आफूभन्दा मुनिका मानिसहरूलाई हेर र आफूभन्दा माथिकाहरूलाई नहेर; किनभने यसले गर्दा तिमीहरूमाथि भएको अल्लाहको कृपा र आशिर्वादलाई तिमीहरूले कम आँक्ने छैनौ।

इब्ने जरिरले भन्नुभएको छ: "यो हदीस कल्याणका विभिन्न प्रकारहरूलाई समेट्ने एक व्यापक उपदेश हो; किनभने जब कुनै व्यक्तिले यस संसारमा आफूभन्दा बढी धन-सम्पत्ति वा सुविधा पाएको व्यक्तिलाई देख्छ, तब उसको मनमा पनि त्यस्तै पाउने इच्छा जागृत हुन्छ, र उसले आफूसँग भएको कृपालु अल्लाहको वरदान र अनुग्रहलाई तुच्छ ठान्न थाल्दछ, अनि सोही स्तरमा पुग्न वा त्यसको नजिक पुग्नका लागि अझ बढी प्राप्त गर्ने लोभमा लाग्दछ; र धेरैजसो मानिसहरूमा यही प्रवृत्ति पाइन्छ। यसको विपरीत, जब उसले संसारका मामिलाहरूमा आफूभन्दा कमजोर वा मुनिको व्यक्तिलाई हेर्दछ, तब उसलाई आफूमाथि भएको महान् अल्लाहको अनुग्रह स्पष्ट रूपमा महसुस हुन्छ, फलस्वरूप उसले अल्लाहप्रति कृतज्ञता व्यक्त गर्दछ, विनम्रता अपनाउँछ र भलाइका कार्यहरूमा तल्लीन हुन्छ।"