“ការស្បថធ្វើឱ្យទំនិញលក់ដាច់ ប៉ុន្តែធ្វើឲ្យប្រាក់ចំណេញគ្មានពរជ័យ”។

គោរពដល់ការស្បថចំពោះអល់ឡោះ ហើយមិនគួរស្បថឡើយ លើកលែងក្នុងករណីចាំបាច់។

ប្រាក់ចំណូលដែលបានមកពីផ្លូវខុសច្បាប់ ទោះបីជាមានចំនួនច្រើនក៏ដោយ គឺគ្មានពរជ័យ និងគ្មានភាពល្អនៅក្នុងវាឡើយ។

អាល់ករី បាននិយាយថា៖ ការបាត់បង់ពរជ័យនៃប្រាក់ចំណូល អាចកើតឡើងតាមរយៈការខូចខាតទ្រព្យសម្បត្តិនោះ ឬក៏ចំណាយលើអ្វីដែលមិនផ្តល់ប្រយោជន៍ដល់ខ្លួននៅក្នុងលោកិយនេះ ឬផ្តល់ផលបុណ្យនៅថ្ងៃបរលោក ឬរក្សាទុកទ្រព្យសម្បត្តិនៅនឹងខ្លួន តែមិនអាចទាញយកប្រយោជន៍ពីវាបាន ឬត្រូវទទួលមរតកដោយអ្នកដែលមិនដឹងគុណចំពោះរូបគេ។

អ៊ីម៉ាំ អាន់ណាវ៉ាវី បាននិយាយថា៖ ហាទីស្ហនេះបញ្ជាក់ពីការហាមឃាត់រស្បថជាញឹកញាប់នៅក្នុងការលក់ដូរ ព្រោះការស្បថដោយគ្មានភាពចាំបាច់ គឺជាអំពើដែលមិនគួរធ្វើ(ម៉ាក្រុះ)។ លើសពីនេះ វាអាចនាំឱ្យមានការផ្សព្វផ្សាយទំនិញដោយមិនត្រឹមត្រូវ និងអាចធ្វើឱ្យអ្នកទិញត្រូវចាញ់បោកដោយសារការស្បថនោះ។