Кайра барып намаз оку, анткени сен намаз окуган жоксуң.

Абу Хурайра (Аллах андан ыраазы болсун) риваят кылат:

Аллахтын элчиси (ага Аллахтын тынчтыгы жана мактоосу болсун) мечитке кирди. Анан бир киши кирип намаз окуду да, Пайгамбарыбызга (ага Аллахтын тынчтыгы жана мактоосу болсун) салам берди. Ал алик алып: "Кайра барып намаз оку, анткени сен намаз окуган жоксуң" - деди. Тиги кайтып барып мурдагысындай эле намаз окуду да, кайтып келип Пайгамбарыбызга (ага Аллахтын тынчтыгы жана мактоосу болсун) салам берди. Ал: "Кайра барып намаз оку, анткени сен намаз окуган жоксуң" - деп үч жолу айтты. Ошондо тиги: "Сени акыйкат менен жиберген Затка ант, мен мындан башка жакшыраак кыла албайм, мага үйрөтүңүз" - деди. Ал айтты: "Эгерде намазга турсаң, такбир айт. Андан кийин Курандан өзүңө жеңил болгонун оку. Андан кийин рүкү кылып, рүкүдө толук тынчтанганга чейин тур. Анан көтөрүлүп, боюңду түзөп тик тур. Андан кийин сажда кылып, саждада толук тынчтанганга чейин тур. Анан көтөрүлүп, толук тынчтанып олтур. Жана ушул нерселерди бардык намаздарыңда аткар".

أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ دَخَلَ المَسْجِدَ فَدَخَلَ رَجُلٌ، فَصَلَّى، فَسَلَّمَ عَلَى النَّبِيِّ صَلَّى اللهُ عَلَيْهِ وَسَلَّمَ، فَرَدَّ وَقَالَ: «ارْجِعْ فَصَلِّ، فَإِنَّكَ لَمْ تُصَلِّ»، فَرَجَعَ يُصَلِّي كَمَا صَلَّى، ثُمَّ جَاءَ، فَسَلَّمَ عَلَى النَّبِيِّ صَلَّى اللهُ عَلَيْهِ وَسَلَّمَ، فَقَالَ: «ارْجِعْ فَصَلِّ، فَإِنَّكَ لَمْ تُصَلِّ» ثَلاَثًا، فَقَالَ: وَالَّذِي بَعَثَكَ بِالحَقِّ مَا أُحْسِنُ غَيْرَهُ، فَعَلِّمْنِي، فَقَالَ: «إِذَا قُمْتَ إِلَى الصَّلاَةِ فَكَبِّرْ، ثُمَّ اقْرَأْ مَا تَيَسَّرَ مَعَكَ مِنَ القُرْآنِ، ثُمَّ ارْكَعْ حَتَّى تَطْمَئِنَّ رَاكِعًا، ثُمَّ ارْفَعْ حَتَّى تَعْدِلَ قَائِمًا، ثُمَّ اسْجُدْ حَتَّى تَطْمَئِنَّ سَاجِدًا، ثُمَّ ارْفَعْ حَتَّى تَطْمَئِنَّ جَالِسًا، وَافْعَلْ ذَلِكَ فِي صَلاَتِكَ كُلِّهَا».