"ሐጅና ዑምራን አከታትላችሁ አድርጉ። ወናፍ የብረትን፣ የወርቅንና የብርን ቆሻሻ እንደሚያስወግደው እነርሱም ድህነትንና ወንጀልን ያስወግዳሉ። ተቀባይነት ላለው ሐጅ ከጀነት በቀር ሌላ ምንም ምንዳ የለውም።"»

ከዓብደላህ ቢን መስዑድ ረዺየሏሁ ዐንሁ - አላህ መልካም ሥራቸውን ይውደድላቸውና - እንደተላለፈው እንዲህ አሉ: «የአላህ መልክተኛ ሶለሏሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- እንዲህ ብለዋል:

"ሐጅና ዑምራን አከታትላችሁ አድርጉ። ወናፍ የብረትን፣ የወርቅንና የብርን ቆሻሻ እንደሚያስወግደው እነርሱም ድህነትንና ወንጀልን ያስወግዳሉ። ተቀባይነት ላለው ሐጅ ከጀነት በቀር ሌላ ምንም ምንዳ የለውም።"»

«تَابِعُوا بَيْنَ الحَجِّ وَالعُمْرَةِ، فَإِنَّهُمَا يَنْفِيَانِ الفَقْرَ وَالذُّنُوبَ كَمَا يَنْفِي الكِيرُ خَبَثَ الحَدِيدِ، وَالذَّهَبِ، وَالفِضَّةِ، وَلَيْسَ لِلْحَجَّةِ الْمَبْرُورَةِ ثَوَابٌ إِلاَّ الجَنَّةُ».

ቲርሚዚይ፣ ነሳኢይ እና አሕመድ ዘግበውታል
ሶሒሕ ነው።
ማብራሪያ

ነቢዩ ሶለሏሁ ዐለይሂ ወሰለም -የአላህ ሶላትና ሰላም በእርሳቸው ላይ ይስፈንና- የሐጅና የዑምራን አምልኮ አቀራርቦ በመፈፀምና ከቻሉ ሳያቆራርጡ በመፈፀም ላይ አነሳሱ። ምክንያቱንም ሲገልፁ ብረትን በወናፍ እሳት መንፋት ብረቱ ላይ የተቀላቀለውን ባዕድ የማዕድን ቆሻሻ ለማስወገድ ምክንያት እንደሆነው ሁሉ እነርሱንም መፈፀም ድህነትንና ወንጀልን እንዲሁም ወንጀል በቀልብ ላይ የሚኖረውን ተፅዕኖ ለማስወገድ ምክንያት መሆናቸውንም ገለፁ።

ከሐዲሡ የሚቀሰሙ ቁምነገሮች

ሐጅና ዑምራን የማከታተል ትሩፋትና በርሱም ላይ መነሳሳቱን እንረዳለን።

ሐጅና ዑምራን ማከታተል የሀብትና ወንጀልን የማስማር ሰበብ እንደሆነ እንረዳለን።

ሙባረክ ፉሪ እንዲህ ብለዋል: "(ድህነትን ያስወግዳሉ።) በማለት የተፈለገው በእጅ በሚገኝ ሀብት የሚወገደውን ውጫዊውን ድህነትም ሊሆን ይችላል። የቀልብ መብቃቃትን በማግኘት የሚወገደውን ውስጣዊ ድህነትም ሊሆን ይችላል።"

ማጣቀሻዎች

ሱነን ቲርሚዚ (2/ 167) (810).

ሱነኑ ነሳኢይ (5/ 115) (2631).

ሙስነድ አሕመድ (6/ 185) (3669).

ተጨማሪ (2)

ذخيرة العقبى في شرح المجتبى (23/ 322).

النهاية في غريب الحديث والأثر (819) (252).

8 መጻሕፍት
ተጨማሪ (7)
ሁሉም ካርዶች