Encyclopedia of Prophetic Hadiths

Nou te avèk Pwofèt la (Se pou lapè ak benediksyon Allah poze sou li), epi li te gade lalin nan yon lannwit - sa vle di lalin plènn nan - epi li te di: « Anverite, nou gen pou nou wè Seyè nou an menm jan nou wè lalin sa a, nou pap jwenn okenn difikilte pou nou wè Li. Kidonk, si nou kapab pou nou pa kite okenn bagay anpeche nou fè lapriyè (Salat) anvan solèy la leve ak anvan solèy la kouche, se pou nou fè sa. » Aprèsa li te li: « {Epi fè lwanj ak glwa pou Seyè ou anvan solèy la leve ak anvan solèy la kouche} »

« Allah pral distenge (sove,libere) yon Mesye ,(yon gason) nan kominotem nan devan tout kreyati yo jou Jijman an. Lap dewoule 99 rejis devan li, chak rejis long tankou distans zye ka wè. Aprèsa , Allah ap mande li: "Èskèw demanti anyen nan sa yo? Èske zanj ki ekri aksyon ou yo te fèw enjistis?" Mesye a nan ap reponn: "Non, Seyè." Allah ap mandel: "Èskew gen nenpòt eskiz?" Lap reponn: "Non, Seyè." Lè sa a, Allah ap dil : "Wi, ou gen yon bon aksyon bò kote nou, epi jodi a ou pap sibi okenn enjistis." Yo pral soti yon ti kat ki gen ekri ladan li: Mwen temwaye pa gen lòt dye eksepte Allah, epi mwen temwaye Muhammad se sèvitè li ak Mesaje li. Allah ap di: "Prezante pou yo peze aksyon ou yo." Mesye a ap di: "Seyè, kisa ti kat sa a ye devan tout rejis sa yo?" Senyè toupwisan an ap reponn: "Wap jwenn jistis." Yo pral mete rejis yo nan yon bò balans lan, epi ti kat la nan lòt bò a. Rejis yo pral vole anlè (yo pral vin pi lejè), epi ti kat la pral peze pi lou, paske pa gen anyen ki pi lou pase non Allah. »

«Nan fen kominote mwen an, pral genyen moun kap rakonte nou sa ni nou menm, ni zansèt nou yo pat janm tande. Kidonk, mefye nou ak yo.»

Mwen te di: "Ya Mesaje Allah, dim yon pawòl nan Islam ke mwen pap mande okenn lòt moun sou li sof ou menm." Li di: «Di: Mwen kwè nan Allah, epi rete fèm.»

«Sètènman, nou pral swiv tras moun ki te vini anvan nou yo, pa a pa(pye pou pye) , koud pa koud, jouk nan pwen menm si yo ta antre nan yon twou leza, nou tap swiv yo.» Nou te mande: O Mesaje Allah, èske se Jwif yo ak Kretyen yo? Li reponn: «Kiyès lòt ankò?»

«Mwen fè sèman sou non Sila a ki kenbe lavim nan men li an: Nenpòt moun nan epòk sa a (nan kominote sa a) ki tande pale de mwen, kit li se Jwif, kit li se Kretyen, epi li mouri san li pa kwè nan mesaj yo voyem avèl la, lap pami moun ki pral nan Lanfè.»

Li pa fè pati de kominote nou an, nenpòt moun ki chèche siy nan zwazo (sipèstisyon) oswa ki fè sa pou lòt moun, nenpòt moun ki pratike divinasyon oswa ki fè sa pou lòt moun, oubyen nenpòt moun ki pratike maji oswa ki mande pou yo fè maji pou li. Nenpòt moun ki fè maji , epi nenpòt moun ki al wè yon divinò epi li kwè nan sal di, li deja rejte nan sa ki te desann sou Muhammad (ke lapè ak benediksyon Allah sou li).

«Anverite, Allah ekri bèl aksyon yo ak move aksyon yo, aprèsa Li eksplike sa, donk, moun ki gen entansyon fè yon bèl aksyon men li pa fèl; Allah ekri pou li yon bèl aksyon konplè, epi si li gen entansyon fèl epi li fèl; Allah ekri pou li 10 bèl aksyon jiska 700 fwa plis, e menm anpil lòt fwa ankò, epi si li gen entansyon fè yon move aksyon men li pa fèl; Allah ekri pou li yon bèl aksyon konplè, epi si li gen entansyon fèl epi li fèl; Allah ekri pou li yon sèl move aksyon».