Encyclopedia of Prophetic Hadiths

Pwofèt la (lapè ak benediksyon Allah sou li) te di ke Allah (Toupwisan an) te di: "Nenpòt moun ki pran youn nan zanmim yo (Awliya) kòm lènmi, map deklare lagè kont li. E pa gen anyen sèvitèm nan ka fè poul pwoche bò kotem ki pi renmen mwen pase devwa (obligasyon) mwen te enpoze sou li yo. E sèvitèm nan ap toujou kontinye pwoche bò kotem avèk aksyon volontè (nawafil) jiskaskem renmen li. Lèm fin renmen li, mwen tounen zòrèy li ki sèvil pou li tande, zyel ki sèvil pou li wè, men li ki sèvi li pou li aji, ak pye li ki sèvi li pou li mache. Si li mande mwen yon bagay, map ba lil; e si li mandem pwoteksyon, map pwotejel. Pa gen anyen mwen ezite fè tankou janm ezite pran nanm yon kwayan: li rayi lanmò, e mwen menm mwen rayi fèl mal."

«Moun kap ede vèv ak malere se menm jan ak moun kap fè jefò nan chemen Allah, oswa menm jan ak moun ki pase nwit ap lapriyè epi ki fè jèn lajounen.»

Mesaje Allah a (ke lapè ak benediksyon Allah kouvri li) te di yon fanm pami Ansar yo - ke Ibn Abbas te site non li, men mwen bliye non an - : «Ki sa ki te anpechew fè hajj la ansanm ak nou?» Li reponn: «Nou te genyen sèlman 2 chamo pou bwote dlo; papa pitit li a ak pitit gason li an te sèvi ak yon chamo pou yo ale fè hajj la, epi li te kite lòt chamo a pou nou pou nou te ka bwote dlo.» Lè sa a, li di: «Lè mwa Ramadan an rive, fè Oumra, paske vrèman, yon Oumra ladan li vo yon Hajj.»

«Tout bagay ki ka soule moun se bwason ki gen alkòl, epi tout bagay ki ka soule moun entèdi. Epi moun ki bwè bwason ki gen alkòl nan lavi sa a, epi li mouri pandan li dejwe ladan li san li pa repanti, li pap bwè li nan Lòt Mond nan.»

"Mwen di: O Mesaje Allah, kisaw panse de bagay mwen te konn fè kòm adorasyon nan epòk inyorans lan , tankou bay lacharite (Sadaqa), oswa libere esklav, epi kenbe bon relasyon ak fanmi, èske gen rekonpans pou yo? Lè sa a, Pwofèt la (lapè ak benediksyon Allah sou li) di: «Ou aksepte Islam ansanm ak tout bon zèv ou te fè anvan yo.»"

Mwen te mande Pwofèt la (ke benediksyon ak lapè Allah sou li): "Ki peche ki pi grav nan zye Allah?" Li di: "Se pouw mete yon egal ak Allah [ asosye], alòske se Li menm ki kreye w." Mwen di: "Sevre, sa a grav anpil!" Mwen di: "Epi aprèsa, kiyès?" Li di: "Se pouw touye pitit ou ak anvi kache poul pa manje avèw [sètadi ak laperèz pou li pa vin konsome nan rasyon ou an]." Mwen di: "Epi aprèsa, kiyès?" Li di: "Se pouw fè adiltè ak madanm vwazen ou."

Zanj yo pa antre nan yon kay ki gen chen ladan li, ni imaj (foto).

Mwen te yon jenn gason anba swen Mesaje Allah a (se pou lapè ak benediksyon Allah avèk li), epi men mwen tap pwonmennen toupatou nan asyèt la, epi Mesaje Allah a (se pou lapè ak benediksyon Allah avèk li) te dim: «O jenn gason, site non Allah, epi manje ak men dwat ou, epi manje nan sa ki devan ou». Epi sa te rete fason mwen manje aprèsa.