“អល់ឡោះជាម្ចាស់ពិតជាមានក្តីមេត្តាករុណាចំពោះខ្ញុំបម្រើទាំងឡាយរបស់ទ្រង់ជាងស្ដ្រីម្នាក់នេះមានក្តីមេត្តាករុណាចំពោះកូនរបស់នាងទៅទៀត”។
អំពី អ៊ូមើរ ពិន អាល់ខត្ដប رضي الله عنه ថា៖
គេបាននាំឈ្លើយសឹកមកជួបនឹងណាពី ﷺ ហើយក្នុងចំណោមឈ្លើយសឹកទាំងនោះ មានស្ដ្រីម្នាក់បានដើរយ៉ាងលឿនស្វែងរកកូនដើម្បីបំបៅដោះ។ នៅពេលដែលនាងឃើញកូនរបស់នាងនៅក្នុងចំណោមឈ្លើយសឹក នាងបានស្ទុះទៅបីកូននោះដាក់ផ្អឹបដើមទ្រូង និងបំបៅកូនរបស់ខ្លួន។ ពេលនោះ ណាពី ﷺ លោកបានមានប្រសាសន៍មកកាន់ពួកយើងថា៖ “តើពួកអ្នកយល់ថា ស្ដ្រីម្នាក់នេះនឹងបោះកូនរបស់ខ្លួនទៅក្នុងភ្លើងដែរឬទេ”? ពួកយើងបានឆ្លើយថា៖ ទេ នាងមិនអាចបោះគេបានឡើយ។ លោកក៏បានមានប្រសាសន៍ថា៖ “អល់ឡោះជាម្ចាស់ពិតជាមានក្តីមេត្តាករុណាចំពោះខ្ញុំបម្រើទាំងឡាយរបស់ទ្រង់ជាងស្ដ្រីម្នាក់នេះមានក្តីមេត្តាករុណាចំពោះកូនរបស់នាងទៅទៀត”។
قَدِمَ عَلَى النَّبِيِّ صَلَّى اللهُ عَلَيْهِ وَسَلَّمَ سَبْيٌ، فَإِذَا امْرَأَةٌ مِنَ السَّبْيِ قَدْ تَحْلُبُ ثَدْيَهَا تَسْقِي، إِذَا وَجَدَتْ صَبِيًّا فِي السَّبْيِ أَخَذَتْهُ، فَأَلْصَقَتْهُ بِبَطْنِهَا وَأَرْضَعَتْهُ، فَقَالَ لَنَا النَّبِيُّ صَلَّى اللهُ عَلَيْهِ وَسَلَّمَ: «أَتُرَوْنَ هَذِهِ طَارِحَةً وَلَدَهَا فِي النَّارِ؟» قُلْنَا: لاَ، وَهِيَ تَقْدِرُ عَلَى أَلَّا تَطْرَحَهُ، فَقَالَ: «لَلَّهُ أَرْحَمُ بِعِبَادِهِ مِنْ هَذِهِ بِوَلَدِهَا».
គេបាននាំមកកាន់ណាពី ﷺ នូវឈ្លើយសឹកពីកុលសម្ព័ន្ធ ហាវ៉ាហ្ស៊ិន ហើយក្នុងចំណោមឈ្លើយសឹកទាំងនោះ មានស្ដ្រីម្នាក់ដែលកំពុងស្វែងរកកូនរបស់ខ្លួន។ នៅពេលដែលនាងឃើញកូនរបស់នាង នាងក៏បានយកកូនរបស់នាង ហើយឲ្យកូននោះបៅ ព្រោះអាចបង្កគ្រោះថ្នាក់បណ្តាលមកពីការប្រមូលផ្តុំទឹកដោះគោនៅក្នុងសុដន់របស់នាង។ ដោយនាងបានឃើញកូនរបស់នាងនៅក្នុងចំណោមឈ្លើយសឹក នាងបានស្ទុះទៅបីកូននោះដាក់ផ្អឹបដើមទ្រូង និងឲ្យកូននោះបៅ។ ខណៈនោះ ណាពី ﷺ លោកបានមានប្រសាសន៍ទៅកាន់សហាហ្ពាត់របស់លោកថា៖ តើពួកអ្នកគិតថា ស្ដ្រីម្នាក់នេះនឹងបោះកូនរបស់ខ្លួនទៅក្នុងភ្លើងដែរឬទេ? ពួកយើងបានឆ្លើយថា៖ នាងនឹងមិនបោះកូនរបស់នាងជាដាច់ខាត។ ពេលនោះ លោកក៏បានមានប្រសាសន៍ថា៖ អល់ឡោះជាម្ចាស់ពិតជាមានក្តីមេត្តាករុណាចំពោះខ្ញុំបម្រើទាំងឡាយរបស់ទ្រង់ដែលជាអ្នកមូស្លីមជាងស្ដ្រីម្នាក់នេះមានក្តីមេត្តាករុណាចំពោះកូនរបស់នាងទៅទៀត។
បញ្ជាក់ពីក្តីមេត្តាដ៏ទូលំទូលាយរបស់អល់ឡោះជាម្ចាស់ចំពោះខ្ញុំបម្រើរបស់ទ្រង់ទាំងឡាយ។ ពិតណាស់ទ្រង់ចង់ឲ្យពួកគេបានល្អ ទទួលបាននូវឋានសួគ៌ និងរួចផុតពីឋាននរក។
ទាញយកផលប្រយោជន៍ពីហេតុការណ៍នានា និងផ្សារភ្ជាប់វាទៅនឹងការណែនាំ និងអប់រំជាក់ស្តែង។
គប្បីលើអ្នកមានជំនឿត្រូវគិតស្មានល្អចំពោះអល់ឡោះ និងមិនត្រូវអស់សង្ឃឹមនោះឡើយ ព្រមជាមួយនឹងត្រូវកោតខ្លាចអល់ឡោះ និងត្រូវមានជំហររឹងមាំលើសាសនា។ ជាការពិតណាស់ ទ្រង់មានក្តីមេត្តាករុណាដ៏ទូលំទូលាយបំផុត។
សហេស អាល់ពូខរី (8/ 8) (5999).
សហេស មូស្លីម (4/ 2109) (2754).
បន្ថែមទៀត (4)
نزهة المتقين شرح رياض الصالحين.
لمجموعة من الباحثين (1/ 380).
تطريز رياض الصالحين.
لفيصل آل مبارك (ص284).