Skip to content
683 Hadiths

Encyclopedia of Prophetic Hadiths

Filter results

11 of 683 cards

Clear filters
"हे महिलाहरू, दान गर, किनभने मैले तिमीहरूलाई धेरै संख्यामा नरकमा देखेको छु।" त्यसपछि महिलाहरूले भने: "कसरी, हे रसूल?" उनले भने: "तिमीहरू बारम्बार गाली-गलौच गर्छौ र आफ्ना पतिको नाफरमानी गर्छौ।" "मैले बुद्धि र धर्ममा अपूर्ण भएको भए पनि तिमीहरू (महिलाहरू) जस्तो कुनै पनि व्यक्ति देखेको छैन जसले एक बुद्धिमान र अनुभव भएको पुरुषको विवेकलाई विकृत पारिदिन्छ।" महिलाहरूले भने: "हाम्रो धर्म र बुद्धिमा के कमी छ?" उनले भने: "के महिलाको गवाही पुरुषको गवाहीको आधा होइन?" महिलाहरूले भनिन्: "हो।" उनले भने: "त्यो उसको बुद्धिको कमी हो।" अनि "के जब ऊ महिनावारीमा हुन्छे, तब ऊ न नमाज पढ्छे न रोजा राख्छे?" महिलाहरूले भनिन्: "हो।" उनले भने: "त्यसो भए, त्यो उसको धर्मको कमी हो।"
सही मुत्तफकुन अलैहि
التصنيف الشرعيأحكام النساء، صفات الجنة والنار
"कयामतको दिन नर्कवासीहरूमध्ये सबैभन्दा कम सजाय पाउने व्यक्ति त्यो हुनेछ जसको लागि दुईवटा जुत्ता र जुत्ता बाँध्ने दुईवटा आगोका डोरीहरू हुनेछन्, जसबाट उसको दिमाग भाँडो जस्तै खोलिनेछ। उसले सोच्नेछ, उसलाई भन्दा कडा सजाय कसैलाई दिइएको छैन, तर वास्तवमा उसले सबैभन्दा हल्का सजाय भोगिरहेको हुनेछ।"
सही मुत्तफकुन अलैहि
التصنيف الشرعيصفات الجنة والنار
"तिम्रो संसारको आगो नर्क को आगोको सत्तरी भागमध्ये एक भाग हो ।" कसैले भन्यो: हे अल्लाहको रसूल! यो (संसारको आगो) मात्र भए पनि पर्याप्त हुने थियो । उहाँले भन्नुभयो : " नरकको आगोको तपन ६९ प्रतिशत बढी छ र त्यसको प्रत्येक भागको तपन संसारको आगो जस्तै छ।"
सही मुत्तफकुन अलैहि
التصنيف الشرعيصفات الجنة والنار، الحياة الآخرةموضوعات الحديثالإيمان باليوم الآخر، الخوفمحاور التعريف بالإسلامالنار
अल्लाहले स्वर्गवासीहरूलाई सम्बोधन गर्दै भन्नुहुनेछ: “हे स्वर्गवासीहरू!” तिनीहरूले उत्तर दिनेछन्: “हे हाम्रा पालनकर्ता! हामी उपस्थित छौं र सम्पूर्ण भलाइ हजुरकै हातमा छ।” अल्लाहले सोध्नुहुनेछ: “के तिमीहरू सन्तुष्ट छौ?” तिनीहरूले भन्नेछन्: “हामी किन सन्तुष्ट नहुने? जब कि हजुरले हामीलाई यस्ता वरदानहरू प्रदान गर्नुभएको छ, जुन हजुरले आफ्ना सृष्टिहरूमध्ये अरू कसैलाई दिनुभएको छैन। ” तब अल्लाहले भन्नुहुनेछ: “म तिमीहरूलाई योभन्दा पनि उत्तम उपहार दिनेछु।” तिनीहरूले सोध्नेछन्: “हे हाम्रा पालनकर्ता! योभन्दा उत्तम कुरा अरू के हुन सक्छ र?” तब अल्लाहले घोषणा गर्नुहुनेछ: “म तिमीहरूलाई मेरो ‘महा-प्रसन्नता’ (रजामन्दी) प्रदान गर्दछु, र अब उप्रान्त म तिमीहरूसँग कहिल्यै अप्रसन्न हुनेछैन।”
सही मुत्तफकुन अलैहि
التصنيف الشرعيصفات الجنة والنار، توحيد الأسماء والصفات
"निश्चय नै, स्वर्गमा प्रवेश गर्ने पहिलो समूह पूर्णिमाको रातको चन्द्रमाजस्तै उज्यालो र सुन्दर स्वरूपमा हुनेछ। त्यसपछि आउनेहरू आकाशमा सबैभन्दा बढी चम्किने उज्ज्वल ताराजस्तै हुनेछन्। उनीहरूले न त पिसाब गर्नेछन्, न दिसा गर्नेछन्, न थुक्नेछन्, न सिँगान फाल्नेछन्। उनीहरूका काइँयोहरू सुनका हुनेछन्, उनीहरूको पसिना कस्तूरी (मिस्क) जस्तै सुगन्धित हुनेछ, उनीहरूका धूपदानीहरूमा सुगन्धित अगर (ऊद) काठ हुनेछ र उनीहरूका पत्नीहरू ठूला तथा सुन्दर आँखावाली हूरहरू हुनेछन्। उनीहरू सबै एउटै व्यक्ति आफ्ना पिता आदम (अलैहिस्सलाम) को स्वरूपमा हुनेछन्, जसको उचाइ आकाशतर्फ साठी हात हुनेछ।"
सही मुत्तफकुन अलैहि
التصنيف الشرعيصفات الجنة والنار، الحياة الآخرة
"निश्चय नै, स्वर्गमा मुमिन (विश्वासी) का लागि एउटा यस्तो पाल (तम्बु) हुनेछ, जुन भित्रबाट खोक्रो भएको एउटै ठूलो मोतीबाट बनेको हुनेछ। त्यसको उचाइ साठी माइल हुनेछ। त्यहाँ आस्थावानका श्रीमतीहरू हुनेछन्, जोसँग ऊ भेट गर्न आउने-जाने गर्नेछ, तर (त्यो पाल यति ठूलो हुनेछ कि) उनीहरूले एकअर्कालाई देख्ने छैनन्।"
सही मुत्तफकुन अलैहि
التصنيف الشرعيصفات الجنة والنار
"मृत्युलाई सेतो र कालो भेडा को रूपमा ल्याइनेछ ।" तब एक पुकार्नेले पुकार्नेछ: हे स्वर्गवासीहरू हो! तिनीहरूले आफ्नो घाँटी र टाउको उठाएर हेर्नेछन् । पुकार्नेले भन्नेछ: के तिमीहरूले यस( भेडा)लाई चिन्छौ? तिनीहरूले जवाफ दिनेछन्: हो! यो मृत्यु हो र सबैले यसलाई देखेको हुन्छन् । तब उद्घोषकले पुकार्नेछ: हे नरकवासीहरू! तिनीहरूले आफ्नो घाँटी र टाउको उठाएर हेर्नेछन् । पुकार्नेले भन्नेछ: के तिमीले यसलाई चिन्छौ? तिनीहरूले जवाफ दिनेछन्: हो! यो मृत्यु हो र सबैले यसलाई देखेको हुन्छन् । त्यसपछि यो भेडा (मृत्यु) लाई वध गरिनेछ र उद्घोषकले पुकार्नेछ: हे स्वर्गवासीहरू! तिमीहरु सधैं स्वर्गमा बस, अब मृत्यु आउदैन र हे नरकवासीहरू! तिमीहरू सधैं नरकमै बस, अब मृत्यु आउदैन । त्यसपछि उहाँले यो (कुरआनको) आयत पढ्नुभयो : {तिनीहरूलाई पश्चातापको दिनको चेतावनी दिनुहोस्, जब फैसला भइसकेको हुनेछ र तिनीहरू अचेत अवस्थामा हुनेछन् ।} [सूरह मर्यम : ३९] अर्थात् यिनीहरु लापरवाहीमा छन् { र ईमान स्वीकार्ने छैनन् } । [सूरह मर्यम : ३९]
सही मुत्तफकुन अलैहि
التصنيف الشرعيصفات الجنة والنار، تفسير الآيات، الحياة الآخرةموضوعات الحديثالقرآن وعلومه، الإيمان باليوم الآخرمحاور التعريف بالإسلامالجنة، النار، خطورة الإعراض عن الحق
"'मलाई स्वर्ग र नर्क प्रत्यक्ष देखाइयो; आजको दिनजस्तो भलाइ र खराबीको त्यति गम्भीर दृश्य मैले कहिल्यै देखेको थिइनँ। यदि तिमीहरूलाई ती कुराहरू थाहा हुन्थ्यो—जो मलाई थाहा छ—भने तिमीहरू थोरै हाँस्ने थियौ र धेरै रुने थियौ।' वर्णनकर्ता अनस (रजिअल्लाहु अन्हु) भन्नुहुन्छ: 'रसूल (सल्लल्लाहु अलैहि वसल्लम) का सहाबाहरूमाथि त्यो दिनभन्दा अधिक कठोर र गम्भीर दिन कहिल्यै आएको थिएन। उनीहरूले आफ्ना वस्त्रले टाउको ढाकेका थिए र उनीहरूको रुवाइको सुँकसुँकाहट स्पष्ट सुनिन्थ्यो।' तत्पश्चात् हजरत उमर (रजिअल्लाहु अन्हु) उभिनुभयो र भन्नुभयो: 'हामी अल्लाहलाई आफ्नो एकमात्र पालनकर्ता, इस्लामलाई आफ्नो धर्म, र मुहम्मद (सल्लल्लाहु अलैहि वसल्लम) लाई रसूलका रूपमा स्वीकार गरी पूर्ण रूपमा सन्तुष्ट छौँ।' त्यसपछि एक व्यक्ति उभिए र सोधे: 'हे अल्लाहका रसूल! मेरा पिता को हुन्?' उहाँ (सल्लल्लाहु अलैहि वसल्लम) ले भन्नुभयो: 'तिम्रा पिता फलानो व्यक्ति हुन्।' त्यस घडी अल्लाहले यो आयत अवतरण गर्नुभयो: {हे आस्थावानहरू हो ! ती कुराहरुबारे सोधपुछ नगर जुन तिमीहरूसमक्ष प्रकट गरिएमा तिमीहरूलाई नराम्रो लाग्नेछ।}" [अल-माइदा: १०१]
सही मुत्तफकुन अलैहि
التصنيف الشرعيصفات الجنة والنار