Encyclopedia of Prophetic Hadiths

Mesaje Allah a (ke lapè ak benediksyon Allah sou li) te di Mu’adh ibn Jabal lè li te voyelb ale nan peyi Yemen : Wap pral jwenn yon pèp ki gen yon Liv (Jwif oswa Kretyen). Lè w rive kote yo, envite yo pou yo temwanye pa gen lòt dye ki merite adorasyon eksepte Allah, e ke Muhammad se mesaje Allah. Si yo obeyiw nan sa, fè yo konnen ke Allah te enpoze sou yo senk (5) lapriyè chak jou ak chak nwit. Si yo obeyiw nan sa, fè yo konnen ke Allah te enpoze sou yo yon zakat (yon charite obligatwa) ki dwe pran nan men moun rich yo pou yo bay moun pòv yo. Si yo obeyiw nan sa, fè atansyon pou ou pa pran pi bon byen yo (kòm zakat), epi pè madichon moun yo fè mal, paske pa gen okenn baryè ant li menm ak Allah.

«Èske mwen pa ta dwe fè nou konnen pi bon nan tout aksyon nou yo, sila a ki pi pwòp nan zye Mèt nou an (Allah), ki bay plis grad, ki pi bon pou nou pase depanse lò ak lajan, epi ki pi bon pou nou pase rankontre lènmi nou yo kote nap koupe tèt yo epi yap koupe tèt nou?» Yo reponn: «Wi, sètènman.» Li di: «Se fè louwanj Allah ki pi Wo a (Dhikrullah).»

Yon mesye te vin kote Pwofèt la (lapè ak benediksyon Allah sou li), epi li dil : 'Kisaw panse de yon nonm ki al goumen nan lagè pou li chèche rekonpans ak renome (repitasyon), kisa lap jwenn ?' Mesaje Allah a (lapè ak benediksyon Allah sou li) di : « Li pa gen anyen pou li. » Nonm nan repete kesyon an 3 fwa, epi chak fwa Mesaje Allah a reponn li : « Li pa gen anyen pou li. » Aprèsa, li di : « Anverite, Allah pa aksepte okenn aksyon sof si se pou Li sèlman li te fèt ak tout senserite, epi se kote se satisfaksyon li yap chèche»

Si yo te bay moun sa yo reklame, anpil moun tap reklame byen lòt moun ak san yo (lavi yo). Men, prèv la (al-bayyinah) sou kont moun kap fè reklamasyon an, epi sèman an (al-yamin) sou kont moun ki demanti (refize) reklamasyon an.

Pwofèt la (Lapè ak benediksyon Allah sou li) te konn pran dlo (fè ablisyon) pou chak lapriyè, mwen te di: «Kòman nou menm nou te konn fè?» Li te di: «Yon sèl ablisyon (Woudou) te sifi pou youn nan nou, toutotan li pat nan eta enpite (salte).»

«Gen 5 aksyon ki nan nati moun (Al-Fitra): sikonsizyon, raze plim nan pati prive, taye moustach, koupe zong, ak rale plim anba bwa».

«O Allah! Nenpòt moun ki vin responsab nenpòt bagay nan zafè kominote mwen an, epi li rann li difisil , rann lavil difisil pou li tou, epi nenpòt moun ki vin responsab nenpòt bagay nan zafè kominote mwen an, epi li trete yo avèk dousè, trete li avèk dousè tou.»

"Nou te soti nan yon nwit lapli ak gwo fènwa, pou nou chache Mesaje Allah a (se pou lapè ak Benediksyon Allah kouvri li); pou li te ka priye pou nou. Li di: Lè mwen te jwenn li, li di: «Di», mwen pa te di anyen. Aprè sa li di: «Di», mwen pa te di anyen. Li di: «Di», epi mwen di: Kisa pou mwen di? Li di: «{Qul Huwa Allahu Ahad} (Di: Li se Allah, Sèl la) ak Al-Mu'awwidhatayn (2 sourat pwoteksyon yo), nan aswè ak nan maten, 3 fwa, yap sifi ou kont tout bagay.»"