सात जना व्यक्तिहरूलाई अल्लाहले आफ्नो छायाँमुनि स्थान दिनुहुनेछ, त्यस दिन जब उहाँको छायाँबाहेक कुनै पनि छायाँ हुनेछैन।

उल्लिखित सात प्रकारका व्यक्तिहरूको श्रेष्ठताको वर्णन छ र उनीहरूको अनुसरण गर्न प्रेरणा दिइएको छ।

हाफिद इब्न हजर (रहमतुल्लाह अलैह) ले "अल्लाहको छायामा" भन्ने भनाइको व्याख्या गर्दै भन्नुभएको छ: "यसको अर्थ 'अल्लाहको अर्श (सिंहासन) को छाया' हो भनिएको छ; र यस कुरालाई सइद बिन मन्सूरद्वारा सलमान (रदियल्लाहु अन्हु) बाट वर्णित एक हसन (विश्वसनीय) शृङ्खला भएको हदीसले पुष्टि गर्दछ, जसमा भनिएको छ: 'सात प्रकारका मानिसहरूलाई अल्लाहले आफ्नो अर्शको छायामा राख्नुहुनेछ ।'"

इब्न हजरले भन्नुभएको छ: न्यायी व्यक्ति (अल-आदिल) को सबैभन्दा उत्कृष्ट व्याख्या यो हो कि, जसले अतिवाद र लापरवाही नगरी, प्रत्येक कुरालाई त्यसको उचित स्थानमा राखेर वा गरेर अल्लाहको आदेशको पालना गर्दछ। यस्तो न्याय कार्यको व्यापक लाभ हुने भएकाले नै यसलाई सबैभन्दा पहिले उल्लेख गरिएको छ।"

एक नमाजपछि अर्को नमाजको प्रतीक्षा गर्नुको महत्वपूर्ण र उत्तम कुरा हो ।

इमाम अल-नववीले भन्नुभएको छः "यस हदीसमा केवल अल्लाहको प्रसन्नताका लागि एकअर्काप्रति प्रेम कायम गर्न प्रोत्साहन गरिएको छ, साथै त्यसको महान् फजिलत (श्रेष्ठता र महिमा) पनि वर्णन गरिएको छ।"

पद र सुन्दरतालाई विशेष रूपले उल्लेख गरिएको छ; किनभने यी दुई कुराहरूमा मानिसहरूको अत्यधिक चाहना र लालसा हुन्छ, र यिनीहरूलाई प्राप्त गर्न कठिन हुन्छ।

दान कार्यमा सबैभन्दा श्रेष्ठ तरिका गुप्त राख्नु र कपटपूर्ण देखावटबाट टाढा रहनु हो। तर, यदि मन कपट र देखावटबाट मुक्त छ र दान कार्यको उद्देश्य अन्य व्यक्तिहरूलाई पनि खर्च गर्न प्रोत्साहित गर्नु, उनीहरूका लागि प्रेरणा बन्नु तथा इस्लामका धार्मिक अनुष्ठान एवं निशानीहरूलाई उजागर गर्नु हो भने जकात र सदका सार्वजनिक रूपमा प्रकट गरेर दिनु पनि जायज छ।

यी सात व्यक्तिहरूले उक्त सुख-सुविधा केवल अल्लाहप्रतिको निष्कपटता (इख्लास) र आफ्ना सांसारिक इच्छाहरूको त्याग गरेर नै प्राप्त गरेका हुन्।

उहाँको भनाइ: "सात व्यक्तिहरू जसलाई अल्लाहले छायाँ प्रदान गर्नुहुनेछ": यसको अर्थ यसै संख्यामा मात्र सीमित छ भन्ने होइन; बरु यस हदीसमा उल्लेख गरिएका वर्गहरू बाहेक अन्य व्यक्तिहरूको बारेमा पनि प्रमाणहरू आएका छन्, जसलाई अल्लाहले आफ्नो अर्श (सिंहासन) को छायाँ प्रदान गर्नुहुनेछ।