يوم في بيت الرسول صلى الله عليه وسلم
Raar a yembre, Tʋntʋʋmã zakẽ wã, Pʋʋsg la tɩlgr be a yĩnga
Raar a yembre, Tʋntʋʋmã zakẽ wã, Pʋʋsg la tɩlgr be a yĩnga
Seek: Abdʋl Malɩk Al-Kaasɩm
Sebrã tɩʋʋsgo
Pẽgr be ne Wẽnd Ning sẽn tʋms A Tʋntʋʋmã ne kãndagre la Diin sẽn yaa Sɩda,
La Pʋʋsg la Tɩlgre be tʋntʋʋmbã limaam zugu, b sẽn tʋms a soab tɩ yaa yolsg ne bõn-naandsã, tõnd nabiyaamã a Mohammad, la a zak-rãmba, la a Soahaabs gilli, rẽ poorẽ:
Ad nebã wʋsg zamaan-kãngã pʋgẽ bee maan-n-zʋʋg la nao-baoodem sʋka,
Bee b pʋgẽ sẽn maana n zʋʋg tʋtʋʋmã zugu, pʋʋsg la tɩlgr be a yĩnga, hal tɩ yellã meng wa tʋg n ta lagm-n-taare -Wẽnd na maan-d gũudem- sẽn tũ ne tʋntʋʋmã boolgo, la kot sõnger ne-a,
la bee b pʋgẽ, sẽn maan yam yaal-yaale n yi a kãndegrã tũubu, la a vɩɩmã nao-kẽndrã, pʋʋsg la tɩlgr be a yĩnga, a pa rɩk-a n maan tɩ yaa vẽenem ne a vɩɩmã ye, n leb n yaa tagms ne a sorã ye
la sẽn tũ ne tʋlsem ne a vɩɩmã nao-kẽndr pẽnẽgre, la a vɩɩmã yalẽ wã pẽesgo, tɩ ninbuiidã fãa paame n maan tɩ yaa nana n yaa yol-yole, seb-kãeesã sẽn paood n pa tõe n togs rẽ fãa wã, na n goma a yelle. La ad a yaa yals-n-gesga, la sẽn yõng-yõnge sẽn yi nabiyaamã sɩfẽ la a zʋgdã, pʋʋsg la tɩlgr be a yĩnga,
la m pa gũbg-a zãng ye, la ad a kʋʋgame, mam gesg pʋgẽ, a paoodame n yɩɩd nabiyaam vɩɩmã,
m waa ne yel-sõmb pʋgẽ la zʋg-sõng fãa ne hadiis a yiibu maa a tãabo, bala a vɩɩmã yɩɩme, pʋʋsg la tɩlgr be a yĩbga, n yaa zamã wã fãa vɩɩm, la Da'awa tilgri la vɩɩm nao-kẽndre
la pʋʋsg la tɩlgr be a yĩnga a yaa zama tũubã ne tũudemã pʋgẽ, la zug-wagla la tʋmd-n-taar manegre la dargε zɩslem
la Wẽnd sẽn pẽg-a wã sekame:
Ad fo bee zʋg-wagall zugu
La sunna ne Zamã wã rãmba, b zqqindigda tʋtʋʋmã a dargε-ning Wẽnd sẽn sik-a wã, rẽnd a yaa Wẽnd yamba la A tʋntʋʋma la A noangã la a sẽn tũus a soaba, b noang-a-lame n yɩɩd b koambã la b ba-rãmbã, põs n yɩɩda b mensã mengã, la b pa maand n zʋʋg a pʋgẽ ye, la b pa kilsd-a ye, la dargε-kãng sek-a-lame
la tõnd yaa yel-kãngã zug la d be, rẽnd d pa yẽbdg Gãan-rãmbã ye, d pa maand tigã ye, la ad d noang-a-lame wa a sẽn sagl-a, la d tũud-a bũmb ningã a sẽn sagl-a, la d zãagd a sẽn gɩdg-a la keool-a
la bãngr tεkẽ a pʋgẽ, yaa t'a yaa ninsaala
la yẽ sõmblem n yɩɩd Wẽnd bõn-naandsã gilli
B kudg-a la nabiyaamdã baasg tagmase
tɩ yaa nuura n pɩnda n maand kaset t'a yaa nabiyaama
La Soabã kʋmba nabiyaam yʋʋrã n lagm A Yʋʋrã
Laandaan sẽn wat n yet wakat a nũ wã pʋgẽ, tɩ ashadʋ
a pʋd-a la a yʋʋrã sẽn na yɩl n waoog-a
Rẽnd Al-ars Naabã yaa b sẽn pẽgd a Soaba la nabiyaam-kãngã n pẽg-A yɩɩda
la bal tɩ noangã yãabo sã n põsg tõnd dũni-kãngã pʋgẽ, pʋʋsg la tɩlgr be a yĩnga, tɩ rasem-rãmbã zãag tõnd ne taaba, m kota Wẽnde A Naam yɩ wagell n zẽke, tɩ d zĩnd neb nins tʋntʋʋmã sẽn gom b yellã pʋʋsg la tɩlgr be a yĩnga:
m da noangẽ lame tɩ d yã d ma-biisã, tɩ b soak-a, tõnd pa fo ma-biis laa tõnd Wẽnd tʋntʋʋmã? T'a yeele: yãmb yaa mam soahaabse, la tõnd ma-biisã la sẽn na n pa wa-b nandã; tɩ b yeele: wãn-wãn la fo bãnged fo poorẽ rãmbã sẽn na n pa wa bã? T'a yeele: fo pa ne tɩ rao sã n tar wiidi n yaa rĩ-pεεla tɩ gẽdg wiidi sẽn yaa sabl tuu, rẽ yĩnga a pa mi a wiidi wã n bake? tɩ b yeel tɩ yaa sɩda Wẽnd tʋntʋʋma. T'a yeel tɩ sã n yaa woto, ad b watame tɩ b yaa sẽn pɩnde koomã yõgb tagmse, la maam la b yũnuged Haoodã
M kota Wẽnde, A Naam tɩ wagell n zẽke t'A maan tõnd neb nins sẽn baood a võonã pʋʋsg la tɩlgr be a yĩnga, la a pʋgd vɩɩmã nao-kẽndre, la a yũud a Sunnã,
wala m sẽn kot Wẽnde, A Naam yɩ wagell n zẽke t'A tigm tõnd ne-a Arzãn neemã wã pʋgẽ, la a rol-a rolb sẽn pidi a sẽn tʋmã yĩnga
La Wẽnd na pʋʋs la A tɩlg tõnd nabiyaamã a Mohammad, la a zak-rãmbã la a Soahaabsã gilli.
A Abdʋl Malɩk ɭbn Mohammad Arrahmaan Al-kaasɩm
Kaagrã
D na n leba yʋʋm kobs sẽn looge, la d leeb sεb sẽn looge, d na n karma a pʋgẽ la d tagsd n get a sʋ-todsã pʋgẽ, la d na n kaaga tʋntʋʋmã, pʋʋsg la tɩlgr be a yɩga a zakẽ wã sẽn tũ ne gʋls-biisã la gom-biisã
d na n kẽ a zakẽ wã n ges a Alhaalã la a yalẽ wã, la d kelg a yẽsgã,
d na n vɩɩmda nabiyaamdmã zakẽ raar a yembr bala, n raagd karengã la tags-n-gesgã la d paam widgri ne gomde la tʋʋmde
Sɩd la hakɩɩka nebã ninimã pakame, tɩ b karengã wʋsge, tɩ b kaadg windigã sẽn pikdẽ la a sẽn lʋɩtẽ, sẽn tũ ne sεba la lεta la film-dãmba la dokimã-rãmba,
la tõnd n sõmb n yɩɩd bãmba, n maan tʋntʋʋmã zak kaagre pʋʋsg la tɩlgr be a yĩnga, n lɩk n ges a yalẽ wã, n nidgd pãnga n maan bũmb ningã d sẽn ne wã la d sẽn bãngã,
la zĩigã sẽn sẽgmã yĩnga, d na n kɩlla yεl-sãnda pʋgẽ a zakẽ wã, sãn-sãnde n na wubg d mensã, la d maan rẽnda d zagsẽ wã
M ma-bi-taaga sẽn yaa lɩslaam:
tõnd pa lebd yʋʋm-rãmb sẽn looge, la yʋʋm kobs sẽn reng taoore, n na yɩl n wʋsm noog ne bũmb ning sẽn lill ne tõnd ninã ye, la d yã reng-taoor-rãmb alhaalã bal ye,
la ad tõnd tũuda Wẽnde, A Naa yɩ wagell n zẽke, ne a vɩɩmã nao-kẽndr karengo, pʋʋsg la tɩlgr be a yĩnga, la a sunna pʋgbo, la a sorã zug kẽnde,
sẽn na yɩl n tũ Wẽnd sẽn sagl tõndã, A Naam yɩ wagell n zẽke, ne A tʋntʋm wagellã nonglem sẽn yaa tɩlae wã,
la a noanglemã pʋʋsg la tɩlgr be a yĩnga, tagmsã sẽn tʋg n yɩɩda, yaa a tũudemã a sẽn saglã pʋgẽ, la bũmb ningã a sẽn gɩdg la a keoosã zãagre
Wẽnd yeelame, A Naam yɩ wagell n zẽke, a tũubã sẽn yaa tɩlae wã wεεngẽ, la a sagellã gãdbã, pʋʋsg la tɩlgr be a yĩnga, la gãd-a t'a yaa taoor-soaba la tikda:
Yeel tɩ yãmb sã n noangã Wẽnde, b'y pʋg-y maam tɩ Wẽnd na bʋ y noanglem la A yaaf-yã, la Wẽnd yaa Yaasda n yaa Yolsda
A le yeelame A Naam Zẽk yã:
Sɩd la hakɩɩka togs-n-taa sẽn be neere bee ne yãmba, tʋntʋʋmã pʋgẽ, ne ned ning sẽn tẽeda Wẽnne la laahr raarã, la a tẽeg Wẽnd yell wʋsgo
la sɩd la hakɩɩka Wẽnd togsa tʋntʋʋmã tũubu la a pʋgbã Al-Kʋraanã pʋgẽ sẽn ta zĩis pis naase
la zu-noog ka be ne yembsã, põsg me ka be lεbεngẽ wã, sã n pa ne A tʋntʋʋmã tũubu,
la sẽn tũ a Wẽnde la A tʋntʋʋmã, A kẽesd-a la Arzãn-rãmba, tɩ ko-soodã zoet b tẽngrã, tɩ b yaa ruumdba a pʋgẽ la rẽ la pʋɩɩr sẽn bedme
la sẽn kɩɩsda Wẽnd la a tʋntʋʋmã, la a zʋʋgd A todsã, A kẽesd-a la bugmẽ t'a yaa ruumda a pʋgẽ, la noang-faagdg be ne-a
Tɩ tʋntʋʋmã, pʋʋsg la tɩlgr be a yĩnga, a maana a noanglemã, tɩ yaa sabab-rãmb nins sẽn tũud n paam lɩmaoongã noomã, t'a yele, pʋʋsg la tɩlgr sẽn be a yĩnga:
yεl a tãabo, b sẽn be ned ning nẽngẽ, a wʋmda lɩmaoong noom; yaa tɩ Wẽnd la A tʋʋmã noom-a yɩɩd zẽng sẽn pa b yiibã..
a leb n yeelame, pʋʋsg la tɩlgr be a yĩnga:
m wẽena ne m yõorã sẽn be a Soab Nugẽ wã, yãmb yem kãm fãa ka kĩt sɩda, hal tɩ t'a wa nonag maam n yɩɩd a ba la a biiga
la tʋntʋʋmã vɩɩmã nao-kẽndrã pʋʋsg la tɩlgr be a yĩnga, yaa vɩɩm sẽn be neere, n yɩlge, be la d zamsda la a kãndagrã zug la d kẽnda
So-toakã
so-toakã yaa sẽn tʋgd tʋnʋʋmã zakẽ, pʋʋsg la tɩlgr be a yĩnga, la a vɩɩmã yel-pẽesdẽ wã yãabo, la a vɩɩm-n-taarã sẽn yaa a soaba, yaa bũmb b sẽn maan noang-kεgεngã n rat n na n yã, la na n yɩɩ wãn-wãna tɩ tõnd sã n tẽ keoor la yel-sõmd a pʋgẽ?
Ad yaa waazu la tags-n-gesga, la nao-kẽndre la tikri, la pʋgbo togs-n-maan,
la so-toak-kãngã yaa kẽnde gaf-rãmbã pʋgẽ la toagsga Soahaabsã nõy, sã n pa rẽ, sor bob n kẽng kabrẽ maa tʋmtʋʋmã zakẽ, pʋʋsg la tɩlgr be a yĩnga, maa zẽnk sẽn pa yẽ nẽngẽ pa sakd ye:
sor pa bobde n tʋg tũudem zĩisẽ, tɩ sã n pa mĩisã a tãabẽ ye: yaa Mak lohormã mĩisrĩ la mam mĩis-kãngã la masgid Al-aksoaa
la yaa tɩlae tɩ d tũ tʋntʋʋmã sagellã, pʋʋsg la tɩlgr be a yĩnga, tɩ sor pa bobde, sã n pa mĩis-kãeesã b tãabẽ wã ye,
la Wẽnd, A Naam yɩ wagell n zẽke, A yeelame:
la bũmb ning Wẽnd tʋntʋʋmã sẽn wa ne yãmb nẽngẽ wã, b'y reege, la a sẽn gɩdg yãmb n yi a soaba, b'y base
la tõnd pa yiisd nabiyaamã võon-rãmb ye, pʋʋsg la tɩlgr be a yĩnga,
a ɭbn Woaddaah yeelame:
a Ʋmar ɭbn Alhataab, Wẽnd yard be a yĩnga, a kɩtame tɩ b kε tɩɩg ningã tẽngr b sẽn baεεm nabiyaamã, pʋʋsg la tɩlgr be a yĩnga; bala nebã ra kẽngdame n tʋgd n pʋʋsd a tẽngrã, t'a yaεεs tɩ zarbg na n wa paam-ba
T'a ɭbn taymiya, Wẽnd na yols-a, a yeelame, sẽn kẽed ne Gaar-Hɩraa:
Nabiyaamã ra yɩɩmẽ, pʋʋsg la tɩlgr be a yĩnga, taoor tɩ nabiyaamdmã pa wa, n tũud Wẽnd a pʋgẽ, la a pʋgẽ la Wahɩ wã sig a zugu rẽenem, laWahɩ wã sẽn sig a zugã poorẽ a pa le rʋ beenẽ ye, a pʋsẽ pa pẽneg-a ye; pa yẽnda pa a soahaabsã,
la a zĩnda Mak, nabiyaamdmã poorẽ yʋʋm piig la zaka, a pa kaag-a, a pa rʋ be, muumin-rãmbã sẽn be ne a Makã me yaa woto, la ã sẽn kẽng Madiinã poorẽ, a waa Mak n yɩlme; Ʋmrã ning a sẽn yi Hʋdaεεbɩya n wa maan-a, la Mak pakrã yʋʋmde, n zĩnd Maka sẽn rat n ta rasem pisi, la Gεraanã Ʋmrã wã, la a pa wa Gaar Hɩraa, a pa kaag-a
ad tõnd sẽn lik Madiinã, la ad a tagmas nins sẽn vẽneg n yɩɩdã sẽn sɩng tõnd taoorã pukri,
ad yaa Ʋhd tãng ning tʋntʋʋmã, pʋʋsqg la tɩlgr be a yĩnga sẽn yeel a pʋgẽ:
yã wã yaa tãng sẽn noang tõnd tɩ tõnd noang-a
la taoor tɩ tõnd na n pa kẽ tʋtʋʋmã zakẽ, pʋʋsg la tɩlgr be a yĩnga, n yã a meoongã, la a yãsrã, d pa maan yel-solemde tɩ tõnd sã n yã zag-kɩdga la pĩ-yaalgã
Bala tʋntʋʋmã, pʋʋsg la tɩlgr be a yĩnga, n yɩɩd nebã ne dũni yigsgu, la a ra yɩɩmen maand n zemsdẽ a pʋgẽ, a pa get a faas teedã la a arzεgsã ye:
la ad b maana a nin-maagrã pʋʋsgẽ wã
la sɩd la hakɩɩka, pʋʋsg la tɩlgr be a yĩnga, a yeelame, sẽn kẽed ne dũni wã:
m rata dũni n maan bõe, mam bilgr ne dũni wã bilgr yaa, yaa wala zoamda sẽn kẽne zĩ-wɩng raare, t'a sool tɩɩg tẽngre wakat bilfu rẽ poorẽ t'a loog zaabr la a bas-a
la sɩd la haakɩ tõnd togla tʋntʋʋmã zaka, pʋʋsg la tɩlgr be a yĩnga, tɩ tõnd yẽegd kẽna, n kẽnd Madiin soyã zugu,
ad tʋntʋʋmã, pʋʋsg la tɩlgr be a yĩnga, pagbã rot sẽn tonde, sẽn yaa beendo, sãnda yaa sẽn mẽ ne kuga, la b zutã fãa yaa ne raado
la a Hasan ra yetame:
m da kẽeda nabiyaam pagbã rotẽ, pʋʋsg la tɩlgr be a yĩnga, a Ʋmaan ɭbn Affaan Naamã sasa, n gãta a yĩngrã ne m nugu
ad yaa zak sẽn zemse la ro-bãanego, la ad a pida ne lɩmaoongo la tũudum la Wahɩ la tʋntʋʋmdem!
Wẽnd Tʋtʋʋmã, pʋʋsg la tɩlgr be a yĩnga, sɩfa:
la tõnd pẽnegda nabiyaamdmã zaka, n kogsd a kʋɩlɩnga, n kot sora, bɩ d bas tags-n-gesgã t'a kẽnd ne sẽn yã a nabiyaamã, pʋʋsg la tɩlgr be a yĩnga, t'a sɩf-a tõndo, tɩ yaa wa d nẽ-a-lame, sẽn na yɩl tɩ d bãnge, a nẽng-zɩsgã la a no-yõgengã
yi a Al-barraa ɭbn Aazɩb, Wẽnd yard be a yĩnga, a yeelame:
Nabiyaamã, pʋʋsg la tɩlgr be a yĩnga, a ra yɩɩme n yɩɩd nebã ne nẽng neerem, la a naandã neerem n leb n yɩɩd-ba, a pa wok lao ye, a pa koεεga
leb n yi a nẽngẽ, Wẽnd yard be a yĩnga, a yeelame:
Nabiyaam ra yɩɩme, pʋʋsg la tɩlgr be a yĩnga, woglem sẽn zemse, a bãgd a yiibã sʋka zãra taaba, a tara zoobd sẽn tat a tʋbã, m yã-a-lame, m pa yã bũmb neerem sẽn yɩɩd-a lae,
la yi a Abɩɩ ɭshaak Assʋbay-ɩ nẽngẽ, a yeelame:
ned n soka a Abarraa ɭbn Aazɩb: Wẽnd tʋntʋʋm, pʋʋsg la tɩlgr be a yĩnga, ra yaa wa sʋʋg laa? T'a yeele, ayae, yaa wala kuiig
leb n yi a Anas nẽngẽ, Wẽnd yard be a yĩnga, a yeelame:
mam pa sɩɩs ne m nugã, fu-gʋndga, maa Fu-nagsdga, maa bũmbu, t'a bʋgsem yɩɩd Wẽnd tʋntʋʋm tallã ye, pʋʋsg la tɩlgr be a yĩnga, la m pa yõbs yũugu noom sẽn yɩɩd Wẽnd tʋtʋʋm yũ-noogã ye, pʋʋsg la tɩlgr be a yĩnga
la sẽn le be a sɩf-rãmbẽ wã, pʋʋsg la tɩlgr be a yĩnga, yaa yãn-zoεεga,
Hal t'a Abʋʋ Saɩɩd, Wẽnd yard be a yĩnga, yeel a zugu:
pʋʋsg la tɩlgr be a yĩng yɩɩme, t'a yãn-zoεεg yɩɩd pa-kuili sẽn be a solgr pʋgẽ, la a yã bũmb a sẽn kisi, tõnd bãngeda rẽnda a nẽngẽ wã
ad yaa sɩf-rãmb sẽn kʋʋg koεεga, tʋntʋʋmã naandã la a zʋgda sɩfg pʋgẽ, pʋʋsg la tɩlgr be a yĩnga, la Wẽnd pidsa a zʋgdã la a naandã n kõ-a, A Naam yɩ wagell n zẽke, m ba wã ne m ma wã yaa yẽ yõor yaoobo, pʋʋsg la tɩlgr be a yĩnga
Tʋtʋʋmã goamã, pʋʋsg la tɩlgr be a yĩnga
la d yã tʋntʋʋmã, pʋʋsg la tɩlgr be a yĩnga, la a sɩf-rãmbã sãndã wã, bɩ d ges a goamã la a yẽsgã, la a sɩfã sẽn yaa a soaba, la a goamã rɩgleg sẽn yaa toto, sẽn na yɩl la d kelge taoor t'a na n pa gome, pʋʋsg la tɩlgr be a yĩnga
Yi a Aɩɩsã nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩnga, ra pa yɩ n pãrgd yãmb pqqargrã buud ye, la a ra yɩɩme n goam goamd sẽn yaa vẽenega, n welsdẽ, sẽn zĩnd a nẽngẽ fãa rulsd-a-lame
la a ra yɩɩme n yaa nana, n bʋgsa, n noangẽ tɩ b fahm a goama,
la a sẽn tar gũusg wʋsg ne a Zamã wã, a ra yɩɩme n gũusd nebã sẽn pa taabã, la b fahengã sẽn yɩɩd taabã, la wãnde wilgdame t'a yaa nibʋgsgo n yaa sugr soaba
Yi a Aɩɩsã nẽngẽ, Wẽnd yard be a yĩnga, a yeelame:
Wẽnd tʋntʋʋma, pʋʋsg la tɩlgr be a yĩng goamã ra yɩɩme, goam sẽn welse, sẽn wʋmd-a fãa fahemd-a-lame
la tags n ges tʋntʋʋma yolsgã la a yãoogã yalema, t'a yaa sẽn yɩlemd a goama, sẽn na yɩl tɩ b fahme
yi a Anas nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩnga, ra yɩɩme, yɩlem gomd naoor a tãabo, sẽn na yɩl tɩ b fahme
la pʋʋsg la tɩlgr be a yĩng ra yɩɩme n reem ne nebã la a sikd b pelensã, bala a zĩirã ne rabeem n yõkd neb sãnda
yi a ɭbn Mas-Ʋʋd nẽngẽ, Wẽnd yard be a yĩnga, a yeelame:
Raw n wa nabiyaam nẽngẽ, pʋʋsg la tɩlgr be a yĩnga, t'a gε wã rigda, tɩ pʋʋsg la tɩlgr be a yĩng yεεl-a, ra yaεεs ye tɩ ad mam pa Malεk ye, ad mam yaa pag sẽn wãbd nemd-kʋɩɩsds biiga
Zakã pʋgẽ
a kõo tõnd sore-, tɩ tõnd paam zĩiga, zamã-kãngã nabiyaamã zak sʋka, pʋʋsg la tɩlgr be a yĩnga,
bɩ d karg gesgo, tɩ soahabsã winigd tõnd zak-kãngã sẽn yaa a soaba, sẽn yaa te-tʋɩɩdse la zak teedo la tʋʋm teedo la zẽng sẽn pa rẽ
la tõnd miime tɩ pa sakde, tɩ f teeg nget zagsã la rotã pʋgẽ ye, la yaa sẽn na paam n maan togs-n-taare la tikri, bɩ d yã sẽn be zag-zɩs-kãngã pʋgẽ wã,
ad yaa zaka, a teedã yaa ganeg-n-menga, la a ligd zugã yaa lɩmaoongo,
fo pa nẽ t'a a lalsã, sʋʋrg ning sẽn tar yõyã, nebã wʋsg sẽn gʋld-a rũndã wã, pa be be ye?
pʋʋsg la tɩlgr be a yĩng yeelame:
Malεk-rãmbã pa kẽed zaka, baag sẽn be be ye, maa foto-rãmba
Rẽ poorẽ bɩ f tool f nẽnga, n gese tʋntʋʋmã, pʋʋsg la tɩlgr be a yĩng sẽn ra tʋm ne teed ninsã sãnda
Yi a Saabɩt nẽngẽ,a yeelame:
a Anas ɭbn Maalɩk yiisa raad ko-teega n wa ne tõnd nẽngẽ, sẽn yaa taoko n foog ne kutu, t'a boole n yeel tɩ Saabɩt! Wẽnd tʋntʋʋm, pʋʋsg la tɩlgr be a yĩnga, ko-teegã la woto
la pʋʋsg la tɩlgr be a yĩng ra yɩɩme n yũud-a ne koom la sib koom la sɩɩdo la bĩisim
leb n yi a Anas nẽngẽ, Wẽnd yard be a yĩnga:
tɩ Wẽnd tʋntʋʋma, pʋʋsg la tɩlgr be a yĩnga, a ra yɩɩme n vʋʋsd naoor a tããbo, t'a sã n na n yũ
Rat n yeel tɩ: a vʋʋsda laagã yɩnga
la pʋʋsg la tɩlgr be a yĩng gɩdgame tɩ b ra vʋʋs laag pʋgẽ maa b fʋʋs a pʋgẽ
la sã n yaa gãng ninga, Wẽnd tʋntʋʋm, pʋʋsg la tɩlgr be a yĩng, sẽn ra yeelgd-a a Gɩhaadɩ wã pʋgẽ wã la a zab-laasã pʋgẽ wã, la keelmã ne raoodã wakatã, tõeeme t'a pa be zakẽ moas-moasã ye,
bala Tʋnʋʋmã, pʋʋsg la tɩlgr be a yĩnga, a ganeg-a la Yahʋʋda nẽngẽ la a reeg Saɩɩr laag pistã, a sẽn peng-a a nẽngẽ, wala a Aaɩsa sẽn togs rẽ wã, la tʋntʋʋmã, pʋʋsg la tɩlgr be a yĩnga, a maana kaalem, ɩ gãngã ket Yahʋʋdã nẽngẽ
la pʋʋsg la tɩlgr be a yĩng ra pa yɩ n lingda a zakã rãmba, gũusd-b ye, la a ra yɩɩme n kẽed a zakã rãmbẽ, tɩ b yaa sẽn mi a kõomã tiiri, la a ra yɩɩme n ning-b sallem
la tags n ges neere, ne nifr sẽn gẽesd sõma, la suur sẽn fahemde, tʋnʋʋmã, pʋʋsg la tɩlgr be a yĩnga, a hadiisã:
Arzãn tɩɩg be ne ned ninga sẽn kãnd n tʋg lɩslaoongo, t'a pa tar sẽn sek bingr a vɩɩmã pʋgẽ, t' sek a menga
la pak f tʋbrã n kelg hadiis kẽeng a to:
Ned ning sẽn vẽega beoogo n tar bas-n-yam a mengẽ, t'a yĩis tar laafɩ, n tar a raarã rɩɩbo, yaa wala b koola dũni wã fãa n kõ yẽnda
Rog-pẽtsã
Zamã-kãngã nabiyaamã, pʋʋsg la tɩlgr be a yĩnga, a tara Alkaool pidsgu, rogem tõkr pʋgẽ, sẽn pa tõe n gom n sε, yẽ n yɩɩd ninsaalbã ne pidbu rẽ pʋgẽ,
halɩ tɩ Koraees kɩfl-dãmbã pẽg-a la b sɩf-a, t'a yaa sɩd-soaba n yaa bas-n-yam soaba, taoor tɩ b na n pa tʋms-a, pʋʋsg la tɩlgr be a yĩnga,
la a Hadɩɩgε, Wẽnd yard be a yĩnga, sɩf-a-lame n yeele:
ad fo tõkda regem la f togsd sɩda...
ad pʋʋsg la tɩlgr be a yĩnga sẽn yikd ne hakε sẽn hakε pedre, la waagib sẽn zẽke, ad a kaagda a ma wã sẽn maan kaalem t'a tar yʋʋm a yopoe wã
Abʋʋ Hʋraεεra, Wẽnd yard be a yinga,a yelame:
Nabiyaaã, pʋʋsg la tɩlgr be a yĩnga, kaaga a ma wã kabre, n kũme la a kũms sẽn be-b ne-a wã, la a yeele: m kosa m Soabã sor n kos yaafg a yĩnga, t'a pa kũ-m sor ye, tɩ m kos-A sor n na n kaag a kabrã, t'A kũ-m sore, b'y kaagd-y kabã, tɩ ad a tẽegda kũum yelle
la f tags n ges, pʋʋsg la tɩlgr be a yĩng noanglemã ne a rog-pẽtsã la a nidg pãngã ne b boolgã la kãdagrã la fãag-ba n yiis bugmẽ wã, la noomã ne naongã sakr rẽ pʋgẽ wã
yi a Abɩɩ Hʋraεεrat nẽngẽ, Wẽnd yard be a yĩnga, a yeelame:
Aayae-kãngã sẽn wa n sigã:
la f bugs f rog-pẽtsã,
Wẽnd tʋntʋʋma, pʋʋsg la tɩlgr be a yĩnga, boola Kʋraees-rãmba, tɩ b tigme, t'a gom n gũbg la a welge, n yeele:
Yaa Abd sams koamba, yaa a Ka'ab ɭbn lʋ-ay koamba, fãag-y mens n yi bugmã, yaa yãmb Mʋrra ɭbn ka'ab koamba, fãag-y mens n yi bugmã, yaa yãmb a Abdʋ Manaaf koamba, fãag-y mens n yi bugmã, yaa yãmb a Haasim koamba, fãag-y mens n yi bugmã, yaa yãmb a Abdʋ Al-Muttalib koama, fãag-y mens n yi bugmã, yaa Faatɩma, fãag-f meng n yi bugmã, tɩ ad mam pa tõe n fãag yãmb baa fʋɩ n yi Wẽnd ye, sã n pa rogmã sẽn be ne yãmbã, m na n madg-a-lame ne a ko-maasgã
la ad noanga, pʋʋsg la tɩlgr be a yĩnga, a yam pa yi, a pa yε me ne a Saam-bilã Abʋʋtoaalɩb boolg ye, t'a yɩlm a boolgã naoor ka tεka, hal n tʋg n tãag a kũumã wakat fãa:
kũumã sẽn wa n ta a Abʋʋtoaalɩbã, nabiyaamã, pʋʋsg la tɩlgr be a yĩnga, kẽ a nẽngẽ, n mik t'a Abʋʋgεhl ne Abdʋllaah ɭbn Abɩɩ Ʋmayya bee a nẽngẽ, t'a yeele:
m sõobã! yeel tɩ Laa ɭlaaha ɭllaah, gomd m sẽn na n tik n sõng-fo Wẽnd nẽngẽ, A Naam yɩ wagell n zẽke
t'a Abʋʋ Gεhl ne Abdʋllaah ɭbn Abɩɩ Ʋmayya yeele: Abʋoaalɩb, fo rat n na yi a Abdʋlmuttalɩb dĩinã?
A yeelame: b pa bak n tar ne a goam, hal t'a wa yeel a baasg gomde: A Abdʋl Almuttalɩb dĩinã zug la m kiida
Tɩ nabiyaamã yeele, pʋʋsg la tɩlgr be a yĩnga:
M na kos yaafg f yĩnga, tɩ Wẽnd sã n pa gɩdg-ma, tɩ Aayar sigi:
Pa sõmb ne Nabiyaama la neb nins sẽn kõ sɩdã tɩ b kos yaafg n kõ kɩfl-rãmbã ye, ba tɩ sã n mikame tɩ yaa rog-pẽtba; b sẽn bãng n wãag poorẽ tɩ b yaa Bugum neba
A yeelame: tɩ Aayar le sigi:
Ad foo, pa f sẽn nõng a soab la f tõe n kãndege
Sɩd la hakɩɩka, tẽntʋʋmã booll-a la naoor wʋsgo, a vɩɩmã pʋgẽ, la a kũumã sasa, rẽ poorẽ t'a kosd yaafa ne-a, tɩ yaa rogem tõkre la yolsgo, hal tɩ Aayar wa sigi,
t'a wʋme la a tũ, pʋʋsg la tɩlgr be a yĩnga, t'a yãnes kos-doaag n kõ kɩfl-rãmbã sẽn yaa a rog-pẽtba,
La wãndɩ yaa yolsg buud sẽn bedme, sẽn yi lɩslaambã zãma wã yols-rãmbẽ; n leb n yaa lallg kobgo sẽn yi lɩslaoongã lallgẽ, la zãagre ne kɩfl-rãmbã la lag-n-taarã rãmbã, ba tɩ sã n mikame tɩ b yaa rog-pẽtba
Nabiyaam sẽn wa tõnd nẽngẽ, tẽeb wãagr la Tʋntʋʋmbã wãagr poorẽ
tɩ rʋbsã yaa sẽn tũud tẽngã zugu
t'a lebg n yaa vẽenega n yaa nuura n yaa kãndegda
n pɩnd wala sʋ-noog sẽn pɩnd toto wã
la a bugs tõnd ne bugum la a noog sũy ne Arzãna
la a wĩnig tõnd lɩslaoongo, rẽnd d pẽgda Wẽnde
Tʋntʋʋmã, pʋʋsg la tɩlgr be a yĩnga, a zakẽ wã
ad ninsaal zaka, yẽ la a zĩig ning hakɩɩka, sẽn vẽnegd a zʋg-sõngã la a zʋgdã pidbu, la a vɩɩm-n-taar noom, la buudã tɩrlem; bala a bee rotã pʋgẽ la lalsã poorẽ, ned ba a ye pa nẽ-a,
A bee ne a yamba maa a sõgna maa a paga, n maand a sẽn rate, la gãneg-n-meng wʋsgo sẽn pa maan-tɩ-neb-yã maa sõmb-baoobo, ne sẽn yaa yẽ la zug-soaba, n sagell a sẽn rat la a gɩdgdẽ zak-kãngã pʋgẽ wã, tɩ sẽn bee a soolemã pʋgẽ fãa yaa valemse,
bɩ d tags n ges zamã-kãngã tʋtʋʋmã alhaale, sẽn yaa a pẽegdã la a karen-saambã, pʋʋsg la tɩlgr be a yĩnga; a yaa wãnwãna a zakẽ wã, sẽn lagemd ne a sẽn tar zĩir-kãsẽngã la dargε zẽkdega
B soka a Aaɩsa, bõe la tʋntʋʋmã ra maanda, pʋʋsg la tɩlgr be a yĩnga, a zakẽ wã?
t'a yeele: a ra yaa wa neb a taabã fãa, a vεεsda a fuug karemse la a pẽed a tũmsi la a sõgend a menga
Ad wãnde yaa sẽn wĩnidgd gãneg-n-menga la waoog-n-meng basgo, la ra-rogl neb a taab tʋʋma, ad a maag-n-taar tar zɩslem, a sõngr me bεdma, la a Adam koamã sẽn yɩɩda ne yɩlgre; n yikd ne tʋʋm-kãeesã fãa gilli, t'a be albark zak-kãngã pʋgẽ, dĩin-kãngã nuurã wã sẽn yi zĩig ningã wã, n pa tõe n yã sẽn na pid a pʋgã ye, pʋʋsg la tɩlgr be a yĩnga
A Nʋʋmaan ɭbn basɩɩr, Wẽnd yard be a yĩnga, a yeelame n togsd nabiyaamã alhaalã, pʋʋsg la tɩlgr be a yĩnga:
Sɩd la hakɩɩka, mam yãa yãmb nabiyaamã, pʋʋsg la tɩlgr be a yĩnga, t'a pa tõe n paam tamar-weglse sẽn na pid a pʋgã ye
Yi a Aɩɩsã nẽngẽ, Wẽnd yard be a yĩnga, a yeelame:
Ad tõnd a Mohammad zak-rãmba, tõe n zĩnda kiuugu, tɩ bugum pa widigdẽ ye, sã n pa tamar la koom bala
la bũmb ra pa be n maan nabiyaamã soagla, pʋʋsg la tɩlgr be a yĩnga, n yi Wẽnd tũudum ye
a sãa n wʋm lãandaane, la a sẽn saked boollã tao-tao, la a bas dũni wã a poorẽ wã
yi a Aswad ɭbn Yasɩɩd nẽngẽ, a yeelame: m soka a Aɩɩsa, Wẽnd yard be a yĩnga, boẽ la nabiyaamã, pʋʋsg la tɩlgr be a yĩnga, ra maan zakẽ?
t'a yeele: a ra yɩɩme n be a zakã-rãmb sõgneg pʋgẽ, la a sã n wʋm laandaane a yitame
la kibar pa tol n wa, tɩ pʋʋsg la tɩlgr be a yĩnga, pʋʋsa farill a zakẽ wã ye, sã n pa a sẽn wa n bẽ wã ye, tɩ yĩn-wɩngrã keng a zugu, tɩ yiibã lebg toog ne-a, la rẽnda yɩ a kũumã bãagẽ, pʋʋsg la tɩlgr be a yĩnga
la sẽn lagm ne a yolsgã ne a ninbãan zoεεga ne a poorẽ rãmbã, ne rẽ fãa, a kenga ned ning sẽn basda zãma lagm-n-pʋʋs zugu,
Tɩ nabiyaamã yeele, pʋʋsg la tɩlgr be a yĩnga:
Sɩd la hakɩɩka, m ra saagame, tɩ m na n kɩtame tɩ b yals pʋʋsgã, rẽ poorẽ tɩ m kɩt tɩ ned pʋʋs ne nebã, rẽ poorẽ, tɩ m loog ne roapa tɩ b zãad ra-kila, tɩ d tʋg neb nins sẽn pa seet b pʋʋsgã nẽngẽ, tɩ m yõog b ne b zagsã
la rẽ pa yɩ, rẽndame tɩ yaa pʋʋsgã ne zãmã wã pakr sẽn yaa a soaba, la a yellã bedrem
Nabiyaamã yeele, pʋʋsg la tɩlgr be a yĩnga:
Sẽn wʋma lãandãanã, la a pa sake, pʋʋsg pa be ne a soab ye, sã n pa mikame tɩ yaa padεnga
la padεngã: yaa yaεεsa maa bãaga
la sẽn pʋʋsdb rũndã-rũndã wã bee yε? B pagbã kɩremse n yaool n bas Misã wã, bãagã ne yaεεsã padãng bεε?!
Wẽnd Tʋtʋʋmã, pʋʋsg la tɩlgr be a yĩnga, sɩfa la a kãndagre:
Ninsaal rãmbgã la a yõgnegã yaa tagmese sẽn wĩnigd a yamã sẽn yaa a soaba, n le yaa kʋɩling-bila sẽn na tũ n bãng a sũurã
la a Aɩɩsa, sẽn yaa Muumin-dãmbã ma-wã, n yaa Sɩd-kõatã bi-puglã, Wẽnd yard be b yiibã yĩnga, yẽ n yiid minim ne nabiyaamã zʋgdo, pʋʋsg la tɩlgr be a yĩnga, n leb n yɩɩd ne a nabiyaamã alhaal sɩfgo, pʋʋsg la tɩlgr be a yĩnga, bala yẽ n pẽ ne a n yɩɩda, a gõeemẽ la a nẽnemẽ, la a bãag la a laafɩ wakato, la a gẽeg la a yarda
Muumin-dãmbã ma-wã, a Aɩɩsa, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩnga, ra pa yɩ, n yaa wẽng soab ye, pa gomd-beed soab me, a pa yɩ-raoog soaba raas pʋgẽ ye, a pa rond wẽng ne weng ye, la ad a yaafdame la a basd tɩ loogdẽ
la woto la lɩslaambã nabiyaamã zʋgdo, b sẽn kõ tɩ yaa yolsgã, la sẽn yaa neema kasẽngã, pʋʋsg la tɩlgr be a yĩnga,
a yagenga a Hʋseen, Wẽnd yard be a yĩnga, a sɩfda tõnd, a kadegrã sãnda, pʋʋsg la tɩlgr be a yĩnga, ne a sẽn yeele:
m soka b m saamba, nabiyaamã nao-kẽndrã ne a sõsd-n-taasã, pʋʋsg la tɩlgr be a yĩnga,
Nabiyaamã, pʋʋsg la tɩlgr be a yĩnga, ra yɩɩme n tar ninyõgeng wakat fãa, n yaa nin-nana, a zĩigẽ bʋgsame, a pa kεgεnga n yaa keelem soab ye, a pa tãsde, a pa zanged ye, a pa zab-zabd ye, a mumda a nin n yit bũmb ninga a sẽn pa nonge, a tẽed pa wãagd a tẽeb a zug ye,a yiis a meng yεl a tãab pʋgẽ: maan-tɩ-b-yã, la gom-toogo, la bũmb ning sẽn pa pak-a, la a bas yεl a tãab ne neba: a ra pa sãbsg neda a pa zangd-a, a pa ningda yãnde, a pa gomde sã n pa bũmb nig a sẽn tẽed a yel-sõmde, la a sã n gome, a sõsdẽ-taasã fãa sĩnda b nõy n kelge, tɩ yaa wa liuuli n zao b zutẽ wã, t'a sã n sĩndi bɩ b gome, b pa tak n taab ne goam a nẽngẽ ye; ned sãn gom a nẽngẽ, b sĩndame n kelg-a hal t'a wa tɩ sε, b sõasga a nẽngẽ yaa wala sẽn na sɩngde, a laala bũmb ning bãmb me sẽn laadã, sẽn maan bãmba yel-solemdã maanda yẽ me yel-solemde,
la a maan sugr ne sãana, t'a sãan maan no-baoodem a goamẽ wã la a bõosgẽ, hal t'a Soahaabsã meng tatbẽ n wat ne, t'a yetẽ:
yãmb sã n yε tʋlsʋm soaba sẽn baood a tʋlsʋm, b'y wa ne-a
la a pa sakd pẽgre sã n pa maan-n-rolg soab nẽngẽ ye, la a pa wãagd ned gomde sã n pa a maan n zʋʋgame, t'a wãag-a ne gɩdgre maa yikri
tags n ges zãmã-kãngã nabiyaamã zʋgdã, yembr yembre, la f gãd a sãnda, la f mõdg f mengã n paam pʋɩɩr a pʋgẽ, tɩ ad a yaa sõma fãa tigẽnga
la sẽn be a kãndegrã pʋgẽ, pʋʋsg la tɩlgr be a yĩnga, yaa a wĩnig a sõsd-n-taasã b dĩinã yelle
sẽn be rẽ pʋgẽ: yaa pʋʋsg la tɩlgr be a yĩng sẽn yeele:
ned ning sẽn ki a, t'a kot zẽng sẽn pa Wẽnde, a kẽeda bugum
sẽn le be a pʋgẽ, yaa a koεεga, pʋʋsg la tɩlgr be a yĩnga:
Lɩslaam yaa ned ning lɩslaambã sẽn tɩlge n yi a zelemd la a nugu, la sẽn zoeta ne a dĩini yaa ned ning sẽn bas Wẽnd sẽn gɩdgã
La nabiyaamã sẽn yeele, pʋʋsg la tɩlgr be a yĩnga:
noog-y likã pʋgẽ kẽndbã n tʋgd Miisã wã sũy, ne nuurã sẽn pidi alkɩyaoom raarã
a leb n yeelame, pʋʋsg la tɩlgr be a yĩnga:
Zab-y ne kɩfl-rãmbã ne y arzεgse la y mense, la y zεlma
Le b yi a nẽngẽ, pʋʋsg la tɩlgr be a yĩnga, t'a yeelame:
Ad yamb tõe n goma gomde, m pa ning a yam a pʋgẽ ye, t'a salg ne-a n kẽ bugmẽ, zulum sẽn yɩɩd sẽn be yaangã ne wĩndigã sẽn lʋɩtẽ wã sʋka
La a yeele, pʋʋsg la tɩlgr be a yĩnga:
b pa tʋms maa tɩ m yaa kãab-toog soab ye, la ad b tʋmsa maam tɩ m yaa yolsgo
la yi a Ʋmar nẽngẽ, Wẽnd yard be a yĩnga, tɩ Wẽnd tʋntʋʋma, pʋʋsg la tɩlgr be a yĩng yeelame:
ra n kils-y maam wala nasaar-rãmbã sẽn kils a Maryam Biigã ye
la killgã: yaa pẽgr sẽn loog nugu
la yi a Gundu ɭbn Abdʋllaah nẽngẽ, a yeelame:
m wʋma nabiyaama, pʋʋsg la tɩlgr be a yĩnga, a kaalmã ket tɩ rasm a nu, t'a yetẽ:
m zãagda m meng n tʋgd Wẽnd nẽngẽ, ne m tall noang yãmb sʋka; bala Wẽnd rɩka maam tɩ yaa a noanga, wala a sẽn rɩka a ɭbraahɩɩm tɩ yaa A noanga, la mam sã n da yɩ n lame n na n tall noanga m zãmã wã pʋgẽ, m rag n na gãdẽ a Abʋʋbakar tɩ yɩ m noanga, la y bãng tɩ sẽn reng b yãmb taoorã, b ra yɩɩme n rɩkd b nabiyaam-rãmbã kaba n met Miisa, sã n yaa woto b'y ra me Miisa kabaẽ wã ye, tɩ ad mam gɩdgda yãmb ne rẽ
rẽnd sã n yaa woto, rẽnd pʋʋsg pa sakde Miisã nins kabr maa kaba sẽn be be ye
A koam-pugli wã, pʋʋsg la tɩlgr be a yĩnga:
bi-pugl rogem zɩɩlmã sasa ra yɩɩme n yaa nẽng-soabg raar ne a raogdb a yiibã, hal n tɩ tãag zakã-rãmbã la buudã gilli, tɩ bũmb ningã bãmbã sẽn na n maanega, yaa koam-pugli wã busb vɩɩse, zangrã la yãndã yaεεsgo,
la busbã sẽn da yaa toto ningã yaa wẽng wũsgo, n yaa kεgεnga yolsg pa tar zĩig a pʋgẽ nõnglem me pa tar zĩig a pʋgẽ ye, rẽnd bi-pʋgla, b ra yɩɩme n busd-a vɩɩga, la b ra yɩɩme n geesd taaba yel-wẽng-kãngã pʋgẽ
La bee b pʋgẽ, b sã n rog bi-pugla, b basdaleme t'a sã n wa ta yʋʋm a yoobe, bɩ a yeel a ma wã:
yɩlg-a la f faas-a, tɩ m kẽng ne a sɩdã nebẽ, rẽ t'a ra tuu bulga weoogã pʋga, t'a kẽng ne-a bulgẽ wã, n yeel-a: lɩk n gese,
rẽ poorẽ t'a tus-a, n kãag tomã n bus-a, ne sũ-keglem la yalemdo
la Zɩɩlmã zãmã-kãngã sʋka, la tʋntʋʋmã puk yã ne dĩin-kãngã sẽn zɩsã, sẽn waoog paga, zem t'a yaa ma, maa paga, maa bi-pugla, la tão, la pʋgdba,
la sɩd la hakɩɩka, koam-pugli wã paama nabiyaam nonglem, pʋʋsg la tɩlgr be a yĩnga; a ra yɩɩme t'a bi-puglã a Faatɩma sã n kẽ a nẽngẽ, a yikdame n yek-a, n gãd a nugã n moke, n zĩndg-a a zĩigẽ wã, a ra yɩɩme me t'a sã n kẽng a Faatɩma nẽngẽ, a yikdame n kẽng a nẽngẽ n gãd a nugã n moke n zĩndig a zĩigẽ wã
la sẽn lagm ne nabiyaamã sẽn nong a koam-pugli wã, la a waoogd-ba, pʋʋsg la tɩlgr be a yĩnga, ne rẽ fãa, a yara a koam-pugli a yiibã fur kaoobo, A Ʋmmukulsuum ne a Rʋkayya, n yi a Ʋtba ne a Ʋtayba nẽngẽ, sẽn yaa a Abʋʋlahb koamb a yiibã, t'a yaa sẽn maan sugri n tẽed yel-sõmde, la rẽ yaa Wẽnd sẽn sik a Abʋʋlahb zug poorẽ:
a Abʋʋlahn nus a yiib halkame, n kell n halke
la pʋʋsg la tɩlgr be a yĩnga tõdgame n na n bas nebã boolgo, maa a leb poorẽ; bala Kʋrays-rãmb bugs-a-lame la b pʋlm-a wẽnga, hal n kao a koam-pugli a yiibã furi, pʋʋsg la tɩlgr be a yĩnga, t'a yaa sẽn tabẽ bala, n maan sugri, a pa kɩlld a boolgã pʋgẽ, n tʋg dĩin-kãngã ye
la sẽn bee a bi-puglã beelgẽ la nẽng-yõgeng ne a: yaa bũmb ning a Aaɩsa, Wẽnd yard be a yĩnga, sẽn togse:
nabiyaamã pagb ra bee a nẽngẽ, pʋʋsg la tɩlgr be a yĩnga, t'a a Faatɩma togl n watẽ, Wẽnd yard be a yĩnga, n kẽnda, a kẽnã pa yõsg nabiyaamã kẽnd maa kɩdga, pʋʋsg la tɩlgr be a yĩnga, a sẽn wa n yẽ-a wã, a bεεl-a-lame, n yeele: zĩig be neere m bi-pugla, la a zĩndg-a a rɩtg bɩ yaa a goabg wẽengẽ
sẽn le be a nin-bãan-zoeegã la a koamb-pugli wã nonglemã: yaa a sẽn kaagd-ba la b yellã sokre, la zu-loeesã yidgri
a Faatɩma, Wẽnd yard be a yĩnga, waa nabiyaamã nẽngẽ, pʋʋsg la tɩlgr be a yĩnga, n gomd a nus a yiibã sẽn buli neerã werbã, n kot sõgna, la a pa mik-a ye, t'a togs a Aɩɩsa, Wẽnd yard be a yĩnga, tɩ tʋntʋʋm sẽn wa n wa wã, pʋʋsg la tɩlgr be a yĩnga, t'a togs-a
Alɩ, Wẽnd yard be a yinga, yeelame:
t'a wa tõnd nẽngẽ, n mik tɩ tõnd kẽe gãaga, tɩ tõnd yeel tɩ d na n yik, t'a yeele, pa-y zĩigẽ wã. T'a wa n zĩnd tõnd sʋka hal tɩ mam wa wʋm a naowã maasem n yãoogẽ wã, n yeele:
m pa na n wĩnig-y sẽn yaa sõma ne yãmba n yɩɩd sõgna? yãmb sã n kẽng y gãagẽ wã, maa y kẽng n na n kɩllame, b'y yeel Allaah Akbar naoor pistã la a nãase, la Sʋbhaanallaah, pistã la a tãabo, la Alhamdʋ Lɩllaah pistã la a tãabo, ad wãndɩ la sõma ne yãmb n yɩɩd sõgna
la tõnd tara togs-n-taar sẽn be neere, Wẽnd tʋntʋʋm nẽngẽ, a sugrã wẽengẽ la a sẽn pa yaεεsdã, bala a koambã ne a koam-pugli wã gill fãa maana kaalem a vɩɩmã pʋgẽ, sã n pa a Faatɩma, Wẽnd yard be a yĩnga-,
la ne rẽ fãa, a pa pãb a yaeya, a pa pãrs a futu, a pa segl rɩbdo la a ti zãna n na n maan kʋʋr ye, la a yɩɩme, pʋʋsg la tɩlgr be a yĩnga, n maan sugri n tẽed yel-sõmde, t'a yaa sẽn yar Wẽnd bʋʋdã la A Kordgã
la sɩd la hakɩɩka, a base ne tõndo, sagls sẽn zɩse la hadiis-rãmb sẽn bedme, tɩ yaa nin-yubsg ne sũ-sãang soaba, n yaa yidgr ne keelem soaba,
Sẽn be a pʋgẽ, yaa sẽn yeele, pʋʋsg la tɩlgr be a yĩnga:
Tõnd be Wẽnd yĩnga, d lebda A Nẽngẽ, mSoab a Wẽnde, kõ m keoore, m masɩɩbã pʋgẽ, la f leds-ma sõmblem sẽn yɩɩda. Rẽndame tɩ Wẽnd leds-a sõmblem sẽn yɩɩda
la Wẽnd maaname, A Naam yɩ wagell n zẽke, tɩ lebs-m-mengã goamã, yẽndame la masɩɩb soab sẽn na n yeele, "ɭnnaa lɩllaah, wa ɩnnaa ɩlayhɩ ragɩ-ʋʋn", tɩ yaa kadẽng la lεbεng sĩiga ne yεlã sẽn paambã rãmbã, la a wʋsg yel-sõmde ne sug-maandbã la a noog b sũuri ne yel-sõmd sẽn yi A Nẽngẽ, A Naam zẽkã:
ad A pidsda sugrã-rãmb keoore, tɩ pa tũ ne geelg ye
Pag zãabo
Zakã pʋgẽ, pag la yellã bila la yẽgre la yirã la pẽnegre
Wẽnd Tʋtʋʋmã, pʋʋsg la tɩlgr be a yĩnga, yetame:
Dũni wã gill fãa yaa wʋm-noogo, la a wʋm-noogã sẽn yɩɩde, yaa pʋg-sõngo
la sẽn be a zug-sõngã pʋgẽ, la a vɩɩm-n-taarã noom, pʋʋsg la tɩlgr be a yĩnga, mikdame t'a boonda muumin-dãmbã ma n noosd a yʋʋrã, la a kõt-a kibar sẽn kɩdem sũya la a noogdẽ!
La a Aaɩsa Wẽnd yard be a yĩnga, yeelame:
Wẽnd Tʋtʋʋmã, pʋʋsg la tɩlgr be a yĩnga, yeela raar ninga:
Yaa Aaɩs! A Gɩbrɩɩl nongd f la sallem
sẽn yɩɩd woto, zãmã-kãngã nabiyaamã, pʋʋsg la tɩlgr be a yĩnga, zʋgd sẽn pida n yɩɩda, t'a dargε zɩslem yɩɩda, a maanda kõbg sẽn be neere, vɩɩm-n-ta-sõng pʋgẽ la bʋkr maanego, la a paga yam-leedo la a yõorã sẽn nõng bũmb ningã bãngre, la a ningd-a zĩig ninga pag buud fãa sẽn rat n paam-a a sɩdã nẽngẽ wã!
La a Aaɩsa Wẽnd yard be a yĩnga, yeelame:
m da yɩɩme n yũuda, la m da tara pekre, la m kõ nabiyaamã, pʋʋsg la tɩlgr be a yĩnga, t'a a togl a noorã mam noorã zĩigẽ n yũ, la m gagend kõbre ta reeg-a n nin a noorã mam noorã zĩigẽ
la a ra pa yɩ, pʋʋsg la tɩlgr be a yĩnga, wala munaafɩgsã sẽn yage, tɩ nasaar-rãmbã rõd- rõdb sẽn yaa zĩrĩ la yẽgẽngosẽn yaa zaalem; la apa woto ye, ad a sẽn maan sor sõmblem sẽn yɩɩde, sẽn kẽed kãadmã wẽengẽ la sẽn yaa nana n yɩɩde
Yii a Aaɩsa nẽngẽ, Wẽnd yard be a yĩnga:
Tɩ nabiyaam, pʋʋsg la tɩlgr be a yĩnga, a moka a pagbã sãnda n yi kẽng pʋʋsgẽ wã n pa yõk koom ye
la tʋntʋʋmã, pʋʋsg la tɩlgr be a yĩnga, zĩis wʋsgo, a vẽnegda vẽenega, pag dargε wã sẽn yaa bedr a nẽngẽ wã, la b tara dargε sẽn bedme n zẽke,
ada, pʋʋsg la tɩlgr be a yĩnga, sẽn leokd a Amr ɭbn Aas sokrã, Wẽnd yad be a yĩnga, n wĩnigd-a, tɩ ad f pag nonglem, pa yãnd ne rao sẽn bɩ n tar laafɩ n tẽeg tɩrg ye
yii a Amr ɭbn Aas nẽngẽ, t'a yeela Wẽnd tʋntʋʋmã, pʋʋsg la tɩlgr be a yĩnga:
ãn soab la fo nõng n yɩɩdã? T'a yeel: a Aaɩsa
la sẽn ratã n kẽes vɩ-noogo kãadmã pʋgẽ, bɩ a tags sõmã n gese, muumin-rãmbã ma hadiisã, wẽnd yard be a yĩnga, la wãn-wãn la pʋʋsg la tɩlgr be a yĩnga ra yɩ n maand ne-a
Yi a Aɩɩsã nẽngẽ, Wẽnd yard be a yĩnga, a yeelame:
maam ne Wẽnd tʋntʋʋm ra sooda ne taaba teoog a ye pʋga
la zãmã-kãngã nabiyaama, pʋʋsg la tɩlgr be a yĩnga, a pa basd sẽka, rẽndame t'a bao yõod a pʋgẽ, sẽn na kẽes a pagã sũ-noogo, ne bũmb fãa sẽn sakde
A Aaɩsa Wẽnd yard be a yĩnga, yeelame:
mam yii ne tʋntʋʋmã, pʋʋsg la tɩlgr be a yĩnga, a so-togsã sãndã pʋsẽ, la mam da yaa bi-bilfu, n pa zɩsg nand ye, m pa nob me, t'a yeel nebã tɩ b reng taoore, tɩ b reng taoore, rẽ poorẽ t'a yeel maam: wa tɩ d rengreng taaba, tɩ mam wudg ne-a n reng-a, t'a sĩnd n bas maam hal tɩ mam wa zɩsge, n nob n lebg bedre, tɩ mam yi ne-a soyã sãndã pʋgẽ, t'a yeel nebã tɩ b reng taoore, rẽ poorẽ t'a yeele: wa tɩd reng taaba, t'a põsg maam, t'a laadẽ la a yetẽ: mam renga foom wala fo sẽn ra reng maamã.
ad yaa wɩsg sẽn bʋgse, ne toaag ningri sẽn ta tεka, a kɩtda nebã tɩ b reng taoore, sẽn na yɩl n maan reng-reng-taaba ne a paga, n kẽes sũ-noog a sũurẽ wã, ad a sẽn tigm wɩsg sẽn looge ne wɩsg sẽn na be, n yetẽ: mam renga foom wala fo sẽn ra reng maamã
la ned ning sẽn gilga wẽnd tẽng-yalangã pʋgẽ, n ges nin-bεdã alhaale, a na maan yel-solemd ne nabiyaamã manesmã, pʋʋsg la tɩlgr be a yĩnga, t'a yaa nabiyaam wagelle, la tãp taoor soaba, sẽn tõogd a bεεba, la Kʋraays-rãmba ne Banɩɩ Haasɩm bi-koεεngã, raar a yembre sẽn yaa b sẽn tõog-a rasem-dãmba, t'a yaa sẽn lebgde, n tõog a bεεba, t'a yaa sẽn peedg tãp sẽn zɩse, la sẽn lagm ne rẽ fãa, f mikdame tɩ yaa ned sẽn nong neba, n yaa nana ne a pagba, sẽn yaa muumin-rãmbã ma-rãmbã,
tãpã peegrã la sorã woglemã pa yĩms-a ye, pa zabrã tõogrã me ye, t'a tara pagba, sẽn yaa valemse, n rat ninbãan-zoεεg a nẽngẽ la pẽgr sẽn yaa sɩda, sẽn yĩmsd sorã nangã la yẽsd sorã yaamsã
a Bʋhaarɩ togsame, tɩ ad pʋʋsg la tɩlgr be a yĩng sẽn wa n lebg Haybar zabrẽ wã, n fur a Soafɩyya Bɩntʋ Hʋyay, Wẽnd yard be a yĩnga, a ra yɩɩme n tẽegd peende n gilg yʋgʋmd inga a soafɩya sẽn zao wã, n lut-a ne-a, rẽ poorẽ t'a zĩnd a yʋgʋmdẽ wã, n tik a rũmdã, t'a Soafɩya tab n zombe
yel-kãngã wĩnigda a gãneg-n-mengã, pʋʋsg la tɩlgr be a yĩnga,
Sɩd la hakɩɩka, a ra yɩɩme, pʋʋsg la tɩlgr be a yĩnga, ne a sẽn yaa tãp taoor soaba, n tõogd a zabẽ wã, a wĩnigda a poorẽ rãmbã, tɩ pa boogd a Alkadrã la a zĩirã, t'a sã n sik a menga ne a zakã-rãmb ye, la a gãnega ment ne paga, la a sõng-a la a noog a sũuri
la sẽn le be a saglsã pʋgẽ ne a Zãmã wã, pʋʋsg la tɩlgr be a yĩnga:
la y maan sẽn be neer ne pagbã
Pagbã wʋsgrã
Wẽnd tʋntʋʋma, pʋʋsg la tɩlgr be a yĩnga, a fura pagb piig la a yembre, b paama pʋɩɩre ne b bool-ba tɩ muumin-rãmbã ma-rãmba, la a maana kaalem tɩ yaa pagb a wae n be ne-a,la ad yaa zɩslem tεkẽ la zĩir sẽn zẽke, tɩ pʋg wagl-kãeesã paam-a,
la sɩd la haakɩ tẽntʋʋmã, pʋʋsg la tɩlgr be a yĩnga, furapag ningã sẽn yaa kãsma, sẽn yaa pʋg-kõore, b sẽn kao a soab furi, sẽn yaa valenga, la pʋg-sãd pa zĩnd pʋg-kãeesã sʋka, sã n pa a Aaɩsa, Wẽnd yard be a yĩnga
Tʋntʋʋmã, pʋʋsg la tɩlgr be a yĩnga, furã muumin-rãmbã ma-rãbmã, n tigm-b ne taaba, t'a yɩ bilgr sẽn be neere, tẽeg-tɩrg la pʋɩ-tɩ-zems pʋgẽ,
Yi a Aɩɩsã nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩnga yɩɩme t'a sã n da rat n yi sore, a losda b fãa yʋɩyã n yãk yembre, ned ning yʋʋr sẽn yi, a yita ne yẽ soaba, a ra yɩɩme n kõt pag fãa raar tõre
la sẽn le be tẽeg tɩrgã kõbgẽ, yaa Anas ɭbn Maalɩk, Wẽnd yard be a yĩnga, sẽn togs-a:
Nabiyaamã, pʋʋsg la tɩlgr be a yĩnga, ra tara pagb a wae, a ra yɩɩme t'a sã n kõ-b moendã, a pa tat rẽenem soabã nẽngẽ, sã n pa rasm a wae poorẽ, tɩ b ra tigim moendã soab roogẽ, a sẽn na n wa a soab nẽngẽ,
tɩ ra yaa a Aaɩsa roogẽ wã, t'a Zaynab wa be, t'a tẽeg a nugã a nẽngẽ, t'a a Aaɩsa yeele: ad yaa a Zaynab, tɩ nabiyaama, pʋʋsg la tɩlgr be a yĩnga, põd a nugã
la nabiyaamdmã zak-kãngã sẽn bedmã, pa yɩ woto, sã n pa Wẽnd tʋntʋʋm, pʋʋsg la tɩlgr be a yĩng a Soabã sẽn man-a segl-sõngã la A lεεms-a wã
ad a, pʋʋsg la tɩlgr be a yĩnga sẽn pʋʋsd a Soabã barka ne goam la tʋʋma
a ra yɩɩm, pʋʋsg la tɩlgr be a yĩnga, n pĩrsd a pagbã ne tũudum la a sõngdeb ne rẽ, Wẽnd sagellã gãdeb yĩnga, A Naam yɩ wagell n zẽke
la f sagl f zakã-rãmb ne pʋʋsgo la f maan sugr ne rẽ, Tõnd pa sokd-f rɩtl yell ye, Tõnd n rɩlgd foom, la baas-neere yaa Wẽnd-zoεεga
Yi a Aɩɩsã nẽngẽ, Wẽnd yard be a yĩnga, a yeelame:
Nabiyaamã, pʋʋsg la tɩlgr be a yĩnga, ra pʋʋsdame, tɩ mam tẽeg n gãe a pĩirã zugu, la a sã n wa rat n maan wɩtrã, a nẽkda maam
la nabiyaamã, pʋʋsg la tɩlgr be a yĩnga, kemsa yik-yʋng-n-pʋʋsã la rao ne a pag sõng-taaba, hal n mes taab ne koom
yi a Abɩɩ Hʋraεεrat nẽngẽ, Wẽnd yard be a yĩnga, a yeelame:
Wẽnd Tʋtʋʋmã, pʋʋsg la tɩlgr be a yĩnga, yeelame:
Wẽnd na yols rao sẽn yik yʋngo, n pʋʋse, la a nẽk a pagã t'a pʋʋse, t'a sã n tõdge, a mesda a nẽngã ne koom, la Wẽnd na yols paga, sẽn yik yʋng n pʋʋse la a nek a sɩd t'a pʋʋse, a sã n tõdge t'a mesa a nẽngã ne koom
la sẽn be lɩslaam pidbã pʋgẽ la a dĩinã gãdbo, yaa a maneg amengã tɩ gesgã be neere, sẽn na yɩl n lok yɩlgr ning sẽn be pʋgẽ wã la a pekre
pʋʋsg la tɩlgr be a yĩng ra yɩɩme, t'a sũurã yaa sẽn yɩlge t'a yĩngã yaa yɩlemde, t'a yũugã noome, nõng ra-wãbdga la a salg tɩ b maan-a
Pʋʋsg la tɩlgr be a yĩng yeelame:
Sã n pa m sẽn da na n weoog m poorẽ-rãmbã, m rag n na sagl-b ne rao-wãbdga, pʋʋsg wakat fãa
leb n yi a Hʋzayfa nẽngẽ, Wẽnd yard be a yĩnga, a yeelame:
Wẽnd tʋntʋʋma, pʋʋsg la tɩlgr be a yĩnga, a sã n ra yik a gõeemẽ wã, a sẽdgda a noorã ne rao-wãbdga
la yi a Sʋrayh ɭbn Haanɩ nẽngẽ, a yeelame:
M soka a Aaɩsa Wẽnd yard be a yĩnga:
Bõe la nabiyaamã, pʋʋsg la tɩlgr be a yĩnga, ra sɩnged t'a sã n kẽ a zãkẽ wã? T'a yeele, ne rao-wãbdga
Ad yaa yɩlgr sẽn be neer tεkẽ la seglgo, n na n yek f zak-rãmba!
La pʋʋsg la tɩlgr be a yĩnga ra yɩɩme n yetẽ a sẽn wat n kẽed zakẽ:
D kẽe ne Wẽnd Yʋʋre la d yii ne Wẽnd yʋʋre, la d bobla d Soabã, rẽ poorẽ t'a pʋʋs a zakã-rãmbã
La a noog a zakã-rãmb sũuri ne a sẽn na n kẽ n yaa yolgemdã la a sɩng-b ne pʋʋsgã,
la f ra yɩ, m ma-bi taaga, ned ning sẽn tedg wãndɩ ne taalgo la sãbsgo la gom-bi
Wẽnd Tʋntʋʋmã, pʋʋsg la tɩlgr be a yĩnga, wɩsgã
Nabiyaam pεεgdgã, pʋʋsg la tɩlgr be a yĩnga, a poorẽ-rãmbã yel pak-a-lame la a tãpã taoor-rãmba la a zakã-rãmba, la ne Wahɩ wã wakat sãnda la tũudumã wakat ninga, la yel-pakds a taab n be be, ad wãnde yaa tʋʋm-bεda, n tõe n kɩt tɩ rao fãa konge n pa tõog n maan vɩɩmã sẽn ratã fãa ye, la a maan yem-leogg a pʋgẽ,
La pʋʋsg la tɩlgr be a yĩnga, a kõo hakε soab fãa a hakε, a pa maan n kʋʋg hakε nina pʋgẽ hakε a to yĩng ye, maa a maan zĩig ninga n bas zĩig ning ye,
Rẽnd yẽnda, pʋʋsg la tɩlgr be a yĩnga, n lagm ne a zɩɩbã la a tũumã xaooglemã fãa, a tẽrã koamb-baoonegã yelle, bala a ra yɩɩme, pʋʋsg la tɩlgr be a yĩnga, n reem ne koam-bãanego, la a baood b nonlem, la a kẽesd b zũ-noogo, wala a sẽn reem ne kãsemba
yi a Abɩɩ Hʋraεεrat nẽngẽ, Wẽnd yard be a yĩnga, a yeelame:
b yeelame yaa fomm Wẽnd tʋntʋʋmã, ad fo reemda ne tõndo, t'a yeele:
n-yẽe, la mam pa yet tɩ sã n pa sɩd ye
la sẽn le be a reemẽ wã, pʋʋsg la tɩlgr be a yĩnga, yaa bũmb a Anas ɭbn Maaalɩk sẽn togsã:
tɩ nabiyaamã, pʋʋsg la tɩlgr be a yĩnga yeel-a-lame: tʋb a yiibã soabã
leb n yi a Anas nẽngẽ, Wẽnd yard be a yĩnga, a yeelame:
a Ʋmmʋ Salɩɩm ra tara biiga tɩ b boond-a t'a a Abʋʋ Ʋmayr, tɩ nabiyaam, pʋʋsg la tɩlgr be a yĩnga, ra yɩ n reem ne-a t'a sã n wa, t'a kẽ reer a yembr n reem ne-a, n mik t'a sũurã pa noom ye, t'a yeele yaa bõe tɩ m nẽ a Abʋʋ Ʋmayr t'a sũur pa noome? Tɩ b yeele yaa Wẽnd tʋntʋʋma, a lui-bil ningã a sẽn reem ne wã kiime, tɩ nabiyaamã boaand-a n yetẽ: Abaa Ʋmayr, bõe n maan lui-bilã?
la tʋntʋntʋʋmã, pʋʋsg la tɩlgr be a yĩnga, a tara kibae ne kaẽmbã me, a Anas ɭbn Maalɩk, Wẽnd yard be a yĩnga, n yẽsd a yembr n yetẽ:
tɩ weoogẽ neda, a yʋʋrã yaa Zaahɩr ɭbn Haraam,
a yeelame: nabiyaamã, pʋʋsg la tɩlgr be a yĩnga, ra yɩ n nonang-a-lame, la a yaa ra-wẽnga, tɩ nabiyaamã, pʋʋsg la tɩlgr be a yĩnga, wa a nẽngẽ raar a yembre, n koosd a teedo, t'a mobg-a a poorẽ wã, t'a a pa neẽ ye, t'a yeele: bas-ma, yaa andã? T'a wenege n bãng tɩ yaa nabiyaamã, tɩ pa le pak-a a poorã sẽn tabl nabiyaam yãoogã, pʋʋsg la tɩlgr be a yĩnga, a sẽn wa n bãng tɩ yaa yẽ wã, tɩ nabiyaamã be bee n yetẽ: ãnd n na n ra yambã? T'a yeele: Wẽnd tʋntʋʋma! la ne Wẽnde, mam ligdã pa na n yɩ wʋsg ye, tɩ nabiyaam yeele: la Wẽnd nẽngẽ fo yaa toogo
ad yaa zʋg-sõng sẽn yi a zʋg-wagla pʋgẽ, la a zʋg-tũusdɩ wã sẽn yaa zɩsdã, pʋʋsg la tɩlgr be a yĩnga
la sẽn lagm ne nabiyaama reemã ne a zakã-rãmbã la a nebã, ne rẽ fãa, ad a laadã tara toaaga, fo pa yãt-a tɩ sã n pa no-yõgenga, a Aaɩɩsa yeelame, Wẽnd yard be a yĩnga:
Mam pa tʋll n yã Wẽnd tʋntʋʋma, t'a laadẽ hal tɩ yã a ragsẽrakã, la ad a ra yõgõmdame
La sẽn lagm ne a nẽ-yõgeng-kãngã fãa, la a vɩɩm-n-ta noogã, a gãnemda a nẽngã, pʋʋsg la tɩlgr be a yĩnga, tɩ b sã n maan Wẽnd sẽn gɩdgã
A Aaɩsa Wẽnd yard be a yĩng yeelame:
Wẽnd tʋntʋʋm, pʋʋsg la tɩlgr be a yĩnga, yiii sor n wa, n mik tɩ mam leo fu-roogo foto-rãmb sẽn be be, Wẽnd tʋntʋʋm, pʋʋsg la tɩlgr be a yĩnga, sẽn yã-a wã, a pãrs-a-lame, t'a nẽngã toeeme, t'a yeele:
Aaɩsa, nebã sẽn yɩɩd ne namsg Wẽnd nẽngẽ, Al-kɩyaoom raare, yaa sẽn togsd-b Wẽnd naanegã
Tɩ wã wĩnigdẽ, tɩ fot-rãmb ning zakẽ yaa haraam, tɩ sã n vẽnegame, la haraam sẽn tʋg n yɩɩda, yaa foto-rãmb nins sẽn tab lalsẽ wã, maa sẽn pees n roglg zeng-taadẽ wã la taabl-rãmbẽ wã, bala rẽndã sẽn lagem ne zunuub ning sẽn be be wã, b mongda zakã -rãmba n yolsg malεk-rãmb kõom zak-kãngã pʋgẽ
Nabiyaamã gõeem, pʋʋsg la tɩlgr be a yĩnga:
Yi a Ʋbʋy nẽngẽ, Wẽnd yard be a yĩnga, tɩ Wẽnd tʋntʋʋma, pʋʋsg la tɩlgr be a yĩng yeelame:
Yãmb yemb kãm fãa sã nwa kɩll a gãagẽ, b'a gãd a fuugã noore n pĩmsa gãagã la a yeel tɩ bɩslmɩllaah, bala a pa bũmb ning sẽn ledg-a a gãagẽ wã ye, a sã n rat n gãande, b'a gãand a rɩtg wẽengẽ, la a yeel: yɩlgem be ne Foom, m Soab a Wẽnde, rɩgla m kɩrengã ne Fo tõogã, m na n le zẽk-a-la ne Foom, F sãn reeg m yõorã, bɩ F yaaf-a, F sã n bas-a, bɩ F gũ-a ne bũmb ning Fo sẽn gũud F yemb-sõmbsã
la sẽn ra be a saglsã pʋgẽ, pʋʋsg la tɩlgr be a yĩnga, ne lɩslaam fãa la lɩslaam poak fãa:
fo sã n wa fo gãagẽ wã, bɩ f yoge wa f na n pʋʋsame, rẽ poorẽ tɩ f gãand f rɩtg wẽengẽ
Leb n yi a Aaɩsa nẽngẽ, a yeelame:
Wẽnd tʋntʋʋm, pʋʋsg la tɩlgr be a yĩnga, ra yɩɩme, t'a sã n kẽng a gãangẽ wã yʋng fãa, a tikda a nus a yiibã n fuus a pʋgã n karem a pʋgẽ, Kʋl Hʋwa Allah, la Kʋl Aʋʋz Bɩ rabbɩl falk la Kʋl Aʋʋz Bɩrabbɩnnaas, rẽ poorẽ t'a saag a yĩngã ne b yiibã a sẽn tõe tεka, a sɩngda a zugã ne a nẽngã la a yĩngã sẽn ketã, a maanda rẽ naoor a tãabo
yi a Anas ɭbn Maalɩk nẽngẽ, tɩ Wẽnd tʋntʋʋmã, pʋʋsg la tɩlgr be a yĩnga, a ra yɩɩme t'a sã n kẽng a gãagẽ wã, ayetame:
Pẽgr be ne Wẽnde, Sẽn rɩlga tõndã la a yũnug tõndã la A sek tõndã la a sool tõndã, la sõor waooga sẽn pa tara sεkda la lebeng zĩiga
Leb n yi a Abɩɩ Kataada nẽngẽ:
tɩ nabiyaamã, pʋʋsg la tɩlgr be a yĩnga, a ra yɩɩme t'a sã n gãand yʋngo, a kɩllda a rɩtg wẽengẽ, la a sãand tõd-beoongã, a tĩida a kangã n rogl a zugã a tallã zugu
la sẽn lagem ne Wẽnd neemã wã A sẽn sik-a tõnd zugã, tags n gese, m ma-bi-noangã, tʋntʋʋmbã zu-soab gãagã sẽn yaa nabiyaam-rãmbã pidsdã, bõn-naandsã fãa sõmblem sẽn yɩɩdã wã, naoor sẽn tag tẽngã sõmblem sẽn yɩɩd a soaba
Yi a Aɩɩsã nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩnga, a pĩ-gãagã ra yaa gaong sẽn tõg ne tamar tɩ-vãto
la soahaabsã saar n kẽ a nẽngẽ, t'a a Ʋmar me kẽ, tɩ Wẽnd tʋntʋʋma, pʋʋsg la tɩlgr be a yĩnga, vɩlɩge t'a a Ʋmar pa yã fuugu gãagã zug ye, n mik tɩ gãagã buga a lʋgrã, t'a a Ʋmar kelme, tɩ nabiyaamã yeel-a, pʋʋsg la tɩlgr be a yĩnga, bõe n kũms foom Ʋmar? T'a yeele, yaa mam sẽn mi tɩ fo tara waoor Wẽnd nẽngẽ, A Naam yɩ wagell n zẽke, yɩɩda Kɩsraa la Kaysar tɩ bãmb n yiibã yaool n reem ne dunĩ wã ne qbũmb ning b sẽn reem ne wã, tɩ foom Wẽnd tʋntʋʋma, be zĩig ning mama sẽn nẽ wã! Tɩ nabiyaamã yeele, pʋʋsg la tɩlgr be a yĩnga, fo pa yard tɩ bãmb tall dũni wã, tɩ tõnd tall laahrã? T'a a Ʋmar yeele, õo, t'a yeele: rẽnd yaa woto
Yʋng-yik-n-pʋʋse
Madiin yʋngã toglame, t'a zĩigã sobge, la tʋntʋʋmã, pʋʋsg la tɩlgr be a yĩnga, toola a kɩremsã ne pʋʋsgo la Wẽnd Yʋʋr tẽegre la a yãsa yʋngã pʋgẽ n pʋʋsdẽ la a sõsd ne saasã la tẽngã Naaba, la a kot Ned Ning yεlã sẽn be a Soab Nugẽ wã, rẽ fãa yaa a Naandã salg tũubu:
yaa foom b sẽn pĩ a soaba ne futu
Yik yʋngã sã n pa kɩdg bala
a pʋsʋkã maa f boog bilfu
maa f paas a zugu la f karem Alkʋraanã ne tũnugri
yi a Abɩɩ Hʋraεεrat nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩng ra yɩɩme n yikd n pʋʋsdẽ hal t'a nao a yiibã wa fʋʋse, tɩ yet-a: yaa foom Wẽnd tʋntʋʋmã, fo maanda woto, tɩ Wẽnd yaool n yaafa fo zunuubã sẽn reng taoore la sẽn yaoole? T'a yeele: rẽ yĩngã m kõ n yɩ yamb sẽn pʋʋsd Wẽnde?
la yi a Al-aswad ɭbn Yasɩd nẽngẽ, a yeelame:
m soka a Aaɩsa, Wẽnd yard be a yĩnga, tʋntʋʋmã, pʋʋsg la tɩlgr be a yĩng yʋngã pʋʋsgo, t'a yeele:
a ra gõee yʋngã sɩngre n yaool n wa yik n pʋʋs, rẽ poorẽ a sã n tar tʋlsem ne a Zak-rãmba a bʋʋgd-a-lame, t'a a sã n wʋm laandãanã la a sẽn tikd n yiki, sã n mik t'a tara Gεnaabo a soodame, sã n pa rẽ, a yõgdame n yi n kẽng pʋʋsgẽ wã
la tʋntʋʋmã, pʋʋsg la tɩlgr be a yĩnga, yʋngã pʋʋsgã, yel-solem be a pʋgẽ sẽn kɩtɩd tɩ tõnd tags n gese a woglemã, n rɩk-a tɩ yaa tikri la togs-n-taare
Yi a Abɩɩ Abdɩllaah Hʋzayfa ɭbn Alyanaan, Wẽnd yard be b yiibã yĩnga, a yeelame:
mam pʋʋsa ne nabiyaamã, pʋʋsg la tɩlgr be a yĩnga, yʋng a ye, t'a a sɩng Albakara, tɩ mam tẽ: t'a na n zõonda koabg zĩigẽ, t'a sãage, tɩ mam yeele: a na n pʋʋsa ne sʋʋrã wã Rakaar a yembre, t'a sãage n tɩ pak Aalʋ ɭmraan, tɩ mam yet t'a na n zõonda ne yẽndã, rẽ poorẽ t'a pak Annisaa-ʋ n karm-a, a karemda bʋg-bʋge; a sã n pɩʋʋg Aayar tɩ sʋbhaanallaah be be, a maanda sʋbhaanallaah; a sã n pɩʋʋg kosgo, a kotame; a sã n pɩʋʋg gũudum kosgo, a kota gũudum; qrẽ poorẽ t'a sulgi n yetẽ: Sʋbhaana Rabɩy Al-Azɩɩm; t'a a zõondegã yaa wala a yãnesgã; rẽ poorẽ t'a yeele: Samɩ-Allaahʋ lɩman hamɩdahʋ, Rabbanaa laka Alhamdʋ, rẽ poorẽ t'a yãnes n wogle tɩ kolg wa a sẽn zõondã, rẽ poorẽ t'a maan Suguudu n yeele: Sʋbhaana Rabɩya Al-Aalaa, t'a Suguudã kolg wa a yãnesgã
fagirã poorẽ
Madĩin yʋngã yõgneg poorẽ n lagm ne fagirã pukri, fagirã sẽn pʋʋs ne zãma miisrẽ wã poorẽ, pʋʋsg la tɩlgr be a yĩng rã yɩɩme n zĩndid fagirã pʋʋsg poorẽ, n yõkdẽ hal tɩ wĩntoogã tɩ puki, rẽ poorẽ t'a pʋʋs rakaar a yiibu,
yi a Gεεbr ɭbn Sʋmra, Wẽnd yard be a yĩnga:
tɩ nabiyaamã, pʋʋsg la tɩlgr be a yĩng ra yɩɩme t'a sã n pʋʋs fagirã, a zĩndida a pʋʋsgã zĩigẽ, hal tɩ wẽntoogã wa puk sõma
la nabiyaamã, pʋʋsg la tɩlgr be a yĩnga sũgsa wʋsgo tɩ b qmaan sũnn-kãngã sẽn yaa bedrã, la a togs keoor la yel-sõmbd sẽn be a pʋgẽ
yi a Anas nẽngẽ, Wẽnd yard be a yĩnga, a yeelame:
tɩ pʋʋsg la tɩlgr be a yĩnga yeelame:
ned ning sẽn pʋʋsa fagiorã ne zãma, rẽ poorẽ t'a zĩnd n tẽegd Wẽnd yʋʋrã, hal tɩ wĩndigã tɩ puki, rẽ poorẽ t'a pʋʋs rakaar a yiibu, a keoor yaa wala hagiimdu la Ʋmra sẽn pidi, sẽn pidi, sẽn pidi
Dʋhaa pʋʋsgo
wĩnto-sʋk taame tɩ wĩndga tʋʋlmã kenge, tɩ wĩnto-namsã wẽed nẽmsã, ad yaa Dʋhaa wakato, tʋʋmã la gõ-n-manes yεlã sasa,
la sẽn lagm ne tʋntʋʋmdemã zɩɩbã fãa la sãambã segbã, la soahaabsã karengã la zakã-rãmb hakε wã, sɩd la hakɩɩka, pʋʋsg la tɩlgr be a yĩng ra yɩɩme n tũud a Soabã, A Naam yɩ wagell n zẽke
a Mʋ-aaza yeelame: m soka a Aaɩsa Wẽnd yard be a yĩnga:
nabiyaamã, pʋʋsg la tɩlgr be a yĩng ra pʋʋsda Dʋhaa bɩɩ? T'a yeele, n-yẽe, rakaar a naase la a paasd Wẽnd sẽn kõ-a tεka
la pʋʋsg la tɩlgr be a yĩnga saglame tɩ b maan-a, yi a Abɩɩ Hʋrayrat nẽngẽ, Wẽnd yard be a yĩnga, a yeelame:
mam noangã, pʋʋsg la tɩlgr be a yĩnga sagla maam, tɩ m loe rasm a tãab kiuug fãa, la sõor rakaar a yiibu, la m maan wɩtrã la m yaool n gãande
naafɩl-rãmb pʋʋsgo zakẽ
zak-kãngã sẽn pid ne lɩɩmaoongã, n pid ne tũudumã la zɩkrã, nabiyaamã, pʋʋsg la tɩlgr be a yĩnga sagendame tɩ tõnd zagsã me tall woto,
Tɩ nabiyaamã yeele, pʋʋsg la tɩlgr be a yĩnga:
ning-y pʋʋsgo y zaksẽn wã, la y ra bas-b tɩ yaa yaad ye
a ɭbn Alkayyɩm, Wẽnd na yols-a, a yeelame:
a ra yɩɩme, pʋʋsg la tɩlgr be a yĩnga, n pʋʋsd sũnn-rãmbã wʋsg fãa, la yam-yãkr pʋʋs-rãmb nins sẽn pa tar sababo, a zakẽ wã, sẽn tʋg n yɩɩda, Magribã wakat sunnã, b pa togs sẽn yi a nẽngẽ lae, t'a maan-a la miisrẽ ye,
la naafɩl-rãmbã pʋʋs zakẽ wã tara naf-rãmba, sẽn be b pʋgẽ:
yaa nabiyaamã, pʋʋsg la tɩlgr be a yĩnga sunnã pʋgbo,
la pagbã ne koambã wĩnigri, pʋʋsgã yalẽ,
la Sʋytãambã rig n yiisã, Wẽnd Yʋʋrã tẽegre la karengã sababo, yẽ n leb n pẽ ne pʋ-peelem la zãr ne maan-tɩ-b-yã
nabiyaamã yãbrã, pʋʋsg la tɩlgr be a yĩnga:
raop la pagb wʋsg kũmdame, la kũnkũmã yɩta a wãn-wãnã la ãnda yĩng la d kũmdã?!
tõnd nabiyaamã, pʋʋsg la tɩlgr be a yĩnga, a ra kũmdame, n lagm ne dũni wã sẽn be a nugẽ wã, t'a sã n rata, tɩ arzãnã be a taoorã, tɩ yẽ be a zĩ-zẽkdsẽ wã,
yaa sɩda, pʋʋsg la tɩlgr be a yĩng ra yɩɩme n kũmdẽ, la ad yaa Wẽnd tũudb kũnkũma,
a ra kũmdame t'a sã n sõsd ne a Soabã, la a sẽn wat n kelg Alkʋraanã, la rẽ pa yɩ, rẽnda sũurã sẽn bʋgsã la sẽn solgã sẽn be neerã, la Wẽnd zɩslemã minim, A Naam yɩ wagell n zẽke, la A yaεεsgo, A Naam yɩlg yã
yi a Mutrɩf nẽngẽ -la yẽ la a ɭbn Abdʋllaah, ɭbn Assahɩɩr- sẽn yi a ba wã nẽngẽ, t'a yeelame:
m wa Wẽnd tʋntʋʋm, pʋʋsg la tɩlgr be a yĩng nẽngẽ, t'a pʋʋsdẽ, t'a yãoogã vũud wala rʋk sẽn kotã, kũnkũmã keelem
le yi a Abdʋllaah ɭbn Mas'ʋʋd, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩng yeela maam, karem tɩ m kelge, tɩ mam yeele: yaa foom Wẽnd tʋntʋʋmã, m karem tɩ fo kelge tɩ yaool n yaa fo zug la a sig yã? T'a yeele: m noang n kelg-a-lame ned a to nẽngẽ, tɩ mam karem Sʋʋrat Annisaa-ʋ hal n tɩ ta: tɩ Tõnd wa ne foom tɩ f maan kaset bãmbã zugu. A yeelame: tɩ mam yã tʋntʋʋm nin a yiibã yordẽ
pa woto ye, tags n ges zoob-pεεl sẽn pugdi nabiyaamã zugẽ la sẽn rat n ta zoob-pεεl piig la a nĩi a toεεng-zɩsgẽ wã, maag f meng n kelge, tɩ f na wʋm sẽn yi a zelem-zɩsgẽ wã, zoob-pεεl-kãeesã sababo:
a Abʋʋbakar, Wẽnd yard be a yinga, a yelame:
Yaa foom Wẽnd tʋntʋʋmã, fo pelgame! T'a yeele, pʋʋsg la tɩlgr be a yĩnga:
yaa Hʋʋd ne waakɩ-a la Mʋrsalaat, la Amma Yata Saa-alʋʋn, la ɭza Assamsʋ kʋwwɩrat n pelg maam
A gãneg-n-mengã, pʋʋsg la tɩlgr be a yĩnga:
pʋʋsg la tɩlgr be a yĩng ra yɩɩme n yɩɩd nebã fãa ne zʋgd neerem, la a Alkadr pidbu, bala a zʋgd yaa Alkʋraan, wala a Aaɩsa, Wẽnd yard be a yĩng sẽn yeelã:
a zʋgdã ra yɩɩme n yaa AlKʋraana,
sɩd la hakɩɩka pʋʋsg la tɩlgr be a yĩng yeelame:
ad b tʋmsa maam tɩ m pids zʋg-waglã
la sẽn yi a gãneg-m-mengẽ wã, pʋʋsg la tɩlgr be a yĩnga: yaa a sẽn pa nong pẽgrã la kilsgã
yi a Ʋmar ɭbn Hataab, Wẽnd yard be a yĩnga, a yeelame:
Wẽnd Tʋtʋʋmã, pʋʋsg la tɩlgr be a yĩnga, yeelame:
ra kils-y maam, wala nasaar-rãmbã sẽn kils a Maryam biig a Iisa wã ye, ad mam yaa yamba, bɩ y yeel-y tʋ Wẽnd yamba la A tʋntʋʋma
leb n yi a Anas nẽngẽ, Wẽnd yard be a yĩnga:
ad neb n yeele:
yaa Wẽnd tʋntʋʋmã, yaa tõnd sõmblem sẽn yɩɩdã, la d sõmblem sẽn yɩɩd a soab biiga, la d zu-soaba, la d zu-soab biiga, t'a yeele:
yaa yãmb a neba! Yeel-y y gomb ningã, la a Sʋytãan ra belg-y ye, mam yaa Mohammad, Wẽnd yamba la A tʋntʋʋma, mam pa nong tɩ y zẽk maam n yɩɩg zĩig ning Wẽnd sẽn zẽk maamã ye, A Naam yɩ wagall n zẽke
la neb sãnda kilsda nabiyaamã, pʋʋsg la tɩlgr be a yĩnga, kilsg tεkẽ, n tẽed t'a mi sẽn solge, maa namsg ne nafa bee a nugẽ, la a manesd yεlã, la a kõt bãad-rãmb laafɩ,
la Wẽnd Naam yɩ wagell n zẽke, A kɩɩsa wã fãa, n yeele, A Naam zẽk yã:
yeel tɩ mam pa tar m meng yĩnga, nafa maa namsg ye, sã n pa Wẽnd sẽn rat bũmb ningã ye, la m da n ra mi sẽn solge, m na n wʋsg sõma maanego, wẽng kõ n paam-ma
la nabiyaam-kãngã b sẽn tʋmsã tẽng-gãngã sẽn tuke tɩ saagã be a yĩngr sõmblem sẽn yɩɩda, wakat fãã a bee sulgr pʋgẽ la lebgre n tʋg a Soabã nẽngẽ. A pa noang waoog-n-meng ye, ad yaa yẽ la gãneg-m-meng-rãmbã taoor soaba, la faag-m-meng-rãmbã ne b Soabã zu-soaba
yi a Anas nẽngẽ, Wẽnd yard be a yĩnga, a yeelame:
nẽd ra pa yɩ tɩ b noang-a n yɩɩd Wẽnd tʋntʋʋm ye, pʋʋsg la tɩlgr be a yĩnga, a yeelame: la b yɩɩme tɩ b sã n yã-a b pa yikd ye, b sẽn mi t'a kisa rẽ wã
la f lob f nifri n ges zãmã wã nabiyaamã, pʋʋsg la tɩlgr be a yĩnga, gãneg-n-meng sẽn yaa yel-solemd pʋgẽ, la zug-sõng taab sẽn paoode, t'a gãnegd a menga ne paga sẽn yaa nin-bãan neda, la a kõt-a a wakatã sẽn pid ne tʋʋmã
yi a Anas nẽngẽ, Wẽnd yard be a yĩnga, a yeelame:
Tɩ ad pag n wa nabiyaamã nẽngẽ, pʋʋsg la tɩlgr be a yĩnga, n yeele-a: mam tara tʋlsem ne foom, t'a yeele, zĩnd Madĩin zĩig ning fo sẽn rate, tɩ m na n zĩnda ne-fo
a kẽnda ne pẽgr sẽn be neere
t'a rʋʋd ne-a pugb zĩ-zẽkdɩ zĩisẽ
la a pidsgã yũ-noogã sã n fudg wεεn-vɩʋʋsẽ wã
Kũnkubr la long fãa lebgda yũ-noogo
la tɩlgr be a yĩnga ra yɩɩme n yaa gãneg-m-mengã rãmb taoor soaba,
Yi a Abɩɩ Hʋrayrat nẽngẽ, Wẽnd yard be a yĩnga, tɩ Wẽnd tʋntʋʋma, pʋʋsg la tɩlgr be a yĩng yeelame:
b sã n bool maam n tʋg baokẽ, maa kargẽ, m na kẽnge, loa tɩ b sã n kõ maam baoko maa karga, m na reege
la waoog-n-mengã-rãmba zãmaan la wakat fãa pʋgẽ, tʋntʋʋmã, pʋʋsg la tɩlgr be a yĩng goamã, na n kell n yaa gɩdre la tusbu ne b waoog-n-mengã la b zẽk-n-mengã
Yi a Abdʋllaah ɭbn Mas-Ʋʋd nẽngẽ, Wẽnd yard be a yĩnga, yii nabiyaamã nẽngẽ, pʋʋsg la tɩlgr be a yĩnga, a yeelame:
Pa kẽed Arzãna, waoog-n-meng baa bilf sẽn be a soab sũuri
Waoog-n-meng yaa sor sẽn tʋgd bugmẽ, -la Wẽnd na maan-d gũudum- ba t'a sẽn paood toto, la tags n ges waoog-n-meng soaba sẽn kẽnd n pãeesdẽ namsgã, Wẽnd sẽn gẽ-a toto, A Nam yɩ wagell n zẽke, la a sik A gẽegã a zugu, la A nang-zabdgã
Yi a Abɩɩ Hʋrayrat nẽngẽ, Wẽnd yard be a yĩnga, tɩ Wẽnd tʋntʋʋma, pʋʋsg la tɩlgr be a yĩng yeelame:
rao n da kẽnd a koab pʋga, n maan a mengã yel-solemde, n sãas a zugu, n pãeesd a kẽnẽ wã; la Wẽnd sẽn bõr-a, t'a be nẽngã pʋgẽ kogendẽ n na n tɩ tãag alkɩyaym rare
A sogendã, pʋʋsg la tɩlgr be a yĩnga
sõgn-kãngã sẽn yaa miskɩɩnã n yaa valengã, tʋntʋʋmã sik-a la zĩig ning sẽn tog ne-a, a dĩinã la a Wẽnd-zoεεgã yĩnga, pa a tʋʋmdã la a valengã ye
pʋʋsg la tɩlbr be a yĩng yeelame, sẽn kẽed ne sõgn-dãmbã la tʋʋmã koambã:
b yaa yãmb ma-biisi, Wẽnd ning-b la yãmb nusẽ, b'y rɩlg-ba yãmb sẽn rɩt bũmb ningã, la y yeelg-ba yãmb sẽn yer-a, la y ra rogl-ba, b sẽn pa tõe ye; la y sã n rolg-ba b'y sõng-ba
la kelg sõgna sẽn togsd goam sẽn yaa yel-solemde, a zu-soabã zugu, la kaset sẽn yaa sõma la pẽgr sẽn be neere,
la rẽ yĩnga fo ne yã sõgn sẽn pẽgd a zu-soabã wala tʋntʋʋmã, pʋʋsg la tɩlgr be a yĩng sõgnã sẽn yeelã
yi a Anas nẽngẽ, Wẽnd yard be a yĩnga, a yeelame:
m sõgna Wẽnd tʋntʋʋmã, pʋʋsg la tɩlgr be a yĩnga, yʋʋm piiga, la a pa tol n yeel maam tɩ "kãe" ye, la a pa yeel maam bũmb ba a yembr mam sẽn maane "yaa bõe tɩ fo maan-a?" pa bũmb me mam sẽn base "bõe tɩ fo bas-a?"
yʋʋm piig tõre, pa rasm-rãmba maa kiuus ye, ad yaa rasm woko, sũ-noog ne sũ-sãang, la yard la gẽega, la talm la rakãaglem, la sẽn lagm ne rẽ fãa, a pa tãs-a ye, pʋʋsg la tɩlgr be a yĩnga, la ad a kõt-a la keoore la a noogd a sõgnã sũuri la a maand a tʋlsem la a zak-rãmb tɩlsem la a kot Wẽnd b yĩnga
a Anas yeelame, Wẽnd yard be a yĩnga:
mam ma wã yeelame: yaa Wẽnd tʋntʋʋmã, fo sõgnã, kos Wẽnd a yĩnga, t'a yeele: m Soab a Wẽnde, Wʋsg a ligdã la a koambã, la F bark bũmb ning F sẽn kõ-a wã
la sẽn lagm ne a raoodã, pʋʋsg la tɩlgr be a yĩnga, a pa yaamd neda, a pa pãbe, sã n pa sɩd pʋgẽ, a pa weoog nin-valemsã ye, sẽn be a nugẽ wã ye, sẽn yaa paga la sõgna
Yi a Aaɩsã nẽngẽ, Wẽnd yard be a yĩnga, a yeelame:
Wẽnd tʋntʋʋma, pʋʋsg la tɩlgr be a yĩnga, a pa wẽ bũmb ne a nugã lae, sã n pa Gɩhaadɩ zabre Wẽnd Sorã pʋgẽ, a pa wẽ sõgna, pa paga
ad Muumin-dãmbã ma, Wẽnd yard be a yĩnga, sẽn yɩlemd kaset maanego, ne bõn-naandsã sẽn yɩɩdã sõmblemã, la nebã gill nin-yɩlengã, la sɩd la hakɩɩka, ,kẽnkẽndb wʋsga goam ne a zʋgdã sõmblemã la a vɩɩm-n-taarã noomã hal tɩ kʋrays-rãmb maan-a kaset ne rẽ
A yetame, Wẽnd yard be a yĩnga:
mam pa yã Wẽnd tʋntʋʋma, pʋʋsg la tɩlgr be a yĩnga, t'a baood bʋʋm ne wẽgb b sẽn wẽg-a, tɩ b sã n pa pãr Wẽnd todsã, A Naam yɩ wagell n zẽke, la b sã n zʋʋg Wẽnd todsã baa yaa bilfu, a gẽegã keelem yɩɩda b fãa, la b pa tũus-a yel a yiib sʋka, rẽnda a yãk nana sẽn yɩɩda, tɩ zunuub sã n ka be
la pʋʋsg la tɩlgr be a yĩng ra yɩɩme, n moondẽ, tɩ b yolse la b maag b menga, a yeelame, pʋʋsg la tɩlgr be a yĩnga:
ad Wẽnd yaa yol-yole, n noang yolsgo yel fãa pʋgẽ
kũuni la sãana
ninsaalbã vɩɩmã pʋgẽ, sũ-bʋkr tʋslsem n be be, la yõ-tõkr yεla, tɩ tʋlsem be ne a wakat fãaa, nibuiidã pʋgẽ, la zagsã, la sẽn be yel nins sẽn pẽnegd sõyã ne taaba la saasd beemã: yaa kũuni,
Yii a Aaɩsa nẽngẽ, Wẽnd yard be a yĩnga:
tɩ nabiyaamã, pʋʋsg la tɩlgr be a yĩnga, ra reegda kũuni la a pẽgd-a
la kũun-kãngã la barkã pʋʋsgo, wĩnigda yõyã tɩrlem la sũyã yɩlemde
la kũunã zʋgdo yaa nabiyaam-dãmbã zʋgdo la tʋntʋʋmbã nao-kẽndre, la tõnd tʋntʋʋmã, pʋʋsg la tɩlgr be a yĩnga, tara põsbo rẽ pʋgẽ
pa yẽ n yeel tɩ:
ned ning sẽn kõ a sɩd ne Wẽnde la loaahr raarã, bɩ a waoog a sãana, a rogl-m-mengã yaa raar a yembre, la sãandã yaa rasm a tãabo, la rẽ poorẽ, lebga doaaga, la pa sõmb ne a t'a kaoos a nẽngẽ, n wa namsd-a ye
la m wẽend ne Wẽnde, tɩ tẽngã pa yã, a lond me pa yã, higεεz la laarab tẽng-rãmb pa yã, baa wĩdig sẽn pikgẽ la a sẽn lʋɩtẽ rãmb pa yã zʋgd sẽn yɩɩd tɩrlem la sɩf sẽn yɩɩd waoore, n yɩɩd a ye, pʋʋsg la tɩlgr be a yĩnga
ning f nin a yiibã kɩrʋ -yaa foom a karemdã- tɩ f na yã alhaale sẽn yi a yãnes-bεdẽ wã, pʋʋsg la tɩlgr be a yĩnga
yi a Sahl ɭbn Sa-ad, Wẽnd yard be a yĩnga:
tɩ pag n wa Wẽnd tʋntʋʋm nẽngẽ, ne fuug sẽn wʋge, n yeele:
m wʋg-a-lame ne m nugã, n na n yeelg-a foom, tɩ nabiyaamã reeg-a, pʋʋsg la tɩlgr be a yĩnga, t'a yaa sẽn tar tʋlsem ne a, t'a yi n wa tõnd nẽngẽ, tɩ yaa yẽ la a fu-sẽka, t'a zagl yeel-a: sẽgng-a maam, ad a yaa n neerẽ! T'a yeele: n-yẽe. Tɩ nabiyaamã, pʋʋsg la tɩlgr be a yĩng zĩnd zĩigẽ wã, rẽ poorẽ t'a kẽ n kʋ-a, rẽ poorẽ t'a tʋm tɩ b tɩ kõ-a, tɩ nebã yel-a: f pa maan neer ye, nabiyaamã, pʋʋsg la tɩlgr be a yĩnga, yeelg-a-lame n rat-a, tɩ fo kot-a la fo mit t'a pa tõgdg kũun ye, t'a yeele, ne Wẽnde mam pa kos-a n na n yeelg-a ye, la ad mam kos-a-lame, tɩ na n yɩ m kãsẽnga: a Sahl yeelame: yẽ n yɩ a kãsẽnga
ra maan yel-solemd ne Wẽnd sẽn tũus a soaba zʋgd ye, la A wub-a A gũudum pʋgẽ, la A maan-a t'a yaa tikri,
Wẽnd tʋntʋʋma, pʋʋsg la tɩlgr be a yĩnga, a kõta bilgr sẽn yɩɩd sõmblem, kũun pʋgẽ,
yi a Hakɩɩm ɭbn Hɩzaam, Wẽnd yard be a yĩnga, a yeelame:
m kosa Wẽnd tʋntʋʋma, pʋʋsg la tɩlgr be a yĩnga, t'a kõ maam, tɩ mam le kos-a t'a kõ maam, tɩ m le kos-a t'a kõ maam, rẽ poorẽ t'a yele:
Hakɩɩm! Ad ligdã bʋgsame n noomẽ, ned ning sẽn reeg-a sẽn tũ ne yam-leoogo, b maanda bark a pʋgẽ, la sẽn reeg-a yã-beedo, b pa ningd-a bark ye, a yɩta wa ned ninga sẽn rɩta la a pa tɩgda, la ad nug ning sẽn be a yĩngrã sõmblem n yɩɩd tẽngr nugã
La yɩyɩɩndã togs sɩda:
la dĩinã pidb bee ne a, sẽn yaa yel-pakr sẽn yɩɩd zẽkrã
n zẽkdẽ, n rʋʋda, n yɩɩd neb na mak-a ne ned a to
a sẽn wa n toos bõn-naandsã, a nags-a-lame
t'a zẽk ne a, n mik tɩ yaa yẽ bal la zu-zɩsd a yiibã
Tɩ mik tɩ te-tãoosdɩ wã fãa bee we-bõang pʋgẽ
la m mik nebã fãa nin-yεng pʋgẽ
yi a Gεεbr nẽngẽ, Wẽnd yard be a yĩnga, a yeelame:
b pa kos nabiyaamã, pʋʋsg la tɩlgr be a yĩnga, bũmb baa kɩdga t'a yet tɩ: "õ-õ "
la sẽn lagm ne a nugã kũuni la a kiig-kãngã, d mikdame t'a kũunã pa tar to kũun pʋgẽ la yõor noom la vɩɩms-n-taar sõmblem, la nõnglem sɩd-sɩda
a ra yɩ n minmame n yõgemd a noore ne sẽn zĩnda ne a fãa, hal t'a a soaba tẽed ne yẽnda la a noang n yɩɩd a soahaabsã pʋgẽ
yi a Gεrɩɩr ɭbn Abdʋllaah nẽngẽ, Wẽnd yard be a yĩnga, a yeelame:
Wẽnd tʋntʋʋma, pʋʋsg la tɩlgr be a yĩnga, pa tol n bas maam yɩnga, a pa yã maam mam sẽn tuubã tεka, rẽndame t'a yõgma noore
la sekre la tags-n-gesga taa tεk ne foom sẽn maana kaset sɩfg pʋgẽ
la yi a Abdʋllaah ɭbn Alhaarɩs nẽngẽ, Wẽnd yard be a yĩnga, a yeelame:
mam pa yã ned no-yõgeng sẽn yɩɩd Wẽnd tʋntʋʋm ye, pʋʋsg la tɩlgr be a yĩnga
yaa bõe tɩ fo maan yel-solemde, m ned sõngo, tɩ yẽnda n yeele, pʋʋsg la tɩlgr be a yĩnga:
la fo no-yõgengã ne f ma-biiga tara yel-sõmde
la sã n yaa Wẽnd tʋntʋʋm, pʋʋsg la tɩlgr be a yĩng sõngã, sɩd la hakɩɩka a sɩfa Wẽnd tʋnʋʋma, pʋʋsg la tɩlgr be a yĩnga, ne sɩf-rãmb sẽn bedme, paood fo sẽn na n yã sãnda ned nẽngẽ, maa b tik neb pʋgẽ,
Wẽnd tʋntʋʋma, pʋʋsg la tɩlgr be a yĩng ra yɩɩme, n yɩɩd nebã ne bʋgsem, soakd pa toll n soak-a, rẽndame t'a kɩll n kelg-a, Wẽnd tʋntʋʋm, pʋʋsg la tɩlgr be a yĩng pa loogde, hal tɩ soakdã wa looge, la ned pa gãd a nugã, rẽndame t'a a kõ-a a nugã, a pa zẽkd a nugã, pʋʋsg la tɩlgr be a yĩnga, rẽndame tɩ nedã n wa n yãk a nugã
la sẽn lagm ne a a sẽn waoogd a sãanã la a lomsd ne a wã, a ra yɩɩme me n yaa nin-bãanzoεta ne a boorẽ-rãmbã, rẽ n kɩt t'a gɩdgd sẽn kisi, a pa sakd-a
Yi a ɭbn Abas nẽngẽ, Wẽnd yard be b yiibã yĩnga,
tɩ Wẽnd tʋntʋʋma, pʋʋsg la tɩlgr be a yĩnga, yẽe sãnem-nug-binga raw a ye nugẽ, t'a foog-a n lobge, la a yeele: yãmb yemb kãm fãa kẽngdame n tɩ rɩk bug-saalle n ning a nugẽ
koam-bãanegã yolsgo
sũ-kegemsã-rãmba pa mi yolsg ye, nin-bãan-zoεεg pa tar zĩig b sũy wã ye, b yaa wa pĩisi, n yaa kegms kũuniẽ la reegrẽ, n tar beedo ne nedẽngo, la sã n yaa ned ning Wẽnd sẽn kõ-a sũur sẽn bʋgsa la nin-bãan-zoεεga, rẽnd yẽ soab la sũur sẽn pa tar to soaba, yolsg la nin-bãan-zoεεg sẽn lud-a wã
yi a Anas nẽngẽ, Wẽnd yard be a yĩnga:
tɩ nabiyaamã, pʋʋsg la tɩlgr be a yĩnga, rɩka a biigã a ɭbraahɩɩm, n mok-a la a yõbs-a
la yols-kãngã pa welg ne a rog-pẽtbã bal ye, la gũbga lɩslaambã koamb fãa,
a Asmaa Bɩntʋ Ʋmays, a Gεεfar pagã, Wẽnd yard be a yĩnga, a yeelame:
Wẽnd tʋntʋʋm kẽe mam nẽngẽ, n bool a Gεεfar koambã, tɩ mam yã-a t'a yõbsd-ba, t'a nin a yiibã kiigi, tɩ mam yeele: yaa Wẽnd tʋntʋʋma! Fo wʋma bũmb a Gεεfar zug laa? T'a yeel tɩ n-yẽe, b kʋ-a la rũnda. Tɩ tõnd yik n kũmdẽ, t'a lebg n tʋg n yeele: maan-y rɩɩbo n tʋg n kõ a Gεεfar zakã-rãmba, tɩ ad b paama soagla
la a nin a yiibã sẽn wa n kiigdẽ wã, pʋʋsg la tɩlgr be a yĩnga, b qkuumã sababo, a Sa'ad ɭbn Ʋbaada, Wẽnd yard be a yĩnga, soak-a-lame: yaa bõe la woto, Wẽnd tʋntʋʋmã?
Tɩ nabiyaamã yetẽ, pʋʋsg la tɩlgr be a yĩnga:
wã yaa yolsgo, tɩ Wẽnd ning-a A yembsã sũy, la ad Wẽnd sẽn yolsd A yembsẽ wã, yaa yolsdbã
la a nin a yiibã sẽn wa n kiigã, pʋʋsg la tɩlgr be a yĩnga, a biiga a ɭbraahɩɩm kũumã sababo, a Abdʋ Rahmaan ɭbn Awf, Wẽnd yard be a yĩng yeel-a-lame:
foo Wẽnd tʋntʋʋm mengã? T'a yeele: Awf biiga! Ad yaa yolsgo, n le yeel n paas. La a yeele: ad nifrã kiigdame, tɩ sũurã sãame, la d pa yete tɩ sã n pa sẽn yard d Soabã ye, la ad tõnd sũur pa noom ne fo welgrã ye ɭbraahɩɩm
la tʋntʋʋmã zʋgd sẽn zɩsã, sõmb n rɩkame la b rɩk a nao-kẽndrã,
bala tõnd bee zamaan, d sẽn kong koam-bãanegã nonglem a pʋgẽ, la b sẽn sõmb ne wã maanego, la bãmb la beoog ba-rãmbã la lɩslaambã roapa la beo-vẽegr ninga b sẽn kolldã, tõnd zɩɩlmã la waoog-n-mengã la yam-kaalgã la yam-koεεgã, kɩtame tɩ tõnd bas sũyã kʋɩlɩmse tɩ page, la sẽk ne koam-bãanegã,
la sã n yaa tʋntʋʋmã, pʋʋsg la tɩlgr be a yĩnga, kʋɩlɩng-biisã be a nugẽ wã la a zelemdẽ wã,
ad a sẽn maan tɩ bi-bilf noang-a, t'a noang-a la a waoogd-a, la yẽnda, pʋʋsg la tɩlgr be a yĩnga, a sikda koam-bãanegã zĩig sẽn zẽkẽ
a Anas, Wẽnd yard be a yĩnga, sã n da pɩʋʋg koambã, a pʋʋsd-b-lame, la a yeele:
Nabiyaamã, pʋʋsg la tɩlgr be a yĩng ra maand-a-lame:
la koambã sẽn tar b soaglã la b yãambsã la b gilmã wʋsgã, ne rẽ fãa, tʋntʋʋmã, pʋʋsg la tɩlgr be a yĩnga, pa gẽed ye, pa tãsd bi-bilfu, a pa goamda, a ra yɩɩme, pʋʋsg la tɩlgr be a yĩnga, n yolsdẽ la a maan maag-n-menga
Yi a Aɩɩsã nẽngẽ, Wẽnd yard be a yĩnga, a yeelame:
nabiyaamã, pʋʋsg la tɩlgr be a yĩnga, ra yɩɩme, tɩ b wat ne koamb a nẽngẽ, t'a kot Wẽnd b yĩnga, tɩ b wa ne biiga, t'a rʋʋd a fuugã zugu, t'a kɩt tɩ b wa ne koom t'a ralg a zĩigẽ wã, la a pεk-a ye
rẽ yĩnga, pa wa fo yamẽ wã, yaa foom a karemda, tɩ fo sẽn bãng nabiyaamã zakã woto wã, tɩ f reem ne f kom-bãanego la f wɩs ne-ba la f kelg b laadã la b gom-noodã? Lɩslaambã zãmã wã nabiyaam ra maanda rẽ fãa, pʋʋsg la tɩlgr be a yĩnga
yi a Abɩɩ Hʋraεεrat nẽngẽ, Wẽnd yard be a yĩnga, a yeelame:
Tʋntʋʋmã, pʋʋsg la tɩlgr be a yĩng ra yɩɩme n da yiisd a zelemdã ne a Hasan ɭbn Alɩ, tɩ biigã yãt a zelemdã moomdã n kɩdemdẽ
leb n yi a Anas nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩng ra reemda ne a Zaynab, a Ʋmmʋ Salmã bi-puglã, la a yetẽ, Zʋwaynab, Zʋwaynab, n yɩlemdẽ
a yolsgã gũbga kom-bi wã, hal n tɩ gãa a be tũud-bedrã pʋgẽ
sɩd la hakɩɩka, a ra yɩɩme n pʋʋsdẽ la a zãad a Ʋmaama, a Zaynab sẽn yaa Wẽnd tʋntʋʋm bi-puglã, pʋʋsg la tɩlgr be a yĩnga, yẽ bi-pugla, a ba la a Abʋl-aas ɭbn Rabɩɩ, t'a sã n yiki bɩ a zãad-a, a sã n maan suguudu, bɩ a rɩgl-a
le yi a Mahmʋʋd ɭbn Rabɩɩ nẽngẽ, Wẽnd yard be a yĩnga, a yeelame:
mam ket n tẽra Wẽnd tʋntʋʋm sẽn purs mam nẽngẽ, a wuk-a la soẽ, bulg sẽn da be tõnd zakẽ wã koom, tɩ mam ra tar yʋʋm a nu
la yẽda, pʋʋsg la tɩlgr be a yĩnga, a wĩnigda kasẽmbã la kom-bãanegã, yi a ɭbn Abas nẽngẽ, Wẽnd yard be b yiibã yĩnga, a yeelame:
m da bee nabiyaama poorẽ, pʋʋsg la tɩlgr be a yĩnga, raar a yembre, t'a yeele:
biiga! M na n wĩnig f la goam, gũus Wẽnd, t'A na gũus-fu, gũus Wẽnd tɩ f mikdame t'A be f poorẽ, f sã n na n kõs, bɩ f kos Wẽnde, la f sã n na n kõ sõngr, bɩ f kõs ne Wẽnde
tõnd sẽn vɩɩms ne a sɩf-waglã la a zʋg-sõmbsã poorẽ, raar bɩ d vʋʋg sũyã ne-a, la d tũ vũun-kãeesã vɩɩmã pʋgẽ,
bala, tõnd zagsã pida ne kom-bãanego, la koambã sẽn rat ba-rãmbã nonglem la ma-rãmbã nin-bãan-zoεεga, la sũ-noog kẽesgo b sũ-kɩdsã pʋgẽ, t'a bɩ, t'a zʋgdã yaa sẽn manege n tar nin-bãan-zoεεga, n peegd zãmã wã, tɩ yaa rawa roap sẽn wubi la ma-rãmba, Wẽnd segl-sõng poorẽ, a Naam yɩ wagell n zẽke
Sũ-mare, la bʋgsem la sugri
wẽbgre la hakε-rãmbã reegr ne pãng la modgre yaa wẽgdbã la kεdgdbã tagmase, la tõnd nabiyaamã, pʋʋsg la tɩlgr be a yĩnga, a tẽega sɩdã zeng-raado la hakε-soab fãa sõngre hal t'a paam a hakε wã n reege,
la sɩd la hakɩɩka, pʋʋsg la tɩlgr be a yĩnga, a kẽnesa bũmb ning Wẽnd sẽn kõ-a wã, sẽn yaa sagelle la gɩdgre n kẽes sõma la sõmblem sor pʋgẽ, rẽnd tõnd pa yaεεsd wẽgdo maa yõkre a zakẽ wã ye, pʋʋsg la tɩlgr be a yĩnga, d pa yaεεsd maan-n-zʋʋka, pa fãabo
Yi a Aɩɩsã nẽngẽ, Wẽnd yard be a yĩnga, a yeelame:
Wẽnd tʋntʋʋma, pʋʋsg la tɩlgr be a yĩnga, a pa wẽ bũmb ne a nugã lae, a pa wẽ sõgna, pa paga. Sã n pa Gɩhaadɩ zabre Wẽnd Sorã pʋgẽ , mam pa yã t'a baood bʋʋm ne wẽgb b sẽn wẽg-a, sã n pa b pãrga Wẽnd todsã, t'a maa n rol Wẽnd yĩnga, A Naam yɩ wagell n zẽke.
leb n yi a Anas nẽngẽ, Wẽnd yard be a yĩnga, a yeelame:
mam da kẽnda ne Wẽnd tʋntʋʋma, pʋʋsg la tɩlgr be a yĩnga, t'a yeelg Nagraanɩ fuugu, kɩremsã sẽn tagme, tɩ weoogẽ laarb paam-a, n veoog-a ne a fuugã, veoog kεgεnga, tɩ mam ges nabiyaam baokã zugu, pʋʋsg la tɩlgr be a yĩnga, tɩ fuugã kɩrmes bas vũuna, takrã keelem, rẽ poorẽ t'a yeele: yaa foom a Mʋhammade! Kɩt tɩ b yãk Wẽnd ligdã sẽn be fo nẽngẽ wã n kõ-ma, t'a wẽneg n ges-a n la, la a kɩt tɩ b kõ-a
la tʋntʋʋmã, pʋʋsg la tɩlgr be a yĩng sẽn wa n lebg Gazwat Hʋnayn, weoogẽ-rãmbã pʋg-a-lame n sokd-a, n sẽk-a ne tɩɩga, t'a yak a fuugã, t'a be a bõn-zoamdgã zugu, t'a yeele:
Lebs-y maam m fuugã, yãmb yaεεsdame tɩ mam na n maana beed bɩɩ? T'a yeele: m wẽen ne Wẽnde, la tɩ mam sã n da tar neema sẽn yaa wʋsg wa tẽ-kãeesã, m na pʋɩ-a yãmba, yãmb pa na n mik tɩ mam yaa beed soaba, pa rabεεm, pa zĩrẽ-be-neda
la wubrã kõbg sẽn yɩɩd sõmblem, la wĩnigr sẽn bge neere: yaa bʋg-bʋge yεlã fãa pʋsẽ, la yel-manegdɩ wã bãngre, la yel-sãamdɩ wã basbo
pʋg-taar yõka Soahaabsã, tɩ b sã n yã ned sẽn tudgdi maa a salge, tɩ b yãk n kɩɩs-a, la b tara bʋʋm ne rẽ, la ad sũ-marã soaba sẽn bʋgsã wã, pʋʋsg la tɩlgr be a yĩnga, a gɩdg-b la ne rẽ, maandã sẽn zɩ wã yĩnga, la sãang ning sẽn tõe n pʋg rẽ wã, tɩ tʋntʋʋmã, pʋʋsg la tɩlgr be a yĩnga, sẽn maan bũmb ningã n sõmb n yɩɩda
yi a Abɩɩ Hʋraεεrat nẽngẽ, Wẽnd yard be a yĩnga, a yeelame:
Weoogẽ laarb n rʋʋd miisrã pʋgẽ, tɩ nebã yik n kẽng n na n tãs-a, tɩ nabiyaamã yeele, pʋʋsg la tɩlgr be a yĩnga:
bas-y-yã, la y laeeg a rʋʋdmã koom so, ad b tʋms a yãmb tɩ y yaa yolsdba, b pa tʋms yãmb tɩ y yaa kengdb ye
la tʋntʋʋmã sugrã, Da'awa wã pʋgẽ, a rata togs-n-taar la b kẽn a sorã zugu, la f ra pʋg yõor yam-leoog ye,
Yi a Aaɩsa nẽngẽ, Wẽnd yard be a yĩnga, t'a yeela nabiyaama, pʋʋsg la tɩlgr be a yĩnga:
rẽ yĩnga, fo talla raar t'a keelmã yɩɩd Ʋhd bɩɩ? T'a yeele:
sɩd la hakɩɩka, mam yãa fo nebẽ wã, la mam sẽn yã b nẽngẽ wã, keelem sẽn tʋg n yɩɩda, yaa Akaba raare, mam sẽn wa n ball m meng ne a ɭbn Abd Yaa Layl ɭbn Kɩlaal, t'a pa sak mam sẽn rata ye, tɩ mam loog ne yɩɩgre, n pa mi m sẽn kẽedẽ ye, mam pa bãnge, rẽnda mam sẽn wa n be Karnɩ Assa-Aalɩb, tɩ mam zẽk m zugã, la mam sẽn nẽ sawato sẽn sul maam, tɩ mam gese n mik t'a Gɩbrɩɩl, -tɩlgr be a zugu- be beene, t'a bool maam n yeele: ad Wẽnd, A Naam zẽk yã, wʋma fo nebã sẽn gom-fa, la b sẽn leok foo wã, la Mam tʋmsa tãmsã malεka tɩ f togs-a fo sẽn rat t'a maan-ba, tɩ tãmsã malεk bool maam n ning maam sallʋm, la a yeele: yaa foom Mʋhammad, Wẽnd wʋma fo nebã gomdã, la maam la tãms malεka, la fo Soabã tʋmsa maam fo nẽngẽ tɩ f togs maam fo koεεga, la bõe la fo rata? F sã n tʋlla, m na ridg-b ne tãm-bεd a yiibã
Tɩ nabiyaamã yeele, pʋʋsg la tɩlgr be a yĩnga:
ayae, m tʋllame tɩ Wẽnd yiis b poe wã, sẽn na n tũ Wẽnd a Ye, n pa maan lagm-n-taar ne-A baafʋɩ
la rũndã-rũndã neb sãnda yãgda ne Da'awa wã yelle, n rat n na n yã a biisã tao-tao, la rat n na n tõog f mengã yĩnga, a sãamda Da'awa wã la pʋ-peelmã
rẽ n kɩt tɩ Da'awa-rãmb sãnda kong yel-kãeesã b yiibã sẽn sãeeg b nebã pʋgẽ wã, la sugrã la la tõog-n-mengã bεε?
la yʋʋmd-dãmb sẽn wogl poorẽ, tʋntʋʋmã, pʋʋsg la tɩlgr be a yĩng sẽn tʋll bũmb ningã yɩɩme, namsg la sugr la Gɩhaadɩ-wok poorẽ
sẽn kẽn tẽng fãa sõmblem sẽn yɩɩd a soaba, ned na n põsg-a la wãn-wãna
la pãng fãa teka koεεga n pa ta a zẽkrã ye
la nin-zɩsg fãa yaa faaga a nẽngẽ
la tẽng fãa nin-bedr yaa yaalga
yi a ɭbn Mas-Ʋʋd nẽngẽ, Wẽnd yard be a yĩnga, a yeelame:
yaa wa mam geta Wẽnd tʋntʋʋma, pʋʋsg la tɩlgr be a yĩnga, t'a yẽsd nabiyaam yell sẽn yi nabiyaam-rãmbẽ wã, Wẽnd pʋʋsg la a tɩlgr be a yĩnga, nebã sẽn pãb-a t'a yit zɩɩm, t'a yẽesd zɩɩmã a nẽngẽ wã la a yetẽ:
m Soab A Wẽnde, yaaf m nebã, tɩ b pa mi ye
la raar a yembre, Yahʋʋd yʋʋr sẽn boon t'a Zayd ɭbn Sa'ana waa Wẽnd tʋntʋʋm nẽngẽ, pʋʋsg la tɩlgr be a yĩnga, n na n reeg a samde, n mik tɩ yẽ na a Soahaabsã bee kũum zĩigẽ, t'a gãd a fuugã la a ges-a ne gẽenego n yeele: Mʋhammad, fo pa na n kõ maam m hakε wã laa? la a gom goam-yoodo,
t'a a Ʋmar ɭbn Hataab, Wẽnd yard be a yĩng sũurã yiki, t'a ges a Zayde, t'a nin a yiibã yuugd a nẽngẽ pʋgẽ wala ãd-gilga, rẽ poorẽ t'a yeele: Wẽnd bε wã, fo yeta Wẽnd tʋntʋʋma mam sẽn wʋmdã, la f maan mam sẽn nẽ wã? M wẽen ne sẽn tʋms-a ne sɩdã, sã n pa mam sẽn yaεεsd t'a na n sãbsa maamã, m na kε f zugã ne m sʋʋgã,
tɩ Wẽnd tʋʋm, pʋʋsg la tɩlgr be a yĩnga get a Ʋmar ne yĩ-yõgnego ma maag-n-menga, rẽ poorẽ t'a yeele:
Ʋmar! Maam ne yẽ fãa tara tʋlsem ne bũmb sẽng sẽn pa wã, yaa f sagl maam ne yaoob sẽn be neere, la f sagl yẽ ne sokr sẽn be neere, tall-a n kẽng ne n tʋg n kõ-a a hakε wã, la f paas-a tamarʋ laag pisi
a Zayd sẽn yaa Yahʋʋdã wã yeelame a Ʋmar sẽn wa n wa n paas-a Soaa pisi wã, yaa bõe paasg la woto Ʋmar?
a Ʋmar yeele:
Wẽnd tʋntʋʋm n sagl maam tɩ m paas foom n tek fo sẽn nams-a wã
t'a Zayd yeele: fo mii maam bɩɩ Ʋmar?
t'a yeel: Ayae, ana la foom?
t'a yeele: Zayd ɭbn Sa'ana
t'a yeele: bãngdã?
tɩ mam yeele: bãngdã,
t'a yeele: la bõe n kɩt tɩ fo maan Wẽnd tʋntʋʋm, pʋʋsg la tɩlgr be a yĩnga, ne fo sẽn maan-a, la fo yeel-a fo sẽn yeelã?
t'a Zayd yeele:
Ʋmaar! nabiyaamdmã pa tar tagmase, rẽndame tɩ mam bãng-a Wẽnd tʋntʋʋm nẽngẽ wã, pʋʋsg la tɩlgr be a yĩnga, mam sẽn wa n ges-a wã, sã n pa a yiib bala, mam pa paam b bãngr a nẽngẽ ye: rẽ yĩnga a sũ-marã winda a sũ-yikrã bɩɩ, tɩ yalemd-maaneg pa paasd-a sã n pa sugr bala, la sɩd la hakɩɩka m bãnga b yiibã, la m maanda foom a Ʋmar kaseto, tɩ mam yara Wẽnd tɩ yaa Soaba, tɩ lɩslaoongã yaa m dĩini, la a Mʋhammad, pʋʋsg la tɩlgr be a yĩnga, tɩ yaa m nabiyaama, la m maan-f la kaseto, tɩ mam arzεkã pʋsʋkã yaa doaag ne a Mʋhammad poorẽ-rãmbã, pʋʋsg la tɩlgr be a yĩnga
t'a Ʋmar yeele, Wẽnd yard be a yĩnga:bɩ ne b sãnda, bala fo pa tõe n gũbg b fãa ye,
t'a Zayd yeele: ne b sãnda
tɩ Zayd sẽn yaa Yahʋʋdã wã lebg n tʋg Wẽnd tʋntʋʋm nẽngẽ, pʋʋsg la tɩlgr be a yĩnga, n yeele: m maana kaseto tɩ soab kae ye, tɩ sã n pa Wẽnde, la m maan kaset t'a Mʋhammad yaa A yamba, la a tʋntʋʋma, t'a kõ sɩd ne a, la a sɩdg-a
la tõnd tagsdame n getẽ yel-kãngã la a baasgã la ges-wok ning sẽn zĩnd a pʋgẽ wã, sãn-sãnd tõndo, d na paam pʋɩɩr sẽn yaa togs-n-taare ne tõnd tikdã, a Mʋhammad, pʋʋsg la tɩlgr be a yĩnga, la d maan sugr ne nebã la d boond-ba ne bãanem la sũ-maare la d keng b pelse tɩ b sã n manege, la d ning tẽ-sõngo b sũy wã
Yi a Aaɩsã nẽngẽ, Wẽnd yard be a yĩnga, a yeelame:
mam maana Ʋmra ne nabiyaamã, pʋʋsg la tɩlgr be a yĩnga, n yi Madiin n tʋg n tãag Maka, tɩ mam yeele:
Wẽnd tʋntʋʋmã, mam kʋʋga pʋʋsgã la m pidsi, la m kao la m loe, t'a yeele:
fo maana neere Aaɩsa. la a pa zang maam ye
A rɩɩbã, pʋʋsg la tɩlgr be a yĩnga:
lensã la taah laasã, yaa sẽn kẽed yibeoog la zaabre nin-bεdã zagsẽ, la yellã sẽn be b rãmb nusẽ wã. Tɩ zãmã-kãngã nabiyaamã, tẽmsã la yembsã sẽn be a nugẽ wã, tɩ yʋgmã wã wat a nẽngẽ, n zɩlg rɩbdo, tɩ sãnemã la wa-zurã kiidg a nẽngẽ, gese a rɩɩbã la a bõn-yũudmã ra yaa wãn-wãnã, yaa nanambsã vɩɩm bɩɩm bɩɩ, bɩ yɩɩda rẽ? yaa rakãabã la nus sẽn bʋgsbã rɩɩb bɩɩ, bɩ yɩɩda rẽ?
ra maan yel-solemde, tɩ fo sã n get tʋntʋʋmã rɩɩbã, pʋʋsg la tɩlgr be a yĩnga, la a paoodlmã, la a weglmã, a ans, Wẽnd yard be a yĩnga, yẽsda tõndo ne a sẽn yeele:
ad nabiyaamã, pʋʋsg la tɩlgr be a yĩnga, bur la nẽmd pa tigm taab nabiyaamã nẽngẽ, wĩndig rɩɩbo maa zaabr rɩɩbo, sã n pa zaεεgre
la zoεεgrã me, yaa rɩɩbã sẽn paoode, tɩ rɩtbã waoogẽ,
la a võorã: yaa t'a ba tɩge, rẽndame tɩ yaa ne sẽkre la keelem, maa a pa tɩg wakat baa a yembr ye, sã n pa sãamb n sig-a, rẽ a tɩgdame, sẽn yaa tɩlae t'a maan b nẽng-yubsgã la a yãag-ba
Yi a Aaɩsã nẽngẽ, Wẽnd yard be a yĩnga, a yeelame:
a Mʋhammad zakã-rãmb pa toll n tɩg sa'ɩɩr buri, rasm a yiib n tong taab ye, hal tɩ Wẽnd tʋntʋʋm wa maan kaalem, pʋʋsg la tɩlgr be a yĩnga
La reegr a to pʋgẽ:
a Mʋhammad zakã-rãmb pa tɩg bʋrr rɩɩbo rasm a tãab n tong taab ye, hal t'a wa maan kaalem, pʋʋsg la tɩlgr be a yĩnga
la ad pʋʋsg la tɩlgr be a yĩng ra yɩɩme n pa tar a sẽn na n rɩ ye, n gãan kom, tɩ sag-võr pa kẽed a pʋgẽ wã ye,
Yi a ɭbn Abas nẽngẽ, Wẽnd yard be b yiibã yĩnga:
Wẽnd tʋʋm pʋʋsg la tɩlgr be a yĩng ra yɩɩme, n gãand yʋnd n tong taaba, ne kom, yẽ ne a zakã-rãmba, b pa tar yʋng rɩɩb ye, b rɩɩbã sẽn da yɩɩd yaa sa'ɩɩr
la yellã pa paoodlem la sẽn yaa kɩdg ying ye, la ad arzεkã ra puugda a nugã tẽngre, tɩ yʋgmã wã zɩlgdẽ n watẽ, la ad Wẽnd, A Naam yɩ wagell n zẽke, A tũusa ne a nabiyaamã, pʋʋsg la tɩlgr be a yĩnga, alhaal ning sẽn pida n rɩɩda la a tẽeg n yɩɩda
yi a Ʋkbat ɭbn Haarɩs, Wẽnd yard be a yĩnga:
nabiyaamã pʋʋsa tõnd Laasare, pʋʋsg la tɩlgr be a yĩnga, n yãge, rẽ poorẽ t'a kẽ zakẽ wã, pa kaoos t'a yi, tɩ mam yeel maa b yeel-a-lame, t'a yeele:
mam da basa sãnem zakẽ wã, sẽn yaa doaaga, tɩ mam yaεεsd t'a na gãande, tɩ mam pʋ-a
la kũun sẽn yaa yel-soalma, sẽn pa tar bilgri, yaa sẽn yit zãmaan-kãngã nabiyaamã nugẽ wã,
yi a Anas nẽngẽ, Wẽnd yard be a yĩnga, a yeelame:
b pa kos Wẽnd tʋnʋʋma, pʋʋsg la tɩlgr be a yĩnga, bũmb lɩslaoongã zugu, rẽndame t'a kõ, la rao n wa a nẽngẽ, t'a kõ-a rũms sẽn pit tãms a yiib sʋka, t'a lebg n tʋg a nebẽ wã n yeele:
yaa mam neba! tuub-y-yã, t'a Mʋhammad kõta sẽn pa yaεεsda talemd kũuni
la sẽn lagm ne kũun-kãngã la pʋɩ-kãngã fãa, tags n ges zãmaan-kãngã nabiyaamã alhaale
yi a Anas nẽngẽ, Wẽnd yard be a yĩnga, a yeelame:
nabiyaamã, pʋʋsg la tɩlgr be a yĩnga, pa rɩ la-paεεgdg zugu, halɩ n tɩ maan kaalem, la a rɩ bur sẽn bʋgse, hal n tɩ maan kaalem
la a Aaɩsa, Wẽnd yard be a yĩnga, tagsame, t'a mi n waa yẽ nẽngẽ, n yetẽ:
rɩɩb bee fo nẽngẽ bɩɩ? t'a yet tɩ: ayae, t'a yetẽ: Rẽnd m loe me
leb n tablame n yi a nẽngẽ, pʋʋsg la tɩlgr be a yĩnga, tɩ b ra zĩndida kiuug, kiuug a yiibu, yẽ ne a zakã-rãmb pa vɩ ne tɩ sã n ka bõn-sabl a yiibã ye: tamarʋ la koom
la sẽn lagm ne rɩɩbã paoodlem woto wã, la bõn-rɩtɩ wã kaalmã; ad a zʋgdã sẽn zẽkã sẽn yaa lɩslaam zʋgdã, kɩtdame t'a pʋʋsd Wẽnd neemã barka, rẽ poorẽ t'a pʋʋs a segẽndã, la a pa goamd-a t'a sã n tudgi, bala a nidga pãng tɩ pa zems ye,
la wã n kɩt tɩ pʋʋsg la tɩlgr be a yĩnga, pa zanged rɩɩb ye, a pa sãbsd rɩ-rʋgd ye, a pa lebsd sẽn be wã ye, a pa sokd sẽn ka be, ad yaa zamaanã nabiyaama; sẽn da pak-a wã, pa a pʋgã la a rɩɩbã yell ye
yi a Abɩɩ Hʋraεεrat nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩnga, pa zang rɩɩb lae, a yam-leoog sã n tar-a a rɩt-a-lame, a sã n pa rat-a a pasd-a-lame
la m nong-n-taas nins bõn-rɩtɩ wã la bõn-yũudɩ wã sẽn loe b zugã la m togsd lɩslaoongã bãng-kẽengã, a ɭbnʋ Taymɩya koεεgã koεεg-koεεga:
la sã n yaa rɩɩbã la yermã: ad kãndagr sẽn yɩɩd sõmblem yaa a Mʋhammad kãndagrã, pʋʋsg la tɩlgr be a yĩnga, la a zʋgdã rɩɩbã pʋgẽ ra yaa a rɩ bũmb ninga a sẽn paame, tɩ sã n ta a yam, la a lebsd sẽn be ye, a pa modgdẽ n sokd sẽn ka be ye, a ra yɩɩme tɩ bur la nemd sã n wa, a rɩt-a-lame, la ti-biisi ne bur la nemd sã n wa, a rɩt-a-lame, la sã n yaa tamarʋ a ye n wa, maa bur a yen-yen, a rɩt-a-lame; la a pa yɩ tɩ rɩɩb kõbg a yiib sã n wa a nẽngẽ, bɩ a yeel tɩ : " mam pa rɩt buk a yiib ye", la a ra pa basd rɩɩbo, t'a nooma wʋsg ye,
la hadiis pʋgẽ, nabiyaamã yeelame, pʋʋsg la tɩlgr be a yĩnga:
la ad mam loetame la m kaoodẽ, la m yikdẽ la m gõe, la m furd pagba la m wãbd nemd, la sẽn kisga mam sunnã, yẽ pa be mam sunnẽ wã ye
tɩ Wẽnd sagle, A Naam yɩ wagall n zẽke, tɩ b rɩ yɩlma, la b pʋʋs Wẽnd barka, rẽnd sẽn gɩdga rɩ-yɩlmã, a yɩɩme n yaa maan-n-zʋʋg soaba, la sẽn pa pʋʋsa barka, a yɩɩme n yaa maan-n-koεεg soaba, n yaa Wẽnd hakε wã yεεbda,
la Wẽnd tʋntʋʋmã, pʋʋsg la tɩlgr be a yĩng sorã, yẽ tɩlrlem n yɩɩd soe wã fãa, la a tẽegre, la kɩll n basã rebda nems a yiibẽ:
neb sẽn maand n zʋʋgdẽ, n maan yam-leoodã, la b yaool n basd yεl nins sẽn yaa tɩlae ne bãmbã maanego,
la neb sẽn harmed rɩ-yɩlmã la sɩnged tũudum-rãmba Wẽnd sẽn pa maane, A Naam zẽk yã, la tũudum yẽbgr pa be lɩslaoongã pʋgẽ ye
rẽ poorẽ t'a yeele, Wẽnd na yols-a:
la halaam fãa yaa yɩlgemde, la yɩlgemd fãa yaa halaale; bala Wẽnde, A Naam yɩ wagell n zẽke, A kõo tõnd sore ne rɩ-yɩlmã, la A gɩdg tõnd zugu rẽgdã, la rɩɩbã yɩlgemdã yaa a sẽn nafde n yaa noogã, la Wẽnd harma ne tõndo, sẽn namsd tõnd fãa, la A kõ tõnd sore, sẽn nafd tõnd fãa
rẽ poorẽ t'a yeele, Wẽnd na yols-a:
la nebã alhaal-rãmba yõsa taaba rɩɩbẽ wã la yermẽ wã, la komã la tɩgrã, la nin-yεng alhaal-rãmbã yõsda taaba, la tʋʋmã sẽn yɩɩd sõmblem yaa sẽn yɩɩd ne Wẽnd tũudum, la sẽn yɩɩd nafa ne a soaba
nebã burkĩndã kãsgr gɩdgre
zĩisã sẽn yɩɩd waoore, yaa bãngrã zĩisẽ la Wẽnd Yʋʋrã tẽegre, la na n yɩɩ wãn-wãna tɩ Adam biisã sẽn yɩɩdã yɩlgemdã la zãmaanã karen-sãambã sã n be a zʋka ne a yẽsgã la a wĩnigrã la a toglgã?
sẽn da be a sõsgã noomẽ la a zʋgdã sõmblem, pʋʋsg la tɩlgr be a yĩnga, yaa leok tudgda, la wĩnig zɩta la a nẽk yam-yaal-yaal soaba, la a pa sakd a sõsgẽ wã sã n pa sẽn sõmb fãa,
la baa tɩ pʋʋsg la tɩlgr be a yĩng sã n yɩɩme n kelgd a sõsdbã, a pa sakd wɩdg ye, a pa yard tẽn-kãn-wẽendo, pa pas-n-rolge, rẽ n kɩt t'a gɩdgd nebã burkĩnd kãsgre
yi a Ʋtbaan ɭbn Maalɩk nẽngẽ, Wẽnd yard be a yĩnga, a yeelame:
nabiyaamã, pʋʋsg la tɩlgr be a yĩnga, yikame n pεεsdẽ n yeele:
a Maalɩk ɭbnʋ Dahsam bεε? Tɩ rao yeele: yaa munaafɩk sẽn pa nong Wẽnd la A tʋntʋʋma, tɩ nabiyaamã, pʋʋsg la tɩlgr be a yĩng yeele: ra maan rẽ ye, fo pa nẽ t'a yeela Laa ɭlaaha ɭllallaah n rat Wẽnd yĩng ne rẽnda, la Wẽnd harma bugum ne sẽn yeela: Laa ɭlaaha ɭllallaah n baood rẽ Wẽnd yĩnga
la pʋʋsg la tɩlgr be a yĩng ra yɩɩme n bugsd tɩ b bas kaset zĩri la hakε-rãmbã wãagre,
yi a Abʋʋ Bakr nẽngẽ, Wẽnd yard be a yĩnga, a yeelame:
Wẽnd Tʋtʋʋmã, pʋʋsg la tɩlgr be a yĩnga, yeelame:
m pa na n kõ-y kibar ne zunuub bεdã sẽn yɩɩd bedrem? Tɩ tõnd yeele: n-yẽe Wẽnd tʋntʋʋma, t'a yeele: yaa lagm-n-taar ne Wẽnde la roagdb a yiibã namsgo, la a ra kɩllame t'a zĩndi n yeele: la zĩrẽ-beedo, la a pa bak n yɩlemd-a, hal tõnd wa yeele: a pa na n sĩndĩ
la sẽn lagm ne a sẽn noang muumin-rãmbã ma-wã a Aaɩsa, Wẽnd yard be a yĩnga, ne rẽ fwã, a gɩdg-a la wɩdbã, la a wĩnig-a a yellã bedrem
Yi a Aɩɩsã nẽngẽ, Wẽnd yard be a yĩnga, a yeelame:
mam yeela nabiyaamã, pʋʋsg la tɩlgr be a yĩnga, a Soafɩyya yel-kãngã ne yel-kãngã sekame,
togdbã sãnda yeelame: tɩ yaa koeelmã la a sẽn yetã,
t'a yeele: fo yeela gomde, b sã n gẽdg-a ne mogr koom a na gẽgd-a
la sɩd la hakɩɩka nabiyaamã, pʋʋsg la tɩlgr be a yĩng nooga ned ning sũuri sẽn gɩdgd tɩ b ra kãsg a ma-biise burkĩnd, t'a yeele, pʋʋsg la tɩlgr be a yĩnga:
sẽn gɩdga a ma-biig burkĩndi ne wɩdga, yaa hakε ne Wẽnde t'A bas-a burkĩndi n yi bugmã
Wẽnd Yʋʋrã tẽegr wʋsgre, A Naam zẽk yã
wubgdba taoor soaba, zãmaan-kãngã nabiyaamã, a yellã bedmame tũudmã wεεngẽ la sũurã tõkr ne Wẽndã, A Naam yɩ wagell n zẽke, a pa basd wakat tɩ looge, t'a pa tẽeg Wẽnd Yʋʋr ye, la a pẽg-A la a pʋʋs-A barka, la A yaafa kosgo, la tuubgu, A Naam yɩ wagell n zẽke,
la sẽn lagm ne b sẽn yaaf a zunuub sẽn reng taoor la sẽn yaoonde, a yaa yamd sẽn yaa bark pʋʋsda, la nabiyaam sẽn pʋʋsd barka, la tʋntʋʋm sẽn pẽgde, a bãnga a Soaba alkadre, t'a pẽg-A la a bool-Ala a lebs a meng A nẽngẽ, la a bãng a wakatã yõodo, t'a bao yõod a pʋgẽ la a bʋ nonglem, t'a na maan-a tɩ yɩ Wẽnd tũudum
Yi a Aɩɩsã nẽngẽ, Wẽnd yard be a yĩnga, a yeelame:
tʋntʋʋma, pʋʋsg la tɩlgr be a yĩng ra yɩɩme n tẽegd Wẽnd Yʋʋrã, A Naam zẽk yã, a alhaal-rãmbã fãa pʋgẽ
Yi a ɭbn Abas nẽngẽ, Wẽnd yard be b yiibã yĩnga, a yeelame:
tõnd ra sõta Wẽnd tʋntʋʋm nẽngẽ, pʋʋsg la tɩlgr be a yĩnga, zĩig a yembre naoor koabga:
m Soaba yaaf-ma la F reeg m tuubgu, tɩ Foom la Tuubg Rεεgda, n yaa Yolsda
Abʋʋ Hʋraεεra, Wẽnd yard be a yinga,a yelame:
m wʋma Wẽnd Tʋntʋʋmã, pʋʋsg la tɩlgr be a yĩnga, t'a yetẽ:
m wẽen ne Wẽnde, ad mam kota Wẽnd yaafa, la m tuubdẽ n tʋgd A nẽngẽ raar a yembr pʋgẽ, sẽn yɩɩd naoor pis-yopoe
yi a ɭbn Ʋmar nẽngẽ, Wẽnd yard be b yiibã yĩnga, a yeelame:
tõnd ra sõta Wẽnd tʋntʋʋm nẽngẽ, pʋʋsg la tɩlgr be a yĩnga, zĩig a yembre naoor koabga:
m Soaba yaaf-ma la F reeg m tuubgu, tɩ Foom la Tuubg Rεεgda, n yaa Yolsda
tɩ muumin-rãmbã ma, a Ʋmmʋ salma togsd Wẽnd tʋntʋʋm, pʋʋsg la tɩlgr be a yĩng kosg sẽn waoog n yɩɩda, tɩ yẽ sã n be a nẽngẽ:
yaa Foom sũyã Lεεbdã, tabl m sũurã F dĩinã zugu
yaka
Wẽnd tʋntʋʋm pʋʋsg la tɩlgr be a yĩnga yak-n-taar tar waoore; bala yak ra yɩɩme n tar dargε sẽn zẽke, tʋntʋʋmã nẽngẽ, pʋʋsg la tɩlgr be a yĩnga,
bala pʋʋsg la tɩlgr be a yĩng yeelame:
A Gɩbrɩɩl pa bak n sagend maam ne yaka, hal tɩ mam wa tẽ t'a na n rɩka faado
la pʋʋsg la tɩlgr be a yĩng sagla a Abʋʋ Zarr Wẽnd yard be a yĩnga, n yeele:
yaa foom Abʋʋ Zarr, f sã n rʋg bɩɩmn, bɩ f wʋsg a koomã la f tẽeg f yagsã yelle
la a bugs yak namsgo, n yeele, pʋʋsg la tɩlgr be a yĩnga:
pa kẽed arzãna, ned ning yak sẽn pa maand bas-n-yam ne a wẽng ye
la bεεl be ne yaka, nabiyaamã, pʋʋsg la tɩlgr be a yĩng sẽn yeel a Zugu:
sẽn kõ a sɩd ne Wẽnd la laahr raarã, bɩ a maaneg a yaka
vɩɩms-n-taar sẽn be nẽere
Yi a Aaɩsa nẽngẽ, Wẽnd yard be a yĩnga, a yeelame:
nabiyaamã, pʋʋsg la tɩlgr be a yĩnga, ra yɩɩme tɩ ned yell sẽn ta a pa yeel tɩ: yaa bõe t'a zagl yetẽ? La a yetame: yaa bõe tɩ neb yaa woto la woto?
la yi a Anas ɭbn Maalɩk nẽngẽ, Wẽnd yard be a yĩnga, tɩ rao n kẽ Wẽnd tʋntʋʋma pʋʋsg la tɩlgr be a yĩng nẽngẽ, tɩ rõod vũun be a nẽngẽ, la paood Wẽnd tʋntʋʋm pʋʋsg la tɩlgr be a yĩnga, sẽn teegd neda ne bũmb ning a sẽn kis ye, la a sẽn wa yi wã, a yeelame:
la tɩ yãmb sã n ra sagl yã wã t'a pek yã wã n yi a zugu
yi a ɭbn Mas-Ʋʋd nẽngẽ, Wẽnd yard be a yĩnga, a yeelame:
Wẽnd Tʋntʋʋmã, pʋʋsg la tɩlgr be a yĩng, yeelame:
rẽ yinga m pa na n kõ-y kibare ne ned ning b sẽn gɩdgd ne bugmã, maa b sẽn gɩdgd bugmã ne a soaba, yaa f zoe pẽt fãa nin-bãanega sẽn yaa yaalga n yaa bʋgsgo n yaa nana
Hakε-rãmbã kũuni
Hakε-rãmbã yaa wʋsgo ninsaal zugu, ad Wẽnd hakε la zak-rãmb hakε, tãabẽ soabã fo meng hakε, tɩ yembsã hakε-rãmb be be
la yaa wãn-wãn la tʋntʋʋmã, pʋʋsg la tɩlgr be a yĩnga pʋɩ a wakatã la a naf ne a raarã?
yi a Anas nẽngẽ, Wẽnd yard be a yĩnga, a yeelame:
neb a tãab n wa nabiyaama, pʋʋsg la tɩlgr be a yĩnga, zakẽ wã, n sokd a tũudumã yelle, la b sẽn togs-ba, yaa wala b paoog-a-lame, tɩ b yeele, tõnd ne nabiyaamã, pʋʋsg la tɩlgr be a yĩnga, pa yembr ye, bala b yaaf-a la sẽn reng taoore, la sẽn yaoonde,
b yembrã yeelame: mam yẽ na n pʋʋsda yʋngo, n pa basdẽ ye,
tɩ yembrã yeele: mam na n loeta zamaanã gilli, n pa kaoodẽ ye,
t'a a ye wã yeele: mam yẽ na n ball n yii pagbã, m kõ n toll n fur lae,
tɩ Wẽnd Tʋtʋʋmã, pʋʋsg la tɩlgr be a yĩnga, wa b nẽngẽ n yeele:
yãmb n yet tɩ woto la woto? La m Wẽen ne Wẽnde, maam n yɩɩd yãmb yaεεsg ne Wẽnde, la m yɩɩd zoees ne-A, la ad mam loetame la m kaoodẽ, la m pʋʋsdẽ la m gãandedẽ, la m furd pagba, la ned ning sẽn pa yɩ a mam sunnã noanglem, a pa be mam sunnã pʋgẽ ye
a raoodã la a sugrã, pʋʋsg la tɩlgr be a yĩnga
Wẽnd tʋntʋʋmã, pʋʋsg la tɩlgr be a yĩnga, tara pʋɩɩr sẽn bedme, la ko-teoog sẽn pidi raoodã pʋgẽ, sẽn na sõng dĩin-kãngã la zẽk Wẽnd yʋʋrã, A Naam yɩ wagell n zẽke, la bũmb ning Wẽnd sẽn kõ-a tɩ yaa neemã wã, ,ningri a sẽn sõmb ning-a wã
ad a Aaɩsa, Wẽnd yard be a yĩnga, sẽn yete:
Wẽnd tʋntʋʋma, pʋʋsg la tɩlgr be a yĩnga, a pa wẽ bũmb ne a nugã lae, sã n pa Gɩhaadɩ zabre Wẽnd Sorã pʋgẽ, a pa wẽ sõgna, pa paga
la sẽn le be a raoodẽ wã, pʋʋsg la tɩlgr be a yĩnga, yaa sẽn yãnes a ye, n boond n tʋgd dĩin-kãngã, Kʋrays kɩlf-rãmbã la a zu-sobend-rãmbã taoore, la a sẽn tabl dĩinã zug hal tɩ Wẽnd wa sõng-a
la a pa yeel: tɩ ned pa be ne maam, nebã fãa zabda ne maam, la ad a tika Wẽnde, A Naam yɩ wagell n zẽke, la a bobl-A la a keng ne Da'awa wã yelle,
la pʋʋsg la tɩlgr be a yĩng ra yɩɩme n yɩɩd nebã ne raoodo la a yɩɩd-b ne loe-n-wãaka la kõom, nebã ra zoetame, tɩ yẽ tag n yãse
nabiyaama, pʋʋsg la tɩlgr be a yĩng ra yɩɩme n dũud Wẽnde Hɩraa vaodgẽ wã, namsg pa paam-a, Kʋrays pa zab ne-a, kɩfl-rãmbã zamã wã pa lobg-a ne beem peende, rẽnda Wẽnd tʋntʋʋma, pʋʋsg la tɩlgr be a yĩnga sẽn wa n vẽneg n boondẽ ne Wẽnd yeembgã la sẽn yaa tɩlae tɩ tũudumã yɩ Wẽnd a Yembrã, rẽ la kɩfl-rãmbã maan yel-solemde ne b sẽn yeele:
a maana soabẽ-rãmbã tɩ yaa soab a ye
bala bãmb rɩka rʋbsã tɩ yaa radgo bãmb ne Wẽnd sʋka, A Naam yɩ wagell n zẽke, wala Wẽnd sẽn gom b zugu:
tõnd pa tũud-ba rẽnda b na pẽneg tõnd ne Wẽnd bala
sã n pa rẽ b sakame tɩ Wẽnd a Ye la naanda:
yeele: ãn n rɩlgd yãmb sẽn yit saasẽ la tẽngã? Yeel: tɩ yaa Wẽnde, la tõnd ne yãmba, d bee kãndegr zugu, t'y be menong sẽn vẽneg pʋgẽ
la tags n gese m ma-biiga sẽn yaa lɩslaama, lagm-n-taar ninga sẽn yeng n gũbg lɩslaambã; sẽn yaa kũ-rãmb kosgo la b baood pẽnegr ne-ba la maan pʋlmes ne-ba, la b yaεεsd-ba la b tẽed-ba, hal tɩ noanglemã wa wãag bãmb ne Wẽnde, a Naa yɩ wagell nzẽke, b lagm-n-taarã yĩnga, la b sẽn maa kiidbã wala Vɩt-Ning sẽn pa kiidã
ad sẽn maana lagm-n-taar ne Wẽnde, sɩd la hakɩɩka Wẽnd harma arzãna a zugu, a gãag zĩig yaa bugmẽ
la d na n yãnesa a zakẽ wã n ges tãng ning sẽn tong goabg wεεngẽ wã:
ad yaa Ʋhd tãng; zab-kẽeng ninga sẽn zĩnd-a wã, tʋntʋʋmã, pʋʋsg la tɩlgr be a yĩnga, raoodã sẽn yãmmẽ wã la a tablgã la a sugrã maanego ne sãmpag nins sẽn paam-a zab-kẽeng-kãngã pʋgẽ wã; bala a nẽnge zɩsgã yii zɩɩm, t' yẽnda kao, t'a zugã pãge, pʋʋsg la tɩlgr be a yĩnga
a Sahl ɭbn Sa'ad, Wẽd yard be a yĩnga, yẽsda tõndo, wẽnd tʋntʋʋm pʋʋsg la tɩlgr be a yĩng poglgã, n yetẽ:
la m wẽen ne wẽnde, mam mii sẽn da pekda tʋntʋʋmã, pʋʋsg la tɩlgr be a yĩng sampogrã, la sẽn ra kiigda koomã, la b sẽn tɩp-a ne bũmb ningã,
a yeelame:a Faatɩma, tɩlgr be a zugu, Wẽnd tʋntʋʋm pʋʋsg la tɩlgr be a yĩnga bi-puglã n da pεkd-a, t'a a Alɩ ɭbn abɩɩ Toaalɩb kiigd koomã ne gangã, la a Faatɩma sẽn wa n nẽẽ tɩ koomã pa paasd zɩɩmã tɩ sã n pa wʋsgr b bala, a yãka pĩ-gɩrga n yõoge n rɩk n tablg-a tɩ zɩɩmã yãnese, t'a yẽndã kaooge, t'a nẽngã pogle la b pus gεl a zugẽ wã
t'a Abas ɭbn Abdʋ Mʋtalɩb, Wẽnd yard be a yĩnga togsd wẽnd tʋntʋʋm yelle hʋnayn zabrẽ wã
moeembã sẽn wa n lebg n zoetẽ wã, Wẽnd ʋntʋʋma, pʋʋsg la tɩlgr be a yĩng kell n wudgda ne a boang-wεεga n teesd kɩfl-dãmbã, ɩ mam gãd a salbrã n takd-a, sẽn na yɩl la a ra yãg ye, la a ra yeta wakat-kãnga:
mam la nabiyaama, pa belgr ye, maam la a Abdʋ Almʋtalɩb biiga
la sã n yaa bi-bεεgã, b sen goamd a soab yell wʋsg zab-laasẽ wã, a Alɩ ɭbn Abɩɩ Toaalɩb, Wẽnd yard be a yĩnga, yẽ togsda Wẽnd tʋntʋʋm, pʋʋsg la tɩlgr be a yĩng yelle
tõnd ra yɩɩme tɩ zabrã sã n wa mooge, tɩ nebã yek taaba, tõnd gũuda d meng ne Wend tʋntʋʋma, pʋʋsg la tɩlgr be a yĩnga, tɩ ned pa pẽnegd bεεbã n le yɩɩdã ye
la tʋntʋʋmã, pʋʋsg la tɩlgr be a yĩng sugrã, Da'a-wa wã pʋgẽ, b maand-a la bilg-n-taare la tikr sẽn be neere, hal tɩ Wẽnde, a Naam yɩ wagell n zẽke, yãnes dĩin-kãngã zeng-raadã, ta wiidi wã gilgd Larb-rãmbã zãmaanã la Saam tẽmsã pugẽ la Kʋɩlgã poorẽ rãmbã, sẽn na yɩl tɩ zak ra pa tẽng pʋgẽ maa tẽng-bãanegẽ wã, rẽndame tɩ lɩslaoongã kẽ-a
Wẽnd Tʋtʋʋmã, pʋʋsg la tɩlgr be a yĩnga, yeelame:
sɩdla hakɩɩka, b yaεεsa maam Wẽnd dĩinã poorẽ, la b pa yaεεsd ned ye, la b nams maam dĩinã poorẽ, tɩ ned pa namsdẽ ye, la rasm pis-tã zĩnda ne maam tɩ maam ne a Bɩlaal pa tar rɩɩb sẽn rɩt ye, sã n pa bũmb sẽn luta a Bɩlaal baokã bal ye
la sẽn lagm ne a a nẽngẽ wã fãa, sẽn ya arzεgse, la b sẽn paam bεεbẽ, la Wẽnd sẽn pak n kõ-a wã, ne rẽ fãa, pʋʋsg la tɩlgr be a yĩnga, pa bas sanem maa wanzur sẽn yaa faad ye, la ad yaa bãngr la a bas ye, rẽ me la nabiyaamdmã faado, rẽnd sẽn rata n rɩk faad-kãngã, bɩ a rɩk la a faad noom ta tεka
Yi a Aaɩsã nẽngẽ, Wẽnd yard be a yĩnga, a yeelame:
Wẽnd tʋntʋʋm, pʋʋsg la tɩlgr be a yĩnga, pa bvas sãnem maa wazuri, pa pesgo, pa yʋgemde, a pa sagl ne bũmb me
A kosgã, pʋʋsg la tɩlgr be a yĩnga:
kosg yaa tũudum sẽn bedme, pa sakd tɩ b wẽneg-a n tees zẽng sẽn pa Wẽnd ye, a Naam yɩ wagell n zẽke,
la doaagã, yaa tʋlsem vẽnegre, ne Wẽnde, la f pidg f menga n yi tõogre la pãng, rẽ me la yembdmã tagmase, la ninsaaldemã yaalg wʋmbo,la pẽgr n be a pʋgẽ ne Wẽnde, ANaam yɩ wagell n zẽke, la kũunã ne tarmã yaa Wẽnd n so
rẽ n kɩte, tɩ Wẽnd Tʋtʋʋmã, pʋʋsg la tɩlgr be a yĩng yeele:
Kosgã la tũudumã
la pʋʋsg la tɩlgr be a yĩng ra yɩɩme n kot wʋsgo, la a vẽnegd tʋlsem ne Wẽnde, A Naam yɩ wagell n zẽke
la ra leb be a kosgã pʋgẽ, pʋʋsg la tɩlgr be a yĩnga:
M soab a Wẽnde maneg m dĩinã n kõ-ma, sẽn yaa mam yellã gũudmã, la F maneg m dũni wã n kõ-ma sẽn yaa mam vɩɩmã sẽn be a pʋgẽ wã, la F maneg m laahrã n kõ-ma, sẽn yaa mam lebεngã sẽn togdẽ wã, la F maan vɩɩmã tɩ yaa paasg ne-ma sõma fãa pʋgẽ,la F maan kũumã tɩ yaa vʋʋsg ne maam n yi wẽeng buudã fãa.
la sẽn le a kosgã pʋgẽ, pʋʋsg la tɩlgr be a yĩnga:
yaa m Soab A Wẽnde, n yaa sẽn solg Mita la sẽn vẽnege, saas la tẽng Yẽbgda, bũmb fãa Soaba la a Naaba, m maanda kaset tɩ soab ka be tɩ sã n pa Foom ye, m kota Foom gũudum n yi m mengã wẽnga la a Saytãan wẽnga ne a yʋkã la m da wa maan yʋʋr wẽng ye, maa n tak-a n kẽng lɩslaam nẽngẽ ye
la sẽn leb be a kosgã pʋgẽ, pʋʋsg la tɩlgr be a yĩnga:
m Soab a Wẽnde, sek-ma ne F halaalã n yi F haraamã, la F seek maam ne F yɩɩdlemã n yi zẽng sẽn pa foom
la sẽn le be a Soabã kosgẽ, A Naam yɩ wagell n zẽke:
m Soab A Wẽndeyaaf-ma la F yols-ma la F kẽng ne-ma Tũud-n-ta Zẽkdgẽ wã
la sẽn le be a kosgã pʋgẽ, pʋʋsg la tɩlgr be a yĩnga, a ra yɩɩme n kot a Soabã wʋsgo, noog la toog sasa, la a fu-loabdga yi a bãgdẽ wã n lʋɩ, t'a yãs n kotẽ Badr raare, tɩ Wẽnd sõng lɩslaambã la b tõog kɩfl-dãmba,
la pʋʋsg la tɩlgr be a yĩng ra yɩɩme n kot a meng yinga la a zakã-rãmbã, la a Soahaabsã, la moeeùbã gill yĩnga
Kaagrã saabo
tʋbã sẽn paam parfẽ ne tʋntʋʋmã, pʋʋsg la tɩlgr be a yĩng hadiis-rãmbã tẽegre la a vɩɩma nao-kẽndrã sõmblemã la a gɩhaadɩ wã la a nangã,
ad nabiyam wagellã, pʋʋsg la tɩlgr be a yĩnga, a tara hakε-rãmba tɩ yaa tɩlae tɩ b kõ-a, tɩ tõnd sã n rat n pids sõmblemã, la d rɩk so-sõngo,
la sẽn be a hakε-rãmbẽ wã, a poorẽ rãmbã zugu:
yaa kõ-sɩd sɩd-sɩda ne-a gomde la tʋʋmẽ, la f sɩdg-a a sẽn wa ne bũmb ningã wã fãa, pʋʋsg la tɩlgr be a yĩnga, la a tũudumã sẽn yaa tɩlae wã la f gũus a kɩɩsgo, pʋʋsg la tɩlgr be a yĩnga,
yaa tɩlae tɩ b bʋ ne a bʋʋdã la b yar a bʋʋdã,
la b ning-a a argεẽ wã, pʋʋsg la tɩlgr be a yĩnga, n ra maan n zʋʋge, la f ra maan n koeege,
la a pʋgbo la f rɩk-a t'a yaa tikri la togs-n-taaga yεlã fãa pʋgẽ,
la a noanglemã n yɩɩg nebã la f zak-rãmba la lidgã la f biiga la nebã zãnga,
la a waoogre la a faabo, la a dĩinã sõngre, la a sunnã gũubu, pʋʋsg la tɩlgr be a yĩnga, la vɩɩmsgo lɩslaambã pʋgẽ, la a soahaab waglsã noanglem la f kos tɩ wẽnd yar-ba, la f zab b yĩnga, la b vɩɩmã karengo,
la sẽn be a noanglemẽ wã, pʋʋsg la tɩlgr be a yĩnga,
Wẽnd yeelame A Naam zẽk yã:
ad Wẽnd la a Malεk-rãmbã, pʋʋsda nabiyaamã, yaa yãmb neb nins sẽn kõ sɩda, pʋʋs-y-yã la y kos tɩlgr ne-a, tɩlgr tεkẽ
a koεεgã yĩnga, pʋʋsg la tɩlgr be a yĩnga:
ad sẽn be yãmb rasm-rãmbã sẽn yɩɩd ne sõmblem, yaa arzũm raare, yẽ pʋgẽ: la b naan a Adam, bargã fʋʋsg yaa yẽ pʋgẽ, solbgrã yaa yẽ pʋgẽ, b'y pʋʋsg mam zugu, a raarã, ad yãmb pʋʋsgã tata maam: tɩ rao yeele: yaa foom Wẽnd tʋntʋʋmã, wãn-wãan la tõnd pʋʋsgã tat foom tɩ fo weelame? t'a yeele: Wẽnd harma tẽngã t'a rɩ nabiyaam-rãmb yĩisi
la sõmba ne Mʋhammad poorẽ rãmbã, pʋʋsg la tɩlgr be a yĩnga, tɩ b ra yɩ beed-rãmba, nabiyaam wagell-kãngã hakε wã pʋgẽ ye
bala pʋʋsg la tɩlgr be a yĩng yeelame:
beed soaba, yaa b sẽn tẽg mam yʋʋr a soab nẽngẽ, t'a pa pʋʋs maam ye
a leb n yeelame, pʋʋsg la tɩlgr be a yĩnga:
neb pa zĩndid zĩigẽ n pa tẽeg wẽnd Yʋʋr a pʋgẽ, la b pa pʋʋs b nabiyaamã, rẽndame tɩ yɩ bõn la nims a zugu, Wẽnd sã n tʋlla, A namsd-b-lame, A sã n tʋlla, t'A yaafa
Wẽnd na wat-ne
la tõnd sẽn basd zak-kãngã, sẽn pid ne lɩɩmaoongã, n yãs ne tũudmã, Wẽnd tʋntʋʋma, pʋʋsg la tɩlgr be a yĩng sunnã, kelld n paada n tõndo, tɩ yaa tagemse n sẽn rata tɩlgre, n yaa sore, ne sẽn rata kãndagre,
la tõnd tara kibae ne reng-taoor moembã la b yã-beedã maanego sunn-zɩsgã pʋgbo, sãn-sãnde Wẽnd na yɩlg tõndo togs-n-taar sẽn manege, la tikr sẽn be neere
sunã-rãmb lɩmaamã, a Ahmad ɭbn hanbal, Wẽnd na yols-a, a yeelame:
mam pa yʋls hadiisi, rẽndame tɩ m tʋm ne-a,
hal tɩ mam wa yã, tɩ nabiyaamã, pʋʋsg la tɩlgr be a yĩng mogame la a kõ a Abaa Tayba sãnem wakɩre, tɩ mam kõ mogdã dɩɩnaar, la m kɩt t'a mog-ma
t'a Adbʋ Rahmaan ɭbn Mahdɩ yeel :
m wʋma a Sʋfyaan t'a yete: haiis pa ta maam sẽn yi Wẽnd tʋntʋʋm nẽngẽ lae, pʋʋsg la tɩlgr be a yĩnga,rendame tɩ m tʋm ne-a baa tɩ yaa vugri
la yi a Mʋslɩm ɭbn Yasar nẽngẽ, a yeelame:
mam pʋʋsda ne m neoodã wã, t'a pidgrã nana ne maam n yɩɩda, la mam pa maan rẽnda, sã n pa sunnã yĩnga
la d sẽn na n pidsi, d na n kõ d ma-bi-nongã hadiss-zɩsgo,
Nabiyaamã yeele, pʋʋsg la tɩlgr be a yĩnga:
mam poorẽ rãmbã fãa kẽeda arzãna, sã n pa sẽn toadga, tɩ b yele: yaa foom Wẽnd tʋntʋʋmã! La ãn n na n tõdge? T'a yeele: sõn tũ a maam kẽeda arzãna, la sẽn kɩɩsa maam, a soab tõdgame
m Soab a Wẽnde, lok-do f nabiyaamã noanglem, pʋʋsg la tɩlgr be a yĩnga, la a zemsgo so-tɩrgã zugu, n da yɩ menemdba pa menmesdba
m Soab a Wẽnde, pʋʋs a Mʋhammad, tɩ yʋng la wĩndig sã n ket n ledsd taaba, m soab a wẽnde, pʋʋs a Mʋhammad, tɩ tẽegdba la manegdba sã n tẽeg a yʋʋrã,
m soab a Wẽnde, tigim-do, ne d nabiyaama a Mʋhammad, pʋʋsg la tɩlgr be a yĩnga, arzãn-na-tẽng zẽkdgẽ wã, la F maag tõnd ninã ne a yãabã, la yũubu a bãkẽ wã, yũub qko-yũud sẽn pa na n yõk-d a poorẽ lae,
La Wẽnd na pʋʋs la A tɩlg tõnd nabiyaamã a Mʋhammad, la a zak-rãmbã la a Soahaabsã gilli.
Related books
All books- Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) Pʋʋsgã sẽn yɑɑ to-to79 languages
Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) Pʋʋsgã sẽn yɑɑ to-to
Nɑbiyɑɑmã Pʋʋsgã sẽn yɑɑ to-to Sebrã bãn-kẽengã ɑ Abdul Azɩɩz ɭbn Bɑɑz (Wẽnd nɑ yols-ɑ) ɑ wilgɑ ɑ pʋgẽ koεεg-koεεgɑ Nɑbiyɑɑmã Pʋʋsgã sẽn dɑ yɑɑ to-to (Wẽnd pʋʋsg lɑ A tɩlgr be ɑ yĩngɑ), ne gomd-gãnegr sẽn yɑɑ nɑnɑ lɑ nɑ-kẽndr sẽn remse, t'ɑ yɑɑ sẽn tik gom-sigdim nins sẽn mɑnegã, sẽn nɑ yɩl t'ɑ yɩ peegdɑ ne lɩslɑɑm ɑ Pʋʋsgɑ pʋgẽ, lɑ ɑ vẽneg n wilg ɑ pʋgẽ Pʋʋsgɑ zeng-rɑɑdo lɑ ɑ sũn-rãmbã lɑ ɑ sɩf-rãmbã sẽn nɑ n sɩng koomã yõgb n tɩ tãɑg sɑllemã ningri, t'ɑ yɑɑ sẽn tigim daliil-rãmbɑ lɑ vẽnegrã sʋkɑ, n boond n tʋgd tɩ b tik Nɑbiyɑɑmã tikr tεkẽ (Wẽnd pʋʋsg lɑ A tɩlgr be ɑ yĩngɑ) tũudum sẽn yɩɩd…
- Doos nins sẽn yet yibeoog lɑ zɑɑbre57 languages
Doos nins sẽn yet yibeoog lɑ zɑɑbre
D na n sɩnga d koeesã ne Wẽnd Yʋʋrã Albarka, sẽn yaa Dũni yols zãng naabã, n leb yaa Sɩd-kõatbã welg n yolsg naabã Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑɑ Vɩta a sẽn pid Soɑbɑ, n yɑɑ a Mɑɑn-m-toor Soɑbɑ, gõeem pɑ yõnkd-A, pɑ suusgu. A soo sẽn be sɑɑsẽ wã lɑ sẽn be tẽngẽ wã, ãnd n nɑ n sugs A nengẽ tɩ sã n pɑ ne A yɑrdɑ, A mii sẽn be bãmb neng tɑoor lɑ b poorẽ, lɑ b pɑ gũbg bũmb A bãngrẽ wã ye sã n pɑ A sẽn tʋll tɩ b bãng ɑ soɑbɑ, A Nɑɑmã Goeel tɑgr zĩigẽ yãmbɑ sɑɑsã lɑ tẽngã, lɑ b yiibã gũudum pɑ pɑk Wẽnd tɩ yɑɑ toog ye, lɑ Yẽ yaa Zẽkr Nɑɑbɑ n yɑɑ Zɩsgo Aɑyɑtʋl-kʋrsɩy ,…
- Lɩslaangã lɑ Wẽnd Tẽn-tʋʋmbã dĩini85 languages
Lɩslaangã lɑ Wẽnd Tẽn-tʋʋmbã dĩini
Lɩslaangã yaa sak-n-tũ Wẽnde, sẽn yaa bõn-naandsã Naandã la b Rabsdã, la sak-n-tũ-A ne nonglem la waoogre, la lɩslaangã yẽgrã yaa kõ-sɩd ne Wẽnde, la kõ-sɩd tɩ Yẽnda la Naandã la zẽng sẽn ka Yẽ fãa yaa bõn-naandga, la Yẽnda n sõmb ne tũudmã, Yẽ A Yermbre, lagem-n-taag ka be ne-A, sẽn na n tũ a soab sɩd-sɩd ka be tɩ sã n ka Yẽ ye, A tara yʋy sẽn manege la sɩf-rãmb sẽn zẽke, A tara pidb zãnga, tɩ boogr ka be ye, A ka roge, b Ka rog-A, A ka tar lall-n-taaga, A ka tar mak-n-taaga, A ka tar bilg-n-taaga, A ka sigd yĩngã, A ka lebd yĩng baa fʋɩ A bõn-naandsã pʋgẽ ye. Lɩslaangã yaa Wẽnd dĩini (A…
- Gom-koεεg sẽn nɑfde, n kõ lɩslɑɑm pɑɑlã32 languages
Gom-koεεg sẽn nɑfde, n kõ lɩslɑɑm pɑɑlã
Sεglgã Mʋhɑmmɑd Aššɑhrii 1441 – 2020 Ne Wẽnd Yʋʋrã Albarka, sẽn yaa Dũni gũbg n yols Naabã, n yɑɑ yɑoolem dɑɑr welg n yols Naabã Gomd tɩʋʋsgo