Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 32

Чыпкаларды алып салуу
Аллахтын элчиси (ага Аллахтын тынчтыгы жана мактоосу болсун) бизге муктаждыктардын башында айтылчу кутпаны минтип үйрөткөн: "Алкыш-мактоолор Аллахка болсун. Андан жардам сурайбыз жана кечирим тилейбиз. Напсибиздин жамандыгынан сактоону Өзүнөн суранабыз. Аллах кимди туура жолго салса, аны адаштыруучу жок. Ал кимди адаштырса, аны туура жолго салуучу жок. Аллахтан башка ибадатка татыктуу кудай жок жана Мухаммад Анын кулу жана элчиси деп күбөлүк берем. "О, адамдар! Силерди бир жандан жаратып, андан жубайын жаратып, ал экөөнөн көп эркек жана аялдарды тараткан Раббиңерден корккула! Анын аты менен жана туугандыктан сурала турган Раббиңерден корккула!" (Ниса, 1-аят). "О, ыймандуу пенделер! Аллахтан чыныгы коркуу менен корккула жана мусулман болмоюнча өлбөгүлө!" (Аалу Имран, 102-аят). "О, ыймандуу пенделер! Аллахтан корккула жана туура сүйлөгүлө! Аллах силердин ишиңерди оңдоп, күнөөңөрдү кечирет. Ким Аллахка жана Анын элчисине моюн сунса, чоң утушка жетет". (Ахзаб, 70-71-аяттар).
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
Мен ансарлардан болгон бир топ аялдар менен Пайгамбарга (ага Аллахтын тынчтыгы жана мактоосу болсун) байъат кылуу (убада берүү) үчүн келдим. Биз: "Оо, Аллахтын элчиси! Биз сага, Аллахка эч нерсени шерик кылбоого, уурулук кылбоого, зынаа кылбоого, бирөөдөн бала арттырып эрине таңуулабоого жана жакшы иштерге буюрганыңда сага каршы чыкпоого убада беребиз" - дедик. Ал: "Күчүңөр жетишинче жана чамаңар келишинче" - деди. Ал (аял) айтты: Биз: "Аллах жана Анын элчиси бизге мээримдүүрөөк. Кел, сага кол берип убада берели, оо, Аллахтын элчиси!" - дедик. Ошондо Аллахтын элчиси (ага Аллахтын тынчтыгы жана мактоосу болсун): "Чындыгында, мен аялдар менен кол алышпайм. Менин жүз аялга айткан сөзүм бир аялга айткан сөзүмдөй, же бир аялга айткан сөзүмө окшош" - деди.
Сахих (ишенимдүү) Ат-Тирмизи, ан-Насааи жана Ибн Маажа риваят кылган
التصنيف الشرعيالعلاقة بين الرجل والمرأة
Мен Сафван бин Ассал ал-Мурадийге маасыга масх тартууну сураганы бардым. Ал мага: "Зирр, бул жакка эмне үчүн келдиң?" - деп сурады. Мен: "Илим издеп" - дедим. Ал: "Ырасында, периштелер илим талап кылуучунун ишине ыраазы болуп, ага канаттарын төшөйт" - деди. Мен: "Чоң жана кичи даарат ушаткандан кийин маасыга масх тартуу маселеси көкүрөгүмдү өйүп жатат. Сен Пайгамбардын (ага Аллахтын тынчтыгы жана мактоосу болсун) сахабаларынын бирисиң, мен сенден: анын бул тууралуу бир нерсе айтканын уктуң беле? - деп сураганы келдим" - дедим. Ал: "Ооба, биз сапарда же жүргүнчү болгондо, ал бизге маасыларыбызды үч күн, үч түн чечпөөнү буйручу. Жунуп болгондо гана чеччүбүз, бирок чоң даараттан, кичи даараттан жана уйкудан улам чеччү эмеспиз" - деди. Мен: "Пайгамбардын сүйүү тууралуу бир нерсе айтканын уктуң беле?" - дедим. Ал минтти: "Ооба, биз Пайгамбар (ага Аллахтын тынчтыгы жана мактоосу болсун) менен сапарда бирге болчубуз. Биз анын жанында турганыбызда, капысынан бир элеттик адам катуу добушу менен: "О, Мухаммад!" - деп кыйкырды. Ошондо Аллахтын элчиси (ага Аллахтын тынчтыгы жана мактоосу болсун) анын үнүндөй эле үн менен: "Бул жердемин!" - деп жооп берди. Анан биз ал адамга: "Шордуу десе, үнүңдү басаңдат! Сен Пайгамбардын (ага Аллахтын тынчтыгы жана мактоосу болсун) жанындасың, сага мындай кылууга тыюу салынган!" - дедик. Ал: "Аллахка ант болсун, үнүмдү басаңдатпайм" - деди. Анан: "Бирөө кайсы бир коомду жакшы көрүп, бирок (амалы менен) аларга жете элек (болсочу)?" - деп сурады. Пайгамбар (ага Аллахтын тынчтыгы жана мактоосу болсун): "Кыямат күнү ар бир адам өзү сүйгөн адамдар менен бирге болот" - деди. Анан ал бизге улам сүйлөп отуруп, батыш тараптагы бир эшикти эскерди, анын эки босогосунун аралыгы кырк же жетимиш жылдык жол, же болбосо ал эшикти туурасынан аттуу адам кырк же жетимиш жылда басып өтөт" - деди.
Сахих (ишенимдүү) Ат-Тирмизи, Ибн Маажа жана Ахмад жазып калтырган.
التصنيف الشرعيالمسح على الخفين ونحوهما
Бир киши Аллахтын элчисине (ага Аллахтын тынчтыгы жана мактоосу болсун) суроо берип мындай деди: О Аллахтын элчиси, биз деңизде жүрөбүз. Жаныбызда аз гана суу болот. Эгер ал сууга даарат алсак, ичкенге суубуз жок чаңкап калабыз. Деңиз суусуна даарат алсак болобу? Аллахтын элчиси (ага Аллахтын тынчтыгы жана мактоосу болсун): "Деңиздин суусу таза, өлүмтүгү адал" - деп жооп берди.
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيأحكام المياه
«Кимде-ким бешимден алдын төрт рекет жана андан кийин төрт рекетти такай окуса, Аллах аны тозокко арам кылат».
Сахих (ишенимдүү) Абу Дауд, ат-Тирмизи, ан-Насааи, Ибн Маажа жана Ахмад риваят кылган
التصنيف الشرعيالسنن الرواتب
«Эгерде силерден бирөөңөр мечитке кирсе, Пайгамбарга салам айтып, анан: "Аллахум-мафтах ли абвааба рахматик. (О Аллах! Мага ырайымыңдын эшиктерин ач)" - деп айтсын. Ал эми мечиттен чыкканда, Пайгамбарга салам айтып, анан: "Аллахумма'сымнии минаш-шайтоонир-рожиим. (О Аллах! Мени каргышка калган шайтандан сакта)" - деп айтсын». Ал эми Хакимдин риваятында: «Мечиттен чыкканда, пайгамбарга (ага Аллахтын тынчтыгы жана мактоосу болсун) салам айтып: "Аллахумма ажирнии минаш-шайтоонир-рожиим. (О Аллах! Мени каргышка калган шайтандан корго)" - десин» деп айтылган.
Хасан (жакшы) Ибн Маажа жана Хааким риваят кылган
التصنيف الشرعيأحكام المساجد
Пайгамбар (ага Аллахтын тынчтыгы жана мактоосу болсун) эки сажданын ортосунда: "Аллахуммагфир лии, вархамнии, ва аъфинии, вахдинии, варзукнии" - деп айтчу.
Хасан бишаваахидихи (башка жакшы айтымдары бар хадис). Абу Дауд, ат-Тирмизи, Ибн Маажа жана Ахмад жазып калтырган.
التصنيف الشرعيصفة الصلاة، أذكار الصلاةموضوعات الحديثالدعاء، سنن الصلاة، صفة الصلاة
«Аллахтын күңдөрүн урбагыла!» Ошондо Умар Аллахтын Элчисине (ага Аллахтын тынчтыгы жана мактоосу болсун) келип: «Аялдар күйөөлөрүнө баш ийбей калышты», - деди. Ошондо ал аларды урууга уруксат берди. Андан соң Аллахтын Элчисинин (ага Аллахтын тынчтыгы жана мактоосу болсун) үй-бүлөсүнө күйөөлөрүнүн үстүнөн арызданып көптөгөн аялдар келишти. Ошондо Пайгамбар (ага Аллахтын тынчтыгы жана мактоосу болсун) мындай деди: «Чындыгында, Мухаммаддын үй-бүлөсүнө күйөөлөрүнүн үстүнөн арызданып көптөгөн аялдар келишти. Алар (аялдарын ургандар) силердин жакшыңар эмес».
Сахих (ишенимдүү) Абу Дауд жана Ибн Маажа риваят кылган.
التصنيف الشرعيالفضائل والآداب، العشرة بين الزوجين