Surah النور

سُورَةٌ أَنزَلۡنَٰهَا وَفَرَضۡنَٰهَا وَأَنزَلۡنَا فِيهَآ ءَايَٰتِۭ بَيِّنَٰتٖ لَّعَلَّكُمۡ تَذَكَّرُونَ

Initulun nami i nya a surah, endu ini-fardu nami, endu initulun nami sya ba i manga ayatan a manga mapayag, ka malemu sa lekanu i ma-indaw kanu.

24 : 2

ٱلزَّانِيَةُ وَٱلزَّانِي فَٱجۡلِدُواْ كُلَّ وَٰحِدٖ مِّنۡهُمَا مِاْئَةَ جَلۡدَةٖۖ وَلَا تَأۡخُذۡكُم بِهِمَا رَأۡفَةٞ فِي دِينِ ٱللَّهِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۖ وَلۡيَشۡهَدۡ عَذَابَهُمَا طَآئِفَةٞ مِّنَ ٱلۡمُؤۡمِنِينَ

Su babay endu mama a midzina na betay nu i uman isa sa magatus a lebpad, da kanu lumasam kanu agama nu Allah (sa di nu ikukum) amayka bangimbenal kanu sa Allah endu gay a mawli, endu pedsaksiyan su kabetay kanilan kanu lumpun kanu manga mu'min.

24 : 3

ٱلزَّانِي لَا يَنكِحُ إِلَّا زَانِيَةً أَوۡ مُشۡرِكَةٗ وَٱلزَّانِيَةُ لَا يَنكِحُهَآ إِلَّا زَانٍ أَوۡ مُشۡرِكٞۚ وَحُرِّمَ ذَٰلِكَ عَلَى ٱلۡمُؤۡمِنِينَ

Su midzina a mama na ya ipagkaluma lun na babay a midzina bun atawa babay a mushrik, su babay a midzina na ya menem ipagkaluma lun na midzina a mama atawa mama a mushrik, ka haram kanu manga mu'min.

24 : 4

وَٱلَّذِينَ يَرۡمُونَ ٱلۡمُحۡصَنَٰتِ ثُمَّ لَمۡ يَأۡتُواْ بِأَرۡبَعَةِ شُهَدَآءَ فَٱجۡلِدُوهُمۡ ثَمَٰنِينَ جَلۡدَةٗ وَلَا تَقۡبَلُواْ لَهُمۡ شَهَٰدَةً أَبَدٗاۚ وَأُوْلَٰٓئِكَ هُمُ ٱلۡفَٰسِقُونَ

Su manga taw a pedsenditan (pedtetebuwan) nilan su manga babay a mapya sa dala saksi nilan a pat kataw na betay nu silan sa walu pulu a betay (su pedtetebu) endu di nu tumalima i saksi nilan sa apiya ngin pan, ka silan na nakalyu kanu limu nu agama silan.

24 : 5

إِلَّا ٱلَّذِينَ تَابُواْ مِنۢ بَعۡدِ ذَٰلِكَ وَأَصۡلَحُواْ فَإِنَّ ٱللَّهَ غَفُورٞ رَّحِيمٞ

Ya tabiya na su midtawbat sa ulyan nantu endu nagumbaya silan, su Allah na bangampun a malimu.

24 : 6

وَٱلَّذِينَ يَرۡمُونَ أَزۡوَٰجَهُمۡ وَلَمۡ يَكُن لَّهُمۡ شُهَدَآءُ إِلَّآ أَنفُسُهُمۡ فَشَهَٰدَةُ أَحَدِهِمۡ أَرۡبَعُ شَهَٰدَٰتِۭ بِٱللَّهِ إِنَّهُۥ لَمِنَ ٱلصَّٰدِقِينَ

Su manga taw a pedsenditan nilan i kaluma nilan sa midzina a dala saksi nilan a lyu sa ginawa nilan na makadsapa su mama sa makapat a sapa nin sa Allah (kasangulan nu bangukum) sa benal sekanin kanu pedtalu nin.

24 : 7

وَٱلۡخَٰمِسَةُ أَنَّ لَعۡنَتَ ٱللَّهِ عَلَيۡهِ إِن كَانَ مِنَ ٱلۡكَٰذِبِينَ

Ya ikalima a sapa nin (nadtalu nin) i nanget den sa lekanin su mulka nu Allah amayka pendalbut bu sekanin.

24 : 8

وَيَدۡرَؤُاْ عَنۡهَا ٱلۡعَذَابَ أَن تَشۡهَدَ أَرۡبَعَ شَهَٰدَٰتِۭ بِٱللَّهِ إِنَّهُۥ لَمِنَ ٱلۡكَٰذِبِينَ

Endu alawan nu babay su siksa sa lekanin (amayka di gabenalan) sa edsapa menem sekanin sa makapat, sa di kena benal endu malbut su kaluma nin.

24 : 9

وَٱلۡخَٰمِسَةَ أَنَّ غَضَبَ ٱللَّهِ عَلَيۡهَآ إِن كَانَ مِنَ ٱلصَّٰدِقِينَ

Endu ikalima a sapa nin (edtalun u babay) i nanget sa lekanin su lipunget u Allah amayka benal su kaluma nin.

24 : 10

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ تَوَّابٌ حَكِيمٌ

U di kena bu su kalbihan nu Allah sa lekanu endu su limu nin (na tinyuba kanu) endu su Allah na banawbat, endu katawanin su binaluy nin.

24 : 11

إِنَّ ٱلَّذِينَ جَآءُو بِٱلۡإِفۡكِ عُصۡبَةٞ مِّنكُمۡۚ لَا تَحۡسَبُوهُ شَرّٗا لَّكُمۖ بَلۡ هُوَ خَيۡرٞ لَّكُمۡۚ لِكُلِّ ٱمۡرِيٕٖ مِّنۡهُم مَّا ٱكۡتَسَبَ مِنَ ٱلۡإِثۡمِۚ وَٱلَّذِي تَوَلَّىٰ كِبۡرَهُۥ مِنۡهُمۡ لَهُۥ عَذَابٌ عَظِيمٞ

Benal na su manga taw menem a tagapeda nu bun silan, sa kalbutan bu i bityala nilan, na di nu bagantapa i makagkayd sa lekanu, uman isa na kadusan i nakwa nin (kanu ipedtetebu) endu su minukakal sa entuba a bityala (Abdullah bin Ubayya) na lekanin i siksa a masla.

24 : 12

لَّوۡلَآ إِذۡ سَمِعۡتُمُوهُ ظَنَّ ٱلۡمُؤۡمِنُونَ وَٱلۡمُؤۡمِنَٰتُ بِأَنفُسِهِمۡ خَيۡرٗا وَقَالُواْ هَٰذَآ إِفۡكٞ مُّبِينٞ

Entuba ka kinakineg u lun ka yabu initagu sa ginawa na babay-mama a mu'min i mapya (di silan malityala) endu ya nilan pidtalu na: bityala inan a kalbutan a mapayag.

24 : 13

لَّوۡلَا جَآءُو عَلَيۡهِ بِأَرۡبَعَةِ شُهَدَآءَۚ فَإِذۡ لَمۡ يَأۡتُواْ بِٱلشُّهَدَآءِ فَأُوْلَٰٓئِكَ عِندَ ٱللَّهِ هُمُ ٱلۡكَٰذِبُونَ

Entuba ka pinambuwat ilan i pat kataw a manga saksi, na amayka di silan makapambuwat sa pat kataw a saksi, na silan lu sa Allah i manga taw a malebut.

24 : 14

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ فِي ٱلدُّنۡيَا وَٱلۡأٓخِرَةِ لَمَسَّكُمۡ فِي مَآ أَفَضۡتُمۡ فِيهِ عَذَابٌ عَظِيمٌ

U di kena bu su kalbihan nu Allah endu su limu nin sa lekanu sa dunya-akhirat na nasugat kanu den a siksa a masla (sa kanu bityala nu)

24 : 15

إِذۡ تَلَقَّوۡنَهُۥ بِأَلۡسِنَتِكُمۡ وَتَقُولُونَ بِأَفۡوَاهِكُم مَّا لَيۡسَ لَكُم بِهِۦ عِلۡمٞ وَتَحۡسَبُونَهُۥ هَيِّنٗا وَهُوَ عِندَ ٱللَّهِ عَظِيمٞ

Kagina banabeten nu i kalbutan, na pedtalu nu kanu manga ngali nu i dala sabutin lun (namba su kinadtetebu kanu Aisha a kaluma nu Rasulullah) endu ya nu kataw na malemu, na lu sa Allah na sangat i kasla nin.

24 : 16

وَلَوۡلَآ إِذۡ سَمِعۡتُمُوهُ قُلۡتُم مَّا يَكُونُ لَنَآ أَن نَّتَكَلَّمَ بِهَٰذَا سُبۡحَٰنَكَ هَٰذَا بُهۡتَٰنٌ عَظِيمٞ

Entuba ka kinakineg nu lun ka ya nu pidtalu na di tanu embityalan inan, mahasuti su Allah, ka nan a bityala na kalbutan a sangat i kasla nin.

24 : 17

يَعِظُكُمُ ٱللَّهُ أَن تَعُودُواْ لِمِثۡلِهِۦٓ أَبَدًا إِن كُنتُم مُّؤۡمِنِينَ

Bangindawn kanu nu Allah sa di nu a benal kab-palumanan amayka benal kanu a manga mu'min.

24 : 18

وَيُبَيِّنُ ٱللَّهُ لَكُمُ ٱلۡأٓيَٰتِۚ وَٱللَّهُ عَلِيمٌ حَكِيمٌ

Endu ipebpayag u Allah sa lekanu su manga ayatanin, su Allah i mataw sa mapayag-masulen.

24 : 19

إِنَّ ٱلَّذِينَ يُحِبُّونَ أَن تَشِيعَ ٱلۡفَٰحِشَةُ فِي ٱلَّذِينَ ءَامَنُواْ لَهُمۡ عَذَابٌ أَلِيمٞ فِي ٱلدُّنۡيَا وَٱلۡأٓخِرَةِۚ وَٱللَّهُ يَعۡلَمُ وَأَنتُمۡ لَا تَعۡلَمُونَ

Su manga taw a myug sa makapayapat su maledsik a bityala kanu manga mu'min na kanilan i siksa a masakit sya sa dunya endu lu sa akhirat, su Allah i mataw kanu di nu katawan.

24 : 20

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ رَءُوفٞ رَّحِيمٞ

U di kena bu su kalbihan nu Allah sa lekanu endu su limu nin (na tiyuban kanu) endu su Allah na malasam a malimu.

24 : 21

۞ يَٰٓأَيُّهَا ٱلَّذِينَ ءَامَنُواْ لَا تَتَّبِعُواْ خُطُوَٰتِ ٱلشَّيۡطَٰنِۚ وَمَن يَتَّبِعۡ خُطُوَٰتِ ٱلشَّيۡطَٰنِ فَإِنَّهُۥ يَأۡمُرُ بِٱلۡفَحۡشَآءِ وَٱلۡمُنكَرِۚ وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ مَا زَكَىٰ مِنكُم مِّنۡ أَحَدٍ أَبَدٗا وَلَٰكِنَّ ٱللَّهَ يُزَكِّي مَن يَشَآءُۗ وَٱللَّهُ سَمِيعٌ عَلِيمٞ

Sekanu a manga mu'min di nu pedtuntula su manga sangkad u manga shaytan, su temuntul kanu manga sangkad u manga shaytan na yanin ipedsugu na manga maledsik endu su ka-ungkir, u di kena bu su kalbihan u Allah sa lekanu endu su limu nin (na tyuban kanu den) na dala masuti sa lekanu apiya sakataw bu, ugayd na su Allah i pedsuti kanu magkahanda nin endu pakakineg sekanin a mataw.

24 : 22

وَلَا يَأۡتَلِ أُوْلُواْ ٱلۡفَضۡلِ مِنكُمۡ وَٱلسَّعَةِ أَن يُؤۡتُوٓاْ أُوْلِي ٱلۡقُرۡبَىٰ وَٱلۡمَسَٰكِينَ وَٱلۡمُهَٰجِرِينَ فِي سَبِيلِ ٱللَّهِۖ وَلۡيَعۡفُواْ وَلۡيَصۡفَحُوٓاْۗ أَلَا تُحِبُّونَ أَن يَغۡفِرَ ٱللَّهُ لَكُمۡۚ وَٱللَّهُ غَفُورٞ رَّحِيمٌ

Endu di edsapa su aden tamukin endu su makalag i gatamananin sa di nin enggan i pagali nin, endu su manga miskinan endu su manga muhajireen sa lalan sa Allah, endu ampunen silan endu tigkelan silan, ngintu dinu kalilinyan i ampunen kanu nu Allah? Endu su Allah i bangampun a malimu.

24 : 23

إِنَّ ٱلَّذِينَ يَرۡمُونَ ٱلۡمُحۡصَنَٰتِ ٱلۡغَٰفِلَٰتِ ٱلۡمُؤۡمِنَٰتِ لُعِنُواْ فِي ٱلدُّنۡيَا وَٱلۡأٓخِرَةِ وَلَهُمۡ عَذَابٌ عَظِيمٞ

Su manga taw a edtebwan nilan su manga babay sa dala kyug ilan sa kadzina a manga mu'min, na su pedtetebu na namulkan sa dunya akhirat, endu kanilan i siksa a masla.

24 : 24

يَوۡمَ تَشۡهَدُ عَلَيۡهِمۡ أَلۡسِنَتُهُمۡ وَأَيۡدِيهِمۡ وَأَرۡجُلُهُم بِمَا كَانُواْ يَعۡمَلُونَ

Su gay a edsaksyan nu manga dila nilan endu manga lima nilan silan, endu su manga ay nilan kanu penggalebeken ilan (sa dunya).

24 : 25

يَوۡمَئِذٖ يُوَفِّيهِمُ ٱللَّهُ دِينَهُمُ ٱلۡحَقَّ وَيَعۡلَمُونَ أَنَّ ٱللَّهَ هُوَ ٱلۡحَقُّ ٱلۡمُبِينُ

Entupan a balasan silan nu Allah kanu balas a makadayt kanilan, endu katawan ilan su Allah na benal a mapayag (su langun u kadtalu nin).

24 : 26

ٱلۡخَبِيثَٰتُ لِلۡخَبِيثِينَ وَٱلۡخَبِيثُونَ لِلۡخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَٰٓئِكَ مُبَرَّءُونَ مِمَّا يَقُولُونَۖ لَهُم مَّغۡفِرَةٞ وَرِزۡقٞ كَرِيمٞ

Su babay a maledsik na kanu mama a maledsik, su manga mama a maledsik na kanu manga babay a maledsik, su mapya a babay na kanu manga mapya a manga mama, endu su manga mapya a mama na kanu manga mapya a manga babay, na lepas silan kanu manga pedtalu nilan (a pakabinasa), kanilan su ampun endu rizki a mapulu a mapya.

24 : 27

يَٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتًا غَيۡرَ بُيُوتِكُمۡ حَتَّىٰ تَسۡتَأۡنِسُواْ وَتُسَلِّمُواْ عَلَىٰٓ أَهۡلِهَاۚ ذَٰلِكُمۡ خَيۡرٞ لَّكُمۡ لَعَلَّكُمۡ تَذَكَّرُونَ

Sekanu a manga mu'min na da kanu lemudep kanu manga walay a di kena nu manga walay, taman sa di kanu makapagetaw endu di nu masalam su taw nin, ka entuba i makagkapiya sa lekanu, ka endu malemu sa lekanu i ma-indaw kanu.

24 : 28

فَإِن لَّمۡ تَجِدُواْ فِيهَآ أَحَدٗا فَلَا تَدۡخُلُوهَا حَتَّىٰ يُؤۡذَنَ لَكُمۡۖ وَإِن قِيلَ لَكُمُ ٱرۡجِعُواْ فَٱرۡجِعُواْۖ هُوَ أَزۡكَىٰ لَكُمۡۚ وَٱللَّهُ بِمَا تَعۡمَلُونَ عَلِيمٞ

Amayka dala taw nin su manga walay na da kanu lemudep, taman sa di kanu sugutan, amayka ya pidtalu i uli kanu na uli kanu, ka entu ba i makasuti sa lekanu, endu su Allah na katawanin i langun a penggalebekenu.

24 : 29

لَّيۡسَ عَلَيۡكُمۡ جُنَاحٌ أَن تَدۡخُلُواْ بُيُوتًا غَيۡرَ مَسۡكُونَةٖ فِيهَا مَتَٰعٞ لَّكُمۡۚ وَٱللَّهُ يَعۡلَمُ مَا تُبۡدُونَ وَمَا تَكۡتُمُونَ

Dala bun dusa nu sa kaludep u kanu walay a di kena pegkalebenan, sa lu ba natagu i manga kasangkapanu endu su Allah i mataw kanu ipebpayagu endu ibagenanu.

24 : 30

قُل لِّلۡمُؤۡمِنِينَ يَغُضُّواْ مِنۡ أَبۡصَٰرِهِمۡ وَيَحۡفَظُواْ فُرُوجَهُمۡۚ ذَٰلِكَ أَزۡكَىٰ لَهُمۡۚ إِنَّ ٱللَّهَ خَبِيرُۢ بِمَا يَصۡنَعُونَ

Edtalu ka (Muhammad) kanu manga mu'min a manga mama i piyampiyanan nilan i kadtulik endu tuldun nilan su manga sangulan nilan, ka namba i makasuti kanilan, su Allah na katawanin i langun a penggulan nilan.

24 : 31

وَقُل لِّلۡمُؤۡمِنَٰتِ يَغۡضُضۡنَ مِنۡ أَبۡصَٰرِهِنَّ وَيَحۡفَظۡنَ فُرُوجَهُنَّ وَلَا يُبۡدِينَ زِينَتَهُنَّ إِلَّا مَا ظَهَرَ مِنۡهَاۖ وَلۡيَضۡرِبۡنَ بِخُمُرِهِنَّ عَلَىٰ جُيُوبِهِنَّۖ وَلَا يُبۡدِينَ زِينَتَهُنَّ إِلَّا لِبُعُولَتِهِنَّ أَوۡ ءَابَآئِهِنَّ أَوۡ ءَابَآءِ بُعُولَتِهِنَّ أَوۡ أَبۡنَآئِهِنَّ أَوۡ أَبۡنَآءِ بُعُولَتِهِنَّ أَوۡ إِخۡوَٰنِهِنَّ أَوۡ بَنِيٓ إِخۡوَٰنِهِنَّ أَوۡ بَنِيٓ أَخَوَٰتِهِنَّ أَوۡ نِسَآئِهِنَّ أَوۡ مَا مَلَكَتۡ أَيۡمَٰنُهُنَّ أَوِ ٱلتَّٰبِعِينَ غَيۡرِ أُوْلِي ٱلۡإِرۡبَةِ مِنَ ٱلرِّجَالِ أَوِ ٱلطِّفۡلِ ٱلَّذِينَ لَمۡ يَظۡهَرُواْ عَلَىٰ عَوۡرَٰتِ ٱلنِّسَآءِۖ وَلَا يَضۡرِبۡنَ بِأَرۡجُلِهِنَّ لِيُعۡلَمَ مَا يُخۡفِينَ مِن زِينَتِهِنَّۚ وَتُوبُوٓاْ إِلَى ٱللَّهِ جَمِيعًا أَيُّهَ ٱلۡمُؤۡمِنُونَ لَعَلَّكُمۡ تُفۡلِحُونَ

Edtalu ka (Muhammad) kanu manga mu'min a manga babay i piyampiyanan nilan i kadtulik ilan, endu tyakapan nilan i manga sangulan nilan endu di nilan ipayag i pagigimuan nilan, ya tabiya na biyas endu duwa a lima, endu di nilan ipayag su manga imu nilan, ya tabiya na kaluma nilan, atawa lukes nilan, atawa manga lukes nu kaluma nilan, atawa manga wata nilan, atawa manga wata nu kaluma nilan, atawa manga suled nilan, atawa manga wata nu suled nilan a manga mama, atawa manga wata nu suled nilan a manga babay, atawa ka silan a manga babay, atawa su kamilikan nilan, atawa ka su manga wata a bagunut kanilan a dala pan kyugin sa babay a manga mama, atawa ka su manga manot a manga wata a dala pan nadsulimanin kanu awrat nu manga babay, endu di silan embagel sa kasangkad ilan kanu manga ay nilan ka katawan su uni nu pagigimuan nilan (singkil) endu edtawbat kanu tanan sekanu a manga mu'min ka malemu-lemu sa lekanu i makauntung kanu sa dunya-akhirat.

24 : 32

وَأَنكِحُواْ ٱلۡأَيَٰمَىٰ مِنكُمۡ وَٱلصَّٰلِحِينَ مِنۡ عِبَادِكُمۡ وَإِمَآئِكُمۡۚ إِن يَكُونُواْ فُقَرَآءَ يُغۡنِهِمُ ٱللَّهُ مِن فَضۡلِهِۦۗ وَٱللَّهُ وَٰسِعٌ عَلِيمٞ

Pagkaluma nu su da kaluma nin sa lekanu, endu su manga salih kanu manga mama a pedsugun nu atawa manga babay, ka upama ka faqir silan na pagkakawasan bun u Allah kanu limu nin, endu su Allah na makalag i limu nin a mataw.

24 : 33

وَلۡيَسۡتَعۡفِفِ ٱلَّذِينَ لَا يَجِدُونَ نِكَاحًا حَتَّىٰ يُغۡنِيَهُمُ ٱللَّهُ مِن فَضۡلِهِۦۗ وَٱلَّذِينَ يَبۡتَغُونَ ٱلۡكِتَٰبَ مِمَّا مَلَكَتۡ أَيۡمَٰنُكُمۡ فَكَاتِبُوهُمۡ إِنۡ عَلِمۡتُمۡ فِيهِمۡ خَيۡرٗاۖ وَءَاتُوهُم مِّن مَّالِ ٱللَّهِ ٱلَّذِيٓ ءَاتَىٰكُمۡۚ وَلَا تُكۡرِهُواْ فَتَيَٰتِكُمۡ عَلَى ٱلۡبِغَآءِ إِنۡ أَرَدۡنَ تَحَصُّنٗا لِّتَبۡتَغُواْ عَرَضَ ٱلۡحَيَوٰةِ ٱلدُّنۡيَاۚ وَمَن يُكۡرِههُّنَّ فَإِنَّ ٱللَّهَ مِنۢ بَعۡدِ إِكۡرَٰهِهِنَّ غَفُورٞ رَّحِيمٞ

Endu tumigkel menem su taw a da pan ibangaluma nin, taman sa enggan bun silan nu Allah sa kalbihanin, endu su manga ulipen a bangeni silan sa kasulatan (sa makandaludaya silan) na suguti nu silan amayka aden natawan nu kanilan a kapiyanan, endu engginu silan kanu tamuk nu Allah a inenggay nin sa lekanu, endu di nu pedtegela su manga ulipenu sa kadzina ka ya nilan kyugan na di kadzina (suti silan) pegkyug kanu sa kabimbanan sa kabpaguyag sa dunya? Su (taw) a pegesenin su ulipenin (sa kagkyuga atawa papamayadan) na su Allah, sa ulyan na kinapeges lun, na ampunenin ikalimu nin (su babay a pineges).

24 : 34

وَلَقَدۡ أَنزَلۡنَآ إِلَيۡكُمۡ ءَايَٰتٖ مُّبَيِّنَٰتٖ وَمَثَلٗا مِّنَ ٱلَّذِينَ خَلَوۡاْ مِن قَبۡلِكُمۡ وَمَوۡعِظَةٗ لِّلۡمُتَّقِينَ

Saben-sabenal a initulun nami sa lekanu su manga ayat a mapayag, endu upaman kanu manga taw a nangaypus a nauna sa lekanu, endu indawan kanu manga taw a magilek sa Allah.

24 : 35

۞ ٱللَّهُ نُورُ ٱلسَّمَٰوَٰتِ وَٱلۡأَرۡضِۚ مَثَلُ نُورِهِۦ كَمِشۡكَوٰةٖ فِيهَا مِصۡبَاحٌۖ ٱلۡمِصۡبَاحُ فِي زُجَاجَةٍۖ ٱلزُّجَاجَةُ كَأَنَّهَا كَوۡكَبٞ دُرِّيّٞ يُوقَدُ مِن شَجَرَةٖ مُّبَٰرَكَةٖ زَيۡتُونَةٖ لَّا شَرۡقِيَّةٖ وَلَا غَرۡبِيَّةٖ يَكَادُ زَيۡتُهَا يُضِيٓءُ وَلَوۡ لَمۡ تَمۡسَسۡهُ نَارٞۚ نُّورٌ عَلَىٰ نُورٖۚ يَهۡدِي ٱللَّهُ لِنُورِهِۦ مَن يَشَآءُۚ وَيَضۡرِبُ ٱللَّهُ ٱلۡأَمۡثَٰلَ لِلنَّاسِۗ وَٱللَّهُ بِكُلِّ شَيۡءٍ عَلِيمٞ

Su Allah i papedsigay kanu pitu lapis a langit endu lupa, ya upama nu sigay nin na tungkup a nakadalem lun i palitan, su palitan na nakadalem lun su katya, su katya antu na mana bun bitun a pegkinggat a belalegan sa kayu a barakat (kayu a zaitun) sa di kena sebangan a di kena sedepan, nya sama kanu lalanin i makalayau sa apiya dapan makembil na apuy, ka sigay a nanget kanu sigay, itutulu nu Allah su sigay nin kanu magkahanda nin, endu ibagenggay nu Allah su manga upaman kanu manga taw, katawan nu Allah i langun a enggaga-isa.

24 : 36

فِي بُيُوتٍ أَذِنَ ٱللَّهُ أَن تُرۡفَعَ وَيُذۡكَرَ فِيهَا ٱسۡمُهُۥ يُسَبِّحُ لَهُۥ فِيهَا بِٱلۡغُدُوِّ وَٱلۡأٓصَالِ

Su manga masjid na inisugut nu Allah i pakaslan endu pakapiyan i kambalay lun, belabitan sa ngala nin a pedsambayangan sa mapita-malulem-

24 : 37

رِجَالٞ لَّا تُلۡهِيهِمۡ تِجَٰرَةٞ وَلَا بَيۡعٌ عَن ذِكۡرِ ٱللَّهِ وَإِقَامِ ٱلصَّلَوٰةِ وَإِيتَآءِ ٱلزَّكَوٰةِ يَخَافُونَ يَوۡمٗا تَتَقَلَّبُ فِيهِ ٱلۡقُلُوبُ وَٱلۡأَبۡصَٰرُ

Nu manga mama a di silan gasimpang nu kapendagang, endu kabpasay sa tadem sa Allah endu kadsambayang-kadzakat, kagilekan silan kanu gay a kumegkel su manga atay endu gapansi su manga kailay (mata).

24 : 38

لِيَجۡزِيَهُمُ ٱللَّهُ أَحۡسَنَ مَا عَمِلُواْ وَيَزِيدَهُم مِّن فَضۡلِهِۦۗ وَٱللَّهُ يَرۡزُقُ مَن يَشَآءُ بِغَيۡرِ حِسَابٖ

Endu kabalasan sila nu Allah sa mapya pan kanu pinggalebek ilan, endu bagumananin silan kanu kalbihan, su Allah i pe-rizki sa magkahanda nin sa di magkila-kila.

24 : 39

وَٱلَّذِينَ كَفَرُوٓاْ أَعۡمَٰلُهُمۡ كَسَرَابِۭ بِقِيعَةٖ يَحۡسَبُهُ ٱلظَّمۡـَٔانُ مَآءً حَتَّىٰٓ إِذَا جَآءَهُۥ لَمۡ يَجِدۡهُ شَيۡـٔٗا وَوَجَدَ ٱللَّهَ عِندَهُۥ فَوَفَّىٰهُ حِسَابَهُۥۗ وَٱللَّهُ سَرِيعُ ٱلۡحِسَابِ

Su manga kafir menem na su galebek ilan na mana ig a gasandeng sya sa malinawag, ga-antap u pakainum sa ig (i makainum) taman sa u nawmanin na dala besen ig in, endu ya nin naparuli na siksa sa lekanin lu sa Allah, ka nawna sa dunya i balasin, endu su Allah na mangagan i kukuman in.

24 : 40

أَوۡ كَظُلُمَٰتٖ فِي بَحۡرٖ لُّجِّيّٖ يَغۡشَىٰهُ مَوۡجٞ مِّن فَوۡقِهِۦ مَوۡجٞ مِّن فَوۡقِهِۦ سَحَابٞۚ ظُلُمَٰتُۢ بَعۡضُهَا فَوۡقَ بَعۡضٍ إِذَآ أَخۡرَجَ يَدَهُۥ لَمۡ يَكَدۡ يَرَىٰهَاۗ وَمَن لَّمۡ يَجۡعَلِ ٱللَّهُ لَهُۥ نُورٗا فَمَا لَهُۥ مِن نُّورٍ

Atawa ka mana su manga malibuteng sa lagat sa midtatalapis i bagel sa pulu nin, su bagel a kaduwa na lu sa pulu nin i dadtem a malibuteng a midtatalapis, u palyun nu bangilay su lima nin na di nin mailay sa kalibuténg in, su taw a dala den enggay nu Allah sa sigay na dala katuntulin sa lalan a matidtu.

24 : 41

أَلَمۡ تَرَ أَنَّ ٱللَّهَ يُسَبِّحُ لَهُۥ مَن فِي ٱلسَّمَٰوَٰتِ وَٱلۡأَرۡضِ وَٱلطَّيۡرُ صَٰٓفَّٰتٖۖ كُلّٞ قَدۡ عَلِمَ صَلَاتَهُۥ وَتَسۡبِيحَهُۥۗ وَٱللَّهُ عَلِيمُۢ بِمَا يَفۡعَلُونَ

Ngintu di nu katawan i pedtasbih sa Allah su dalem nu manga langit endu su lupa endu su papanuk? Pembelatenin i papakin, uman isa na natawan nu Allah i tasbih nin endu sambayangin, endu su Allah i mataw sa langun nu penggalebeken nilan.

24 : 42

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۖ وَإِلَى ٱللَّهِ ٱلۡمَصِيرُ

Endu kanu Allah su dalem u pitu lapis a langit endu lupa, endu lu bun sa Allah i kadsunudan.

24 : 43

أَلَمۡ تَرَ أَنَّ ٱللَّهَ يُزۡجِي سَحَابٗا ثُمَّ يُؤَلِّفُ بَيۡنَهُۥ ثُمَّ يَجۡعَلُهُۥ رُكَامٗا فَتَرَى ٱلۡوَدۡقَ يَخۡرُجُ مِنۡ خِلَٰلِهِۦ وَيُنَزِّلُ مِنَ ٱلسَّمَآءِ مِن جِبَالٖ فِيهَا مِنۢ بَرَدٖ فَيُصِيبُ بِهِۦ مَن يَشَآءُ وَيَصۡرِفُهُۥ عَن مَّن يَشَآءُۖ يَكَادُ سَنَا بَرۡقِهِۦ يَذۡهَبُ بِٱلۡأَبۡصَٰرِ

Ngintu di nu gailay i kapedseseng nu Allah kanu gabun? Mawli na pinadtimu nin, mawli na baluynin a migkakapal, na lu den ba su ulan a belyu kanu pamageletan, endu papedtulunen nin ebpun sa langit i manga watu a ilu atawa kilat, na masugat in su kahanda nu Allah endu makasibay (di masugat) kanu pigkahanda nin, paydu gayd kanu katinangin (su kilat) na maling den su kailay.

24 : 44

يُقَلِّبُ ٱللَّهُ ٱلَّيۡلَ وَٱلنَّهَارَۚ إِنَّ فِي ذَٰلِكَ لَعِبۡرَةٗ لِّأُوْلِي ٱلۡأَبۡصَٰرِ

Papegkelid-keliden nu Allah su magabi endu malamag, nakadalem lu ba su tanda a kapegkagaga nu Allah kanu manga taw a aden pusungin.

24 : 45

وَٱللَّهُ خَلَقَ كُلَّ دَآبَّةٖ مِّن مَّآءٖۖ فَمِنۡهُم مَّن يَمۡشِي عَلَىٰ بَطۡنِهِۦ وَمِنۡهُم مَّن يَمۡشِي عَلَىٰ رِجۡلَيۡنِ وَمِنۡهُم مَّن يَمۡشِي عَلَىٰٓ أَرۡبَعٖۚ يَخۡلُقُ ٱللَّهُ مَا يَشَآءُۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ

Su Allah i minaluy kanu langun nu malanap-lanap ebpun sa ig na kaped na ya nin ibelalakaw na tiyanin, aden bun ya nin ibelalakaw na ay nin a duwa, endu aden bun belalakaw sa pat timan a ay nin, pembaluyn nu Allah kanu langun u enggaga-isa na gagaga nin.

24 : 46

لَّقَدۡ أَنزَلۡنَآ ءَايَٰتٖ مُّبَيِّنَٰتٖۚ وَٱللَّهُ يَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ

Saben-sabenal a initulun nami su manga ayat a mapayag, endu su Allah i pedtutulu sa magkahanda nin sa lalan a matidtu.

24 : 47

وَيَقُولُونَ ءَامَنَّا بِٱللَّهِ وَبِٱلرَّسُولِ وَأَطَعۡنَا ثُمَّ يَتَوَلَّىٰ فَرِيقٞ مِّنۡهُم مِّنۢ بَعۡدِ ذَٰلِكَۚ وَمَآ أُوْلَٰٓئِكَ بِٱلۡمُؤۡمِنِينَ

Endu pedtalun nu manga munafiq: nangimbenal kami sa Allah endu su sinugu, endu pinaginugutan nami, mawli na su ped kanilan i menda sa ulyan antu, na di kena benal a mu'min su minenda kanilan.

24 : 48

وَإِذَا دُعُوٓاْ إِلَى ٱللَّهِ وَرَسُولِهِۦ لِيَحۡكُمَ بَيۡنَهُمۡ إِذَا فَرِيقٞ مِّنۡهُم مُّعۡرِضُونَ

Amayka tawagen silan kanu kukuman nu Allah endu su nabi nin ka endu makukum silan na su kaped kanilan na menda.

24 : 49

وَإِن يَكُن لَّهُمُ ٱلۡحَقُّ يَأۡتُوٓاْ إِلَيۡهِ مُذۡعِنِينَ

Amayka lu kanilan su haqq, na ebpawangan ka nilan sa mamagayas a benal silan.

24 : 50

أَفِي قُلُوبِهِم مَّرَضٌ أَمِ ٱرۡتَابُوٓاْ أَمۡ يَخَافُونَ أَن يَحِيفَ ٱللَّهُ عَلَيۡهِمۡ وَرَسُولُهُۥۚ بَلۡ أُوْلَٰٓئِكَ هُمُ ٱلظَّٰلِمُونَ

Nakadalem kanu atay nilan i dalu, ugayd na penduwa-duwa silan, endu kagilekan silan sa edsalimbuten nu Allah silan endu su sinugu nin, ugayd na ya benal na silan i manga salimbulen.

24 : 51

إِنَّمَا كَانَ قَوۡلَ ٱلۡمُؤۡمِنِينَ إِذَا دُعُوٓاْ إِلَى ٱللَّهِ وَرَسُولِهِۦ لِيَحۡكُمَ بَيۡنَهُمۡ أَن يَقُولُواْ سَمِعۡنَا وَأَطَعۡنَاۚ وَأُوْلَٰٓئِكَ هُمُ ٱلۡمُفۡلِحُونَ

Benal su manga mu'min na ya nilan kadtalu amayka enggaten silan sa kukuman nu Allah endu su sinugu nin, ka endu makukum silan na tig nilan: nakineg nami endu naginugut kami, endu silan i namakauntung.

24 : 52

وَمَن يُطِعِ ٱللَّهَ وَرَسُولَهُۥ وَيَخۡشَ ٱللَّهَ وَيَتَّقۡهِ فَأُوْلَٰٓئِكَ هُمُ ٱلۡفَآئِزُونَ

Endu su taw a maginugut sa Allah endu su sinugu nin endu pangandamen nin su Allah endu ikagilekin na silan i nabadtugan sa mapya.

24 : 53

۞ وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَئِنۡ أَمَرۡتَهُمۡ لَيَخۡرُجُنَّۖ قُل لَّا تُقۡسِمُواْۖ طَاعَةٞ مَّعۡرُوفَةٌۚ إِنَّ ٱللَّهَ خَبِيرُۢ بِمَا تَعۡمَلُونَ

Endu midsapa silan sa Allah kanu pangimbenal nilan a di kena benal, amayka sinugu nengka silan sa kan-jihad na munut silan, edtalu ka (Muhammad): da kanu pedsapa, ka su inugut kanu rasul i (labi) mapya kanu kadsapa a di kena benal, su Allah na katawanin i langun a galebekan nu.

24 : 54

قُلۡ أَطِيعُواْ ٱللَّهَ وَأَطِيعُواْ ٱلرَّسُولَۖ فَإِن تَوَلَّوۡاْ فَإِنَّمَا عَلَيۡهِ مَا حُمِّلَ وَعَلَيۡكُم مَّا حُمِّلۡتُمۡۖ وَإِن تُطِيعُوهُ تَهۡتَدُواْۚ وَمَا عَلَى ٱلرَّسُولِ إِلَّا ٱلۡبَلَٰغُ ٱلۡمُبِينُ

Edtalu ka (Muhammad) i: paginuguti nu su Allah, endu paginuguti nu su sinugu nin, amayka menda silan na ya bu wagib sa lekanin su kapedsampay, ya menem wagib sa lekanu na kapaginugut, endu amayka paginugutanu na matutulu kanu, endu dala kanu sinugu ya tabya na kapapedsampay sa mapayag.

24 : 55

وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنٗاۚ يَعۡبُدُونَنِي لَا يُشۡرِكُونَ بِي شَيۡـٔٗاۚ وَمَن كَفَرَ بَعۡدَ ذَٰلِكَ فَأُوْلَٰٓئِكَ هُمُ ٱلۡفَٰسِقُونَ

Inibpasad u Allah kanu manga mu'min sa lekanu endu minggalebek sa manga mapya i pasambin silan a kumamal sya sa lupa sa mana bun kinapasambi nin kanu manga mu'min a nangawna sa kanilan, endu pandaya nin kanilan su agama nilan, entuba i nasuwatanin kanilan, endu sambyanin su gilek ilan sa makatana silan, simban aku nilan endu di aku nilan sakutun sa apiya paydu, na su egkafir sa ulyan na entuba na silan i manga taw a nakalyu kanu agama.

24 : 56

وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱلرَّسُولَ لَعَلَّكُمۡ تُرۡحَمُونَ

Itindeg nu su sambayang, endu inggay nu su zakat, endu paginuguti nu su sinugu, ka malemu-lemu sa lekanu i makakalimu kanu.

24 : 57

لَا تَحۡسَبَنَّ ٱلَّذِينَ كَفَرُواْ مُعۡجِزِينَ فِي ٱلۡأَرۡضِۚ وَمَأۡوَىٰهُمُ ٱلنَّارُۖ وَلَبِئۡسَ ٱلۡمَصِيرُ

Di ka mantap su manga kafir sa kapalaguyan kami nilan sya sa lupa, endu ya nilan kadtakenan su naraka a mawag gayd a kabpawangan.

24 : 58

يَٰٓأَيُّهَا ٱلَّذِينَ ءَامَنُواْ لِيَسۡتَـٔۡذِنكُمُ ٱلَّذِينَ مَلَكَتۡ أَيۡمَٰنُكُمۡ وَٱلَّذِينَ لَمۡ يَبۡلُغُواْ ٱلۡحُلُمَ مِنكُمۡ ثَلَٰثَ مَرَّٰتٖۚ مِّن قَبۡلِ صَلَوٰةِ ٱلۡفَجۡرِ وَحِينَ تَضَعُونَ ثِيَابَكُم مِّنَ ٱلظَّهِيرَةِ وَمِنۢ بَعۡدِ صَلَوٰةِ ٱلۡعِشَآءِۚ ثَلَٰثُ عَوۡرَٰتٖ لَّكُمۡۚ لَيۡسَ عَلَيۡكُمۡ وَلَا عَلَيۡهِمۡ جُنَاحُۢ بَعۡدَهُنَّۚ طَوَّٰفُونَ عَلَيۡكُم بَعۡضُكُمۡ عَلَىٰ بَعۡضٖۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِۗ وَٱللَّهُ عَلِيمٌ حَكِيمٞ

Sekanu a manga mu'min- (isugu nu sa) magetaw sa kaludepin su banunugun nu endu su manga wata a dala pan sabutin sa pidtalu a babay sya kanu timpu a telu, (ika-isa) na di pan makadsambayang sa subbuh, (ika-duwa) na amayka ulyan na dhuhur sabap sa migkawas-kawas kanu ka pedtelen kanu, (ika-telu) na ulyan a sambayang na isya, da bun kadusan nu u lumudep silan sa di magetaw amayka salakaw sa namba a manga waktu, ka banunugun nu silan, mamba i kapebpayag u Allah sa lekanu kanu manga ayatanin, endu su Allah i mataw sa langun a binaluy nin.

24 : 59

وَإِذَا بَلَغَ ٱلۡأَطۡفَٰلُ مِنكُمُ ٱلۡحُلُمَ فَلۡيَسۡتَـٔۡذِنُواْ كَمَا ٱسۡتَـٔۡذَنَ ٱلَّذِينَ مِن قَبۡلِهِمۡۚ كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦۗ وَٱللَّهُ عَلِيمٌ حَكِيمٞ

Endu amayka mabalig den su manga wata nu (babay-mama) na magetaw den silan sa mana bun su kapagetaw nu di kena taw na walay, mamba i kapebpayag u Allah sa lekanu kanu manga ayatanin, endu su Allah i mataw sa langun a binaluy nin.

24 : 60

وَٱلۡقَوَٰعِدُ مِنَ ٱلنِّسَآءِ ٱلَّٰتِي لَا يَرۡجُونَ نِكَاحٗا فَلَيۡسَ عَلَيۡهِنَّ جُنَاحٌ أَن يَضَعۡنَ ثِيَابَهُنَّ غَيۡرَ مُتَبَرِّجَٰتِۭ بِزِينَةٖۖ وَأَن يَسۡتَعۡفِفۡنَ خَيۡرٞ لَّهُنَّۗ وَٱللَّهُ سَمِيعٌ عَلِيمٞ

Su manga babay a di pembata atawa di gahaid a da den kyugin sa kagkaluma na dala dusa nilan sa luwasen nilan su balegkas sa di kena bun peb-payangasen, endu di silan edsugud-sugud sa mapayag su bagigimuwan nilan, endu su di nilan kaluwas na muna i kapiya nin, endu su Allah i pakakineg endu mataw.

24 : 61

لَّيۡسَ عَلَى ٱلۡأَعۡمَىٰ حَرَجٞ وَلَا عَلَى ٱلۡأَعۡرَجِ حَرَجٞ وَلَا عَلَى ٱلۡمَرِيضِ حَرَجٞ وَلَا عَلَىٰٓ أَنفُسِكُمۡ أَن تَأۡكُلُواْ مِنۢ بُيُوتِكُمۡ أَوۡ بُيُوتِ ءَابَآئِكُمۡ أَوۡ بُيُوتِ أُمَّهَٰتِكُمۡ أَوۡ بُيُوتِ إِخۡوَٰنِكُمۡ أَوۡ بُيُوتِ أَخَوَٰتِكُمۡ أَوۡ بُيُوتِ أَعۡمَٰمِكُمۡ أَوۡ بُيُوتِ عَمَّٰتِكُمۡ أَوۡ بُيُوتِ أَخۡوَٰلِكُمۡ أَوۡ بُيُوتِ خَٰلَٰتِكُمۡ أَوۡ مَا مَلَكۡتُم مَّفَاتِحَهُۥٓ أَوۡ صَدِيقِكُمۡۚ لَيۡسَ عَلَيۡكُمۡ جُنَاحٌ أَن تَأۡكُلُواْ جَمِيعًا أَوۡ أَشۡتَاتٗاۚ فَإِذَا دَخَلۡتُم بُيُوتٗا فَسَلِّمُواْ عَلَىٰٓ أَنفُسِكُمۡ تَحِيَّةٗ مِّنۡ عِندِ ٱللَّهِ مُبَٰرَكَةٗ طَيِّبَةٗۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَعۡقِلُونَ

Dala dusa nu pisek endu su tyulud (sadil) endu su pendalu endu taman sa ginawa nu i keman sya kanu manga walay nu atawa walay nu manga lukes u atawa walay nu manga lukes u a manga babay, atawa manga walay na suled nu a mama, atawa manga suled u a manga babay, atawa ka manga walay nu manga bapa sa ama atawa babo sa ama, atawa bapa nu sa ina atawa manga babo nu sa ina, atawa ka su pedsaliganu sa gunsi atawa su pakat nu, dala bun dusa nu sa keman kanu langun atawa mad-tumpuk kanu, amayka lemudep kanu sa walay nu na edsasalama kanu sa kanu ginawa nu ebpun sa Allah a barakat a mapya, mamba i kapebpayag nu Allah sa lekanu kanu manga ayatanin ka malemu-lemu sa lekanu i makapagungangen kanu.

24 : 62

إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ وَإِذَا كَانُواْ مَعَهُۥ عَلَىٰٓ أَمۡرٖ جَامِعٖ لَّمۡ يَذۡهَبُواْ حَتَّىٰ يَسۡتَـٔۡذِنُوهُۚ إِنَّ ٱلَّذِينَ يَسۡتَـٔۡذِنُونَكَ أُوْلَٰٓئِكَ ٱلَّذِينَ يُؤۡمِنُونَ بِٱللَّهِ وَرَسُولِهِۦۚ فَإِذَا ٱسۡتَـٔۡذَنُوكَ لِبَعۡضِ شَأۡنِهِمۡ فَأۡذَن لِّمَن شِئۡتَ مِنۡهُمۡ وَٱسۡتَغۡفِرۡ لَهُمُ ٱللَّهَۚ إِنَّ ٱللَّهَ غَفُورٞ رَّحِيمٞ

Ya tidtu a mu'min na mangimbenal sa Allah endu su sinugu nin, endu amayka san silan sa leka (Muhammad) kanu galebek a masla (pembibityala) na di silan gumanat sa taman sa di silan maka- pagetaw salka, na silan i benal a bangimbenal sa Allah endu su sinugu nin, na amayka nagetaw silan sa leka (Muhammad) kanu pegkahandan nilan na suguti ka su entayni pegkyugan nengka kanilan, endu ipangeni nengka silan sa ampun, ka su Allah na bangampun a malimu.

24 : 63

لَّا تَجۡعَلُواْ دُعَآءَ ٱلرَّسُولِ بَيۡنَكُمۡ كَدُعَآءِ بَعۡضِكُم بَعۡضٗاۚ قَدۡ يَعۡلَمُ ٱللَّهُ ٱلَّذِينَ يَتَسَلَّلُونَ مِنكُمۡ لِوَاذٗاۚ فَلۡيَحۡذَرِ ٱلَّذِينَ يُخَالِفُونَ عَنۡ أَمۡرِهِۦٓ أَن تُصِيبَهُمۡ فِتۡنَةٌ أَوۡ يُصِيبَهُمۡ عَذَابٌ أَلِيمٌ

Di nu pedtawaga su rasul (Muhammad) kanu pamageletanu sa mana su kadtatawagay nu, saben-sabenal a katawan bun nu Allah silan a baningen belyu sa masgid sa sakataw-sakataw, na mingat su manga taw a ibida nilan i kanilan kanu suguwan u rasul, ka masugat silan a fitnah atawa masugat silan a siksa a masakit.

24 : 64

أَلَآ إِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۖ قَدۡ يَعۡلَمُ مَآ أَنتُمۡ عَلَيۡهِ وَيَوۡمَ يُرۡجَعُونَ إِلَيۡهِ فَيُنَبِّئُهُم بِمَا عَمِلُواْۗ وَٱللَّهُ بِكُلِّ شَيۡءٍ عَلِيمُۢ

Saben-sabenal a kanu Allah i dalem u pitu lapis a langit endu su lupa, endu saben-sabenal a katawanin i nakadalem kanu atay (kamunafiq-bangimbenal) endu su gay a kawli nilan sa Allah na inggay nin kanilan su balas u manga galebek ilan, su Allah na kanu langun u enggaga-isa na katawanin.

النور

Scan to Share