Surah الحَشر

سَبَّحَ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ

Timasbih sa Allah su dalem nu manga langit endu su lupa, ka sekanin (Allah) i mapulu a mataw mapandadayt.

هُوَ ٱلَّذِيٓ أَخۡرَجَ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ مِن دِيَٰرِهِمۡ لِأَوَّلِ ٱلۡحَشۡرِۚ مَا ظَنَنتُمۡ أَن يَخۡرُجُواْۖ وَظَنُّوٓاْ أَنَّهُم مَّانِعَتُهُمۡ حُصُونُهُم مِّنَ ٱللَّهِ فَأَتَىٰهُمُ ٱللَّهُ مِنۡ حَيۡثُ لَمۡ يَحۡتَسِبُواْۖ وَقَذَفَ فِي قُلُوبِهِمُ ٱلرُّعۡبَۚ يُخۡرِبُونَ بُيُوتَهُم بِأَيۡدِيهِمۡ وَأَيۡدِي ٱلۡمُؤۡمِنِينَ فَٱعۡتَبِرُواْ يَٰٓأُوْلِي ٱلۡأَبۡصَٰرِ

Sekanin (Allah) i napalyu kanu manga kafir a aden kitab nin ebpun kanu manga dalpa nilan kanu paganay a kinabugaw sa kanilan, a dala nu ma-antap i makalyu silan, na antap nilan i makasapal su kuta nilan kanu kahanda nu Allah, na nawma silan nu kahanda nu Allah sa da nilan magkila-kila, binetadan nu Allah su manga pusung nilan sa gilek, na ginubal nilan su manga walay nilan kanu manga lima nilan endu su manga lima nu manga bamaginugut, na kuwa nu inamba a ibaratan (upaman) sekanu a aden manga ungangen nin.

59 : 3

وَلَوۡلَآ أَن كَتَبَ ٱللَّهُ عَلَيۡهِمُ ٱلۡجَلَآءَ لَعَذَّبَهُمۡ فِي ٱلدُّنۡيَاۖ وَلَهُمۡ فِي ٱلۡأٓخِرَةِ عَذَابُ ٱلنَّارِ

Endu upama di kena bu inukul nu Allah i kalyu nilan sa siksan den silan nu Allah sya sa dunya endu aden pan ka-narakan nilan sa gay a mawli.

59 : 4

ذَٰلِكَ بِأَنَّهُمۡ شَآقُّواْ ٱللَّهَ وَرَسُولَهُۥۖ وَمَن يُشَآقِّ ٱللَّهَ فَإِنَّ ٱللَّهَ شَدِيدُ ٱلۡعِقَابِ

Kagina silan a manga taw na sinupak nilan su Allah endu su sinugu nin, na su taw a supaken nin su Allah na mapasang i siksa nin.

59 : 5

مَا قَطَعۡتُم مِّن لِّينَةٍ أَوۡ تَرَكۡتُمُوهَا قَآئِمَةً عَلَىٰٓ أُصُولِهَا فَبِإِذۡنِ ٱللَّهِ وَلِيُخۡزِيَ ٱلۡفَٰسِقِينَ

Langun na tinibped nu a kayu-kulma atawaka da nu matebped na kahanda nu Allah, endu makabpayan (makalusak) su manga faasiq.

59 : 6

وَمَآ أَفَآءَ ٱللَّهُ عَلَىٰ رَسُولِهِۦ مِنۡهُمۡ فَمَآ أَوۡجَفۡتُمۡ عَلَيۡهِ مِنۡ خَيۡلٖ وَلَا رِكَابٖ وَلَٰكِنَّ ٱللَّهَ يُسَلِّطُ رُسُلَهُۥ عَلَىٰ مَن يَشَآءُۚ وَٱللَّهُ عَلَىٰ كُلِّ شَيۡءٖ قَدِيرٞ

Su langun na tamuk a inimbalingan nu Allah kanu nabi nin a kana manga Yahudi, endu su nakwa a manga tamuk a dala kalugati (da kambunuway) sya kanu manga taw a pegkuda sa kuda/unta, ugayd na pinandaya nu Allah kanu sinugu nin sa kanu kahanda nin, su Allah na kanu enggaga-isa na kagaga nin.

59 : 7

مَّآ أَفَآءَ ٱللَّهُ عَلَىٰ رَسُولِهِۦ مِنۡ أَهۡلِ ٱلۡقُرَىٰ فَلِلَّهِ وَلِلرَّسُولِ وَلِذِي ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينِ وَٱبۡنِ ٱلسَّبِيلِ كَيۡ لَا يَكُونَ دُولَةَۢ بَيۡنَ ٱلۡأَغۡنِيَآءِ مِنكُمۡۚ وَمَآ ءَاتَىٰكُمُ ٱلرَّسُولُ فَخُذُوهُ وَمَا نَهَىٰكُمۡ عَنۡهُ فَٱنتَهُواْۚ وَٱتَّقُواْ ٱللَّهَۖ إِنَّ ٱللَّهَ شَدِيدُ ٱلۡعِقَابِ

Su langun na inenggay nu Allah kanu sinugu nin a nakabpun kanu manga dalpa a manga manawt, na kanu Allah endu su sinugu nin endu su manga pagali endu su manga yateem endu su manga miskinan endu sya kanu lalan sa Allah, ka endu di mabaluy su tamuk sa ya bu kumamal lun a manga kawasa sa lekanu ,endu langun na initalingguma sa lekanu nu sinugu na kwa nu, langun na inisapal na teleni nu, endu ikagilek nu su Allah, ka saben-sabenal a mapasang i siksa nin.

59 : 8

لِلۡفُقَرَآءِ ٱلۡمُهَٰجِرِينَ ٱلَّذِينَ أُخۡرِجُواْ مِن دِيَٰرِهِمۡ وَأَمۡوَٰلِهِمۡ يَبۡتَغُونَ فَضۡلٗا مِّنَ ٱللَّهِ وَرِضۡوَٰنٗا وَيَنصُرُونَ ٱللَّهَ وَرَسُولَهُۥٓۚ أُوْلَٰٓئِكَ هُمُ ٱلصَّٰدِقُونَ

Endu su manga faqir a mimbakwit a pinalyu silan kanu dalpa nilan endu su manga tamuk nilan, a bangilay silan kanu limu nu Allah endu su suwat nin, endu pedtabangan (ipedsabek) nilan su agama nu Allah endu su sinugu nin, entuba i manga taw a benal (i palityaya nin).

59 : 9

وَٱلَّذِينَ تَبَوَّءُو ٱلدَّارَ وَٱلۡإِيمَٰنَ مِن قَبۡلِهِمۡ يُحِبُّونَ مَنۡ هَاجَرَ إِلَيۡهِمۡ وَلَا يَجِدُونَ فِي صُدُورِهِمۡ حَاجَةٗ مِّمَّآ أُوتُواْ وَيُؤۡثِرُونَ عَلَىٰٓ أَنفُسِهِمۡ وَلَوۡ كَانَ بِهِمۡ خَصَاصَةٞۚ وَمَن يُوقَ شُحَّ نَفۡسِهِۦ فَأُوْلَٰٓئِكَ هُمُ ٱلۡمُفۡلِحُونَ

Endu su manga taw a midtakena (sa Madinah) endu nangimbenal den danden (dapan makawma sa Madinah) a kalilinyan nilan i makawma sa kanilan (su manga muhajir ebpun sa Makkah), endu da bun gayd lilini nilan sa tamuk nilan, endu ilabi nilan i kaped nilan sa ginawa nilan sa apya ngin den i lilingay nilan sa tamuk, ka su taw a tebpeden nin su lilingay nin (sa dunya) na entu ba i manga taw a namaka-untung sa masla.

59 : 10

وَٱلَّذِينَ جَآءُو مِنۢ بَعۡدِهِمۡ يَقُولُونَ رَبَّنَا ٱغۡفِرۡ لَنَا وَلِإِخۡوَٰنِنَا ٱلَّذِينَ سَبَقُونَا بِٱلۡإِيمَٰنِ وَلَا تَجۡعَلۡ فِي قُلُوبِنَا غِلّٗا لِّلَّذِينَ ءَامَنُواْ رَبَّنَآ إِنَّكَ رَءُوفٞ رَّحِيمٌ

Endu su manga taw a nakawma (muhajir) sa ulyan (a taga Madinah) na ya nilan in-du’a na Kadenan nami ampun ka sa lekami (su kalimbanan) endu su pagali nami a nawna sa lekami sa kinapangimbenal, endu dika maluy kanu pusung nami i dengki nami kanu bamaginugut, hu Kadenan nami! Seka a Kadenan na malasam a malimu.

59 : 11

۞ أَلَمۡ تَرَ إِلَى ٱلَّذِينَ نَافَقُواْ يَقُولُونَ لِإِخۡوَٰنِهِمُ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ لَئِنۡ أُخۡرِجۡتُمۡ لَنَخۡرُجَنَّ مَعَكُمۡ وَلَا نُطِيعُ فِيكُمۡ أَحَدًا أَبَدٗا وَإِن قُوتِلۡتُمۡ لَنَنصُرَنَّكُمۡ وَٱللَّهُ يَشۡهَدُ إِنَّهُمۡ لَكَٰذِبُونَ

Ngintu da nengka mailay (Muhammad) su manga munafiq a ya nilan kadtalu kanu manga pagali nilan a kafir a manga Yahudi na amayka lumyu kanu na lumyu kami bun endu da unutan nami a salakaw pan sa lekanu taman sa taman, endu amayka embunuwa kanu na tabangan nami sekanu, na su Allah i pedsaksi sa silan (manga munafiq na manga malbut silan.

59 : 12

لَئِنۡ أُخۡرِجُواْ لَا يَخۡرُجُونَ مَعَهُمۡ وَلَئِن قُوتِلُواْ لَا يَنصُرُونَهُمۡ وَلَئِن نَّصَرُوهُمۡ لَيُوَلُّنَّ ٱلۡأَدۡبَٰرَ ثُمَّ لَا يُنصَرُونَ

Na amayka lumyu (su Yahudi) na di bun silan lumyu, amayka mimbunuwa menem na di bun silan tumabang (manga munafiq) na amayka tumabang silan na makapalaguy bun silan, mawli na dala tumabang sa kanilan.

59 : 13

لَأَنتُمۡ أَشَدُّ رَهۡبَةٗ فِي صُدُورِهِم مِّنَ ٱللَّهِۚ ذَٰلِكَ بِأَنَّهُمۡ قَوۡمٞ لَّا يَفۡقَهُونَ

Sekanu (manga bamaginugut) i labi a ikagilek nilan sa Allah, kagina silan a manga taw na di makasabut.

59 : 14

لَا يُقَٰتِلُونَكُمۡ جَمِيعًا إِلَّا فِي قُرٗى مُّحَصَّنَةٍ أَوۡ مِن وَرَآءِ جُدُرِۭۚ بَأۡسُهُم بَيۡنَهُمۡ شَدِيدٞۚ تَحۡسَبُهُمۡ جَمِيعٗا وَقُلُوبُهُمۡ شَتَّىٰۚ ذَٰلِكَ بِأَنَّهُمۡ قَوۡمٞ لَّا يَعۡقِلُونَ

Di kanu nilan imbunuwa, ya tabya na makagkuta silan atawaka aden dalinding nilan, mapasang i di nilan kapamagayun, antapen nengka silan sa ga-umpung di kena ka gapalak i pusung nilan kagina silan a manga taw na da ungangen nin.

59 : 15

كَمَثَلِ ٱلَّذِينَ مِن قَبۡلِهِمۡ قَرِيبٗاۖ ذَاقُواْ وَبَالَ أَمۡرِهِمۡ وَلَهُمۡ عَذَابٌ أَلِيمٞ

Mana su manga taw a nangawna sa kanilan, nanaman nilan i kabinasa na galebek nilan, endu sa kanilan i siksa a masakit.

59 : 16

كَمَثَلِ ٱلشَّيۡطَٰنِ إِذۡ قَالَ لِلۡإِنسَٰنِ ٱكۡفُرۡ فَلَمَّا كَفَرَ قَالَ إِنِّي بَرِيٓءٞ مِّنكَ إِنِّيٓ أَخَافُ ٱللَّهَ رَبَّ ٱلۡعَٰلَمِينَ

(Su manga munafiq) na mana bun shaytan, guna nin edtalu kanu manusya i egkafir ka, na guna egkafir na ya nin pidtalu: saben-sabenal ebpukas aku sa leka, ka saki na kagilekan aku sa Kadenan nu dunya.

59 : 17

فَكَانَ عَٰقِبَتَهُمَآ أَنَّهُمَا فِي ٱلنَّارِ خَٰلِدَيۡنِ فِيهَاۚ وَذَٰلِكَ جَزَٰٓؤُاْ ٱلظَّٰلِمِينَ

Na ya nilan nabpawangan na su naraka sa dala kalyu nilan, sabap sa entuba i balas nu manga darwaka.

59 : 18

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَلۡتَنظُرۡ نَفۡسٞ مَّا قَدَّمَتۡ لِغَدٖۖ وَٱتَّقُواْ ٱللَّهَۚ إِنَّ ٱللَّهَ خَبِيرُۢ بِمَا تَعۡمَلُونَ

Hay sekanu anan a bamaginugut ikagilek nu su Allah endu uman isa na ilayn nin u ngin ba i galebek nin a makwa nin namag, ikagilek nu su Allah ka langun na galebek nu na katawan nin.

59 : 19

وَلَا تَكُونُواْ كَٱلَّذِينَ نَسُواْ ٱللَّهَ فَأَنسَىٰهُمۡ أَنفُسَهُمۡۚ أُوْلَٰٓئِكَ هُمُ ٱلۡفَٰسِقُونَ

Endu da kanu miling kanu manga taw a tinagak nilan su inugut sa Allah, sa nalimpangan nilan su ginawa nilan, silan a manga taw a faasiq.

59 : 20

لَا يَسۡتَوِيٓ أَصۡحَٰبُ ٱلنَّارِ وَأَصۡحَٰبُ ٱلۡجَنَّةِۚ أَصۡحَٰبُ ٱلۡجَنَّةِ هُمُ ٱلۡفَآئِزُونَ

Di makapagidsan su taw sa naraka endu su taw sa surga, su taw sa surga na sa kanilan a badtugan a mapya.

59 : 21

لَوۡ أَنزَلۡنَا هَٰذَا ٱلۡقُرۡءَانَ عَلَىٰ جَبَلٖ لَّرَأَيۡتَهُۥ خَٰشِعٗا مُّتَصَدِّعٗا مِّنۡ خَشۡيَةِ ٱللَّهِۚ وَتِلۡكَ ٱلۡأَمۡثَٰلُ نَضۡرِبُهَا لِلنَّاسِ لَعَلَّهُمۡ يَتَفَكَّرُونَ

Upama bu ka initulun nami su Qur’an sa palaw na mailay nengka su palaw a malupet magugul sa gilek nin sa Allah endu entu ba na upaman a inenggay nami sa manga taw, ka endu silan makapamikir.

59 : 22

هُوَ ٱللَّهُ ٱلَّذِي لَآ إِلَٰهَ إِلَّا هُوَۖ عَٰلِمُ ٱلۡغَيۡبِ وَٱلشَّهَٰدَةِۖ هُوَ ٱلرَّحۡمَٰنُ ٱلرَّحِيمُ

Sekanin na Allah, da wagib a pedsimban a salakaw sa lekanin, katawan nin su mapayag-masulen, a malimu kanu ulipen nin sa dunya akhirat.

59 : 23

هُوَ ٱللَّهُ ٱلَّذِي لَآ إِلَٰهَ إِلَّا هُوَ ٱلۡمَلِكُ ٱلۡقُدُّوسُ ٱلسَّلَٰمُ ٱلۡمُؤۡمِنُ ٱلۡمُهَيۡمِنُ ٱلۡعَزِيزُ ٱلۡجَبَّارُ ٱلۡمُتَكَبِّرُۚ سُبۡحَٰنَ ٱللَّهِ عَمَّا يُشۡرِكُونَ

Sekanin na Allah da pedsimban a salakaw sa lekanin, a pakamilik, a suti, a sampulna, a benal, a pedtulik kanu binaluy, a mapulu, a pakapages sa endaw i kyug nin, mahasuti kanu ipedsakutu nu manga taw a pedsakutu.

59 : 24

هُوَ ٱللَّهُ ٱلۡخَٰلِقُ ٱلۡبَارِئُ ٱلۡمُصَوِّرُۖ لَهُ ٱلۡأَسۡمَآءُ ٱلۡحُسۡنَىٰۚ يُسَبِّحُ لَهُۥ مَا فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ

Sekanin a Allah i namaluy, napambuwat, napabpalas, lekanin i manga mapya a ngala, pedtasbih sa lekanin su dalem nu manga langit endu lupa, sekanin i mapulu a mataw mapandadayta.

الحَشر

Scan to Share