Пайгамбар хадистеринин энциклопедиясы

"Эч кимиңер заара кылганда мүчөсүн оң колу менен кармабасын. Даарат ушатканда оң колу менен тазалабасын. Ичкенде идиштин ичине демин чыгарбасын".

"Бир киши экинчи бир кишинин кабырынын жанынан өтүп бара жатып: "Аттиң десе, ушунун ордунда мен болуп калганымда" деп (самап) калмайынча кыямат болбойт".

"Кимде-ким биздин шариятыбызга анда болбогон жаңы ишти киргизсе, ал өзүнө кайтарылат ".

«Кыямат күнү момун адам Кудуреттүү, Улук Раббисине жакындатылат. Анан (Аллах) аны Өз коргоосуна алып, бардык күнөөлөрүн мойнуна алдыртып: «(Күнөөлөрүңдү) билесиңби?» – деп сурайт. Пенде: «Ооба, оо, Раббим, билемин» – деп жооп берет. (Аллах): «Чынында, Мен сенин (бул) күнөөлөрүңдү дүйнөдө жашырган болчумун. Бүгүн сен үчүн аларды кечиремин» – дейт. Анан ага жакшылык баракчасы (китеби) берилет. Ал эми, каапыр жана мунафыктарды бардык калайыктын көз алдында: «Мына булар Аллахка жалган сүйлөгөндөр» – деп айтылат».

«Чынында фитналар болот. Билип койгула, анан ушундай бир фитна болот, анда олтурган адам баскан адамдан жакшы, ал эми баскан адам ага чуркаган адамдан жакшы болот. Билип койгула, эгер ал келсе же башталса, кимдин төөсү болсо төөсүнө кетсин, кимдин койу болсо коюна кетсин, кимдин жери болсо жерине кетсин». Ошондо бир адам: Оо, Аллахтын элчиси, төөсү, койу жана жери жок адам эмне кылуусу керек? деп сурады. Пайгамбар: «Кылычын алып, анын мизин таш менен чаап мокотсун, андан соң эгер кутулууга мүмкүнчүлүгү болсо, кутулуп кетсин. Оо, Аллах, мен жеткирдимби? Оо, Аллах, мен жеткирдимби? Оо, Аллах, мен жеткирдимби?» деп жооп берди. Анан дагы бир адам: Оо, Аллахтын элчиси, эгер мени күчкө салып, эки саптын же эки топтун бирине алып барышса, анан бирөө мени кылычы менен чапса же бир жебе келип мени өлтүрсөчү? - деп сурады. Пайгамбар: «Анда ал өзүнүн да, сенин да күнөөңдү мойнуна алат жана тозок ээлеринен болот» - деп жооп берди.

«Улуу жана Кудуреттүү Аллах айтты: Адам баласы заманды (убакытты) сөгүп, Мага ыза жеткирет. А чынында, заман – Менмин, бардык иш Менин колумда, түн менен күндү Мен алмаштырып турам».

"Кимде-ким боорукерликтен куру калса, бардык жакшылыктан куру калыптыр".

«Тууганчылык байланышты үзгөн адам бейишке кирбейт».