Енциклопедија на пророчките хадиси

„Бодрете ги оние што се на смртна постела да изговараат: ,Ла илахе иллаллах‘.“

„Побрзајте со џеназата! Ако била добра – ја водите кон доброто. А ако не била – се ослободувате од злото што го носевте на вашите рамена.“

„Аллах проклетство е врз евреите и христијаните – ги претворија гробовите на нивните веровесници во светилишта.“ Аиша вели: „Да не беше стравот дека тоа ќе се направи и со неговиот гроб, тој ќе беше видлив за сите – но се плашеше да не се претвори во место на поклонение.“

Ебу Муса се разболе од тешка болест и падна во несвест, а главата му беше во скутот на една жена од неговото семејство. Не можеше да ѝ одговори на ништо. Кога се освести, рече: „Јас се оградувам од она од што се оградил Божјиот пратеник, салаллаху алејхи ве селем. Навистина, Божјиот пратеник се огради од жената што гласно оплакува, од онаа што си ја кине облеката и од онаа што ја бричи косата поради жалост.“

„Кога ќе умре човекот, неговите дела престануваат, освен во три случаи: трајната садака, знаењето од кое луѓето имаат корист по него или добродетелното дете кое прави дова за него.“

„Не зборувајте лошо за умрените, бидејќи тие се сретнаа со тоа што го подготвија (на овој свет)."

„Забрането ни беше (нам, на жените) да следиме џенази, но забраната не беше строго изречена.“

„Почина една од ќерките на Веровесникот, салаллаху алејхи ве селем. Тогаш Веровесникот, салаллаху алејхи ве селем, излезе и рече: ,Измијте ја трипати, петпати, или повеќе од тоа – ако можете со вода и сидр (листови од лотос), а во последното миење ставете камфор или нешто од камфор. А кога ќе завршите, известете ме.‘” Таа рече: „Кога завршивме, го известивме. Тогаш тој ни ја даде својата наметка и рече: ,Завијте ја во неа.‘ И рече: Нејзината коса ја исплевме во три плетенки.’”