((ل سه‌ر قه‌بران نه‌ڕوینن و نڤێژان ل به‌رامبه‌ری وان نه‌كه‌ن))
ئه‌بو مه‌رثه‌دێ غه‌نه‌وی (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((ل سه‌ر قه‌بران نه‌ڕوینن و نڤێژان ل به‌رامبه‌ری وان نه‌كه‌ن)).
«لَا تَجْلِسُوا عَلَى الْقُبُورِ، وَلَا تُصَلُّوا إِلَيْهَا».
پێغه‌مبه‌ری (صه‌لات و سه‌لامێن خودێ ل سه‌ر بن) پاشڤه‌برن ژ ڕوینشتنا ل سه‌ر قه‌بران كر. كا چاوا پاشڤه‌برن ژ هندێ كر مرۆڤ نڤێژێ ل به‌رامبه‌ری قه‌بران بكه‌ت، وه‌سا كو قه‌بر بكه‌ڤیته لایێ قیبلا نڤێژكه‌ری، چونكی ئه‌ڤه ژ ڕێكێن شركێنه.
پاشڤه‌برن ژ نڤێژكرنێ ل گۆڕستانان یان د ناڤبه‌را قه‌براندا یان ل به‌رامبه‌ر وان، ب تنێ نڤێژا جه‌نازه‌ی نه‌بیت، هه‌روه‌كی ئه‌ڤ چه‌نده د سوننه‌تێدا بنه‌جھ بووین.
پاشڤه‌برن ژ نڤێژكرنێ ل به‌رامبه‌ری قه‌بران هاته كرن، دا ببیته گرتنه‌ك بۆ هه‌ر ده‌رگه‌هه‌كێ سه‌ربكێشیت بۆ شركێ.
ئیسلامێ پاشڤه‌برن ژ زێده‌گاڤیكرنا د قه‌براندا كرییه، كا چاوا پاشڤه‌برن ژ بێڕێزیكرنا ل قه‌بران ژی كرییه، له‌وا نه زێده‌گاڤی و نه سستاهی د دروست نینن.
قه‌در و بها و ڕێزا موسلمانی دێ هه‌ر مینیت، هه‌تا پشتی دمریت ژی، ژ به‌ر گۆتنا پێغه‌مبه‌ری (صه‌لات و سه‌لامێن خودێ ل سه‌ر بن): ((شكاندنا هه‌ستیكێ مری؛ وه‌كی شكاندنا هه‌ستیكێ وییه ب ساخی)).
زێده‌تر (7)
صه‌حیحا موسلمی (2/ 668) (972).
توضيح الأحكام مِن بلوغ المرام.
لعبد الله البسام (2/ 30).
فتح ذي الجلال والإكرام شرح بلوغ المرام.
لمحمد العثيمين (1/ 522).
منحة العلام في شرح بلوغ المرام.
لعبد الله الفوزان (4/ 285).