निश्चय नै स्वर्गमा प्रवेश गर्ने प्रथम समूह पूर्णिमाको चन्द्रमा जस्तै प्रकाशमान रूपमा हुनेछ र तिनीहरूपछि आउनेहरू आकाशका सर्वाधिक चमकदार ताराहरू जस्तै प्रकाशमान हुनेछन्।
अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ:
"निश्चय नै, स्वर्गमा प्रवेश गर्ने पहिलो समूह पूर्णिमाको रातको चन्द्रमाजस्तै उज्यालो र सुन्दर स्वरूपमा हुनेछ। त्यसपछि आउनेहरू आकाशमा सबैभन्दा बढी चम्किने उज्ज्वल ताराजस्तै हुनेछन्। उनीहरूले न त पिसाब गर्नेछन्, न दिसा गर्नेछन्, न थुक्नेछन्, न सिँगान फाल्नेछन्। उनीहरूका काइँयोहरू सुनका हुनेछन्, उनीहरूको पसिना कस्तूरी (मिस्क) जस्तै सुगन्धित हुनेछ, उनीहरूका धूपदानीहरूमा सुगन्धित अगर (ऊद) काठ हुनेछ र उनीहरूका पत्नीहरू ठूला तथा सुन्दर आँखावाली हूरहरू हुनेछन्। उनीहरू सबै एउटै व्यक्ति आफ्ना पिता आदम (अलैहिस्सलाम) को स्वरूपमा हुनेछन्, जसको उचाइ आकाशतर्फ साठी हात हुनेछ।"
«إِنَّ أَوَّلَ زُمْرَةٍ يَدْخُلُونَ الجَنَّةَ عَلَى صُورَةِ القَمَرِ لَيْلَةَ البَدْرِ، ثُمَّ الَّذِينَ يَلُونَهُمْ عَلَى أَشَدِّ كَوْكَبٍ دُرِّيٍّ فِي السَّمَاءِ إِضَاءَةً، لاَ يَبُولُونَ وَلاَ يَتَغَوَّطُونَ، وَلاَ يَتْفِلُونَ وَلاَ يَمْتَخِطُونَ، أَمْشَاطُهُمُ الذَّهَبُ، وَرَشْحُهُمُ المِسْكُ، وَمَجَامِرُهُمْ الأَلُوَّةُ الأَنْجُوجُ، عُودُ الطِّيبِ وَأَزْوَاجُهُمُ الحُورُ العِينُ، عَلَى خَلْقِ رَجُلٍ وَاحِدٍ، عَلَى صُورَةِ أَبِيهِمْ آدَمَ، سِتُّونَ ذِرَاعًا فِي السَّمَاءِ».
रसूल (सल्लल्लाहु अलैहि वसल्लम) ले बताउनुभएको छ कि स्वर्गमा प्रवेश गर्ने आस्थावानहरूको पहिलो समूहको अनुहारको चमक पूर्णिमाको चन्द्रमा जस्तै हुनेछ। त्यसपछि उनीहरूपछि आउने समूहको उज्यालोपना आकाशको सबैभन्दा चम्किलो तारा जस्तै हुनेछ। उनीहरूमा पूर्णताका गुणहरू हुनेछन्; उनीहरूले न पिसाब गर्नेछन् न दिसा गर्नेछन्, न थुक्नेछन् न त सिँगान फाल्नेछन्। उनीहरूका काइँया सुनका हुनेछन्, उनीहरूको पसिना कस्तुरी (मिस्क) जस्तो हुनेछ र उनीहरूका धुपौरोहरूबाट सबैभन्दा उत्तम सुगन्ध र पवित्र धूपको बास्ना फैलिनेछ। उनीहरूका पत्नीहरू हूर-ऐन हुनेछन्। उनीहरू सबैको शारीरिक बनावट एकै व्यक्तिको जस्तो अर्थात् उचाइ र संरचनामा आफ्ना पिता आदमको स्वरूपमा हुनेछ; जसको शरीरको लम्बाइ आकाशतर्फ साठी हात हुनेछ।
यसमा स्वर्गवासीहरूको विशेषताहरू वर्णन गरिएको छ, तिनीहरू दर्जा र कर्मअनुसार त्यहाँ फरक-फरक स्थानमा हुनेछन्।
यसमा अर्थहरू स्पष्ट गर्न र बुझाउनका लागि उपमाको प्रयोग गरिएको छ।
इमाम अल-कुर्तुबीले भन्नुभएको छ: "यो प्रश्न उठ्न सक्छ कि स्वर्गवासीहरूका लागि काँइयोको के आवश्यकता, जबकि उनीहरूको दाह्री-जुँगा नै हुनेछैन र उनीहरूका कपाल फोहोर हुने छैनन्? अनि उनीहरूलाई सुगन्धित धूपको के आवश्यकता, जबकि उनीहरूको आफ्नै सुगन्ध कस्तुरीभन्दा पनि उत्तम हुनेछ? यसको जवाफमा उहाँ भन्नुहुन्छ: यसको उत्तर यो हो कि स्वर्गवासीका सुख-सुविधाहरू, जस्तै खानु, पिउनु, पोसाक र सुगन्ध, कुनै भोक, प्यास, नग्नता वा दुर्गन्धको कष्टलाई मेटाउनका लागि होइनन्। बरु, यी त निरन्तर प्राप्त हुने आनन्द र लगातार बर्सिने उपहार र विलासहरू मात्र हुन्। यस पछाडिको कारण यो हो कि उनीहरू त्यस्तै प्रकारका वस्तुहरूद्वारा उपभोग र आनन्द लिन सकुन् जस्ता वस्तुहरूद्वारा उनीहरूले यस संसारमा आनन्द लिने गर्दथे।"
सही बुखारी (4/ 132) (3327).
सही मुस्लिम (4/ 2179) (2834).
थप (2)
عمدة القاري شرح صحيح البخاري (15/ 209).
النهاية في غريب الحديث والأثر ص44.