Encyclopedia of Prophetic Hadiths

((ئه‌گه‌ر هوین ب دروستی خۆ ب هێلنه‌ ب هیڤییا خودێڤه‌؛ ئه‌و دێ ڕزقێ هه‌وه‌ ده‌ت كا چاوا ڕزقێ بالنده‌یی دده‌ت، سپێدێ برسی و ب زكێ خالی ده‌ردكه‌ڤیت و ئێڤاری ب زكێ تێر دزڤڕیت)).

((بلا به‌رده‌وام ئه‌زمانێ ته‌ یێ ته‌ڕ بیت ژ زكرێ خودێ)).

ئانكو: ((ب ڕاستی ڕوقیه‌ (الرُّقَى) و نڤشتی (التَّمَائِمَ) و تیوه‌له‌ (التِّوَلَةَ) شركن)).

پێغەمبەرێ خودێ (صەلات و سەلامێن خودێ ل سەر بن) وه‌عزه‌ك ل مه‌ كر كو دل ژ به‌ر ترسیان و چاڤ ژ به‌ر گریان. ڤێجا مە گۆت: ئه‌ی پێغەمبەرێ خودێ؛ هه‌ر وه‌كی دێ بێژی ئه‌ڤه‌ شیره‌تا وی كه‌سییه‌ یێ خاترا خۆ دخوازیت، ڤێجا شیره‌تێ ل مە بکە. گۆت: ((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بوو مه‌زنێ هه‌وه‌. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جوداهییێ بینیت. ڤێجا هه‌وه‌ ئه‌مانه‌ت سوننەتا من و سوننەتا خەلیفەیێن من یێن سه‌رڕاست، وێ ب ددانێن خۆ یێن پشتێ بگرن و پدییێن خۆ ل سه‌ر بشدینن و هشیاری كارێن داهێنایی (بیدعه‌یان) بن د دینیدا، چونكی ب ڕاستی هەر بیدعەیەکا هه‌بیت سه‌رداچوون و به‌رزه‌بوونه‌)).

«ئه‌رێ ئه‌ز هه‌وه‌ ئاگه‌هدار نه‌كه‌م ب باشترین كریارا هه‌وه‌ و پاقژترینا وان ل ده‌ڤ شاهێ هه‌وه‌ (كو خودێیه‌) و بلندترینا وان د پله‌یێن هه‌وه‌دا، كو باشتر بیت بۆ هه‌وه‌ ژ مه‌زاختنا زێڕ و زیڤی و باشتر بیت بۆ هه‌وه‌ ژ هندێ كو هوین بگه‌هنه‌ دوژمنێ خۆ، ڤێجا هوین ل ستۆیێن وان بده‌ن و ئه‌و ل ستۆیێن هه‌وه‌ بده‌ن؟» گۆتن: به‌لێ. گۆت: «زكرێ خودایێ مه‌زن».

((باشترین زكر: گۆتنا: (لَا إِلَهَ إِلَّا اللهُ)ـیه‌ و باشترین دوعا ژی: (الْحَمْدُ لِلهِ)ـیه‌)).

((هشیاربن (نێزیكه‌ ده‌مه‌ك دێ هێت) زه‌لامه‌ك یێ ل سه‌ر جهێ خۆ درێژ كرییه‌ و فه‌رمووده‌یه‌ك ژ فه‌رمووده‌یێن من دێ بۆ وی هێته‌ گۆتن، ئه‌و ژی دێ بێژیت: د ناڤبه‌را مه‌ و هه‌وه‌دا په‌ڕتووكا خودێیه‌، ڤێجا هه‌ر تشتێ مه‌ د وێدا دیت یێ حه‌لاله‌؛ ئه‌م ژی دێ ب حه‌لال دانین، و هه‌ر تشته‌كێ مه‌ د وێدا دیت یێ حه‌رامه‌؛ ئه‌م ژی دێ ب حه‌رام دانین، و ب ڕاستی هه‌ر تشته‌كێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) حه‌رام كربیت، وه‌كی وی تشتییه‌‌ یێ خودێ حه‌رام كربیت)).

«ب ڕاستی ئه‌گه‌ر خه‌لكی زۆردار دیت و ڕێگری لێ نه‌كر؛ نێزیكه‌ خودێ سزایه‌كی ژ ده‌ڤ خۆ‌ ب سه‌ر واندا بینیته‌ خوار و هه‌مییان ڤه‌گریت».