الحَاقة

Mokolo ya Sólo.

Nini nde mokolo ya Sólo?

Eloko nini ekolakisa yo mokolo ya sólo nde nini?

Bato ya mboka Thamúd na Aad baboyaki kondimela likambo ya somo.

Mpona bato ya Thamúd, babebisamaki na tangba ya makasi.

Mpe mpona bato ya aad, babebisamaki na mopepe ya makasi,

Mabe wana ekwelaki bango butu sambo na mikolo mwambe, okomona sé bibembe ya bato, bakomi lokola biteni ya nagh’l1 ya kokata kata.

Boye okomona ata eloko etikali?

Falo na baye bazalaki liboso naye na bato ya mboka bikweisama, bayaki na mabe.

Mpe baboyaki kondima na motindami ya Nkolo na bango, kasi azuisaki bango kozuama ya mawa te.

Ya soló, tango mayi etondaki, biso nde tomatisaki bino okati ya masuwa.

Mpo totiya yango etikala elembo mpo bato bakoka kokanisa.

Mpe tango bakofula na kelelo mbala moko,

Mabele na bangomba bikotombwana nako pasuka mbala moko,

Mokolo wana ekozala bokweisami ya suka.

Likolo likopasuka mpe langi na yango ekobongwanaka.

Mpe ba anzelu (basantu) bakozalaka pembeni ya mapata (bazali na bobangi ya Nkolo wa bango) mpe ba anzelu mwambe bakomema ngwende (ya Allah) mokolo wana.

Mokolo wana bokozongisaka nyoso epai ya Allah, bokobombaka eloko moko te.

Oyó bakopesaka ye buku naye na loboko ya mobali, akolobaka: Bosimba mpe botanga buku na ngai!

Nazalaki kolikia ete nakokutana na mbano mwa ngai.

Мре akozala na bomoyi ya esengo,

(Akozalaka) okati ya Iola ya likolo,

Bambuma na yango ezali pembeni.

Bolia mpe bomela na esengo kolandana na mikolo oyo bolekisaki.

Mpe oyo bakopesa ye buku naye na loboko ya mwasi akolobaka: Eh ngai! Soki bapesaka ngai ata yango te,

Mpe nayebaki ata eloko moko na yango te!

Natikala ata na liwa na ngai.

Misolo mia ngai misalisi ngai na eloko te.

Bokonzi na ngai esili kobebisama.

Bokanga ye singa na kingo,

Sima bobwaka ye na moto!

Bokanga ye na minyololo ya ntaka ntuku nsambo.

Ya soló, azalaki kondima na Allah wa monene te,

Mpe azalaki na (mawa) ya koleisa babola te.

Lelo azali na mosungi te,

Mpe bilia naye ekozala sé mayi ya moto ya tofina,

Baye bakoliaka yango sé ba oyo basalaki mabe.

Nalapi na maye bozali kornona,

Мре na maye bozali kornona te,

Yango, ezali liloba lia motindami ya lokumu.

Kasi ezali liloba lia moto mpamba te, kasi bozali moke oyo bozali kondima.

Mpe ezali liloba lia nganga te. Ebele bazali kokanisa te.

Ekitaki kowuta epai ya Nkolo ya molongo.

Ata alobelaki biso ndambu ya maloba ya lokuta oyo balobaki,

Tolingaki kozua ye na loboko ya mobali,

Sima, tolingaki kokata ye singa ya motema,

Moko azali te ya kopekisa biso.

Ya soló, wana ezali sé bokundoli тропа babangi.

Mpe toyebi malamu banani bakosi kati na bino.

Мре ya soló, ye akozangisaka bapengwi te (na etumbu)

Mpe ya soló, wana ezali bosembo mpenza ya bondimi.

Kumisa nkombo ya Nkolo nayo ya lokumu.