Skip to content

Ажылык менен умраны биринин артынан бирин аткаргыла. Анткени ал экөө көөрүк темирдин, алтындын жана күмүштүн датын кетиргендей, жакырчылыкты жана күнөөнү кетирет. Кабыл болгон ажылыктын сыйлыгы - бейиш гана болот.

Абдуллах иьн Масуд айтат: Аллахтын элчиси (ага Аллахтын тынчтыгы жана мактоосу болсун) мынтип айткан:

"Ажылык менен умраны биринин артынан бирин аткаргыла. Анткени ал экөө көөрүк темирдин, алтындын жана күмүштүн датын кетиргендей, жакырчылыкты жана күнөөнү кетирет. Кабыл болгон ажылыктын сыйлыгы - бейиш гана болот."

«تَابِعُوا بَيْنَ الحَجِّ وَالعُمْرَةِ، فَإِنَّهُمَا يَنْفِيَانِ الفَقْرَ وَالذُّنُوبَ كَمَا يَنْفِي الكِيرُ خَبَثَ الحَدِيدِ، وَالذَّهَبِ، وَالفِضَّةِ، وَلَيْسَ لِلْحَجَّةِ الْمَبْرُورَةِ ثَوَابٌ إِلاَّ الجَنَّةُ».

Ат-Тирмизи, ан-Насаи жана Ахмад риваят кылган.
Сахих (ишенимдүү)
Чечмелөө

Пайгамбар (ага Аллахтын тынчтыгы жана мактоосу болсун) мүмкүнчүлүк болсо ажылык менен умра ибадаттарын биринин артынан бирин аткарууга жана аларды аткарууну үзбөөгө үндөгөн. Анткени аларды аткаруу, отту үйлөө темирдин датын жана ага аралашып калган башка металлдарды кетирүүгө себеп болгондой эле, жакырчылыкты, күнөөлөрдү жана алардын жүрөктөгү таасирин кетирүүгө себеп болот.

Хадистин пайдалары

Ажылык менен умраны биринин артынан бирин аткаруунун пазилети жана ага үндөө.

Ажылык менен умраны биринин артынан бирин аткаруу - байлыктын жана күнөөлөрдүн кечирилишинин себептеринен болуп саналат.

Мубаракфури мындай деген: "(жакырлыкты кетирет) башкача айтканда, аны жоготот. Бул колдун байышы аркылуу сырткы жакырчылыкты жана жүрөктүн байышы аркылуу ички жакырчылыкты камтышы мүмкүн."

Булактар

Сунан ат-Тирмизи (2/ 167) (810).

Сунан ан-Насааи (5/ 115) (2631).

Муснад Ахмад (6/ 185) (3669).

Дагы (2)

ذخيرة العقبى في شرح المجتبى (23/ 322).

النهاية في غريب الحديث والأثر (819) (252).