Imanin ɗayanku ba zai cika ba har sai son zuciyarsa ya kasance mai bi ga abin da na zo da shi

Daga Abdullahi ibnu Amr ibnul Aas - Allah Ya yarda da su - ya ce: Manzon Allah - tsira da amincin Allah su tabbata agare shi - ya ce:

«Imanin ɗayanku ba zai cika ba har sai son zuciyarsa ya kasance mai bi ga abin da na zo da shi».

«لَا يُؤْمِنُ أَحَدُكُمْ حَتَّى يَكُونَ هَوَاهُ تَبَعًا لِمَا جِئْتُ بِهِ».

Mun rawaito shi a cikin littafin Al-Hujjah da isnadi ingantacce.
Nawawi ya ce: Hadisi ne Ingantacce
Bayani

Annabi - tsira da amincin Allah su tabbata agare shi - ya bayyana cewa mutum ba ya zama mumini mai cikakken imani na wajibi har sai soyayyarsa ta zama mai bi ga abin da Manzo - tsira da amincin Allah su tabbata agare shi - ya zo da shi na umarni da hani da wasunsu, sai ya so abin da ya yi umarni da shi, ya kuma ƙi abin da ya yi hani daga gare shi .

Daga Cikin Fa idodin Hadisin

Hadsin ƙa'ida ce a cikin sallamawa shari'a da kuma jawuwa gareta.

Yi wa mutum gargaɗi cewa duk wanda ya yarda da hukuncin hankali ko na al'ada kuma ya gabatar da shi akan abin da Manzon Allah - tsira da amincin Allah su tabbata agare shi -, ta zo da shi, wanda ya aikata haka to haƙiƙa an kore imani daga gare shi.

Wajabcin hukunci da shari'a a cikin kowanne abu saboda faɗinsa: «Ga abin da na zo da shi».

Lallai imani yana ƙaruwa da yin ɗa'a, kuma yana raguwa da aikata saɓo.

Manazarta
Kari (5)

الحجة على تارك المحجة لأبي الفتح نصر بن إبراهيم المقدسي.

برقم (25).

فتح الباري لابن حجر (13/289).

جامع العلوم والحكم (3/1146).

شرح النووي على مسلم (1/77).

5 Littattafai
Kari (5)