Encyclopedia of Prophetic Hadiths

« Lè Allah te fin kreye Paradi a ak Lanfè a, li te voye Jibril (lapè sou li) nan Paradi a. Li di li: "Ale wè li, epi gade sam prepare ladan li pou moun ki gen pou antre ladan li yo." Jibril ale, li gadel, li tounen epi li di: "Mwen sèman sou pouvwaw la! Pa gen yon moun kap tande pale de li kap rete san li pa antre ladan l." Lè sa a, Allah bay lòd pou yo antoure Paradi a ak difikilte (sa moun pa renmen fè), epi li dil: "Ale wè li ankò, epi gade sam prepare ladan li pou moun ki pou antre yo." Jibril ale, li gadel, epi li wè li antoure ak tout sa ki difisil, li di: "Mwen sèman sou pouvwa w la! Mwen pè pou pa gen pèsonn ki rive antre ladan li." Allah di li: "Ale gade Lanfè a, epi gade sam prepare ladan li pou moun ki pou antre ladan li yo." Jibril ale, li gadel, li wè kote flanm dife yo ap monte sou tèt youn lòt (youn ap vale lòt). Li tounen epi li di: "Mwen sèman sou pouvwaw la! Pa gen pèsonn kap antre ladan l." Lè sa a, Bondye bay lòd pou yo antoure Lanfè a ak tout kalite dezi (bagay ki atire moun). Epi li dil: "Tounen gade li." Jibril ale, li gadel, li wè li antoure ak tout kalite dezi, li tounen epi li di: "Mwen sèman sou pouvwaw la! Mwen pè pou pa gen pèsonn kap chape anba li, pou tout moun pa antre ladan l." »

Yon jou, Mesaje Allah a (ke benediksyon ak kè poze Allah sou li) te leve kanpe devan nou, li te fè nou yon prèch ki pwisan anpil, ki te fè kè nou tranble epi ki te fè nou kriye. Yo te dil: 'O Mesaje Allah, se tankou si se te dènye prèch ou tap fè nou an, kidonk ba nou yon rekòmandasyon.' Li te di: 'Mwen rekòmande nou pou nou gen krentif pou Allah ,pou nou koute epi obeyi, menm si se yon esklav abisini (Etyopyen) ki ta dirije nou. Paske, aprèm fin ale, nap wè gwo divizyon, kidonk nou dwe swiv tradisyon mwen an (Sunnah) ak tradisyon kalif ki byen gide yo. Kenbe yo byen fèm avèk dan nou, epi pran prekosyon ak bagay ki fèk parèt yo (inovasyon nan relijyon), paske chak inovasyon se yon devyasyon (erè).

Mwen te konn ekri tout sam tande nan men Mesaje Allah a poum te ka memorize yo. Men moun Quraysh yo te entèdim sa, epi yo dim: "Èske wap ekri tout saw tande nan men Mesaje Allah a, epoutan Mesaje Allah a se yon moun li ye, ki konn pale lè li fache ak lè li kontan?" Lè sa a, mwen sispann ekri, epi mwen rakonte Mesaje Allah a sa. Li lonje dwèt li sou bouch li, epi li di: «Ekri, paske mwen sèmante sou Sila a ki gen nanm mwen nan menl lan, pa gen anyen ki soti ladanl sinon verite.»

Mwen te ale nan delegasyon Bani Amir la kote Mesaje Allah a ( se pou lapè ak Benediksyon Allah kouvril) epi nou te di li: "Ou se Mèt nou." Li reponn: "Mèt la se Allah." Nou di ankò: "Epi ou se moun ki gen plis valè nan mitan nou, epi ki gen plis grandè a." Li di konsa: "Di pawòl nou gen pou nou di a, oswa yon pati ladan li, epi pa kite Satan pran tèt nou pou li fè nou tounen pòtpawòl li (fè nou egzajere nan fè lwanj)."

Daprè Pwofèt la (lapè ak benediksyon Allah sou li), lèl tap antre nan moske a, li te konn di: «Mwen chèche pwoteksyon bò kote Allah ki Gran an, ak figi nòb Li a, ak otorite etènèl Li a, kont Satan, sila a ki modi a.» Li di: «Èske se sa sèlman?» Mwen reponn: «Wi.» Li di: «Lèl fin di sa, Satan di: Li pwoteje anba men mwen pou rès jounen an.»

Yon Mesye te vin jwenn Pwofèt la (ke Allah beni li epi bal kè poze), li dil: "O Mesaje Allah, gen younn nan nou ki konn santi kèk lide ap pase nan tèt li—li tap pito tounen chabon (oswa boule tounen sann) pase pou li ta pwononse lide sa a." Lè sa a, Pwofèt la di: "Allah se pi gran, Allah se pi gran! Lwanj pou Allah ki redwi konplo Satan an jis nan nivo chichote (move lide)!"

«Konnen byen, kapab gen yon mesye, kote yon pawòl (hadith) ki soti nan mwen rive jwenn li pandan lap apiye sou fotèy li, epi li di: "Ant nou menm ak nou menm gen Liv Allah a; sa nou jwenn ladanl ki pèmèt (halal), nou pranl kòm halal, epi sa nou jwenn ladanl ki entèdi (haram), nou pranl kòm haram." Epi, anverite, sa Mesaje Allah la entèdi, li menm jan ak sa Allah entèdi!»

«Pa di: "Sa Allah vle ak sa entèl vle", men pito di: "Sa Allah vle, epi (aprèsa) sa entèl vle."»