“ចូរពួកអ្នកប្រគល់ទ្រព្យមរតកដល់អ្នកដែលមានសិទ្ធិទទួល ហើយអ្វីដែលនៅសល់ គឺសម្រាប់បុរសជាសាច់ញាតិជិតបំផុត”។

ណាពី ﷺ លោកបានបង្គាប់ដល់អ្នកដែលធ្វើការបែងចែងទ្រព្យមរតករបស់សពត្រូវធ្វើការបែងចែកទ្រព្យមរតកនោះទៅកាន់អ្នកដែលមានសិទ្ធិទទួលដោយយុត្តិធម៌ស្របតាមច្បាប់ឥស្លាមដូចដែលអល់ឡោះចង់បានដោយត្រូវប្រគល់ទ្រព្យមរតកដល់អ្នកដែលមានសិទ្ធិទទួលមរតកជាលក្ខណៈកំណត់ចំនួននូវចំណែករបស់ពួកគេដែលត្រូវទទួលបានដូចដែលមានចែងនៅក្នុងគម្ពីររបស់អល់ឡោះ(គម្ពីរគួរអាន)គឺ ពីរភាគបី មួយភាគបី មួយភាគប្រាំមួយ មួយភាគពីរ មួយភាពបួន និងមួយភាគប្រាំបី។ ចំពោះចំណែកដែលនៅសល់បន្ទាប់ពីនោះ គឺត្រូវបែងចែកទៅឲ្យសាច់ញាតិជិតបំផុតរបស់សពដែលជាបុរស ដែលគេហៅថា العصبة (សាច់ញាតិជាបុរស)។