«Sʋɩɩtãanã wata yãmb yembr fãa nengẽ, n yεεl-a « ãnda n naan wãnde ? Ãnda n naan wãnde ? » Halɩ n wa yeele: « la ãnd n naan fo Soaba ? » Rẽnd a sã n wa ta woto, bɩ a kos gũudum n yi a sʋɩɩtãana la a base ».
Yii a Abɩɩ Hurayra nengẽ, -Wẽnd yard be a yĩnga-, a yeelame, tɩ Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yeelame:
«Sʋɩɩtãanã wata yãmb yembr fãa nengẽ, n yεεl-a « ãnda n naan wãnde ? Ãnda n naan wãnde ? » Halɩ n wa yeele: « la ãnd n naan fo Soaba ? » Rẽnd a sã n wa ta woto, bɩ a kos gũudum n yi a sʋɩɩtãana la a base ».
«يَأْتِي الشَّيْطَانُ أَحَدَكُمْ فَيَقُولُ: مَنْ خَلَقَ كَذَا؟ مَنْ خَلَقَ كَذَا؟ حَتَّى يَقُولَ: مَنْ خَلَقَ رَبَّكَ؟ فَإِذَا بَلَغَهُ فَلْيَسْتَعِذْ بِاللهِ وَلْيَنْتَهِ».
Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, kõta kibare, tɩp-tɩɩm sẽn kẽed ne sogsg nins a sʋɩɩtãan sẽn yuusd-b sɩd-kõt sũurẽ wã, Rẽnd a sʋɩɩtãan yetame : «ãnd n naan woto? Ãnda n naan wãnde ? Ãnda n naan saagã ? Ãnda n naan tẽngã ? Tɩ muunim loekd-a ne a dĩinã la a Fɩtrã (rog-ne) wã la a yamã, n yet-a: «yaa Wẽnde», La a sʋɩtãan ka yalsd zĩ-kãngã tεk toaaga a yuusgẽ wã, ad a na n toeemame n kẽng n tɩ yeele: «ãnd n naan fo Soaba?» Rẽnd wakat-kãngã, lɩslaam tusda yuus-yuus-kãngã n yi a sũurẽ wã ne yεl a tãabo: Yaa kõ sɩd ne Wẽnde. La kos Wẽnd gũudum n yi a sʋɩɩtãana. La yõk a meng n bas yuus-yuusã.
...:
Balleg n bas a sʋɩɩtãan yuus-yuusã la a sẽn kẽesd bũmb ning sũurẽ wã, la f ra pʋg n tags a pʋgẽ ye, la f lebs f meng Wẽnd nengẽ, A Naam yɩ wagelle, sẽn na tõog n menems tags-kãngã.
Bũmb fãa sẽn wa Adam Biig sũurã, sẽn yaa yuus-yuusi, n yõsg ne sari wã, bɩ y bãng tɩ yaa sẽn yi a sʋɩɩtãan nengẽ.
Hadiisã wilgdame tɩ b gɩdgame tɩ b ra wa tʋg n tagsd Wẽnd Zaatã (yalẽ wã), la a kengdame Wẽnd bõn-naandsã pʋgẽ la A tagmas-rãmbẽ wã.
Ṣahɩɩh Al-Bʋẖaary (4/ 123) (3276).
Ṣahɩɩh Muslim (1/ 120) (134).
Pɑɑgã (5)
إكمال المعلم (1/432).
المفهم (1/345).
فتح الباري (6/ 340).
طرح التثريب (8/163).
بهجة قلوب الأبرار (ص 27).