Encyclopedia of Prophetic Hadiths

Daprè Pwofèt la (kè poze ak benediksyon Allah sou li), li te di: «Allah di: Pitit Adan an demantim, epi li pa gen okenn dwa pou li fè sa, epi li jourem, epi li pa gen okenn dwa pou li fè sa. Kanta pou jan li demantim nan, se pawòl li lèl di: Li pap janm refèm jan Li te kòmansem nan, epi premye kreyasyon an pa pi fasil pou Mwen pase poum refè li ankò a. Epi kanta pou jan li joure m nan, se pawòl li lèl di: Allah pran yon pitit, alòske Mwen se Sila a ki Youn nan, Mèt absoli a, Mwen pa fè pitit, ni Mwen pa pitit pèsonn, epi pa gen okenn moun ki egal avèm.»

"«Pa gen maladi ki trape pou kont li, ni pa gen move presaj, epi mwen renmen bon presaj.» Yo te mande l: E kisa ki bon presaj la? Li reponn: «Yon bon pawòl»."

«O jenn gason! Mwen pral montrew kèk pawòl : Respekte dwa Allah, lap pwoteje ou, respekte dwa Allah, wap jwenn li bò kote ou, si ou mande, mande Allah, epi si ou mande èd, mande èd nan men Allah, epi konnen byen : Menmsi tout moun nan lemond ta mete tèt yo ansanm pou yo fè yon byen pou ou, yo pa tap ka fè anyen pou ou si se pa sa Allah te deja ekri pou ou. Konsa tou, si yo ta mete tèt yo ansanm pou yo fèw yon mal, yo pa tap janm ka fèw anyen si se pa sa Allah te deja deside ki tap rivew; plim yo deja leve, epi lank sou paj yo deja chèch.»

Pandan nou te chita avèk Pwofèt la (lapè ak benediksyon Allah sou li) nan moske a, yon mesye antre sou yon chamo. Li fè chamo a kouche nan moske a, li mare janm li, epi li di yo: "Kilès nan nou ki Mohammad?" Pwofèt la (lapè ak benediksyon Allah sou li) te chita ap apiye nan mitan yo, nou dil: "Se mesye sa a ki gen koulè blan an, ki chita ap apiye a." Mesye an di Pwofèt la: "O pitit Abdoul-Mouttalib!" Pwofèt la reponn li: "Mwen tande ou." Mesye an di Pwofèt la: "Map pozew yon kesyon, map mandew li ak fòs (map ensiste), donk pa fache avèm." Pwofèt la di li: "Poze kesyon sou sa ou vle." Mesye an di: "Map mandew nan non Granmèt ou a ak Granmèt moun ki te anvan ou yo: Èske se Allah ki voyew bay tout moun?" Pwofèt la reponn: "Wi, mwen fè sèman sou Allah." Li di: "Map mandew nan non Allah : Èske se Allah ki kòmandew pou nou fè 5 lapriyè yo chak jou ak chak nwit?" Pwofèt la reponn: "Wi, mwen fè sèman sou Allah." Li di: "Map mande w nan non Allah : Èske se Li ki kòmandew pou nou fè jèn mwa sa a nan ane a?" Pwofèt la reponn: "Wi, mwen fè sèman sou Allah." Li di: "Map mande ou nan non Allah : Èske se Senyè toupwisan an ki kòmandew pou nou pran zakat sa a nan men moun rich nou yo pou nou pataje li bay pòv nou yo?" Pwofèt la reponn: "Wi, mwen fè sèman sou Allah." Lè sa a, Mesye a di: "Mwen kwè nan sa ou pote a, epi mwen se yon reprezantan ki soti dèyè pèp mwen an. Mwen se Dimam ibn Tha'labah, yon frè nan branch fanmi Bani Sa'd ibn Bakr."

«Anverite, Allah (Toupwisan ak Majestye) entèdi nou fè sèman sou papa nou yo», Omar te di: Epi, pa Allah, mwen pa janm fè sèman sou yo depi mwen te tande Mesaje Allah a (ke lapè ak benediksyon Allah sou li) te entèdi sa, ni an pwòp inisyativ mwen, ni nan repete pawòl lòt moun.

«Nenpòt moun ki temwaye ke pa gen okenn lòt dye ki merite adorasyon esepte Allah, Li menm sèl, Li pa gen okenn asosye, epi Muhammad se sèvitè Li epi Mesaje Li, epi 'Isa (Jezi) se sèvitè Allah ak Mesaje Li, ak pawòl Li ke Li te voye bay Maryam, epi yon lespri ki soti nan Li, epi Paradi a se verite, epi Lanfè a se verite; Allah ap fè li antre nan Paradi a, kèlkeswa sa zèv li yo te ye.»

«Senyè nou an, Sila ki beni epi ki toupwisan an, desann chak nwit nan syèl ki pi prè tè a lè li rete dènye tyè nwit lan, epi li di: «Kiyès kap priyem poum reponn li? Kiyès kap mandem poum ba li? Kiyès kap mandem padon poum padone l?».