ده‌ستنڤێژه‌كا وه‌كی یا پێغه‌مبه‌ری (صه‌لات و سه‌لامێن خودێ ل سه‌ر بن) بۆ وان گرت
یه‌حیایێ كوڕێ عوماره‌یێ مازنی دبێژیت:
ئه‌ز ل وێرێ یێ ئاماده‌بووم ده‌مێ عه‌مرێ كوڕێ ئه‌بو حه‌سه‌نی پرسیار ژ عه‌بدولڵاھێ كوڕێ زه‌یدی كری ده‌رباره‌ی ده‌ستنڤێژا پێغه‌مبه‌ری (صه‌لات و سه‌لامێن خودێ ل سه‌ر بن)، ئینا عه‌بدولڵاھی داخوازا ئامانه‌كێ ئاڤێ كر، پاشی ده‌ستنڤێژه‌كا وه‌كی یا پێغه‌مبه‌ری (صه‌لات و سه‌لامێن خودێ ل سه‌ر بن) بۆ وان گرت، ڤێجا ئامان وه‌رگێڕا و ئاڤ ب سه‌ر ده‌ستێ خۆدا كر و سێ جاران ده‌ستێن خۆ شویشتن، پاشی ده‌ستێ خۆ كره د ئاڤێدا و ئاڤ د ده‌ڤ و دفنێن خۆ وه‌ردا و پاشی ئینا ده‌ر، ئه‌ڤه ژی سێ جاران ئه‌نجام دا، پاشی ده‌ستێ خۆ كره تێدا و سێ جاران سه‌روچاڤێن خۆ شویشتن، پاشی هه‌ردوو ده‌ستێن خۆ هه‌تا ئه‌نیشكان دوو جاران شویشتن، پاشی ده‌ستێ خۆ كره تێدا و مه‌سحا سه‌رێ خۆ كر، ڤێجا ب هه‌ردوو ده‌ستان ژ پێشییا سه‌ری چوو هه‌تا پاشییا سه‌ری و پاشی زڤڕانده جهێ ده‌ستپێكێ، ئه‌ڤه ئێك جار ئه‌نجامدا، پاشی هه‌ردوو پێیێن خۆ هه‌تا گۆزه‌كان شویشتن.
شَهِدْتُ عَمْرَو بْنَ أَبِي حَسَنٍ سَأَلَ عَبْدَ اللَّهِ بْنَ زَيْدٍ، عَنْ وُضُوءِ النَّبِيِّ صَلَّى اللهُ عَلَيْهِ وَسَلَّمَ فَدَعَا بِتَوْرٍ مِنْ مَاءٍ، فَتَوَضَّأَ لَهُمْ وُضُوءَ النَّبِيِّ صَلَّى اللهُ عَلَيْهِ وَسَلَّمَ، فَأَكْفَأَ عَلَى يَدِهِ مِنَ التَّوْرِ، فَغَسَلَ يَدَيْهِ ثَلاَثًا، ثُمَّ أَدْخَلَ يَدَهُ فِي التَّوْرِ، فَمَضْمَضَ وَاسْتَنْشَقَ وَاسْتَنْثَرَ، ثَلاَثَ غَرَفَاتٍ، ثُمَّ أَدْخَلَ يَدَهُ فَغَسَلَ وَجْهَهُ ثَلاَثًا، ثُمَّ غَسَلَ يَدَيْهِ مَرَّتَيْنِ إِلَى المِرْفَقَيْنِ، ثُمَّ أَدْخَلَ يَدَهُ فَمَسَحَ رَأْسَهُ، فَأَقْبَلَ بِهِمَا وَأَدْبَرَ مَرَّةً وَاحِدَةً، ثُمَّ غَسَلَ رِجْلَيْهِ إِلَى الكَعْبَيْنِ.
عه‌بدولڵاھێ كوڕێ زه‌یدی (خودێ ژێ ڕازی بیت) ب شێوازه‌كێ كریاری شێواز و چاوانییا ده‌ستنڤێژا پێغه‌مبه‌ری (صه‌لات و سه‌لامێن خودێ ل سه‌ر بن) ڕوهنكر، ڤێجا داخوازا ئامانه‌كێ ئاڤێ یێ بچویك كر، ڤێجا ده‌ستپێكێ به‌ری هه‌ر تشته‌كی هه‌ردوو ده‌ستێن خۆ شویشتن، پاشی ئه‌و ئامانێ ئاڤێ خواركر و ئاڤ ژێ كره سه‌ر ده‌ستێ خۆ و سێ جاران ژ ده‌رڤه‌ی ئامانی ده‌ستێن خۆ شویشتن، پاشی ده‌ستێ خۆ كره د ناڤ ئامانێ ئاڤێدا و سێ جاران ئاڤ ژێ وه‌رگرت و د هه‌ر جاره‌كێدا ئاڤ د ده‌ڤ و دفنا خۆ وه‌رددا و پاشی دئینا دەر، پاشی هنده‌ك ئاڤا دی كره د ده‌ستێ خۆدا و سێ جاران ڕوییێ خۆ شویشت، پاشی هه‌ردوو ده‌ستێن خۆ هه‌تا ئه‌نیشكان دوو جاران دوو جاران شویشتن، پاشی دەستێ خۆ کرە د ناڤ ئامانێ ئاڤێدا و مه‌سحا سه‌رێ خۆ كر ب هندێ كو ژ پێشییا سه‌رێ خۆ ده‌ستپێكر هه‌تا گه‌هشتییه پاشی و دویماهیكا ستۆی، پاشی زڤڕاندنه‌ڤه بۆ ئه‌وی جهێ ژێ ده‌ستپێكری، پاشی هه‌ردوو پێیێن خۆ هه‌تا گۆزه‌كان شویشتن.
التور: الإناء الصغير.
بكارئینانا مامۆستای بۆ نێزیكترین ڕێك بۆ تێگه‌هشتن و بنه‌جهبوونا زانستی، ژ ڤان ڕێكان ژی فێركرنه ب ڕێكا كاركرن و كریارێ.
دروستییا دووباره‌كرنا سێ جاران د هنده‌ك ئه‌ندامێن ده‌ستنڤێژێدا و دوو جاران د هنده‌كێن دیدا، و یا فه‌ڕز ب تنێ ئێك جاره.
فه‌ربوونا ڕێزبه‌ندییێ د ناڤبه‌را ئه‌ندامێن ده‌ستنڤێژێدا، هه‌روه‌كی د فه‌رمووده‌یێدا هاتی.
سنوورێ سه‌روچاڤان (ڕوی) ژ جهێ شینبوونا مویێن پرچا سه‌ری هه‌تا ئه‌رزینكێ و جهێ درێژبوونا ڕیھان ب درێژاهی، و ژ گوهی بۆ گوهی ب پاناتی.
زێده‌تر (11)
صه‌حیحا بۆخاری (1/ 48) (186).
صه‌حیحا موسلمی (1/ 210) (235).
الإلمام بشرح عمدة الأحكام.
لإسماعيل الأنصاري (1/ 18).
الإفهام في شرح عمدة الأحكام.
لابن باز (ص72).
تيسير العلام شرح عمدة الأحكام.
لعبد الله البسام (ص29).
تنبيه الأفهام شرح عمدة الأحكام.
لابن عثيمين (1/ 27).
شرح العمدة للسعدي (ص 50).