त्यो (दीनार) धन जुन तिमीले अल्लाहको मार्गमा लगायौ, त्यो धन जुन तिमीले दास मुक्त गराउन खर्च गर्यौ, त्यो धन जुन तिमीले कुनै असहायलाई दान दियौ र त्यो धन जुन तिमीले आफ्ना बालबच्चा र परिवारका लागि खर्च गर्यौ; यी सबैमध्ये अल्लाहको नजरमा सबैभन्दा ठूलो र उत्तम प्रतिफल तथा पुण्य त्यो धनको हुन्छ, जुन तिमीले आफ्नो घरपरिवारमाथि खर्च गर्यौ।

अल्लाहको मार्गमा खर्च गर्ने अनेकौँ माध्यम तथा उपायहरू छन्।

खर्चका विकल्पहरू एकैसाथ आइलागेको अवस्थामा खर्च गर्ने विषयमा सबैभन्दा पहिले बढी योग्यलाई प्राथमिकता दिनुपर्छ, सबै ठाउँमा खर्च गर्न असमर्थ भएको अवस्थामा आफ्नो घर-परिवारमा खर्च गर्नु पर्दछ।

इमाम नववीले शरह मुस्लिममा भन्नुभएको छ: "यस हदीसमा परिवारजनका लागि खर्च गर्न प्रोत्साहित गरिएको छ र त्यसमा प्राप्त हुने महान् पुण्य तथा प्रतिफल स्पष्ट पारिएको छ; किनभने परिवारका सदस्यहरूमध्ये कसैको भरणपोषणको खर्च नाताका कारणले अनिवार्य हुन्छ, कसैको हकमा त्यो ऐच्छिक हुन्छ—जसअनुसार दान-प्रदान र नाता जोड्ने दुवैको पुण्य प्राप्त हुन्छ—र कसैको हकमा विवाहको बन्धन वा स्वामित्वका कारण अनिवार्य हुन्छ। यी सबै उत्तम कार्य हुन् जसका लागि प्रेरित गरिएको छ र यो स्वेच्छिक दानभन्दा उत्तम छ।"

सिन्दीले भन्नुभएको छ: "उहाँको भनाइ: (त्यो दीनार जसलाई व्यक्तिले आफ्नो परिवारमाथि खर्च गर्दछ) को अर्थ हो: जब व्यक्तिले यस कार्यद्वारा अल्लाहको प्रसन्नता प्राप्त गर्ने नियत गर्दछ र परिवारको अधिकार पूरा गर्ने इच्छा राख्दछ, (तब त्यस कर्मको पुण्य प्राप्त हुन्छ)।"