Аллахтын Элчиси (ага Аллахтын тынчтыгы жана мактоосу болсун) арабызда бар кезде, биз битир садакасын чоң-кичине, азат же кул экенине карабай, ар бир жанга тамактан бир сааъ (4 ууч) же куруттан бир сааъ, же арпадан бир сааъ, же курмадан бир сааъ, же мейизден бир сааъ өлчөмүндө чыгарчубуз.

Абу Саид Худри (Аллах андан ыраазы болсун) айтат:

Аллахтын Элчисинин (ага Аллахтын тынчтыгы жана мактоосу болсун) көзү тирүүсүндө, биз фитир садакасын улуу-кичүү, азат же кул болгон ар бир жан үчүн тамактан бир сааъ, же куруттан бир сааъ, же арпадан бир сааъ, же курмадан бир сааъ, же мейизден бир сааъ өлчөмүндө чыгарчубуз. Муавия ибн Абу Суфян (Аллах андан ыраазы болсун) ажылыкка же умрага келгенге чейин ушинтип чыгарып жүрдүк. Ал минбарда элге кайрылып сүйлөгөндө: «Менимче, Шамдын буудайынан эки мудд (эки ууч) курманын бир сааъына тең келет»,- деди. Адамдар муну кабыл алышты. Ал эми Абу Саид: «Мен болсо, көзүм тирүүсүндө аны мурда кандай чыгарып жүргөн болсом, өмүр бою ошондой гана чыгара берем»,- деп айтты.

كُنَّا نُخْرِجُ إِذْ كَانَ فِينَا رَسُولُ اللهِ صَلَّى اللهُ عَلَيْهِ وَسَلَّمَ زَكَاةَ الْفِطْرِ، عَنْ كُلِّ صَغِيرٍ وَكَبِيرٍ، حُرٍّ أَوْ مَمْلُوكٍ، صَاعًا مِنْ طَعَامٍ، أَوْ صَاعًا مِنْ أَقِطٍ، أَوْ صَاعًا مِنْ شَعِيرٍ، أَوْ صَاعًا مِنْ تَمْرٍ، أَوْ صَاعًا مِنْ زَبِيبٍ، فَلَمْ نَزَلْ نُخْرِجُهُ حَتَّى قَدِمَ عَلَيْنَا مُعَاوِيَةُ بْنُ أَبِي سُفْيَانَ رضي الله عنه حَاجًّا، أَوْ مُعْتَمِرًا فَكَلَّمَ النَّاسَ عَلَى الْمِنْبَرِ، فَكَانَ فِيمَا كَلَّمَ بِهِ النَّاسَ أَنْ قَالَ: إِنِّي أَرَى أَنَّ مُدَّيْنِ مِنْ سَمْرَاءِ الشَّامِ، تَعْدِلُ صَاعًا مِنْ تَمْرٍ، فَأَخَذَ النَّاسُ بِذَلِكَ، قَالَ أَبُو سَعِيدٍ: فَأَمَّا أَنَا فَلَا أَزَالُ أُخْرِجُهُ كَمَا كُنْتُ أُخْرِجُهُ، أَبَدًا مَا عِشْتُ.