«الله د آسمانونو او ځمکې له پیدا کولو څخه پنځوس زره کاله مخکې د مخلوقاتو تقدیر لیکلی دی

له عبد الله بن عمرو بن العاص - رضي الله عنهما - څخه روایت دی وایې چې: ما له رسول الله صلی علیه وسلم څخه اوریدلي دي چې فرمایل یې:

«الله د آسمانونو او ځمکې له پیدا کولو څخه پنځوس زره کاله مخکې د مخلوقاتو تقدیر لیکلی دی، وایې: پداسې حال کې چې عرش یې د اوبو له پاسه و».

«كَتَبَ اللهُ مَقَادِيرَ الْخَلَائِقِ قَبْلَ أَنْ يَخْلُقَ السَّمَاوَاتِ وَالْأَرْضَ بِخَمْسِينَ أَلْفَ سَنَةٍ، قَالَ: وَعَرْشُهُ عَلَى الْمَاءِ».

مسلم روايت کړی دی
حديث صحيح
تشریح

رسول الله صلی الله علیه وسلم خبر ورکوي چې الله پاک د ځمکې او آسمانونو له پیدایښت څخه پنځوس زره کاله مخکې د مخلوقاتو د تقدیر په اړه هر هغه څه په تفصیل سره په لوح محفوظ کې لیکلي دي چې پیښیږي به: لکه ژوند، مرګ، رزق او داسې نور، او دا د هغه تقدیر سره سم ترسره کېدونکي دي لکه څرنګه یې چې الله تعالی پریکړه کړې ده. هرڅه چې شتون مومي نو هغه د الله تعالی د پریکړې او تقدیر سره سم کیږي. نو هغه څه چې بنده ته رسیدونکي دي هیڅکله به ترې خطا نه شي، او هغه څه چې ورته رسیدونکي ندي، هیڅکله به ور ونه رسیږي.

د کلمو معناوې

...:

د حديث له ګټو څخه

په قضا او قدر د ایمان فرضیت.

تقدیر د شیانو په اړه د الله تعالی له پوهې، لیکلو، ارادې، او د هغوی له پیدا کولو څخه عبارت دی.

پدې ایمان چې تقدیرونه د اسمانونو او ځمکې له پیدایښت څخه مخکې لیکل شوي دا ثمره زیږوي چې انسان پرې راضي شي او تقدیر ته تسلیم شي.

دا چې د رحمن ذات عرش د ځمکې او آسمانونو له پېدایښت څخه وړاندې د اوبو له پاسه و.

مراجع
نور (3)

صحيح مسلم (4/ 2044) (2653).

إكمال المعلم (8/141).

البحر المحيط الثجاج (41/450).

5 کتابونه
نور (3)
ټول کارتونه