَرۡضَىٰ مِنَ ٱلۡقَوۡلِۚ وَكَانَ ٱللَّهُ بِمَا يَعۡمَلُونَ مُحِيطًا

Bagena silan kanu manga taw, endu di silan bagena kanu Allah, sa ula-ula a sekanin na salta sa kanilan, kanu kutika a ibagena nilan su nganin a di kalinyan a kadtalu, endu ya kaaden nu Allah kanu nganin a penggalebeken nilan na langkap.

4 : 109

هَٰٓأَنتُمۡ هَٰٓؤُلَآءِ جَٰدَلۡتُمۡ عَنۡهُمۡ فِي ٱلۡحَيَوٰةِ ٱلدُّنۡيَا فَمَن يُجَٰدِلُ ٱللَّهَ عَنۡهُمۡ يَوۡمَ ٱلۡقِيَٰمَةِ أَم مَّن يَكُونُ عَلَيۡهِمۡ وَكِيلٗا

Hay sekanu! A pibpelwan nu i makapantag sa kanilan sya sa kanu uyag-uyag sa dunya, na entayn i ebpelwa sa Allah makapantag kanilan sa gay a mawli ataw ka entayn i maaden sa kanilan sa kasaligan?

4 : 110

وَمَن يَعۡمَلۡ سُوٓءًا أَوۡ يَظۡلِمۡ نَفۡسَهُۥ ثُمَّ يَسۡتَغۡفِرِ ٱللَّهَ يَجِدِ ٱللَّهَ غَفُورٗا رَّحِيمٗا

Endu entayn i enggalebek sa mawag ataw ka sumalimbut kanu ginawa nin, mawli na mapa-ampun kanu Allah na matun nin su Allah a labi a bangampun a malimu.

4 : 111

وَمَن يَكۡسِبۡ إِثۡمٗا فَإِنَّمَا يَكۡسِبُهُۥ عَلَىٰ نَفۡسِهِۦۚ وَكَانَ ٱللَّهُ عَلِيمًا حَكِيمٗا

Endu entayn i makapantyali sa kadusan, na mapantyali nin i entuba sa ginawa nin, endu ya kaaden nu Allah na labi a mataw a mawngangen.

4 : 112

وَمَن يَكۡسِبۡ خَطِيٓـَٔةً أَوۡ إِثۡمٗا ثُمَّ يَرۡمِ بِهِۦ بَرِيٓـٔٗا فَقَدِ ٱحۡتَمَلَ بُهۡتَٰنٗا وَإِثۡمٗا مُّبِينٗا

Endu entayn i makapantyali sa kalimbanan ataw ka kadusan, mawli na inisendit nin i entuba sa kanu malimpyu, na saben-sabenal na nakapamawa sa kalbutan endu kadusan a mapayag.

4 : 113

وَلَوۡلَا فَضۡلُ ٱللَّهِ عَلَيۡكَ وَرَحۡمَتُهُۥ لَهَمَّت طَّآئِفَةٞ مِّنۡهُمۡ أَن يُضِلُّوكَ وَمَا يُضِلُّونَ إِلَّآ أَنفُسَهُمۡۖ وَمَا يَضُرُّونَكَ مِن شَيۡءٖۚ وَأَنزَلَ ٱللَّهُ عَلَيۡكَ ٱلۡكِتَٰبَ وَٱلۡحِكۡمَةَ وَعَلَّمَكَ مَا لَمۡ تَكُن تَعۡلَمُۚ وَكَانَ فَضۡلُ ٱللَّهِ عَلَيۡكَ عَظِيمٗا

Umana bu ka di kena su kalbihan nu Allah sa leka (Muhammad) endu limu nin na pigkahanda nu lumpukan sa kanilan i tadingen ka nilan endu da egkatading nilan ya tabya na su manga ginawa nilan endu di ka nilan kagkaydan sa enggaga-isa, endu initulun nu Allah sa leka su kitab (Qur’an) endu ungangen (Sunnah) endu pinakatawan nin sa leka su nganin a da ka maaden sa katawan nengka, endu ya kaaden nu kalbihan nu Allah sa leka (Muhammad) na masla.

4 : 114

۞ لَّا خَيۡرَ فِي كَثِيرٖ مِّن نَّجۡوَىٰهُمۡ إِلَّا مَنۡ أَمَرَ بِصَدَقَةٍ أَوۡ مَعۡرُوفٍ أَوۡ إِصۡلَٰحِۭ بَيۡنَ ٱلنَّاسِۚ وَمَن يَفۡعَلۡ ذَٰلِكَ ٱبۡتِغَآءَ مَرۡضَاتِ ٱللَّهِ فَسَوۡفَ نُؤۡتِيهِ أَجۡرًا عَظِيمٗا

Da mapya sya kanu madakel kanu kabagedunga nilan, ya tabya na entayn i sinemugu sa kadsadaqah ataw ka mapya, ataw ka kapagkapya sa kanu pageletan nu manga taw endu entayn enggalebek sa kanu entuba sa kabanganganay sa lilini nu Allah (ikhlas), na di ebplis na enggan nami sekanin sa balas a masla.

4 : 115

وَمَن يُشَاقِقِ ٱلرَّسُولَ مِنۢ بَعۡدِ مَا تَبَيَّنَ لَهُ ٱلۡهُدَىٰ وَيَتَّبِعۡ غَيۡرَ سَبِيلِ ٱلۡمُؤۡمِنِينَ نُوَلِّهِۦ مَا تَوَلَّىٰ وَنُصۡلِهِۦ جَهَنَّمَۖ وَسَآءَتۡ مَصِيرًا

Endu entayn i ipagelena nin su sinugu (Muhammad) kanu ulyan nu nganin a kabpapayag sa lekanin nu tutulu, endu ebpatyunut sa salakaw kanu lalan nu bamalityala (bamangimbenal), na taligkudan nami sekanin kanu nganin a tinaligkudanan nin endu iludep nami sekanin sa Naraka, endu mawag den a egkadtamanan.

4 : 116

إِنَّ ٱللَّهَ لَا يَغۡفِرُ أَن يُشۡرَكَ بِهِۦ وَيَغۡفِرُ مَا دُونَ ذَٰلِكَ لِمَن يَشَآءُۚ وَمَن يُشۡرِكۡ بِٱللَّهِ فَقَدۡ ضَلَّ ضَلَٰلَۢا بَعِيدًا

Saben-sabenal na su Allah na di nin ampunen su kasakutu sa lekanin endu ampunen nin su nganin a salakaw lun kanu entayn i egkagkahanda nin, endu entayn i pedsakutu sa Allah na saben-sabenal na natading sa kinatading a mawatan.

4 : 117

إِن يَدۡعُونَ مِن دُونِهِۦٓ إِلَّآ إِنَٰثٗا وَإِن يَدۡعُونَ إِلَّا شَيۡطَٰنٗا مَّرِيدٗا

Da silan pangeni-ngeni sa salakaw sa lekanin ya tabya na sa kanu manga babay endu da silan pangeni-ngeni ya tabya na kanu Shaytan a takebel.

4 : 118

لَّعَنَهُ ٱللَّهُۘ وَقَالَ لَأَتَّخِذَنَّ مِنۡ عِبَادِكَ نَصِيبٗا مَّفۡرُوضٗا

Namulkan sekanin nu Allah endu pidtalu nin (Iblis): di ebplis na mumbal aku ebpun kanu manga ulipen nengka sa umun a natatalanged.

4 : 119

وَلَأُضِلَّنَّهُمۡ وَلَأُمَنِّيَنَّهُمۡ وَلَأٓمُرَنَّهُمۡ فَلَيُبَتِّكُنَّ ءَاذَانَ ٱلۡأَنۡعَٰمِ وَلَأٓمُرَنَّهُمۡ فَلَيُغَيِّرُنَّ خَلۡقَ ٱللَّهِۚ وَمَن يَتَّخِذِ ٱلشَّيۡطَٰنَ وَلِيّٗا مِّن دُونِ ٱللَّهِ فَقَدۡ خَسِرَ خُسۡرَانٗا مُّبِينٗا

Endu di ebplis na tadingen ku silan endu papanganganayn ku silan endu sugun ku silan na pamutuken nilan su manga tangila nu manga binatang, endu sugun ku silan na salinen nilan su binaluy nu Allah, endu entayn i baluyn nin su Shaytan a tampil a salakaw sa kanu Allah, na saben-sabenal na nalapis sa kinalapis a mapayag.

4 : 120

يَعِدُهُمۡ وَيُمَنِّيهِمۡۖ وَمَا يَعِدُهُمُ ٱلشَّيۡطَٰنُ إِلَّا غُرُورًا

Ebpasadan nin silan endu papanganganayn nin silan, endu da ipebpasad sa kanilan nu Shaytan na makasimpang.

4 : 121

أُوْلَٰٓئِكَ مَأۡوَىٰهُمۡ جَهَنَّمُ وَلَا يَجِدُونَ عَنۡهَا مَحِيصٗا

Entuba silan na kagkalbenan nilan na naraka endu da matun nilan lu ba kalipwasan.

4 : 122

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ سَنُدۡخِلُهُمۡ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدٗاۖ وَعۡدَ ٱللَّهِ حَقّٗاۚ وَمَنۡ أَصۡدَقُ مِنَ ٱللَّهِ قِيلٗا

Endu su silan a bamalityala (bamangimbenal) endu minggalebek silan sa manga mapya na di ebplis na paludepen nami silan kanu manga surga belagilay kanu kababan nin i manga lawas na ig sa tatap silan lu ba sa dayun sa dayun, su pasad nu Allah na benal endu entayn i labi a bantang kumin kanu Allah i kadtalu?

4 : 123

لَّيۡسَ بِأَمَانِيِّكُمۡ وَلَآ أَمَانِيِّ أَهۡلِ ٱلۡكِتَٰبِۗ مَن يَعۡمَلۡ سُوٓءٗا يُجۡزَ بِهِۦ وَلَا يَجِدۡ لَهُۥ مِن دُونِ ٱللَّهِ وَلِيّٗا وَلَا نَصِيرٗا

Di kena su kabanganganay nu endu kabanganganay nu manga taw nu kitab (Yahudi endu Nasrani), entayn i enggalebek sa malat na balasan lu ba, endu di makatun sa lekanin sa salakaw sa Allah a madtagampil endu makadtabang.

4 : 124

وَمَن يَعۡمَلۡ مِنَ ٱلصَّٰلِحَٰتِ مِن ذَكَرٍ أَوۡ أُنثَىٰ وَهُوَ مُؤۡمِنٞ فَأُوْلَٰٓئِكَ يَدۡخُلُونَ ٱلۡجَنَّةَ وَلَا يُظۡلَمُونَ نَقِيرٗا

Endu entayn i enggalebek sa kanu manga mapya a mama ataw ka babay sa sekanin na balityala (bangimbenal), na entuba silan i makaludep sa surga endu di silan madsalimbut apya paydu.

4 : 125

وَمَنۡ أَحۡسَنُ دِينٗا مِّمَّنۡ أَسۡلَمَ وَجۡهَهُۥ لِلَّهِ وَهُوَ مُحۡسِنٞ وَٱتَّبَعَ مِلَّةَ إِبۡرَٰهِيمَ حَنِيفٗاۗ وَٱتَّخَذَ ٱللَّهُ إِبۡرَٰهِيمَ خَلِيلٗا

Endu entayn i labi a mapya i agama kanu entayn i inisangkup nin i benengin kanu Allah sa ula-ula a mibpyapya endu pibpatyunutan nin su agama nu Ibrahim a andang, endu binaluy nu Allah si Ibrahim a egkasuwatan.

4 : 126

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَكَانَ ٱللَّهُ بِكُلِّ شَيۡءٖ مُّحِيطٗا

Endu kanu Allah i nganin a sya kanu manga langit endu nganin a sya kanu lupa, endu ya kaaden nu Allah kanu langun nu enggaga-isa na langkap.

4 : 127

وَيَسۡتَفۡتُونَكَ فِي ٱلنِّسَآءِۖ قُلِ ٱللَّهُ يُفۡتِيكُمۡ فِيهِنَّ وَمَا يُتۡلَىٰ عَلَيۡكُمۡ فِي ٱلۡكِتَٰبِ فِي يَتَٰمَى ٱلنِّسَآءِ ٱلَّٰتِي لَا تُؤۡتُونَهُنَّ مَا كُتِبَ لَهُنَّ وَتَرۡغَبُونَ أَن تَنكِحُوهُنَّ وَٱلۡمُسۡتَضۡعَفِينَ مِنَ ٱلۡوِلۡدَٰنِ وَأَن تَقُومُواْ لِلۡيَتَٰمَىٰ بِٱلۡقِسۡطِۚ وَمَا تَفۡعَلُواْ مِنۡ خَيۡرٖ فَإِنَّ ٱللَّهَ كَانَ بِهِۦ عَلِيمٗا

Endu bagidsan ka nilan (Muhammad) makapantag kanu manga babay, edtalu ka: su Allah i pebpayag sa lekanu makapantag sa kanilan, endu su nganin a pembatyan sa lekanu sya kanu kitab, makapantag kanu manga ilu a di nu ibagenggay su nganin a wagib kanilan sa kyugan nu mangaluma silan, endu su manga malubay a manga wata endu su kapatidtu nu sa kanu manga ilu sa bantang, endu su nganin a penggalebeken nu a mapya, na saben-sabenal na su Allah na ya nin kaaden na lu ba na labi a mataw.

4 : 128

وَإِنِ ٱمۡرَأَةٌ خَافَتۡ مِنۢ بَعۡلِهَا نُشُوزًا أَوۡ إِعۡرَاضٗا فَلَا جُنَاحَ عَلَيۡهِمَآ أَن يُصۡلِحَا بَيۡنَهُمَا صُلۡحٗاۚ وَٱلصُّلۡحُ خَيۡرٞۗ وَأُحۡضِرَتِ ٱلۡأَنفُسُ ٱلشُّحَّۚ وَإِن تُحۡسِنُواْ وَتَتَّقُواْ فَإِنَّ ٱللَّهَ كَانَ بِمَا تَعۡمَلُونَ خَبِيرٗا

Endu amayka su babay a nagilekan kanu kaluma nin sa katamages ataw ka kabanaligkud, na da dusa nilan duwa sa kapagkapya kanu pageletan nilan duwa sa kapagkapya, endu su kapagkapya na labi a mapya, endu inilamugay sa kanu manga ginawa i kasingit, endu amayka mangapyanan kanu endu enggilek kanu na saben-sabenal na su Allah na ya nin kaaden kanu nganin a penggalebeken nu na sabut.

4 : 129

وَلَن تَسۡتَطِيعُوٓاْ أَن تَعۡدِلُواْ بَيۡنَ ٱلنِّسَآءِ وَلَوۡ حَرَصۡتُمۡۖ فَلَا تَمِيلُواْ كُلَّ ٱلۡمَيۡلِ فَتَذَرُوهَا كَٱلۡمُعَلَّقَةِۚ وَإِن تُصۡلِحُواْ وَتَتَّقُواْ فَإِنَّ ٱللَّهَ كَانَ غَفُورٗا رَّحِيمٗا

Endu di nu den a benal magaga i makambantang kanu pageletan nu manga babay (manga kaluma) apya pinagapas nu, na di kanu edsulamig sa talutup a kapedsulamig sa matagak nu sekanin sa mana gantung, endu amayka mangapyanan kanu endu enggilek kanu na saben-sabenal na su Allah na ya nin kaaden na labi a bangampun a malimu.

4 : 130

وَإِن يَتَفَرَّقَا يُغۡنِ ٱللَّهُ كُلّٗا مِّن سَعَتِهِۦۚ وَكَانَ ٱللَّهُ وَٰسِعًا حَكِيمٗا

Endu amayka makambelag silan duwa na pambalagunan nu Allah i uman isa sa kanilan duwa ebpun kanu kalbihan nin endu ya kaaden nu Allah na labi a mawlad a mawngangen.

4 : 131

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَلَقَدۡ وَصَّيۡنَا ٱلَّذِينَ أُوتُواْ ٱلۡكِتَٰبَ مِن قَبۡلِكُمۡ وَإِيَّاكُمۡ أَنِ ٱتَّقُواْ ٱللَّهَۚ وَإِن تَكۡفُرُواْ فَإِنَّ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَكَانَ ٱللَّهُ غَنِيًّا حَمِيدٗا

Endu kanu Allah su nganin a sya sa kanu manga langit endu nganin a sya sa kanu lupa, endu saben-sabenal na pinamitwan nami su silan a inenggan sa kitab (Yahudi endu Nasrani) kanu unan nu endu sekanu, sa ikagilek nu su Allah, endu amayka egkafir kanu na saben-sabenal na kanu Allah su nganin a sya kanu manga langit endu nganin a sya kanu lupa, endu ya kaaden nu Allah na labi a kawasa a bamedtan.

4 : 132

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَكَفَىٰ بِٱللَّهِ وَكِيلًا

Endu kanu Allah su nganin a sya sa kanu manga langit endu nganin a sya sa kanu lupa endu nasasangan den su Allah a egkasaligan.

4 : 133

إِن يَشَأۡ يُذۡهِبۡكُمۡ أَيُّهَا ٱلنَّاسُ وَيَأۡتِ بِـَٔاخَرِينَۚ وَكَانَ ٱللَّهُ عَلَىٰ ذَٰلِكَ قَدِيرٗا

Amayka egkahandan nin na iawa kanu nin hay sekanu a manga taw endu temingguma sekanin sa manga salakaw, endu ya kaaden nu Allah kanu entuba na pakagaga.

4 : 134

مَّن كَانَ يُرِيدُ ثَوَابَ ٱلدُّنۡيَا فَعِندَ ٱللَّهِ ثَوَابُ ٱلدُّنۡيَا وَٱلۡأٓخِرَةِۚ وَكَانَ ٱللَّهُ سَمِيعَۢا بَصِيرٗا

Entayn i ya nin kaaden i pegkyug sa balas sa dunya na lu kanu Allah i balas sa dunya endu gay a mawli, endu ya kaaden nu Allah na labi a pakakineg a pakailay.

4 : 135

۞ يَٰٓأَيُّهَا ٱلَّذِينَ ءَامَنُواْ كُونُواْ قَوَّٰمِينَ بِٱلۡقِسۡطِ شُهَدَآءَ لِلَّهِ وَلَوۡ عَلَىٰٓ أَنفُسِكُمۡ أَوِ ٱلۡوَٰلِدَيۡنِ وَٱلۡأَقۡرَبِينَۚ إِن يَكُنۡ غَنِيًّا أَوۡ فَقِيرٗا فَٱللَّهُ أَوۡلَىٰ بِهِمَاۖ فَلَا تَتَّبِعُواْ ٱلۡهَوَىٰٓ أَن تَعۡدِلُواْۚ وَإِن تَلۡوُۥٓاْ أَوۡ تُعۡرِضُواْ فَإِنَّ ٱللَّهَ كَانَ بِمَا تَعۡمَلُونَ خَبِيرٗا

Hay sekanu a namalityala (namangimbenal)! Aden kanu sa manga tidtu sa bantang, sa saksi sa kanu Allah apya kanu manga ginawa nu ataw ka sa kanu duwa a mimbata endu sa kanu manga pagali, amayka maaden sekanin sa kawasa ataw ka pakanasisita na su Allah i labi a mataw kanilan duwa, na di nu pebpatyunuti su kyug na ginawa sa kanu di nu kambantangan, endu amayka semulak kanu ataw ka temaligkud kanu na saben-sabenal na su Allah na ya nin kaaden kanu nganin a penggalebeken nu na sabut.

4 : 136

يَٰٓأَيُّهَا ٱلَّذِينَ ءَامَنُوٓاْ ءَامِنُواْ بِٱللَّهِ وَرَسُولِهِۦ وَٱلۡكِتَٰبِ ٱلَّذِي نَزَّلَ عَلَىٰ رَسُولِهِۦ وَٱلۡكِتَٰبِ ٱلَّذِيٓ أَنزَلَ مِن قَبۡلُۚ وَمَن يَكۡفُرۡ بِٱللَّهِ وَمَلَٰٓئِكَتِهِۦ وَكُتُبِهِۦ وَرُسُلِهِۦ وَٱلۡيَوۡمِ ٱلۡأٓخِرِ فَقَدۡ ضَلَّ ضَلَٰلَۢا بَعِيدًا

Hay sekanu a namalityala (namangimbenal)! Palityala (pangimbenal) kanu sa kanu Allah endu sa kanu sinugu nin endu sa kanu kitab a initulun nin kanu sinugu nin (Muhammad) endu sa kanu kitab a initulun nin kanu nawna, endu entayn i egkafir sa kanu Allah endu sa kanu malaikat nin endu sa kanu manga kitab nin endu sa kanu gay a mawli na saben-sabenal na natading sekanin sa kinatading a mawatan.

4 : 137

إِنَّ ٱلَّذِينَ ءَامَنُواْ ثُمَّ كَفَرُواْ ثُمَّ ءَامَنُواْ ثُمَّ كَفَرُواْ ثُمَّ ٱزۡدَادُواْ كُفۡرٗا لَّمۡ يَكُنِ ٱللَّهُ لِيَغۡفِرَ لَهُمۡ وَلَا لِيَهۡدِيَهُمۡ سَبِيلَۢا

Saben-sabenal na su silan a namalityala (namangimbenal) mawli na namegkafir silan mawli na nalityala (nangimbenal) silan mawli na namegkafir silan, mawli na nawmanan silan na kakafir, na da maaden su Allah sa maampun nin sa kanilan endu matutulu nin silan sa lalan.

4 : 138

بَشِّرِ ٱلۡمُنَٰفِقِينَ بِأَنَّ لَهُمۡ عَذَابًا أَلِيمًا

Panudtul ka (Muhammad) kanu manga munafiq i saben-sabenal sa kanilan su siksa a masakit.

4 : 139

ٱلَّذِينَ يَتَّخِذُونَ ٱلۡكَٰفِرِينَ أَوۡلِيَآءَ مِن دُونِ ٱلۡمُؤۡمِنِينَۚ أَيَبۡتَغُونَ عِندَهُمُ ٱلۡعِزَّةَ فَإِنَّ ٱلۡعِزَّةَ لِلَّهِ جَمِيعٗا

Su silan a bagumbalen nilan su manga kafir sa manga tagampil a salakaw kanu manga bamalityala (bamangimbenal), ngintu pakapanganganay silan sa kanilan sa kagkapulu!? Na saben-sabenal na su kagpulu na kanu Allah langun.

4 : 140

وَقَدۡ نَزَّلَ عَلَيۡكُمۡ فِي ٱلۡكِتَٰبِ أَنۡ إِذَا سَمِعۡتُمۡ ءَايَٰتِ ٱللَّهِ يُكۡفَرُ بِهَا وَيُسۡتَهۡزَأُ بِهَا فَلَا تَقۡعُدُواْ مَعَهُمۡ حَتَّىٰ يَخُوضُواْ فِي حَدِيثٍ غَيۡرِهِۦٓ إِنَّكُمۡ إِذٗا مِّثۡلُهُمۡۗ إِنَّ ٱللَّهَ جَامِعُ ٱلۡمُنَٰفِقِينَ وَٱلۡكَٰفِرِينَ فِي جَهَنَّمَ جَمِيعًا

Endu saben-sabenal na initulun nin sa lekanu sya kanu kitab (Qur’an) i amayka makineg nu su manga tanda nu Allah na egkafiran i entuba endu pagungaten i entuba, na da kanu mayan salta sa kanilan, taman sa lemudep silan sya kanu bityala sa salakaw lun, saben-sabenal na sekanu kagina ka maytu na pagidsan nilan, saben-sabenal na su Allah na belimud sa kanu manga munafiq endu manga kafir sa naraka langun.

4 : 141

ٱلَّذِينَ يَتَرَبَّصُونَ بِكُمۡ فَإِن كَانَ لَكُمۡ فَتۡحٞ مِّنَ ٱللَّهِ قَالُوٓاْ أَلَمۡ نَكُن مَّعَكُمۡ وَإِن كَانَ لِلۡكَٰفِرِينَ نَصِيبٞ قَالُوٓاْ أَلَمۡ نَسۡتَحۡوِذۡ عَلَيۡكُمۡ وَنَمۡنَعۡكُم مِّنَ ٱلۡمُؤۡمِنِينَۚ فَٱللَّهُ يَحۡكُمُ بَيۡنَكُمۡ يَوۡمَ ٱلۡقِيَٰمَةِۚ وَلَن يَجۡعَلَ ٱللَّهُ لِلۡكَٰفِرِينَ عَلَى ٱلۡمُؤۡمِنِينَ سَبِيلًا

Su silan a ya nilan bagangapan sa lekanu na amayka aden sa lekanu i tabang a ebpun sa Allah, na ya nilan madtalu: da kami maaden sa kaped nu? Endu amayka ya nin kaaden i kanu manga kafir i umun, ya nilan madtalu: kenaba nambaya-bayan nami sekanu endu pinalihala nami sekanu ebpun kanu namalityala (namangimbenal)? Na su Allah i matul sa pageletan nu sa gay a mawli, endu di den a benal baluyn nu Allah kanu manga kafir kanu manga bamalityala (bangimbenal) i ukit.

4 : 142

إِنَّ ٱلۡمُنَٰفِقِينَ يُخَٰدِعُونَ ٱللَّهَ وَهُوَ خَٰدِعُهُمۡ وَإِذَا قَامُوٓاْ إِلَى ٱلصَّلَوٰةِ قَامُواْ كُسَالَىٰ يُرَآءُونَ ٱلنَّاسَ وَلَا يَذۡكُرُونَ ٱللَّهَ إِلَّا قَلِيلٗا

Saben-sabenal na su manga munafiq na bagungaten nilan su Allah sa ula-ula a sekanin i bagungat kanilan, endu amayka itindeg nilan su sambayang na itindeg nilan sa egkangapok, ebpamagilay-ilay silan kanu manga taw endu di nilan pedtademan su Allah ya tabya na paydu.

4 : 143

مُّذَبۡذَبِينَ بَيۡنَ ذَٰلِكَ لَآ إِلَىٰ هَٰٓؤُلَآءِ وَلَآ إِلَىٰ هَٰٓؤُلَآءِۚ وَمَن يُضۡلِلِ ٱللَّهُ فَلَن تَجِدَ لَهُۥ سَبِيلٗا

Pedtalidumpaw silan kanu pageletan nu entuba, di kena silan luy endu kena bun silan luy, endu entayn i tadingen nu Allah na di den a benal makatun sa lekanin sa ukit.

4 : 144

يَٰٓأَيُّهَا ٱلَّذِينَ ءَامَنُواْ لَا تَتَّخِذُواْ ٱلۡكَٰفِرِينَ أَوۡلِيَآءَ مِن دُونِ ٱلۡمُؤۡمِنِينَۚ أَتُرِيدُونَ أَن تَجۡعَلُواْ لِلَّهِ عَلَيۡكُمۡ سُلۡطَٰنٗا مُّبِينًا

Hay sekanu a manga bamalityala (bamangimbenal)! Di nu pembaluy su manga kafir sa manga tagampil a salakaw kanu bamalityala (bamangimbenal), ngintu ya nu kyug na mumbal kanu sa kanu Allah sa tindeg a mapayag!?

4 : 145

إِنَّ ٱلۡمُنَٰفِقِينَ فِي ٱلدَّرۡكِ ٱلۡأَسۡفَلِ مِنَ ٱلنَّارِ وَلَن تَجِدَ لَهُمۡ نَصِيرًا

Saben-sabenal na su manga munafiq na sya tampal sa sangat i kababa nin kanu naraka endu di ka den a benal makatun sa kanilan sa makadtabang.

4 : 146

إِلَّا ٱلَّذِينَ تَابُواْ وَأَصۡلَحُواْ وَٱعۡتَصَمُواْ بِٱللَّهِ وَأَخۡلَصُواْ دِينَهُمۡ لِلَّهِ فَأُوْلَٰٓئِكَ مَعَ ٱلۡمُؤۡمِنِينَۖ وَسَوۡفَ يُؤۡتِ ٱللَّهُ ٱلۡمُؤۡمِنِينَ أَجۡرًا عَظِيمٗا

Ya tabya na su silan a namedtawbat endu namagumbaya endu namangamal sa kanu Allah endu namapadtiman sa agama nilan kanu Allah, na entuba i salta kanu namalityala (namangimbenal) endu di ebplis na enggan nu Allah su bamalityala (bamangimbenal) sa pahala a masla.

4 : 147

مَّا يَفۡعَلُ ٱللَّهُ بِعَذَابِكُمۡ إِن شَكَرۡتُمۡ وَءَامَنتُمۡۚ وَكَانَ ٱللَّهُ شَاكِرًا عَلِيمٗا

Di enggulan nu Allah i kasiksa sa lekanu amayka midsukur kanu endu namalityala (namangimbenal) kanu endu ya kaaden nu Allah na balasukur a mataw.

4 : 148

۞ لَّا يُحِبُّ ٱللَّهُ ٱلۡجَهۡرَ بِٱلسُّوٓءِ مِنَ ٱلۡقَوۡلِ إِلَّا مَن ظُلِمَۚ وَكَانَ ٱللَّهُ سَمِيعًا عَلِيمًا

Di kalinyan nu Allah i kapayag sa mawag a kadtalu, ya tabya na entayn i sinalimbut, endu ya kaaden nu Allah na labi a pakakineg a mataw.

4 : 149

إِن تُبۡدُواْ خَيۡرًا أَوۡ تُخۡفُوهُ أَوۡ تَعۡفُواْ عَن سُوٓءٖ فَإِنَّ ٱللَّهَ كَانَ عَفُوّٗا قَدِيرًا

Amayka ipayag nu i mapya, ataw ka isulen nu i entuba ataw ka lemasam kanu sa mawag, na saben-sabenal na su Allah na ya nin kaaden na labi a mamelasam a pakagaga.

4 : 150

إِنَّ ٱلَّذِينَ يَكۡفُرُونَ بِٱللَّهِ وَرُسُلِهِۦ وَيُرِيدُونَ أَن يُفَرِّقُواْ بَيۡنَ ٱللَّهِ وَرُسُلِهِۦ وَيَقُولُونَ نُؤۡمِنُ بِبَعۡضٖ وَنَكۡفُرُ بِبَعۡضٖ وَيُرِيدُونَ أَن يَتَّخِذُواْ بَيۡنَ ذَٰلِكَ سَبِيلًا

Saben-sabenal na su silan a namegkafir kanu Allah endu kanu manga sinugu nin, endu ya nilan kyug na makapabpitas nilan su Allah endu su sinugu nin, endu ya nilan pedtalun: bamalityala (bamangimbenal) kami kanu sabad endu bamegkafir kami kanu sabad, endu ya nilan kyug na makapamaluy silan kanu pageletan nu entuba sa ukit.

4 : 151

أُوْلَٰٓئِكَ هُمُ ٱلۡكَٰفِرُونَ حَقّٗاۚ وَأَعۡتَدۡنَا لِلۡكَٰفِرِينَ عَذَابٗا مُّهِينٗا

Entuba silan i manga kafir a tidtu, endu inidtatalama nami kanu manga kafir i siksa a bamelusak.

4 : 152

وَٱلَّذِينَ ءَامَنُواْ بِٱللَّهِ وَرُسُلِهِۦ وَلَمۡ يُفَرِّقُواْ بَيۡنَ أَحَدٖ مِّنۡهُمۡ أُوْلَٰٓئِكَ سَوۡفَ يُؤۡتِيهِمۡ أُجُورَهُمۡۚ وَكَانَ ٱللَّهُ غَفُورٗا رَّحِيمٗا

Endu su silan a namalityala (namangimbenal) sa kanu Allah endu sa kanu manga sinugu nin, endu da nilan pambibidaya su pageletan nu isa sa kanilan, na entuba silan na di ebplis na inggay nin sa kanilan su manga balas nilan, endu ya kaaden nu Allah na labi a bangampun a malimu.

4 : 153

يَسۡـَٔلُكَ أَهۡلُ ٱلۡكِتَٰبِ أَن تُنَزِّلَ عَلَيۡهِمۡ كِتَٰبٗا مِّنَ ٱلسَّمَآءِۚ فَقَدۡ سَأَلُواْ مُوسَىٰٓ أَكۡبَرَ مِن ذَٰلِكَ فَقَالُوٓاْ أَرِنَا ٱللَّهَ جَهۡرَةٗ فَأَخَذَتۡهُمُ ٱلصَّٰعِقَةُ بِظُلۡمِهِمۡۚ ثُمَّ ٱتَّخَذُواْ ٱلۡعِجۡلَ مِنۢ بَعۡدِ مَا جَآءَتۡهُمُ ٱلۡبَيِّنَٰتُ فَعَفَوۡنَا عَن ذَٰلِكَۚ وَءَاتَيۡنَا مُوسَىٰ سُلۡطَٰنٗا مُّبِينٗا

Bangeni sa leka (Muhammad) su manga taw nu kitab (Yahudi) sa patulunan nengka silan sa kitab a ebpun sa langit, na saben-sabenal na pinangenyan nilan si Musa sa labi a masla kumin sa entuba, na ya nilan pidtalu: ipailay nengka sa lekami su Allah sa mapayag, na sinayab silan a kilat sabap sa kanu kasalimbut nilan, mawli na minumbal silan sa sapi sa kanu ulyan nu kinawma sa kanilan nu manga tanda na linasam nami su entuba endu inenggay nami kani Musa i tindeg a mapayag.

4 : 154

وَرَفَعۡنَا فَوۡقَهُمُ ٱلطُّورَ بِمِيثَٰقِهِمۡ وَقُلۡنَا لَهُمُ ٱدۡخُلُواْ ٱلۡبَابَ سُجَّدٗا وَقُلۡنَا لَهُمۡ لَا تَعۡدُواْ فِي ٱلسَّبۡتِ وَأَخَذۡنَا مِنۡهُم مِّيثَٰقًا غَلِيظٗا

Endu inipulu nami sa pulu nilan i palaw sabap kanu pasad nilan, endu pidtalu nami sa kanilan: ludep kanu sa kanu bengawan sa bamedsugyud, endu pidtalu nami sa kanilan: di ka nu pedtalasak sya sa gay na saptu endu kinamalan nami sa kanilan i pasad a mabagel.

4 : 155

فَبِمَا نَقۡضِهِم مِّيثَٰقَهُمۡ وَكُفۡرِهِم بِـَٔايَٰتِ ٱللَّهِ وَقَتۡلِهِمُ ٱلۡأَنۢبِيَآءَ بِغَيۡرِ حَقّٖ وَقَوۡلِهِمۡ قُلُوبُنَا غُلۡفُۢۚ بَلۡ طَبَعَ ٱللَّهُ عَلَيۡهَا بِكُفۡرِهِمۡ فَلَا يُؤۡمِنُونَ إِلَّا قَلِيلٗا

Na sabap kanu nganin kinabaluba nilan sa kanu pasad nilan endu kapegkafir nilan kanu manga tanda nu Allah endu kabamunu nilan sa kanu manga nabi sa di kena bantang nin endu kadtalu nilan sa su manga pusung nami na nadapengan, kena ka tinumbukan nu Allah i entuba sabap kanu kapegkafir nilan, na di silan bamalityala (bamangimbenal) ya tabya na paydu.

4 : 156

وَبِكُفۡرِهِمۡ وَقَوۡلِهِمۡ عَلَىٰ مَرۡيَمَ بُهۡتَٰنًا عَظِيمٗا

Endu sabap sa kanu kapegkafir nilan endu sa kanu kapedsendit nilan sa kani Maryam (sa mawag) sa kabanetebu-tebu a masla.

4 : 157

وَقَوۡلِهِمۡ إِنَّا قَتَلۡنَا ٱلۡمَسِيحَ عِيسَى ٱبۡنَ مَرۡيَمَ رَسُولَ ٱللَّهِ وَمَا قَتَلُوهُ وَمَا صَلَبُوهُ وَلَٰكِن شُبِّهَ لَهُمۡۚ وَإِنَّ ٱلَّذِينَ ٱخۡتَلَفُواْ فِيهِ لَفِي شَكّٖ مِّنۡهُۚ مَا لَهُم بِهِۦ مِنۡ عِلۡمٍ إِلَّا ٱتِّبَاعَ ٱلظَّنِّۚ وَمَا قَتَلُوهُ يَقِينَۢا

Endu su kadtalu nilan sa saben-sabenal na sekami na binunu nami si Eisa a wata mama ni Maryam a sinugu nu Allah, endu da nilan sekanin mabunu endu da nilan sekanin makasampayat, ugayd na inisulagid sekanin sa kanilan, endu saben-sabenal na su silan a mimbida-bida silan lu ba na sya den kanu kapenduwa-duwa lu ba, da sa kanilan lu ba i kataw ya tabya na kapebpatyunut sa antapan endu da nilan sekanin mabunu sa sampulna.

4 : 158

بَل رَّفَعَهُ ٱللَّهُ إِلَيۡهِۚ وَكَانَ ٱللَّهُ عَزِيزًا حَكِيمٗا

Ugayd na inipulu sekanin nu Allah lu sa lekanin, endu ya kaaden nu Allah na labi a mapulu a mawngangen.

4 : 159

وَإِن مِّنۡ أَهۡلِ ٱلۡكِتَٰبِ إِلَّا لَيُؤۡمِنَنَّ بِهِۦ قَبۡلَ مَوۡتِهِۦۖ وَيَوۡمَ ٱلۡقِيَٰمَةِ يَكُونُ عَلَيۡهِمۡ شَهِيدٗا

Endu da kanu manga taw nu kitab ya tabya na malityala (mangimbenal) sekanin sa lekanin sa unan nu kinapatay nin, endu sa gay a mawli na egkaaden sekanin sa kanilan sa saksi.

4 : 160

فَبِظُلۡمٖ مِّنَ ٱلَّذِينَ هَادُواْ حَرَّمۡنَا عَلَيۡهِمۡ طَيِّبَٰتٍ أُحِلَّتۡ لَهُمۡ وَبِصَدِّهِمۡ عَن سَبِيلِ ٱللَّهِ كَثِيرٗا

Na sabap sa kasalimbut nu silan a mingguyahud na linyus nami silan sa manga mapya a pinamakay sa kanilan, endu sabap sa kanu kapebpelen nilan sa kanu lalan nu Allah sa madakel.

4 : 161

وَأَخۡذِهِمُ ٱلرِّبَوٰاْ وَقَدۡ نُهُواْ عَنۡهُ وَأَكۡلِهِمۡ أَمۡوَٰلَ ٱلنَّاسِ بِٱلۡبَٰطِلِۚ وَأَعۡتَدۡنَا لِلۡكَٰفِرِينَ مِنۡهُمۡ عَذَابًا أَلِيمٗا

Endu sabap kanu kapegkwa nilan sa iseg, endu saben-sabenal na inisapal sa kanilan i entuba, endu kapegkan nilan sa kanu manga tamuk nu manga taw sa mawag, na pinagadilan nami su manga kafir sa kanilan i siksa a masakit.

4 : 162

لَّٰكِنِ ٱلرَّٰسِخُونَ فِي ٱلۡعِلۡمِ مِنۡهُمۡ وَٱلۡمُؤۡمِنُونَ يُؤۡمِنُونَ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَۚ وَٱلۡمُقِيمِينَ ٱلصَّلَوٰةَۚ وَٱلۡمُؤۡتُونَ ٱلزَّكَوٰةَ وَٱلۡمُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِ أُوْلَٰٓئِكَ سَنُؤۡتِيهِمۡ أَجۡرًا عَظِيمًا

Ugayd na su manga mategkes i ilmu sa kanilan endu su bamalityala (bamangimbenal) na bamalityala silan sa kanu nganin a initulun sa leka (Muhammad) endu su nganin a initulun kanu unan nengka, endu su bamedtindeg sa sambayang endu su bamangenggay sa zakat endu su bamalityla (bamangimbenal) sa kanu Allah endu sa kanu gay a mawli, entuba silan na di ebplis na enggan nami silan sa balas a masla.

4 : 163

۞ إِنَّآ أَوۡحَيۡنَآ إِلَيۡكَ كَمَآ أَوۡحَيۡنَآ إِلَىٰ نُوحٖ وَٱلنَّبِيِّـۧنَ مِنۢ بَعۡدِهِۦۚ وَأَوۡحَيۡنَآ إِلَىٰٓ إِبۡرَٰهِيمَ وَإِسۡمَٰعِيلَ وَإِسۡحَٰقَ وَيَعۡقُوبَ وَٱلۡأَسۡبَاطِ وَعِيسَىٰ وَأَيُّوبَ وَيُونُسَ وَهَٰرُونَ وَسُلَيۡمَٰنَۚ وَءَاتَيۡنَا دَاوُۥدَ زَبُورٗا

Saben-sabenal na sekami na iniwahi nami sa leka (Muhammad) sa mana su nganin a kinawahi nami kani Nuh endu kanu manga nabi a nawli sa lekanin, endu iniwahi nami kani Ibrahim endu Ismail endu Ishaq endu Ya'qub endu kanu manga mawli a-taw (12 a wata nu Ya'qub) endu kani Eisa endu Ayyub endu Yunus endu Harun endu Sulayman, endu inenggay nami kani Daud i Zabur (kitab).

4 : 164

وَرُسُلٗا قَدۡ قَصَصۡنَٰهُمۡ عَلَيۡكَ مِن قَبۡلُ وَرُسُلٗا لَّمۡ نَقۡصُصۡهُمۡ عَلَيۡكَۚ وَكَلَّمَ ٱللَّهُ مُوسَىٰ تَكۡلِيمٗا

Endu manga sinugu a pinanudtul nami silan sa leka (Muhammad) a nangawna, endu manga sinugu a da nami panudtula silan sa leka, endu inimbityala nu Allah su Musa sa kapembityala.

4 : 165

رُّسُلٗا مُّبَشِّرِينَ وَمُنذِرِينَ لِئَلَّا يَكُونَ لِلنَّاسِ عَلَى ٱللَّهِ حُجَّةُۢ بَعۡدَ ٱلرُّسُلِۚ وَكَانَ ٱللَّهُ عَزِيزًا حَكِيمٗا

Manga sinugu a papegkakalini endu bamanginggilek, ka endu di maaden kanu manga taw kanu Allah i tindeg sa ulyan nu manga sinugu, endu ya kaaden nu Allah na labi a mapulu a mawngangen.

4 : 166

لَّٰكِنِ ٱللَّهُ يَشۡهَدُ بِمَآ أَنزَلَ إِلَيۡكَۖ أَنزَلَهُۥ بِعِلۡمِهِۦۖ وَٱلۡمَلَٰٓئِكَةُ يَشۡهَدُونَۚ وَكَفَىٰ بِٱللَّهِ شَهِيدًا

Ugayd na su Allah i pedsaksi kanu nganin a initulun nin sa leka a initulun nin i entuba sa kataw nin, endu su manga malaikat na bamedsaksi endu nasasangan den su Allah a saksi.

4 : 167

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ قَدۡ ضَلُّواْ ضَلَٰلَۢا بَعِيدًا

Saben-sabenal na su silan a namegkafir endu namelen sa lalan nu Allah, na saben-sabenal na natading silan sa kinatading a mawatan.

4 : 168

إِنَّ ٱلَّذِينَ كَفَرُواْ وَظَلَمُواْ لَمۡ يَكُنِ ٱللَّهُ لِيَغۡفِرَ لَهُمۡ وَلَا لِيَهۡدِيَهُمۡ طَرِيقًا

Saben-sabenal sa kanilan a namegkafir endu namedsalimbut, na di maaden su Allah sa ampunen nin sa kanilan endu di den matutulu silan sa kanu lalan.

4 : 169

إِلَّا طَرِيقَ جَهَنَّمَ خَٰلِدِينَ فِيهَآ أَبَدٗاۚ وَكَانَ ذَٰلِكَ عَلَى ٱللَّهِ يَسِيرٗا

Ya tabya na lalan sa Naraka, sa tatap silan lu ba taman sa taman, endu ya kaaden nu entuba kanu Allah na malemu.

4 : 170

يَٰٓأَيُّهَا ٱلنَّاسُ قَدۡ جَآءَكُمُ ٱلرَّسُولُ بِٱلۡحَقِّ مِن رَّبِّكُمۡ فَـَٔامِنُواْ خَيۡرٗا لَّكُمۡۚ وَإِن تَكۡفُرُواْ فَإِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا

Hay sekanu a manga taw! Saben-sabenal na nakawma sa lekanu su sinugu sa bantang a ebpun kanu pedtyakap sa lekanu (Allah), na palityala (pangimbenal) kanu, ka labi a mapya sa lekanu, endu amayka egkafir kanu, na saben-sabenal na kanu Allah su nganin a sya sa kanu manga langit endu lupa, endu ya kaaden nu Allah na mataw a mawngangen.

4 : 171

يَٰٓأَهۡلَ ٱلۡكِتَٰبِ لَا تَغۡلُواْ فِي دِينِكُمۡ وَلَا تَقُولُواْ عَلَى ٱللَّهِ إِلَّا ٱلۡحَقَّۚ إِنَّمَا ٱلۡمَسِيحُ عِيسَى ٱبۡنُ مَرۡيَمَ رَسُولُ ٱللَّهِ وَكَلِمَتُهُۥٓ أَلۡقَىٰهَآ إِلَىٰ مَرۡيَمَ وَرُوحٞ مِّنۡهُۖ فَـَٔامِنُواْ بِٱللَّهِ وَرُسُلِهِۦۖ وَلَا تَقُولُواْ ثَلَٰثَةٌۚ ٱنتَهُواْ خَيۡرٗا لَّكُمۡۚ إِنَّمَا ٱللَّهُ إِلَٰهٞ وَٰحِدٞۖ سُبۡحَٰنَهُۥٓ أَن يَكُونَ لَهُۥ وَلَدٞۘ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَكَفَىٰ بِٱللَّهِ وَكِيلٗا

Hay manga taw nu kitab (Nasrani)! Di kanu pendadalampas sya kanu agama nu, endu da kanu pedtalu sa kanu Allah ya tabya na bantang, su bamenas a si Eisa a wata mama ni Maryam na sinugu nu Allah endu su kadtalu nin a inisampay nin i entuba lu kanu Maryam, endu si Jibril a ebpun sa lekanin (minyup kanu Maryam), na pamalityala (pamangimbenal) kanu sa kanu Allah endu kanu manga sinugu nin, endu di nu pedtalu: telu (trinity), sugati nu ka labi a mapya sa lekanu, ka su Allah na Kadenan a isa bu, mahasuti sekanin (lepas sekanin) sa maaden sa lekanin i wata, lekanin su nganin a sya kanu manga langit endu su nganin a sya kanu lupa, endu nasasangan den su Allah a egkasaligan.

4 : 172

لَّن يَسۡتَنكِفَ ٱلۡمَسِيحُ أَن يَكُونَ عَبۡدٗا لِّلَّهِ وَلَا ٱلۡمَلَٰٓئِكَةُ ٱلۡمُقَرَّبُونَۚ وَمَن يَسۡتَنكِفۡ عَنۡ عِبَادَتِهِۦ وَيَسۡتَكۡبِرۡ فَسَيَحۡشُرُهُمۡ إِلَيۡهِ جَمِيعٗا

Di den a benal mangendi-kendi su bamenas (Eisa) a maaden sekanin sa ulipen nu Allah endu su manga malaikat a mangasupeg, endu entayn i mangendi-kendi sa kasimba sa lekanin endu emamasla na limuden nin silan lu sa lekanin langun.

4 : 173

فَأَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَيُوَفِّيهِمۡ أُجُورَهُمۡ وَيَزِيدُهُم مِّن فَضۡلِهِۦۖ وَأَمَّا ٱلَّذِينَ ٱسۡتَنكَفُواْ وَٱسۡتَكۡبَرُواْ فَيُعَذِّبُهُمۡ عَذَابًا أَلِيمٗا وَلَا يَجِدُونَ لَهُم مِّن دُونِ ٱللَّهِ وَلِيّٗا وَلَا نَصِيرٗا

Na makapantag kanu silan a namalityala (namangimbenal) silan endu namenggalebek sa manga mapya na itunay nin sa kanilan su manga balas nilan endu edsisinggumanan nin silan sa kanu kalbihan nin, endu makapantag sa kanu silan a nangendi-kendi endu mimamasla silan na siksan nin silan sa siksa a masakit endu di silan makatun sa kanilan sa salakaw sa kanu Allah a madtagampil endu makadtabang.

4 : 174

يَٰٓأَيُّهَا ٱلنَّاسُ قَدۡ جَآءَكُم بُرۡهَٰنٞ مِّن رَّبِّكُمۡ وَأَنزَلۡنَآ إِلَيۡكُمۡ نُورٗا مُّبِينٗا

Hay sekanu a manga taw! Saben-sabenal na nawma kanu na tanda a ebpun kanu pedtyakap sa lekanu (Allah), endu initulun nami sa lekanu i sigay (Qur’an) a mapayag.

4 : 175

فَأَمَّا ٱلَّذِينَ ءَامَنُواْ بِٱللَّهِ وَٱعۡتَصَمُواْ بِهِۦ فَسَيُدۡخِلُهُمۡ فِي رَحۡمَةٖ مِّنۡهُ وَفَضۡلٖ وَيَهۡدِيهِمۡ إِلَيۡهِ صِرَٰطٗا مُّسۡتَقِيمٗا

Na makapantag kanu silan a namalityala (namangimbenal) sa kanu Allah endu pinangamalan nilan su entuba (Qur’an) na di ebplis na paludepen nin silan sa kanu limu a ebpun sa lekanin endu kalbihan, endu tutulun nin silan sa lekanin sa kanu lalan a matidtu.

Previous Surah Next Surah

النِّسَاء

Scan to Share