((شه‌یتان دێ هێته ده‌ڤ ئێك ژ هه‌وه و دێ بێژیت: كێ ئه‌ڤ تشته ئافراندییه؟ كێ ئه‌ڤ تشته ئافراندییه؟ هه‌تا دبێژیت: پا كێ خودایێ ته ئافراندییه؟ ڤێجا ئه‌گه‌ر مرۆڤ گه‌هشته ڤێرێ؛ وی ده‌می بلا خۆ ب خودێ بپارێزیت و بابه‌تی ب دویماهیك بینیت))
ژ ئه‌بو هورەیرەی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((شه‌یتان دێ هێته ده‌ڤ ئێك ژ هه‌وه و دێ بێژیت: كێ ئه‌ڤ تشته ئافراندییه؟ كێ ئه‌ڤ تشته ئافراندییه؟ هه‌تا دبێژیت: پا كێ خودایێ ته ئافراندییه؟ ڤێجا ئه‌گه‌ر مرۆڤ گه‌هشته ڤێرێ؛ وی ده‌می بلا خۆ ب خودێ بپارێزیت و بابه‌تی ب دویماهیك بینیت)).
«يَأْتِي الشَّيْطَانُ أَحَدَكُمْ فَيَقُولُ: مَنْ خَلَقَ كَذَا؟ مَنْ خَلَقَ كَذَا؟ حَتَّى يَقُولَ: مَنْ خَلَقَ رَبَّكَ؟ فَإِذَا بَلَغَهُ فَلْيَسْتَعِذْ بِاللهِ وَلْيَنْتَهِ».
پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ وی ده‌رمان و چاره‌سه‌رییا مفادار و كارتێكه‌ر دكه‌ت بۆ وان پرسیارێن شه‌یتان ب ڕێكا وان وه‌سوه‌سه‌یێ بۆ مرۆڤێ باوه‌ردار دروست دكه‌ت. ڤێجا شه‌یتان دێ بێژیت: كێ ئه‌ڤ تشته ئافراندییه؟ كێ ئه‌ڤ تشته ئافراندییه؟ كێ ئه‌سمان ئافراندییه؟ كێ ئه‌رد ئافراندییه؟ باوه‌ردار ژی ژ لایێ دینی و خورستی و ئه‌قلی دێ به‌رسڤا وی ده‌ت و بێژیت: خودێ یێن ئافراندین، به‌لێ شه‌یتان ل ڤی سنووری ڕاناوه‌ستیت بۆ وه‌سوه‌سه دروستكرنێ، به‌لكی دێ هه‌ر چیت و به‌رده‌وام بیت هه‌تا دبێژیت: پا كێ خودایێ ته ئافراندییه؟ ل ڤێرێ مرۆڤێ باوه‌ردار دێ ڤێ وه‌سوه‌سه‌یێ پاشڤه‌به‌ت و ب دویماهیك ئینیت، ئه‌ڤه ژی ب ئه‌نجامدانا سێ تشتان: باوه‌ریئینانا ب خودێ. خۆپاراستنا ب خودێ ژ شه‌یتانی. به‌رده‌وامی نه‌دان و ڕاوه‌ستيان ژ هزركرن و چوونا د ناڤ وه‌سوه‌سه‌یا شه‌یتانیدا.
...:
پشتدانا وه‌سوه‌سه‌یا شه‌یتانی و ئه‌و هزرێن ئه‌و بۆ مرۆڤی دروست دكه‌ت و هزرنه‌كرن تێدا و په‌نابرن بۆ خودایێ مه‌زن كو ڤان هزران ژ سه‌ر هزرا مرۆڤی ببه‌ت و نه‌هێلیت.
هه‌ر تشته‌كێ دهێته سه‌ر دلێ مرۆڤی ژ وان وه‌سوه‌سه‌یێن دژی شه‌ریعه‌تی؛ ئه‌و ژ ده‌ڤ شه‌یتانینه.
پاشڤه‌برن ژ هزركرنێ د زاتێ پیرۆزێ خودێدا و هاندان ل سه‌ر هزركرنێ د چێكری و نیشانێن خودێدا.
زێده‌تر (7)
صه‌حیحا بۆخاری (4/ 123) (3276).
صه‌حیحا موسلمی (1/ 120) (134).
إكمال المعلم (1/432).
المفهم (1/345).
فتح الباري (6/ 340).
طرح التثريب (8/163).
بهجة قلوب الأبرار (ص 27).