“ខ្ញុំមិនបានបន្សល់ទុកនូវភាពវឹកវរណាមួយបន្ទាប់ពីខ្ញុំ(ស្លាប់)ដែលផ្តល់នូវគ្រោះថ្នាក់ដល់បុរសជាងស្ត្រីនោះឡើយ”។

ណាពី ﷺ លោកបានប្រាប់ថា ជាការពិតណាស់ លោកមិនបានបន្សល់ទុកនូវការសាកល្បងណាមួយបន្ទាប់ពីលោកស្លាប់ទៅដែលផ្តល់នូវគ្រោះថ្នាក់ដល់បុរសជាងស្ត្រីនោះឡើយ។ ប្រសិនបើនាងជាអ្នកនៅក្នុងគ្រួសារជាមួយគ្នា គឺវាអាចឲ្យគេតាមនាងលើការធ្វើខុសពីច្បាប់ឥស្លាម។ ហើយប្រសិនបើនាងជាអ្នកដទៃ ការសាកល្បង ឬភាពវឹកវរនោះ គឺតាមរយៈការនៅលាយឡំនឹងនាង ឬការនៅស្ងាត់តែពីរនាក់ជាមួយនាង ក៏ដូចជាប្រការអាក្រក់ផ្សេងទៀតដែលជាផលនៃទង្វើបែបនោះ។