ក្រោយពេលដែលគេបានបញ្ចុះ៖ {إِذَا جَاءَ نَصْرُ اللَّهِ وَالفَتْحُ} [النصر: 1] (នៅពេលដែលជំនួយរបស់អល់ឡោះ និងជ័យជម្នះបានមកដល់) រាល់ពេលដែលណាពី ﷺ សឡាត លោកតែងសូត្រថា៖ سُبْحَانَكَ رَبَّنَا وَبِحَمْدِكَ اللَّهُمَّ اغْفِرْ لِي (ឱម្ចាស់របស់ពួកយើង! ទ្រង់ដ៏មហាបរិសុទ្ធ! រាល់ការសរសើរទាំងឡាយ គឺសម្រាប់ទ្រង់។ ឱអល់ឡោះជាម្ចាស់! សូមទ្រង់មេត្តាអភ័យទោសឲ្យពួកយើងផង)។

អំពី អាអ៊ីស្ហះ អ៊ុមមុលមុមីនីន رضي الله عنها បាននិយាយថា៖

ក្រោយពេលដែលគេបានបញ្ចុះ៖ {إِذَا جَاءَ نَصْرُ اللَّهِ وَالفَتْحُ} [النصر: 1] (នៅពេលដែលជំនួយរបស់អល់ឡោះ និងជ័យជម្នះបានមកដល់) រាល់ពេលដែលណាពី ﷺ សឡាត លោកតែងសូត្រថា៖ سُبْحَانَكَ رَبَّنَا وَبِحَمْدِكَ اللَّهُمَّ اغْفِرْ لِي (ឱម្ចាស់របស់ពួកយើង! ទ្រង់ដ៏មហាបរិសុទ្ធ! រាល់ការសរសើរទាំងឡាយ គឺសម្រាប់ទ្រង់។ ឱអល់ឡោះជាម្ចាស់! សូមទ្រង់មេត្តាអភ័យទោសឲ្យពួកយើងផង)។ ហើយអំពី អាអ៊ីស្ហះ ដដែល គាត់បាននិយាយថា៖ រ៉ស៊ូលុលឡោះ ﷺ លោកច្រើនសូត្រនៅក្នុងពេលរូកុ និងស៊ូជោតរបស់លោកថា៖ " سُبْحَانَكَ اللَّهُمَّ رَبَّنَا وَبِحَمدِكَ ، اللَّهُمَّ اغْفِرْ لِي " (ឱម្ចាស់របស់ពួកយើង! ទ្រង់ដ៏មហាបរិសុទ្ធ! រាល់ការសរសើរទាំងឡាយ គឺសម្រាប់ទ្រង់។ ឱអល់ឡោះជាម្ចាស់! សូមទ្រង់មេត្តាអភ័យទោសឲ្យដល់ខ្ញុំផង) ដោយលោកអនុវត្តតាមគម្ពីរគួរអាន។

مَا صَلَّى النَّبِيُّ صَلَّى اللهُ عَلَيْهِ وَسَلَّمَ صَلاَةً بَعْدَ أَنْ نَزَلَتْ عَلَيْهِ: {إِذَا جَاءَ نَصْرُ اللَّهِ وَالفَتْحُ} [النصر: 1] إِلَّا يَقُولُ فِيهَا: «سُبْحَانَكَ رَبَّنَا وَبِحَمْدِكَ اللَّهُمَّ اغْفِرْ لِي». وعَنْها قَالَتْ: كَانَ رَسُولُ اللهِ صَلَّى اللهُ عَلَيْهِ وَسَلَّمَ يُكْثِرُ أَنْ يَقُولَ فِي رُكُوعِهِ وَسُجُودِهِ: «سُبْحَانَكَ اللهُمَّ رَبَّنَا وَبِحَمْدِكَ، اللهُمَّ اغْفِرْ لِي» يَتَأَوَّلُ الْقُرْآنَ.

រាយការណ៍ដោយ អាល់ពូខរី និងមូស្លីម
ហាទីស្ហសហេស
ពន្យល់

អ៊ុមមុលមុមីនីន អាអ៊ីស្ហះ رضي الله عنها បានប្រាប់ថា ជាការពិតណាស់ ណាពី ﷺ នៅពេលដែលបន្ទូលរបស់អល់ឡោះ៖ “إِذَا جَاءَ نَصْرُ اللَّهِ وَالفَتْحُ” (នៅពេលដែលជំនួយរបស់អល់ឡោះ និងជ័យជម្នះបានមកដល់) ត្រូវបានបញ្ចុះមក ណាពី ﷺ លោកបានបកស្រាយអត្ថន័យគម្ពីរគួរអាន និងរួសរាន់អនុវត្តតាមបទបញ្ជារបស់អល់ឡោះនៅក្នុងបន្ទូលរបស់ទ្រង់ថា៖ “فسبح بحمد ربك واستغفره}” (ហេតុនេះ ចូរអ្នកលើកតម្កើងដោយការសរសើរចំពោះព្រះជាម្ចាស់របស់អ្នក និងសុំការអភ័យទោសពីទ្រង់) ដោយលោកច្រើនសូត្រនៅក្នុងពេលរូកុ និងស៊ូជោតរបស់លោកក្នុងពេលសឡាតថា៖ سُبْحَانَكَ اللَّهُمَّ رَبَّنَا وَبِحَمدِكَ ، اللَّهُمَّ اغْفِرْ لِي " (ឱម្ចាស់របស់ពួកយើង! ទ្រង់ដ៏មហាបរិសុទ្ធ! រាល់ការសរសើរទាំងឡាយ គឺសម្រាប់ទ្រង់។ ឱអល់ឡោះជាម្ចាស់! សូមទ្រង់មេត្តាអភ័យទោសដល់ខ្ញុំផង) ពោលគឺ៖ ឱម្ចាស់របស់ពួកយើង! ទ្រង់ដ៏មហាបរិសុទ្ធ ស្អាតស្អំពីភាពខ្វះខាត និងពីអ្វីដែលមិនសក្តិសមសម្រាប់ទ្រង់! រាល់ការសរសើរទាំងឡាយ គឺសម្រាប់ទ្រង់ នោះគឺដោយការសរសើរតម្កើងចំពោះទ្រង់ ម្តងហើយម្តងទៀត ព្រោះតែភាពពេញលេញនៃអង្គ លក្ខណៈសម្បត្តិ រួមនឹងទង្វើរបស់ទ្រង់។ ឱអល់ឡោះជាម្ចាស់! សូមទ្រង់មេត្តាអភ័យទោសដល់ខ្ញុំ លុបលាងទោសកំហុសរបស់ខ្ញុំ និងអធ្យាស្រ័យចំពោះវាផង។

មេរៀនដែលទាញបានពីហាទីស្ហ

ស៊ូណិតបង្កើននូវការសូត្រទូអានេះឲ្យបានច្រើនក្នុងពេលរូកុនិងពេលស៊ូជោត។

ការសុំការអភ័យទោសពីអល់ឡោះនៅចុងបញ្ចប់នៃជីវិត គឺជាការរំលឹកឱ្យបញ្ចប់ការគោរពសក្ការៈ(ជាពិសេស សឡាត)ដោយការសុំការអភ័យទោសពីអល់ឡោះ ដើម្បីកែតម្រូវនូវកំហុសឆ្គងដែលកើតមាននៅក្នុងការគោរពសក្ការៈនោះ។

ប្រការដែលល្អបំផុតក្នុងការប្រើនៅក្នុងការបួងសួងសុំទៅចំពោះអល់ឡោះ ដើម្បីទទួលបានការឆ្លើយតបចំពោះការបួងសួងសុំ គឺការកោតសរសើរដល់អល់ឡោះ លើកតម្កើងទ្រង់ និងបញ្ជាក់ពីភាពបរិសុទ្ធ ជ្រះស្អាតរបស់ទ្រង់ពីភាពខ្វះខាត និងចំណុចមិនល្អទាំងឡាយ។

បញ្ជាក់ពីគុណតម្លៃនៃការសុំការអភ័យទោស និងទាមទារឲ្យធ្វើវាក្នុងគ្រប់ស្ថានភាព។

បញ្ជាក់ពីភាពពេញលេញនៃភាពជាខ្ញុំបម្រើរបស់ណាពី ﷺ និងការគោរពតាមនូវបទបញ្ជារបស់អល់ឡោះជាម្ចាស់។

ឯកសារយោង

សហេស អាល់ពូខរី (6/ 178) (4968.

4967).

សហេស មូស្លីម (1/ 350-351) (484).

បន្ថែមទៀត (10)

تيسير العلام.

للبسام (ص214).

تنبيه الأفهام.

للعثيمين (2/ 278).

الإفهام في شرح عمدة الأحكام.

لابن باز (ص263).

الإلمام بشرح عمدة الأحكام.

لإسماعيل الأنصاري (1/ 176).

خلاصة الكلام.

فيصل المبارك (ص97).

16 សៀវភៅ
បន្ថែមទៀត (16)
កាតទាំងអស់