Encyclopedia of Prophetic Hadiths

« Sètènman, pami pi gwo djihad yo se yon pawòl jistis devan yon dirijan ki enjis. »

Gen 6 kalite aksyon, epi gen 4 kalite moun. Gen 2 aksyon ki detèmine sò yon moun (obligatwa), gen aksyon ki peye menm ak menm, gen bon aksyon ki peye 10 fwa valè yo, epi gen bon aksyon ki peye 700 fwa valè yo. Konsènan 2 aksyon ki detèmine sò yon moun: Moun ki mouri san li pa janm asosye pèsonn ak Allah, lap antre nan Paradi; epi moun ki mouri pandan li tap asosye yon bagay ak Allah, lap antre nan Lanfè. Konsènan aksyon ki peye menm ak menm: Yon moun ki gen entansyon fè yon bon aksyon jiskaske kèl santil, epi Allah konnen entansyon sa a nan men li, yo ekri yon bon aksyon pou li. Yon moun ki fè yon move aksyon, yo ekri yon sèl move aksyon sou kont li. Yon moun ki fè yon bon aksyon, yo peyel 10 fwa valè aksyon sa a. Yon moun ki depanse byen li nan chemen Allah a, yo peye li yon bon aksyon ki egal ak 700 fwa valè li. Konsènan 4 kalite moun yo: 1- Moun ki jwenn anpil benediksyon nan mond sa a, men ki pral gen anpil restriksyon nan lòt mond lan. 2- Moun ki gen anpil restriksyon nan mond sa a, men ki pral jwenn anpil benediksyon nan lòt mond lan. 3- Moun ki gen restriksyon nan mond sa a epi ki pral gen restriksyon tou nan lòt mond nan. 4- Moun ki jwenn anpil benediksyon nan mond sa a epi ki pral jwenn anpil benediksyon tou nan lòt mond nan.

Moun ki te konn anseye nou yo pami konpanyon Pwofèt la (se pou lapè ak benediksyon Allah kouvri li) te rapòte nou ke yo te konn aprann 10 vèsè nan men Mesaje Allah la (se pou lapè ak benediksyon Allah kouvri li), epi yo pat konn pase nan 10 lòt vèsè jiskaske yo aprann sa ki nan yo kòm konesans ak pratik. Yo te di: Konsa, nou te aprann konesans lan ak pratik la.

Yon mesye te vin kot Pwofèt la (ke lapè ak Benediksyon Allah sou li), epi li te pale avèk li sou yon bagay, epi li di: "Sa Allah vle, epi sa ou vle." Epi Pwofèt la (ke lapè ak Benediksyon Allah sou li) te di: "Èske ou fèm tounen yon egal pou Allah? Di: Se sa Allah li menm sèl vle."

«Yon moun swiv relijyon zanmi pwòch li, kidonk se pou chak moun pami nou gade byen ki moun lap pran kòm zanmi.»

"«Pi gwo bagay mwen pè pou nou an se Chirk ki pi piti a» Yo te mande: E kisa ki Chirk ki pi piti a, o Mesaje Allah? Li di: «Riya, Allah Toupwisan an ap di yo nan Jou Rezirèksyon an lè moun yo ap jwenn rekonpans pou aksyon yo: Ale jwenn moun nou te konn ap fè wè pou yo nan lavi mond sa a, epi gade pou nou wè èske nap jwenn okenn rekonpans bò kote yo?»."

Yap di moun ki te fè Koran an konpayon li: "Resite epi monte nan degre (Paradi a); resite avèk swen jan ou te konn fèl nan mond sa a, paske plas ou (ran ou) se kote dènye vèsè wap resite a fini."

«Nenpòt moun ki manje yon manje epi li di: Lwanj pou Allah ki ban mwen manje sa a, epi ki ban mwen li kòm pwovizyon san okenn pouvwa ak fòs ki soti nan mwen, yap padonnen li peche li te fè anvan yo.»