((هوین هه‌می شڤانن (به‌رپرسن) و هه‌ر ئێك ژ هه‌وه به‌رپرسه ژ وان كه‌سێن ل بن به‌رپرسیارییا خۆ
عه‌بدولڵاھێ كوڕێ عومه‌ری (خودێ ژ هه‌ردووكان ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((هوین هه‌می شڤانن (به‌رپرسن) و هه‌ر ئێك ژ هه‌وه به‌رپرسه ژ وان كه‌سێن ل بن به‌رپرسیارییا خۆ، سه‌رۆك و ڕێبه‌ر شڤانه ل سه‌ر خه‌لكی و به‌رپرسه ژ وان، زه‌لام شڤانه ل سه‌ر كه‌سوكارێن مالا خۆ و به‌رپرسه ژ وان، ژن شڤانه د مالا زه‌لامێ خۆدا و ل سه‌ر زارۆكێن وی و به‌رپرسه ژ وان، عه‌بد (خزمه‌تكار) شڤانه ل سه‌ر مالێ مه‌زنێ خۆ و به‌رپرسه ژێ، ڤێجا بزانن كو هوین هه‌می شڤانن و هوین هه‌می به‌رپرسن ژ ژ وان كه‌سێن ل بن به‌رپرسیارییا هه‌وه)).
«كُلُّكُمْ رَاعٍ فَمَسْئُولٌ عَنْ رَعِيَّتِهِ، فَالأَمِيرُ الَّذِي عَلَى النَّاسِ رَاعٍ وَهُوَ مَسْئُولٌ عَنْهُمْ، وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْهُمْ، وَالمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ، وَالعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ، أَلاَ فَكُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ».
پێغه‌مبه‌ر (صه‌لات و سه‌لامێن خودێ ل سه‌ر بن) مه ئاگه‌هدار دكه‌ت كو ل سه‌ر هه‌ر موسلمانه‌كی د جڤاكیدا به‌رپرسیارییه‌ك هه‌یه كو پێدڤییه ل سه‌ر ڕاوه‌ستیت و خۆ ل به‌ر بگریت و هه‌دارێ ل سه‌ر بكێشیت. ڤێجا سه‌رۆك و ڕێبه‌ر و مه‌زنێ موسلمانان به‌رپرسه د وان تشتێن خودێ كرینه د ده‌ستێ ویدا، له‌وا پێدڤییه ئه‌و شه‌ریعه‌تێ وان بپارێزیت و وان ژ وان كه‌سێن زۆردارییێ دكه‌نه سه‌ر بپارێزیت و به‌ڕه‌ڤانییێ ژ وان بكه‌ت و جیهادێ د گه‌ل دوژمنێن وان بكه‌ت و مافێن وان به‌رزه نه‌كه‌ت. زه‌لام د ناڤ مالا خۆدا به‌رپرسه ب دابینكرنا مه‌زاختنێ و جوان سه‌ره‌ده‌ریكرنێ و فێركرن و تۆره و ئه‌ده‌بدانا وان. ژن د مالا زه‌لامێ خۆدا به‌رپرسه بڕێڤه‌برنا كاروبارێن مالا وی و په‌روه‌رده‌كرنا زارۆكێن وی و دێ پرسیار ل سه‌ر ڤێ چه‌ندێ ژ وێ هێته كرن. خزمه‌تكارێ عه‌بد و ئه‌وێ ب پاره كار دكه‌ت به‌رپرسه د مالێ خودانێ خۆدا، ب پاراستنا وان تشتێن د ده‌ستێ ویدا و خزمه‌تكرنا وی و دێ پرسیار ل سه‌ر ڤێ چه‌ندێ ژ وی هێته كرن. ڤێجا هه‌ر كه‌سه‌ك به‌رپرسه د وێ پشكا بۆ هاتییه دیاركرن و ل بن ده‌ستێ ویدا و هه‌ر كه‌سه‌كی دێ پرسیار ژێ هێته كرن ل سه‌ر وان كه‌سێن ل بن ده‌ستێ وی و ب وی هاتینه ڕاسپاردن.
...:
به‌رپرسیاری د جڤاكێ موسلماندا یا گشتییه، هه‌ر كه‌سه‌ك ل دویڤ پله و شیان و به‌رپرسیارییا خۆ.
مه‌زناهییا به‌رپرسیارییا ژنێ، ب هندێ كو حه‌قێ مالا زه‌لامێ خۆ و ئه‌ركێن خۆ به‌رامبه‌ر زارۆكێن خۆ ئه‌نجام بده‌ت.
زێده‌تر (6)
صه‌حیحا بۆخاری (3/ 150) (2554).
صه‌حیحا موسلمی (3/ 1459) (1829).
بهجة الناظرين شرح رياض الصالحين.
لسليم الهلالي (1/ 369).
إرشاد الساري لشرح صحيح البخاري.
القسطلاني (4/ 326).