“ចូរអ្នកត្រឡប់ទៅសឡាតម្តងទៀត។ ពិតណាស់ អ្នកមិនទាន់បានសឡាតឡើយ”។

អំពី អាពូហ៊ូរ៉យរ៉ោះ رضي الله عنه

ពិតណាស់ រ៉ស៊ូលុលឡោះ ﷺ បានចូលក្នុងម៉ាស្ជិត ហើយមានបុរសម្នាក់បានចូលមក រួចសឡាត។ បន្ទាប់មក បុរសនោះបានឲ្យសាឡាមទៅកាន់ណាពី ﷺ ។ លោកក៏បានតបសាឡាម ហើយបានមានប្រសាសន៍ថា៖ “ចូរអ្នកត្រឡប់ទៅសឡាតម្តងទៀត។ ពិតណាស់ អ្នកមិនទាន់បានសឡាតឡើយ”។ បុរសនោះក៏ត្រឡប់ទៅសឡាតម្តងទៀតដូចដែលគាត់បានសឡាត។ បន្ទាប់មក គាត់បានត្រឡប់មកវិញ រួចឲ្យសាឡាមទៅកាន់ណាពី ﷺ ។ ពេលនោះ លោកបានមានប្រសាសន៍ថា៖ “ចូរអ្នកត្រឡប់ទៅសឡាតម្តងទៀត។ ពិតណាស់ អ្នកមិនទាន់បានសឡាតឡើយ”។ ករណីនេះបានកើតឡើងចំនួនបីដង។ ហេតុដូច្នេះ បុរសនោះក៏បាននិយាយថា៖ សូមស្បថនឹងអ្នកដែលបានតែងតាំងលោកមកដោយការពិត! ខ្ញុំមិនអាចធ្វើបានល្អជាងនេះទេ។ ហេតុនេះ សូមលោកបង្រៀនខ្ញុំផង។ ណាពី ﷺ បានមានប្រសាសន៍ថា៖ “នៅពេលអ្នកឈរដើម្បីសឡាត ចូរអ្នកតឹកពៀរ។ បន្ទាប់មក ចូរអ្នកសូត្រអ្វីដែលងាយស្រួលសម្រាប់អ្នកពីគម្ពីរគួរអាន។ បន្ទាប់មក ចូរអ្នករូកុ រហូតដល់អ្នកមានភាពនឹងនរក្នុងពេលរូកុនោះ។ បន្ទាប់មក ចូរអ្នកងើបឡើង រហូតដល់អ្នកឈរត្រង់ខ្លួន។ បន្ទាប់មក ចូរអ្នកស៊ូជោត រហូតដល់អ្នកមានភាពនឹងនរក្នុងពេលស៊ូជោតនោះ។ បន្ទាប់មកទៀត ចូរអ្នកងើបឡើង រហូតដល់អ្នកមានភាពនឹងនរក្នុងពេលអង្គុយ។ ហើយចូរអ្នកធ្វើបែបនេះក្នុងការសឡាតទាំងមូលរបស់អ្នក”។

أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ دَخَلَ المَسْجِدَ فَدَخَلَ رَجُلٌ، فَصَلَّى، فَسَلَّمَ عَلَى النَّبِيِّ صَلَّى اللهُ عَلَيْهِ وَسَلَّمَ، فَرَدَّ وَقَالَ: «ارْجِعْ فَصَلِّ، فَإِنَّكَ لَمْ تُصَلِّ»، فَرَجَعَ يُصَلِّي كَمَا صَلَّى، ثُمَّ جَاءَ، فَسَلَّمَ عَلَى النَّبِيِّ صَلَّى اللهُ عَلَيْهِ وَسَلَّمَ، فَقَالَ: «ارْجِعْ فَصَلِّ، فَإِنَّكَ لَمْ تُصَلِّ» ثَلاَثًا، فَقَالَ: وَالَّذِي بَعَثَكَ بِالحَقِّ مَا أُحْسِنُ غَيْرَهُ، فَعَلِّمْنِي، فَقَالَ: «إِذَا قُمْتَ إِلَى الصَّلاَةِ فَكَبِّرْ، ثُمَّ اقْرَأْ مَا تَيَسَّرَ مَعَكَ مِنَ القُرْآنِ، ثُمَّ ارْكَعْ حَتَّى تَطْمَئِنَّ رَاكِعًا، ثُمَّ ارْفَعْ حَتَّى تَعْدِلَ قَائِمًا، ثُمَّ اسْجُدْ حَتَّى تَطْمَئِنَّ سَاجِدًا، ثُمَّ ارْفَعْ حَتَّى تَطْمَئِنَّ جَالِسًا، وَافْعَلْ ذَلِكَ فِي صَلاَتِكَ كُلِّهَا».

រាយការណ៍ដោយ អាល់ពូខរី និងមូស្លីម
ហាទីស្ហសហេស
ពន្យល់

ណាពី ﷺ បានចូលក្នុងម៉ាស្ជិត ហើយមានបុរសម្នាក់បានចូលតាមក្រោយលោក។ រួចមក បុរសនោះបានធ្វើការសឡាតពីររ៉ក្អាត់យ៉ាងលឿនដោយមិនមានភាពនឹងនរក្នុងពេលឈរ ពេលរូកុ និងពេលស៊ូជោតរបស់ខ្លួននោះឡើយ។ ហើយណាពី ﷺ បានសង្កេតមើលបុរសនោះសឡាត។ បន្ទាប់មក បុរសនោះបានមកជួបណាពី ﷺ ខណៈដែលលោកកំពុងអង្គុយនៅក្នុងម៉ាស្ជិត រួចឲ្យសាឡាមទៅកាន់លោក។ លោកបានតបសាឡាមបុរសនោះ ហើយក៏បានមានប្រសាសន៍ទៅកាន់បុរសនោះថា៖ អ្នកចូរត្រឡប់ទៅវិញ ហើយសឡាតម្តងទៀត ព្រោះអ្នកមិនទាន់បានសឡាតឡើយ។ បុរសនោះក៏ត្រឡប់ទៅសឡាតម្តងទៀតដោយសឡាតយ៉ាងលឿនដូចមុន។ បន្ទាប់មក គាត់ក៏បានមកដល់ ហើយឲ្យសាឡាមទៅកាន់ ﷺ ណាពី។ ពេលនោះ លោកបានមានប្រសាសន៍ទៅកាន់បុរសនោះទៀតថា៖ អ្នកចូរត្រឡប់ទៅវិញ ហើយសឡាតម្តងទៀត ព្រោះអ្នកមិនទាន់បានសឡាតឡើយ។ ហេតុការណ៍នេះបានកើតឡើងចំនួនបីដង។ ពេលនោះ បុរសនោះក៏បាននិយាយថា៖ សូមស្បថនឹងអ្នកដែលបានតែងតាំងលោកមកដោយការពិត! ខ្ញុំមិនអាចធ្វើបានល្អជាងនេះទេ។ ហេតុនេះ សូមលោកបង្រៀនខ្ញុំផង។ ណាពី ﷺ ក៏បានមានប្រសាសន៍ទៅកាន់បុរសនោះថា៖ នៅពេលអ្នកឈរដើម្បីសឡាត ចូរអ្នកតឹកពៀររ៉តុលអៀហរ៉ម។ បន្ទាប់មក ចូរអ្នកសូត្រស៊ូរ៉ោះអាល់ហ្វាទីហះ ហើយនិងអ្វីដែលអល់ឡោះចង់ឱ្យអ្នកសូត្រ។ បន្ទាប់មក ចូរអ្នកឱនរូកុ រហូតដល់អ្នកមានលំនឹងនៅក្នុងពេលរូកុនោះ ដោយដាក់ដៃទាំងពីររបស់អ្នកលើជង្គង់ និងពន្លាតខ្នងរបស់អ្នកឱ្យត្រង់។ បន្ទាប់មក ចូរអ្នកងើបពីរូកុវិញ និងតម្រង់ខ្លួនរបស់អ្នករហូតដល់ឆ្អឹងទាំងអស់ត្រឡប់ទៅកាន់សន្លាក់របស់វា ហើយឈរឱ្យត្រង់។ បន្ទាប់មក ចូរអ្នកក្រាបស៊ូជោត រហូតដល់អ្នកមានលំនឹងនៅពេលស៊ូជោតនោះដោយបានដាក់ថ្ងាស ច្រមុះ បាតដៃទាំងពីរ ក្បាលជង្គង់ទាំងពីរ និងចុងម្រាមជើងទាំងអស់ទៅលើដី។ បន្ទាប់មកទៀត ចូរអ្នកងើបពីស៊ូជោតវិញ រហូតដល់អ្នកមានលំនឹងនៅក្នុងពេលអង្គុយចន្លោះស៊ូជោតទាំងពីរ។ ក្រោយមកទៀត ចូរអ្នកធ្វើដូច្នេះនៅក្នុងគ្រប់រ៉ក្អាត់នីមួយៗនៃសឡាតរបស់អ្នក។

មេរៀនដែលទាញបានពីហាទីស្ហ

ទាំងនេះ គឺជារូកុន(គោលគ្រឹះ)នៃសឡាត។ គេមិនអាចបោះបង់វាបានឡើយ ទោះបីដោយភ្លេច ឬមិនដឹងក៏ដោយ ដោយភស្តុតាង គឺណាពី ﷺ លោកបង្គាប់ឲ្យសឡាតឡើងវិញ មិនមែនគ្រាន់តែបង្រៀនគេប៉ុណ្ណោះទេ។

ភាពនឹងនរ គឺជារូកុន(គោលគ្រឹះ)មួយ ក្នុងចំណោមរូកុនសឡាត។

អ៊ីម៉ាំ អាន់ណាវ៉ាវី បាននិយាយថា៖ ហាទីស្ហនេះបង្ហាញថា អ្នកដែលមិនបានអនុវត្តប្រការវ៉ាជិបមួយចំនួននៃសឡាត ការសឡាតរបស់គេមិនត្រឹមត្រូវឡើយ។

អ៊ីម៉ាំ អាន់ណាវ៉ាវី បាននិយាយថា៖ ហាទីស្ហនេះបង្ហាញថា ត្រូវមានភាពទន់ភ្លន់ចំពោះអ្នករៀនសូត្រ និងអ្នកដែលមិនដឹង ហើយត្រូវពន្យល់ពីបញ្ហាដល់គេដោយច្បាស់លាស់ សង្ខេបនូវខ្លឹមសារស្នូល និងផ្តោតទៅលើចំណុចសំខាន់ៗសម្រាប់គេ ដោយមិនចាំបាច់និយាយរឿងបន្ថែមដែលគេមិនអាចចងចាំ និងអនុវត្តបាននោះឡើយ។

អ៊ីម៉ាំ អាន់ណាវ៉ាវី បាននិយាយថា៖ ហាទីស្ហនេះបង្ហាញថា ប្រសិនបើអ្នកដែលផ្តល់ច្បាប់ឥស្លាមត្រូវបានគេសួរពីបញ្ហាអ្វីមួយ ហើយមានបញ្ហាផ្សេងទៀតដែលអ្នកសួរត្រូវការ ប៉ុន្តែគេមិនបានសួរអំពីវាទេនោះ គប្បីលើអ្នកផ្តល់ច្បាប់នោះប្រាប់គេអំពីរឿងនោះផងដែរ។ នេះគឺជាផ្នែកមួយនៃការផ្តល់ដំបូន្មាន ពុំមែនជាការនិយាយរឿងដែលគ្មានប្រយោជន៍នោះទេ។

បញ្ជាក់ពីគុណតម្លៃនៃការទទួលស្គាល់ចំណុចខ្វះខាតរបស់ខ្លួន ដោយយោងតាមសម្តីរបស់បុរសនោះថា៖ “ខ្ញុំមិនអាចធ្វើបានល្អជាងនេះទេ។ ហេតុនេះ សូមលោកបង្រៀនខ្ញុំផង”។

អ៊ិពនូហាជើរ បាននិយាយថា៖ ហាទីស្ហនេះបង្ហាញពីការបង្គាប់ប្រើគ្នាឱ្យធ្វើល្អ និងហាមឃាត់ពីអំពើអាក្រក់ ហើយនិងការស្នើសុំរបស់សិស្សឱ្យគ្រូបង្រៀនចំណេះដឹងដល់ខ្លួន។

ស៊ូណិតឲ្យសាឡាមនៅពេលជួបគ្នា ហើយចាំបាច់ត្រូវតបសាឡាមវិញ។ ស៊ូណិតឲ្យសាឡាមឡើងវិញប្រសិនបើជួបគ្នាម្តងទៀត ទោះបីជាពេលវេលាខ្លីក៏ដោយ ហើយចាំបាច់ត្រូវតបសាឡាមគ្រប់ពេលដូចគ្នា។

ឯកសារយោង

សហេស អាល់ពូខរី (1/ 152) (757).

សហេស មូស្លីម (1/ 298) (397).

បន្ថែមទៀត (8)

تيسير العلام.

للبسام (ص167).

تنبيه الأفهام.

للعثيمين (2/ 213).

الإفهام في شرح عمدة الأحكام.

عبد العزيز بن باز (ص203).

الإلمام بشرح عمدة الأحكام.

لإسماعيل الأنصاري (1/ 138).

14 សៀវភៅ
បន្ថែមទៀត (14)
កាតទាំងអស់