Encyclopedia of Prophetic Hadiths

Soti nan Humran, sèvitè Ousmane bin Affan, li te wè Ousmane bin Affan te mande dlo pou fè woudou. Li vide dlo sou men li sot nan veso a, li lave yo 3 fwa. Aprèsa , li mete men dwat li nan dlo a, li rense bouch li, li aspire dlo nan nen li epil mouche li. Aprèsa , li lave figil 3 fwa, li lave men li jiska koud yo 3 fwa, li pase men mouye sou tèt li, epi li lave chak pyel 3 fwa. Aprèsa, li di: 'Mwen te wè Pwofèt la (lapè ak benediksyon Allah sou li) fè woudou menm jan mwen fèl la, epi li te di: Nenpòt moun ki fè woudou menm jan avèm , epi li fè 2 rakat lapriyè san li pa kite lespril bay tèt li lòt panse, Allah ap padonnel tout pechel te fè anvan sa.

Pwofèt la (Lapè ak benediksyon Allah sou li) te konn lave kò li, oswa li te konn benyen (fè gwo ablisyon), avèk yon Sa' jiska senk Mudd(2 lit edmi rive 3 lit) epi li te konn pran dlo (fè ablisyon) avèk yon Mudd(mwens pase yon lit)

«Moun ki fè woudou (pirifikasyon) li epi fèl byen fèt, peche li yo soti nan kò li, jiskaske yo soti anba zong li yo.»

Yon Mesye te fè woudou epi li te kite yon ti kote sèch gwosè yon zong sou pye li. Lè Pwofèt la (Ke lapè ak benediksyon Allah kouvri li) te wè li, li te di: «Tounen epi byen fè woudou ou a». Lè sa a, li te tounen, aprèsa li te fè lapriyè.

Pwofèt la (Lapè ak benediksyon Allah sou li) te fè woudou kote li lave chak manm 2 fwa.

Mwen te temwen Amr ibn Abi Hasan ki tap poze Abdullah ibn Zaid kesyon konsènan fason Pwofèt la (Se pou lapè ak benediksyon Allah kouvri li) te konn pran dlo (fè ablisyon). Lè sa a, li te mande yon veso dlo, epi li te pran dlo (fè ablisyon) devan yo, menm jan ak ablisyon Pwofèt la (Se pou lapè ak benediksyon Allah kouvri li). Li te panche veso a pou vide dlo sou men li, epi li te lave tou 2 men li 3 fwa. Aprèsa, li te plonje men li anndan veso a; li te rense bouch li, li te rale dlo nan nen li epi li te souflel soti deyò, avèk 3 ponyen dlo. Aprèsa, li te plonje men li ankò epi li te lave figil 3 fwa. Aprèsa, li te lave 2 bral rive jouk nan koud yo 2 fwa. Aprèsa, li te plonje men li epi li te pase men mouye sou tèt li; li te pase 2 men li yo soti devan pou ale dèyè, epi li fè yo tounen devan ankò yon sèl fwa. Aprèsa, li te lave 2 pyel yo rive jouk nan cheviy yo.

« "Pa gen yon mizilman ki fè abliyon li (woudou) epi ki fèl byen kòrèkteman, aprèsa li leve li fè 2 rakat (sik lapriyè) kotel konsantre nèt ak tout kèl epi avèk tout figil (avèk respè ak devosyon), san Paradi a pa vin garanti pou li." Mwen te di: "Ala yon bèl bagay sa ye!" Lè sa a, gen yon moun devan mwen ki di: "Sa ki te di anvan an pi bon toujou!" Mwen gade, epim wè se te Omar. Li di: "Mwen te wèw fèk rive la a." Li te di: "Pa gen youn nan nou ki fè abliyon li epi ki fin konpletel nèt ale, epi aprè sa li di: 'Mwen temwaye pa gen lòt dye eksepte Allah,epi Muhammad se sèvitè Allah ak Mesaje Li a', san tout 8 pòt Paradi yo pa louvri pou li, poul ka antre nan nenpòt sal vle." »