Encyclopedia of Prophetic Hadiths

«Priye kanpe, men si ou pa kapab, fè li chita, men si ou pa kapab, fèl sou kote w».

Pwofèt la (lapè ak benediksyon Allah sou li) te sakrifye 2 belye mouton blan ak nwa ki gen kòn, li te sakrifye yo ak pwòp men li, li te di: "Nan non Allah", epi li te deklare "Allah se pi Gran an", epi li te mete pye li sou kote kou yo.

Pwofèt la (lapè ak benediksyon Allah sou li) te konn netwaye bouch li ak Siwak lè li leve nan lannwit.

«Taye moustach nou kout, epi kite bab nou grandi».

«Lavi isiba a se yon byen, epi pi bon nan byen lavi isiba a se yon bon fanm.»

Mwen te temwen Amr ibn Abi Hasan ki tap poze Abdullah ibn Zaid kesyon konsènan fason Pwofèt la (Se pou lapè ak benediksyon Allah kouvri li) te konn pran dlo (fè ablisyon). Lè sa a, li te mande yon veso dlo, epi li te pran dlo (fè ablisyon) devan yo, menm jan ak ablisyon Pwofèt la (Se pou lapè ak benediksyon Allah kouvri li). Li te panche veso a pou vide dlo sou men li, epi li te lave tou 2 men li 3 fwa. Aprèsa, li te plonje men li anndan veso a; li te rense bouch li, li te rale dlo nan nen li epi li te souflel soti deyò, avèk 3 ponyen dlo. Aprèsa, li te plonje men li ankò epi li te lave figil 3 fwa. Aprèsa, li te lave 2 bral rive jouk nan koud yo 2 fwa. Aprèsa, li te plonje men li epi li te pase men mouye sou tèt li; li te pase 2 men li yo soti devan pou ale dèyè, epi li fè yo tounen devan ankò yon sèl fwa. Aprèsa, li te lave 2 pyel yo rive jouk nan cheviy yo.

Mesaje Allah a te voyem pou yon bezwen, epi mwen te tonbe nan eta enpite majè epi mwen pat jwenn dlo, konsa, mwen te woule kòm sou tè a menm jan yon bèt woule kò li. Aprèsa, mwen vin jwenn Pwofèt la, epi mwen mansyone sa ba li, epi li di: «Li te sifi pou ou annik fè konsa ak 2 men ou yo.» Aprèsa, li frape tè a ak 2 men li yo yon sèl fwa, aprèsa, li mase men gòch la sou men dwat la, ak do 2 men li yo ansanm ak figi li.

Gen kèk nan konpayon Pwofèt la(ke lapè ak benediksyon Allah kouvri li) ki te di Pwofèt la(ke lapè ak benediksyon Allah kouvri li): "O Mesaje Allah, moun rich yo ale ak tout rekonpans yo; yo priye menm jan nou priye, yo fè jèn menm jan nou fè jèn, epi yo bay Sadaka avèk sipli richès yo genyen." Li reponn yo: «Èske Allah pa ban nou mwayen pou nou fè Sadaka tou? Sètènman, chak Tasbih (lè nou di SoubhanAllah) se yon Sadaka, chak Takbir (lè nou di Allahu Akbar) se yon Sadaka, chak Tahmid (lè nou di Alhamdulillah) se yon Sadaka, chak Tahlil (lè nou di La ilaha illa Allah) se yon Sadaka; ankouraje moun fè sa ki byen se yon Sadaka, anpeche moun fè sa ki mal se yon Sadaka, epi gen yon Sadaka nan relasyon entim youn nan nou (avèk madanm li).» Yo dil: "O Mesaje Allah, èske youn nan nou kapab satisfè dezi li epi poul jwenn rekonpans pou sa?" Li reponn: «Èske nou pa wè, si li ta mete dezi li nan Haram (nan sa ki entèdi), li tap gen yon peche pou sa? Ebyen konsa tou, lè li mete li nan Halal (nan fason Allah pèmèt la), lap jwenn yon rekonpans.»