Пайгамбар хадистеринин энциклопедиясы

Ал мага: «Сен чындыгында эле жыл бою (күн сайын) орозо тутуп, түнү бою (ибадат кылып) намазда турасыңбы?» - деди. Мен: «Ооба», - деп жооп бердим. Ал айтты: «Эгер сен ушинтип уланта берсең, көзүң чуңкурайып, денең алсырайт. Жыл бою (тынбай) орозо кармаган адам орозо туткан болуп эсептелбейт. (Ар айда) үч күн орозо тутуу — бул бүтүндөй жыл бою орозо тутууга тең келет». Мен: «Менин мындан да көбүрөөккө күчүм жетет», - дедим. Ал: «Анда Дауд пайгамбардын орозосун тут! Ал бир күн тутуп, бир күн оозу ачык жүргөн жана (душманга) жолукканда эч качан артка каччу эмес»,— деп айтты.

Эң сүйүктүү досум (пайгамбар) (ага Аллахтын тынчтыгы жана мактоосу болсун) мага үч ишти осуят кылды: ар айда үч күндөн орозо кармоону; (күн сайын) эки рекеттен чашке намазын окууну; уктаардан мурда витр намазын окуп жатууну".