((مسوگه‌ر خودێ زۆڕدارییێ ل باوه‌رداری ناكه‌ت ل به‌رامبه‌ر وی كارێ باش یێ وی كری، ل دونیایێ به‌رامبه‌ر وێ خێرێ دێ تشتی ده‌تێ و ل ئاخره‌تێ ژی دێ وی ژ به‌ر وێ خێرێ خه‌لات كه‌ت
ژ ئه‌نه‌سێ كوڕێ مالكی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((مسوگه‌ر خودێ زۆڕدارییێ ل باوه‌رداری ناكه‌ت ل به‌رامبه‌ر وی كارێ باش یێ وی كری، ل دونیایێ به‌رامبه‌ر وێ خێرێ دێ تشتی ده‌تێ و ل ئاخره‌تێ ژی دێ وی ژ به‌ر وێ خێرێ خه‌لات كه‌ت، به‌لێ هندیكه مرۆڤێ كافره؛ ل به‌رامبه‌ری وان كارێن باش و خێرێ یێن وی ل دونیایێ بۆ خودێ ئه‌نجامداین؛ دێ ل دونیایێ خه‌لات كه‌ت و تشتی ده‌تێ هه‌تا ده‌مێ دهێته ڤه‌گوهاستن بۆ ئاخره‌تێ؛ ل وێرێ وی چ خێر نابن ژ به‌ر بهێته خه‌لاتكرن)).
«إِنَّ اللهَ لَا يَظْلِمُ مُؤْمِنًا حَسَنَةً، يُعْطَى بِهَا فِي الدُّنْيَا وَيُجْزَى بِهَا فِي الْآخِرَةِ، وَأَمَّا الْكَافِرُ فَيُطْعَمُ بِحَسَنَاتِ مَا عَمِلَ بِهَا لِلَّهِ فِي الدُّنْيَا، حَتَّى إِذَا أَفْضَى إِلَى الْآخِرَةِ، لَمْ تَكُنْ لَهُ حَسَنَةٌ يُجْزَى بِهَا».
پێغه‌مبه‌ر (صه‌لات و سه‌لامێن خودێ ل سه‌ر بن) قه‌نجی و باشییا خودێ یا مه‌زن ل سه‌ر باوه‌رداران و دادییا وی د گه‌ل كافران دیار دكه‌ت. هندیكه باوه‌رداره؛ خێر و خه‌لاتێ چ خێرێن وی ل دونیایێ كرین كێم نابیت، به‌لكی خودێ دێ ژ به‌ر وێ خێرێ؛ ل دونیایێ باشییێ ده‌تێ ژ به‌ر گوهدانا وی بۆ خودێ، د گه‌ل وی خه‌لاتێ مه‌زن یێ خودێ ل ئاخره‌تێ بۆ وی هه‌لگرتی، دبیت ژی خه‌لاتێ وی هه‌مییێ بۆ ئاخره‌تێ ڕاكه‌ت و هه‌لبگریت. هندیكه كافره ژی؛ خودێ دێ خه‌لاتێ وان خێرێن وی ئه‌نجامداین ل دونيايێ ده‌تێ، هه‌تا ده‌مێ دهێته ڤه‌گوهاستن بۆ ئاخره‌تێ؛ ل وێرێ وی چ خێر نابن ژ پێشڤه بهێته خه‌لاتكرن، چونكی ئه‌و كارێ بۆ هه‌ردوو جهان مفای ل خودانێ خۆ دكه‌ت، ئه‌وه یێ كو دڤێت خودانێ وى باوه‌ردار بیت.
...:
هه‌ر كه‌سێ ل سه‌ر كوفرێ بمریت؛ كارێ وی یێ باش چ مفای ل وی ناكه‌ت.
زێده‌تر (4)
صه‌حیحا موسلمی (4/ 2162) (2808).
المفهم لما أشكل من تلخيص كتاب مسلم (1/ 460).
البحر المحيط الثجاج في شرح صحيح الإمام مسلم بن الحجاج (43/ 460).
شرح النووي على مسلم (17/150).