“បុគ្គលណារីករាយចង់ឲ្យអល់ឡោះរំដោះខ្លួនឲ្យរួចផុតពីទុក្ខលំបាកនានានៅថ្ងៃបរលោក ចូរឲ្យគេជួយសម្រួលដល់អ្នកដែលមានការលំបាក ឬ លើកលែងបំណុលនោះ”។

អាពូក៏តាហ្ទះ អាល់អាន់សរី رضي الله عنه បានស្វែងរកអ្នកជំពាក់បំណុលរបស់គាត់ម្នាក់ដែលពួនគេចពីគាត់។ នៅពេលដែលគាត់រកឃើញ អ្នកជំពាក់បំណុលនោះបាននិយាយថា៖ ខ្ញុំពិតជាក្រលំបាកណាស់។ ខ្ញុំគ្មានទ្រព្យសម្បត្តិដើម្បីនឹងសងបំណុលអ្នកឡើយ។ ពេលនោះ អាពូក៏តាហ្ទះ رضي الله عنه ក៏បានសុំឲ្យបុរសនោះស្បថថា គាត់ពិតជាគ្មានទ្រព្យសម្បត្តិអ្វីមែន។ បុរសនោះក៏បានស្បថនឹងអល់ឡោះថា អ្វីដែលគាត់និយាយ គឺពិតប្រាកដមែន។ អាពូក៏តាហ្ទទះ رضي الله عنه បាននិយាយថា៖ ពិតណាស់ គាត់បានឮណាពី ﷺ លោកបានមានប្រសាសន៍ថា៖ បុគ្គលណារីករាយចង់ឲ្យអល់ឡោះរំដោះខ្លួនឲ្យរួចផុតពីទុក្ខលំបាក ភាពតានតឹង និងភាពរន្ធត់នានានៅថ្ងៃបរលោក ចូរឲ្យគេជួយសម្រួលដល់អ្នកមានការលំបាកដោយពន្យារពេលទារបំណុល ឬលុបចោលបំណុលនោះមួយផ្នែក ឬទាំងអស់តែម្តង។