لُقمَان

ﮫ

لُقمَان is chapter 31 of the Quran and has 34 verses. This page presents it in full in the Uthmani script, with a verse-by-verse translation of its meaning.

34 Ayahs Surah No. 31

بِسْمِ ٱللَّهِ ٱلرَّحْمَٰنِ ٱلرَّحِيمِ

31 : 1

الٓمٓ

Alif-Laam-Meem (su Allah i labi a mataw kanu ma’na nin).

31 : 2

تِلۡكَ ءَايَٰتُ ٱلۡكِتَٰبِ ٱلۡحَكِيمِ

Su nya ba a manga ayatan kanu Qur’an a nangatul sa mapya.

31 : 3

هُدٗى وَرَحۡمَةٗ لِّلۡمُحۡسِنِينَ

Tutulu endu limu kanu manga taw a manga mapya.

31 : 4

ٱلَّذِينَ يُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَهُم بِٱلۡأٓخِرَةِ هُمۡ يُوقِنُونَ

Silan na pedtunay sa sambayang endu zakat nilan endu silan na di gapinda sa ginawa nilan i gay a mawli.

31 : 5

أُوْلَٰٓئِكَ عَلَىٰ هُدٗى مِّن رَّبِّهِمۡۖ وَأُوْلَٰٓئِكَ هُمُ ٱلۡمُفۡلِحُونَ

Silan i nakakwa sa tutulu ebpun sa Kadenan nilan endu silan i manga taw a namakauntung.

31 : 6

وَمِنَ ٱلنَّاسِ مَن يَشۡتَرِي لَهۡوَ ٱلۡحَدِيثِ لِيُضِلَّ عَن سَبِيلِ ٱللَّهِ بِغَيۡرِ عِلۡمٖ وَيَتَّخِذَهَا هُزُوًاۚ أُوْلَٰٓئِكَ لَهُمۡ عَذَابٞ مُّهِينٞ

Endu kaped kanu manga taw na yanin tumu i bityala a dala katagan nin ka endu makatading sa taw kanu agama nu Allah sa dala kataw nin, endu bagungaten nin su aden kataganin na sa lekanilan i siksa a dili magenggen.

31 : 7

وَإِذَا تُتۡلَىٰ عَلَيۡهِ ءَايَٰتُنَا وَلَّىٰ مُسۡتَكۡبِرٗا كَأَن لَّمۡ يَسۡمَعۡهَا كَأَنَّ فِيٓ أُذُنَيۡهِ وَقۡرٗاۖ فَبَشِّرۡهُ بِعَذَابٍ أَلِيمٍ

Amayka batyan sa lekanin i manga ayatan nami na mawa (silan) a pemamasla, mana nin bun da makineg ka mana den sinangalan i tangila nin, na panudtul ka sa lekanin su siksa a masakit.

31 : 8

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتُ ٱلنَّعِيمِ

Su manga taw a nangimbenal endu minggalebek sa manga mapya na kanilan su manga surga a na’eem.

31 : 9

خَٰلِدِينَ فِيهَاۖ وَعۡدَ ٱللَّهِ حَقّٗاۚ وَهُوَ ٱلۡعَزِيزُ ٱلۡحَكِيمُ

Tatap silan sa surga, benal su pasad nu Allah endu sekanin i mapulu.

31 : 10

خَلَقَ ٱلسَّمَٰوَٰتِ بِغَيۡرِ عَمَدٖ تَرَوۡنَهَاۖ وَأَلۡقَىٰ فِي ٱلۡأَرۡضِ رَوَٰسِيَ أَن تَمِيدَ بِكُمۡ وَبَثَّ فِيهَا مِن كُلِّ دَآبَّةٖۚ وَأَنزَلۡنَا مِنَ ٱلسَّمَآءِ مَآءٗ فَأَنۢبَتۡنَا فِيهَا مِن كُلِّ زَوۡجٖ كَرِيمٍ

Binaluy nin (Allah) su manga langit sa dala egkailay a palaws nin endu inibetad nin sa lupa su manga palaw a pedtikel sa dalpa nu, endu pinambuwat nin i langun na melanap-lanap, endu pinatulun nami i ulan ebpun sa langit endu pinatulun nami kanu ulan i embalangan a mapya.

31 : 11

هَٰذَا خَلۡقُ ٱللَّهِ فَأَرُونِي مَاذَا خَلَقَ ٱلَّذِينَ مِن دُونِهِۦۚ بَلِ ٱلظَّٰلِمُونَ فِي ضَلَٰلٖ مُّبِينٖ

Namba su binaluy nu Allah, ipailay nu sa laki u ngin i nabaluy nu barahala nu, ugayd na su manga kafir na natading silan sa mapayag.

31 : 12

وَلَقَدۡ ءَاتَيۡنَا لُقۡمَٰنَ ٱلۡحِكۡمَةَ أَنِ ٱشۡكُرۡ لِلَّهِۚ وَمَن يَشۡكُرۡ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ ٱللَّهَ غَنِيٌّ حَمِيدٞ

Endu saben-sabenal a inenggay nami kani Luqman i kataw: edsukur ka (Luqman) sa Allah, san den sa taw a edsukur su lekanin a balas nu sukur nin, su taw menem a egkafir na su Allah na kawasa a pebpugin.

31 : 13

وَإِذۡ قَالَ لُقۡمَٰنُ لِٱبۡنِهِۦ وَهُوَ يَعِظُهُۥ يَٰبُنَيَّ لَا تُشۡرِكۡ بِٱللَّهِۖ إِنَّ ٱلشِّرۡكَ لَظُلۡمٌ عَظِيمٞ

Endu labit ka (Muhammad i nanggula) nu bityala a pidtalu ni Luqman kanu wata nin sa sekanin na pangindawn nin: O wata ku! Di ka pedsakutu su Allah, ka saben-sabenal su kasakutu na tidtu a kadupangan a masela.

31 : 14

وَوَصَّيۡنَا ٱلۡإِنسَٰنَ بِوَٰلِدَيۡهِ حَمَلَتۡهُ أُمُّهُۥ وَهۡنًا عَلَىٰ وَهۡنٖ وَفِصَٰلُهُۥ فِي عَامَيۡنِ أَنِ ٱشۡكُرۡ لِي وَلِوَٰلِدَيۡكَ إِلَيَّ ٱلۡمَصِيرُ

Inibpalyugat nami kanu manusya i kabpiya-pya nin kanu duwa a lukes nin, nawgatan si ina nin sa kagingay nin, kinambata nin lun, duwa lagun na menda sumusu, edsukuri aku nu endu su duwa a lukes nengka, sya kanu makambalingan sa laki.

31 : 15

وَإِن جَٰهَدَاكَ عَلَىٰٓ أَن تُشۡرِكَ بِي مَا لَيۡسَ لَكَ بِهِۦ عِلۡمٞ فَلَا تُطِعۡهُمَاۖ وَصَاحِبۡهُمَا فِي ٱلدُّنۡيَا مَعۡرُوفٗاۖ وَٱتَّبِعۡ سَبِيلَ مَنۡ أَنَابَ إِلَيَّۚ ثُمَّ إِلَيَّ مَرۡجِعُكُمۡ فَأُنَبِّئُكُم بِمَا كُنتُمۡ تَعۡمَلُونَ

Amayka pegesen ka nilan sa sumakutu ka sa laki sa dala ilmu nu lun na di ka baginuguti silan, idtagapeda nengka silan sa mapya sa dunya endu ya ka tuntul su lalan nu midtawbat sa laki ka sya kanu bun makambalingan sa laki, inggay ku sa lekanu su balas nu manga galebek nu (lu sa dunya).

31 : 16

يَٰبُنَيَّ إِنَّهَآ إِن تَكُ مِثۡقَالَ حَبَّةٖ مِّنۡ خَرۡدَلٖ فَتَكُن فِي صَخۡرَةٍ أَوۡ فِي ٱلسَّمَٰوَٰتِ أَوۡ فِي ٱلۡأَرۡضِ يَأۡتِ بِهَا ٱللَّهُۚ إِنَّ ٱللَّهَ لَطِيفٌ خَبِيرٞ

(Tig ni Luqman): Hay wata ku! Apiya ngin den i kanawt a kadusan a itagu nengka sa lakungan sa didalem atawaka sya kanu langit atawaka sya sa lupa na italingguma bun nu Allah sa gay a mawli, su Allah na matuntul nin endu katawan nin mapambuwat.

31 : 17

يَٰبُنَيَّ أَقِمِ ٱلصَّلَوٰةَ وَأۡمُرۡ بِٱلۡمَعۡرُوفِ وَٱنۡهَ عَنِ ٱلۡمُنكَرِ وَٱصۡبِرۡ عَلَىٰ مَآ أَصَابَكَۖ إِنَّ ذَٰلِكَ مِنۡ عَزۡمِ ٱلۡأُمُورِ

Hay wata ku! Itindeg nengka su sambayang endu isugu nengka su mapya endu isapal nengka su mawag endu edsabar ka kanu makasugat sa leka, ka entuba i mapya sa langun a pakarajan.

31 : 18

وَلَا تُصَعِّرۡ خَدَّكَ لِلنَّاسِ وَلَا تَمۡشِ فِي ٱلۡأَرۡضِ مَرَحًاۖ إِنَّ ٱللَّهَ لَا يُحِبُّ كُلَّ مُخۡتَالٖ فَخُورٖ

Endu da ka ebpapulu (memamasela) kanu manga taw, endu da ka lumakaw kanu lupa sa kamamasela, su Allah na dili nin kaliniyan i langun na kadsandag (kapagambug).

31 : 19

وَٱقۡصِدۡ فِي مَشۡيِكَ وَٱغۡضُضۡ مِن صَوۡتِكَۚ إِنَّ أَنكَرَ ٱلۡأَصۡوَٰتِ لَصَوۡتُ ٱلۡحَمِيرِ

Lakaw ka sa kasasangan, endu kempen ka i suwara nengka (dili gayd pakatanugen) ka ya den mawag a suwara na suwara na himar.

31 : 20

أَلَمۡ تَرَوۡاْ أَنَّ ٱللَّهَ سَخَّرَ لَكُم مَّا فِي ٱلسَّمَٰوَٰتِ وَمَا فِي ٱلۡأَرۡضِ وَأَسۡبَغَ عَلَيۡكُمۡ نِعَمَهُۥ ظَٰهِرَةٗ وَبَاطِنَةٗۗ وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَلَا هُدٗى وَلَا كِتَٰبٖ مُّنِيرٖ

Ngintu da nu mailay i pinandaya nu Allah sa lekanu su dalem na manga langit endu su lupa endu linipung (inenggan) kanu nin sa limu nin a mapayag-masulen, endu kaped kanu manga taw i ebpalawa sa Allah sa dala sabut nin endu dala tutulu nin endu dala pen kitab nin a mapayag a pedtindagan nin.

31 : 21

وَإِذَا قِيلَ لَهُمُ ٱتَّبِعُواْ مَآ أَنزَلَ ٱللَّهُ قَالُواْ بَلۡ نَتَّبِعُ مَا وَجَدۡنَا عَلَيۡهِ ءَابَآءَنَآۚ أَوَلَوۡ كَانَ ٱلشَّيۡطَٰنُ يَدۡعُوهُمۡ إِلَىٰ عَذَابِ ٱلسَّعِيرِ

Amayka pidtalu sa kanilan i unut kanu sa kanu initulun nu Allah (Qur’an) ya nilan kadtalu: su nalayaman nami kanu manga kalukesan i unutan nami apya pan shaytan i bagenggat sa kanilan sa siksa a pegkalaw-kalaw.

31 : 22

۞ وَمَن يُسۡلِمۡ وَجۡهَهُۥٓ إِلَى ٱللَّهِ وَهُوَ مُحۡسِنٞ فَقَدِ ٱسۡتَمۡسَكَ بِٱلۡعُرۡوَةِ ٱلۡوُثۡقَىٰۗ وَإِلَى ٱللَّهِ عَٰقِبَةُ ٱلۡأُمُورِ

Endu entayn i isangkup nin i biyas nin sa Allah endu sekanin na mapya (a taw) na nakamalan nin su tali a malanut a makasampay sa Allah endu lu bun sa Allah makambalingan su langun na pakaragyan (kanggula).

31 : 23

وَمَن كَفَرَ فَلَا يَحۡزُنكَ كُفۡرُهُۥٓۚ إِلَيۡنَا مَرۡجِعُهُمۡ فَنُنَبِّئُهُم بِمَا عَمِلُوٓاْۚ إِنَّ ٱللَّهَ عَلِيمُۢ بِذَاتِ ٱلصُّدُورِ

Endu entayn i migkafir na di ka lumidu i ginawa nengka (Muhammad) sa kinagkafir in ka sya bun silan makabpawang (makambalingan) sa laki, balasan nami kanu galebek nilan, su Allah na katawan nin i dalem nu manga pamusungan nu.

31 : 24

نُمَتِّعُهُمۡ قَلِيلٗا ثُمَّ نَضۡطَرُّهُمۡ إِلَىٰ عَذَابٍ غَلِيظٖ

Pakalilinin silan sa paydu, mawli na idasek (ibensek) nami silan kanu siksa a mapasang.

31 : 25

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ ٱللَّهُۚ قُلِ ٱلۡحَمۡدُ لِلَّهِۚ بَلۡ أَكۡثَرُهُمۡ لَا يَعۡلَمُونَ

Amayka idsa sa kanilan u entayn i minumbal sa langit endu lupa, na ya nilan isumpat na su Allah, na pugi ka (Muhammad) su Kadenan nengka, ka ya madakel sa lekanilan na dili manga mataw.

31 : 26

لِلَّهِ مَا فِي ٱلسَّمَٰوَٰتِ وَٱلۡأَرۡضِۚ إِنَّ ٱللَّهَ هُوَ ٱلۡغَنِيُّ ٱلۡحَمِيدُ

Kanu Allah su dalem nu manga langit endu lupa, sekanin (Allah) i kawasa a pebpugin.

31 : 27

وَلَوۡ أَنَّمَا فِي ٱلۡأَرۡضِ مِن شَجَرَةٍ أَقۡلَٰمٞ وَٱلۡبَحۡرُ يَمُدُّهُۥ مِنۢ بَعۡدِهِۦ سَبۡعَةُ أَبۡحُرٖ مَّا نَفِدَتۡ كَلِمَٰتُ ٱللَّهِۚ إِنَّ ٱللَّهَ عَزِيزٌ حَكِيمٞ

Upama bu ka su dalem nu lupa a manga kayu ka umbalen a pinsil, su lagat menem i dawat na takepen sa makapitu su lagat sa dunya na dili bun maibped su manga ilmu nu Allah ka sekanin i mapulu a mataw.

31 : 28

مَّا خَلۡقُكُمۡ وَلَا بَعۡثُكُمۡ إِلَّا كَنَفۡسٖ وَٰحِدَةٍۚ إِنَّ ٱللَّهَ سَمِيعُۢ بَصِيرٌ

Da sa kinabaluy sa lekanu endu su kambuwat nu ya tabya na mana isa ka napas (malemu geyd sa Allah), su Allah na pakakineg a pakailay.

31 : 29

أَلَمۡ تَرَ أَنَّ ٱللَّهَ يُولِجُ ٱلَّيۡلَ فِي ٱلنَّهَارِ وَيُولِجُ ٱلنَّهَارَ فِي ٱلَّيۡلِ وَسَخَّرَ ٱلشَّمۡسَ وَٱلۡقَمَرَۖ كُلّٞ يَجۡرِيٓ إِلَىٰٓ أَجَلٖ مُّسَمّٗى وَأَنَّ ٱللَّهَ بِمَا تَعۡمَلُونَ خَبِيرٞ

Da nengka mailay i paludepen nu Allah su magabi kanu malamag endu su malamag kanu magabi, endu pinandaya nin su senang endu su ulan-ulan, uman isa na bagukit sa lalan nin taman kanu timpu nin, endu su Allah na katawan nin i langun na galebek nu.

31 : 30

ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّ مَا يَدۡعُونَ مِن دُونِهِ ٱلۡبَٰطِلُ وَأَنَّ ٱللَّهَ هُوَ ٱلۡعَلِيُّ ٱلۡكَبِيرُ

Kagina saben-sabenal na namba su Allah a haqq (benal), su langun na pedsimban nilan a salakaw kanu (Allah) na baatil endu sekanin a Allah i mapulu a mataw.

31 : 31

أَلَمۡ تَرَ أَنَّ ٱلۡفُلۡكَ تَجۡرِي فِي ٱلۡبَحۡرِ بِنِعۡمَتِ ٱللَّهِ لِيُرِيَكُم مِّنۡ ءَايَٰتِهِۦٓۚ إِنَّ فِي ذَٰلِكَ لَأٓيَٰتٖ لِّكُلِّ صَبَّارٖ شَكُورٖ

Nailay nengka su kapal (lansa) a balalaguy kanu lagat sa limu nu Allah, ipabpagilay nin sa lekanu su ped kanu manga tanda nin, nakadalem lu ba su manga tanda nu Allah kanu masabar a barasukur.

31 : 32

وَإِذَا غَشِيَهُم مَّوۡجٞ كَٱلظُّلَلِ دَعَوُاْ ٱللَّهَ مُخۡلِصِينَ لَهُ ٱلدِّينَ فَلَمَّا نَجَّىٰهُمۡ إِلَى ٱلۡبَرِّ فَمِنۡهُم مُّقۡتَصِدٞۚ وَمَا يَجۡحَدُ بِـَٔايَٰتِنَآ إِلَّا كُلُّ خَتَّارٖ كَفُورٖ

Amayka nataguban a bagel silan a mana den palaw na mangeni silan sa Allah sa ikhlas sa lekanin su agama, guna silan makatepad sa kapuluwan na aden bun sa lkanilan i nagalang-alang (di kena mu’min, di kena menem kafir) endu dala sumupak kanu ayatan nami ya tabiya na tagakalen a supak (kafir).

31 : 33

يَٰٓأَيُّهَا ٱلنَّاسُ ٱتَّقُواْ رَبَّكُمۡ وَٱخۡشَوۡاْ يَوۡمٗا لَّا يَجۡزِي وَالِدٌ عَن وَلَدِهِۦ وَلَا مَوۡلُودٌ هُوَ جَازٍ عَن وَالِدِهِۦ شَيۡـًٔاۚ إِنَّ وَعۡدَ ٱللَّهِ حَقّٞۖ فَلَا تَغُرَّنَّكُمُ ٱلۡحَيَوٰةُ ٱلدُّنۡيَا وَلَا يَغُرَّنَّكُم بِٱللَّهِ ٱلۡغَرُورُ

Hay sekanu anan a manga taw! Ikagilek nu su Allah endu ikagilek nu su gay a mawli a di kabalasan nu ama su wata nin endu di kadtabangan nu wata su ama nin sa apya paydu, saben-sabenal su pasad nu Allah na benal a matuman, na da kanu bu edsimpang sa kabpaguyag sa dunya endu da kanu bu (edsimpang kanu shaytan) sa lalan sa Allah.

31 : 34

إِنَّ ٱللَّهَ عِندَهُۥ عِلۡمُ ٱلسَّاعَةِ وَيُنَزِّلُ ٱلۡغَيۡثَ وَيَعۡلَمُ مَا فِي ٱلۡأَرۡحَامِۖ وَمَا تَدۡرِي نَفۡسٞ مَّاذَا تَكۡسِبُ غَدٗاۖ وَمَا تَدۡرِي نَفۡسُۢ بِأَيِّ أَرۡضٖ تَمُوتُۚ إِنَّ ٱللَّهَ عَلِيمٌ خَبِيرُۢ

Lu sa Allah su kataw sa kabangkit sa dunya, endu ipedtulun nin su ulan, endu katawan nin su natagu kanu rahim (kagingay) nu babay, endu di katawan u isa u ngin i mapantyali nin sa mapita endu di nin katawan u endaw a lupa i patayan nin, saben-sabenal su Allah na katawan nin i mapayag masulen.

Previous Surah Next Surah

لُقمَان

Scan to Share