Encyclopedia of Prophetic Hadiths

«Yãmb yembr fãa ka yεεsd t'a sã n reng limaamã n roog a zugã, tɩ Wẽnd nɑ n maan a zugã tɩ lebg bõang zugu, maa A maan a yĩngã tɩ lebg bõang yĩnga».

«zems-y soaf-rãmbã ne taaba, ad Soaf-rãmbã tẽesgã bee Pʋʋsgã pidsg pʋgẽ».

«Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ y yãk y ned tɩ yɩ limaam, a sã n yeele: "Allaahʋ Akbarʋ" bɩ yãmb me yeele: " Allahʋ akbarʋ". A sã n yeele: {Ṣɩrɑɑtɑll-lɑzɩɩnɑ an-ʿamtɑ ʿalɑyhim gɑyril-mɑgdʋʋbi ʿalɑyhim wɑlɑ-ḍḍɑɑllɩɩn (Lɑ pɑ Nɑsɑr-dãmbɑ lɑ Yɑhuud-rãmbɑ sor ye)} [Sʋʋratʋ Al-faatɩha : 7], bɩ y yeel: "Aamiina". Tɩ Wẽnd reegda y yĩnga. A sã n yeele Allaahʋ Akbarʋ n maan Rukuu, bɩ yãmb me yeel Allaah akbarʋ n maan Rukuu wã. Bala limaamã a rengda yãmb n zõondẽ, la a leb n reng yãmb n rooge, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "rẽnd wãnde yaa wa wãnde". la a sã n yeele: «Samiʿa Allah lɩman hamɩdah», bɩ y yeele: "Allahumma Rabbanaa wa lakal-hamdʋ", tɩ Wẽnd wʋmda y yĩnga. Bala Wẽnde, (A Naam yɩlgame n zẽke), A yeelame, sẽn tũ ne A Nabiyaamã zelemde, (Wẽnd pʋʋsg la A tɩlgr be a yĩnga): «Samiʿa Allah lɩman hamɩdah» (Wẽnd wʋma ned ning sẽn pẽg-A, la a sã yeel Allaahʋ Akbarʋ n maan Suguudu, bɩ yãmb me yeel Allaahʋ akbarʋ n maan Suguudu, bala limaamã a rengda yãmb n sulgi la a reng yãmb n rooge, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: "rẽnd zĩ-kãngã maanegã yãmb me maanda maan-kãngã", la a sã n be zĩndigẽ wã bɩ yãmb rẽenem koεεg yɩ: Attahɩ yaatʋ, aṭṭaybaatʋ, aṣṣalawaatʋ lillaahɩ, Assalaamu Alayka Ayyʋhannabiyyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣṣaalɩhɩɩna, Ašhadʋ an laa'ɩlaaha ɩllallaah, wa Ašhadʋ Anna Mʋhammadan ʿAbdʋhʋʋ Warasʋʋlʋhʋʋ, (m maanda kaseto tɩ soab sẽn na n tũ n tɩlg ka be tɩ sã n ka Wẽnde, la m maanda kaset t'a Mʋhammad yaa Wẽnd yɑmbɑ lɑ A Tẽn-tʋʋma)».

Tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yãa ned sẽn pʋʋs a yembre, safã (rulgã) poorẽ, t'a sagl-a t'a lebg n yɩlm a Pʋʋsgã.