Encyclopedia of Prophetic Hadiths

«Èskem pa ta dwe endike nou sa Allah itilize pou Li efase peche yo epi elve degre yo?» Yo te reponn: «Wi, O Mesaje Allah.» Li te di: «Akonpli ablisyon an yon fason ki pafè malgre difikilte yo, fè anpil pa pou ale nan moske yo, epi tann yon lapriyè aprè yon lòt; ebyen, sa a se angajman konstan an.»

«Kwè nan move sipèstisyon se shirk, kwè nan move sipèstisyon se shirk, kwè nan move sipèstisyon se shirk, -(3 fwa)-», epi pa gen okenn pami nou ki pa (santi yon ti bagay konsa), men Allah, Li menm ki gen tout pouvwa a, Li menm ki gen gwo majeste a, fèl ale lè nou mete konfyans nou nan Li.

«Sètènman, pami siy Lè a(jou jijman an) : konesans lan ap disparèt, inyorans ap ogmante, ap gen anpil Zina (fònikasyon ak adiltè), moun ap bwè anpil alkòl, kantite gason ap diminye, epi kantite fanm ap ogmante, jiskaske se yon sèl gason ki pral responsab pou pran swen senkant (50) fanm.»

ke Mesaje Allah a (ke lapè ak benediksyon Allah sou li) te entèdi raze yon pati nan tèt la epi kite yon lòt.

« Pa fè jalouzi youn pou lòt, pa fè magouy sou pri pou twonpe youn lòt, pa rayi youn lòt, pa vire do bay youn lòt, epi youn pa dwe vin antre nan komès lòt la poul gatel ; okontrè, O sèvitè Allah yo, se pou nou viv tankou frè. Yon mizilman se frè yon lòt mizilman : li pa fèl lenjistis, li pa lagel nan tray, epi li pa meprizel . "Krentif pou Allah a (Taqwa) se la a li ye," epi li lonje dwèt li sou pwatrin li 3 fwa. "Li sifi kòm yon gwo mal pou yon moun ta meprize frè mizilman li an. Tout sa yon mizilman genyen se bagay ki sakre pou yon lòt mizilman atake : san l, byen li yo, ak onèl." »

«Pami sa ki fè Islam yon moun bèl se kite sa ki pa konsène li».

"Moun ki gen mizèrikòd yo, Sila ki gen anpil bonte a ap gen mizèrikòd pou yo. Gen mizèrikòd pou moun ki sou tè a, Sila ki nan syèl la ap gen mizèrikòd pou nou."

Pwofèt la (ke lapè ak benediksyon Allah sou li) te monte sou yon bèt (chamo), epi Mu'adh te dèyè li. Pwofèt la di: "O Mu'adh ibn Jabal!" Mu'adh reponn: "Mwen la pou sèvi ou, O Mesaje Allah, epi mwen pare poum obeyi ou!" Pwofèt la repete: "O Mu'adh!" Li reponn: "Mwen la pou sèvi ou, O Mesaje Allah, e mwen pare poum obeyi ou!" (Sa te rive 3 fwa). Epi Pwofèt la di: "Pa gen pèsonn ki temwanye sensèman nan kè li ke pa gen lòt dye eksepte Allah e ke Muhammad se mesaje Allah a, san Allah pa entèdi dife lanfè a pou li." Mu'adh di: "O Mesaje Allah, èske mwen pa dwe anonse moun yo sa pou yo ka kontan?" Pwofèt la reponn: "Si ou fè sa, yap konte sou sa (yap sispann fè efò)." Aprèsa , Mu'adh te rakonte sa anvan li mouri, paske li te pè pou li pat kache yon konesans.